ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ବ୍ରହ୍ମପୁର, ମଇ ୨୬(ଓଡ଼ିଶା ଡ଼ଟ୍ କମ୍) ମୁଖ୍ୟମନ୍ତ୍ରୀଙ୍କ ନିର୍ବାଚନମଣ୍ଡଳୀ ଗଞ୍ଜାମ ଜିଲ୍ଲା ହିଂଜିଳିକାଟୁ ଅଂଚଳର ଜଣେ ବ୍ୟକ୍ତି ଶନିବାର ଜିଲ୍ଲାପାଳଙ୍କ ଅଭିଯୋଗ ପ୍ରକୋଷ୍ଠ ସମ୍ମୁଖରେ ଦେହରେ ନିଆଁ ଲଗାଇ ଆତ୍ମହୁତି ଉଦ୍ୟମ କରିଛନ୍ତି ।
ହିଂଜିଳିକାଟୁ ନିର୍ବାଚନମଣ୍ଡଳୀ ବେଲଗାଁର ୪୫ ବର୍ଷ ବୟସ୍କ ସୁରେଶ ସାହୁ ଦେହରେ ପେଟ୍ରୋଲ ଢାଳି ନିଅାଁ ଲଗାଇ ଆତ୍ମହୁତି ଉଦ୍ୟମ କରିବା ପରେ ପୋଲିସ ତାଙ୍କୁ ଗିରଫ କରିଥିବା ଜଣେ ଅଧିକାରୀ କହିଛନ୍ତି ।
ଗିରଫ ପରେ ତାଙ୍କୁ କୋର୍ଟ ଚାଲାଣ କରାଯାଇଛି । ରାୟଗଡ଼ା ଜିଲ୍ଲା କାଶୀନଗର ତହସିଲ ଅନ୍ତର୍ଗତ ଟିକିରି ଗ୍ରାମରେ ତାଙ୍କର ଜମି ଗଣ୍ଡଗୋଳ ସମାଧାନରେ ବିଳମ୍ବ ହେବାରୁ ସେ ହତାଶ ହୋଇ ଆତ୍ମାହୁତି ପାଇଁ ଉଦ୍ୟମ କରିଥିଲେ ବୋଲି ସେ କହିଛନ୍ତି ।
ତେବେ ସଂପୃକ୍ତ ବ୍ୟକ୍ତିଙ୍କ ମାମଲା ରାୟଗଡ଼ା ଜିଲ୍ଲାର ହୋଇଥିବାରୁ ମାମଲାକୁ ସେଠାକାର ତହସିଲାରଙ୍କ ନିକଟକୁ ପଠାଇ ଦିଆଯିବ ବୋଲି ଜିଲ୍ଲାପାଳ କହିଛନ୍ତି ।
ଓଡ଼ିଶା ଡ଼ଟ୍ କମ୍
