ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ମଇ ୯(ଓଡ଼ିଶା ଡ଼ଟ୍ କମ୍) ବହୁଚର୍ଚ୍ଚିତ ଡ଼ାକ୍ତର ବ୍ରହ୍ମାନନ୍ଦ ପଣ୍ଡା ହତ୍ୟା ମାମଲାର ରାୟ ବୁଧବାର ପ୍ରକାଶ ପାଇଥିବା ବେଳେ କୋର୍ଟ ଅଭିଯୁକ୍ତକୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।
ଭୁବନେଶ୍ୱର ଫାଷ୍ଟ ଟ୍ରାକ୍ କୋର୍ଟ-୩ ବିଚାରପତି ୨୫ ଜଣ ସାକ୍ଷୀଙ୍କ ବୟାନକୁ ଭିତ୍ତି କରି ପଣ୍ଡାଙ୍କ ନର୍ସିଂହୋମ୍ ରେ ପୂର୍ବତନ ଝାଡ଼ୁଦାର ହରି ଓରଫ୍ ହରେନ୍ଦ୍ର ନାୟକଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି ।
ଭୁବନେଶ୍ୱର ସ୍ଥିତ ପଣ୍ଡା ନର୍ସିଂ ହୋମ୍ ମାଲିକ ତଥା ସୁପ୍ରସିଦ୍ଧ ଡ଼ାକ୍ତର ପଣ୍ଡାଙ୍କୁ ଗତ ୨୦୧୦ ଜୁଲାଇ ୨୭ରେ ତାଙ୍କ ବାସଭବନରେ ଅତି ନିର୍ମମ ଭାବେ ହତ୍ୟା କରାଯାଇଥିଲା ।
ନର୍ସିଂହୋମ୍ ରେ ହରି କାମ କରୁଥିବା ବେଳେ କୌଣସି କାରଣରୁ ତାକୁ ସେଠାରୁ ବାହାର କରାଯାଇଥିଲା । ଏଥିରେ ପ୍ରତିଶୋଧ ପରାୟଣ ହୋଇ ସେ ପଣ୍ଡାଙ୍କୁ ହତ୍ୟା କରିଥିବା ପୋଲିସ ତଦନ୍ତରୁ ଜାଣିଥିଲା ।
ଓଡ଼ିଶା ଡ଼ଟ୍ କମ୍
