ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ
ବରଗଡ଼, ମଇ ୨୧(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲାରେ ବିଦ୍ୟୁତ ଟ୍ରାନ୍ସଫର୍ମର ଫାଟି ଗୋଟିଏ ପରିବାରର ଚାରି ଜଣଙ୍କ ମୃତ୍ୟୁ ହୋଇଥିବା ପୋଲିସ ସୋମବାର କହିଛି ।
ଅତାବିରା ଅନ୍ତର୍ଗତ କୁଲେମସିହାଁ ଗ୍ରାମରେ ଥିବା ଟ୍ରାନ୍ସଫର୍ମରଟି ରବିବାର ବିଳମ୍ବିତ ରାତିରେ ହଠାତ୍ ଫାଟି ଯାଇଥିଲା ଏବଂ ନିକଟରେ ଥିବା ଏକ ଘରକୁ ବିଦ୍ୟୁତ ପ୍ରବାହିତ ହୋଇଥିଲା ।
ମୃତକମାନେ ସମସ୍ତେ ଘର ଭିତରେ ଶୋଇଥିବା ବେଳେ ଟ୍ରାନ୍ସଫର୍ମର ଫାଟିବା ଜାଣି ବାହାରକୁ ଆସିବାକୁ ଚେଷ୍ଟା କରିଥିଲେ କିନ୍ତୁ ଘରର ଲୁହା କବାଟରେ ବିଦ୍ୟୁତ ପ୍ରବାହିତ ହେଉଥିବାରୁ ଜଣକ ପରେ ଜଣେ ଚାରି ଜଣ ଜୀବନ୍ତ ଦଗ୍ଧ ହୋଇଯାଇଥିଲେ ।
ମୃତକଙ୍କ ମଧ୍ୟରେ ଜଣେ ମହିଳା ଓ ତିନି ଜଣ ଶିଶୁ ଅଛନ୍ତି । ସେମାନଙ୍କୁ ବଞ୍ଚାଇବାକୁ ଯାଇ ବିଦ୍ୟୁତ ଆଘାତରେ ଅନ୍ୟ ପାଞ୍ଚ ଜଣ ମଧ୍ୟ ଗୁରୁତର ଆହତ ହୋଇଛନ୍ତି । ଆହତ ମାନଙ୍କୁ ବୁର୍ଲା ଡ଼ାକ୍ତରଖାନାରେ ଭର୍ତି କରାଯାଇଛି ।
ଓଡ଼ିଶା ଡ଼ଟ୍ କମ୍
