ଓଡ଼ିଶା ଡ଼ଟ୍ କମ୍ ସମ୍ବାଦଦାତା ଟପ୍ପର ତାଲିକା ବିଜ୍ଞାନ କଳା ବାଣିଜ୍ୟ
ଭୁବନେଶ୍ୱର, ମଇ ୩୦(ଓଡ଼ିଶା ଡ଼ଟ୍ କମ୍) ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ୱାରା ପରିଚାଳିତ ଯୁକ୍ତ ଦୁଇ କଳା, ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ବୁଧବାର ପ୍ରକାଶ ପାଇଥିବା ବେଳେ ବିଜେବି ଜୁନିୟର କଲେଜ ଛାତ୍ରୀ ସୌମ୍ୟା ସନ୍ଦିପ ୫୬୦ ନମ୍ବର ରଖି ଟପ୍ପର ହୋଇଛନ୍ତି ।
ସେହିପରି କଳାରେ ରେଭେନ୍ସା ଜୁନିୟର କଲେଜ ଛାତ୍ରୀ ବେସ୍ମିତା ଷଡ଼ଙ୍ଗୀ ୫୨୧ ନମ୍ବର ରଖି ଟପ୍ପର ହୋଇଥିବା ବେଳେ ବାଣିଜ୍ୟରେ କଟକ କେବିଆର୍ କଲେଜ ଛାତ୍ର ପ୍ରିୟବ୍ରତ ବାରିକ ୫୬୨ ନମ୍ବର ରଖି ଟପ୍ପର ହୋଇଛନ୍ତି ।
ବିଜ୍ଞାନରେ ମୋଟ୍ ୭୨.୫୩ ପ୍ରତିଶତ ଛାତ୍ର ଛାତ୍ରୀ ପାସ୍ କରିଥିବା ବେଳେ କଳାରେ ୭୦.୬୩ ପ୍ରତିଶତ ଏବଂ ବାଣିଜ୍ୟରେ ୬୭.୦୩ ପ୍ରତିଶତ ଛାତ୍ରଛାତ୍ରୀ ପାସ୍ କରିଛନ୍ତି ।
ବିଜ୍ଞାନରେ ସର୍ବାଧିକ ୧୭ ହଜାର ୧୯୬ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଥିବା ବେଳେ କଳାରେ ୧୨ ହଜାର ୩୮୧ ଜଣ ଏବଂ ବାଣିଜ୍ୟରେ ୪ ହଜାର ୬୩୬ ଜଣ ପ୍ରଥମ ଶ୍ରେଣୀରେ ଉତ୍ତୀର୍ଣ୍ଣ ହୋଇଛନ୍ତି ।
ଚଳିତ ବର୍ଷ ୨ ଲକ୍ଷ ୭୦ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।
ଓଡ଼ିଶା ଡ଼ଟ୍ କମ୍
