ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା
ଜଗତସିଂହପୁର, ମଇ ୧୮(ଓଡ଼ିଶା ଡ଼ଟ୍ କମ୍) ପୋସ୍କୋ କୋଷ୍ଟାଲ ରୋଡ଼ ଗଣ୍ଡଗୋଳ ମାମଲାରେ ଗିରଫ ହୋଇ ଦୀର୍ଘ ଛଅ ମାସ ଜେଲରେ ରହିବା ପରେ ପୂର୍ବତନ ବିଧାୟକ ତଥା ସିପିଆଇ ନେତା ନାରାୟଣ ରେଡ୍ଡୀ ଶୁକ୍ରବାର ଖଲାସ ହୋଇଛନ୍ତି ।
ଗତ ବୁଧବାର ହାଇକୋର୍ଟ ରେ ତାଙ୍କର ଜାମିନ ମଞ୍ଜୁର କରିବା ସହ କୁଜଙ୍ଗ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ଆଲତରେ ହାଜର ହୋଇ ଜାମିନରେ ଯିବାକୁ ନିର୍ଦ୍ଦେଶ ଦେଇଥିଲେ ।
ନିର୍ଦ୍ଦେଶ ଅନୁଯାୟୀ ରେଡ୍ଡୀଙ୍କ ଓକିଲ ଆଜି ଅଦାଲତରେ ହାଇକୋର୍ଟଙ୍କ ନିର୍ଦ୍ଦେଶନାମା ଦେଖାଇବା ପରେ କୋର୍ଟ ତାଙ୍କୁ ଜାମିନରେ ଯିବାକୁ ଅନୁମତି ଦେଇଥିଲେ ।
ଗତ ୧୪ ଡ଼ିସେମ୍ବରରେ କୋଷ୍ଟାଲ ରୋଡ଼କୁ ନେଇ ହୋଇଥିବା ଗଣ୍ଡଗୋଳରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟଣାରେ ସେହିମାସ ୨୪ରେ ରେଡ୍ଡିଙ୍କୁ କୁଜଙ୍ଗ ପୋଲିସ ଗିରଫ କରିଥିଲା ଏବଂ ସେ କୁଜଙ୍ଗ
ସବ୍ଜେଲରେ ଥିଲେ ।
“”ଏହି ଘଟଣାରେ ସଂପୃକ୍ତ ନଥିବା ସତ୍ୱେ ପୋଲିସ ମତେ ଗିରଫ କରିଥିଲା । ପ୍ରସ୍ତାବିତ ଅଞ୍ଚଳରୁ
ପୋସ୍କୋ ସ୍ଥାନାନ୍ତର ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ””ଜେଲରୁ ମୁକ୍ତ ପରେ ସେ ଗଣମାଧ୍ୟମକୁ କହିଛନ୍ତି ।
ଓଡ଼ିଶା ଡ଼ଟ୍ କମ୍
