ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁନ୍ ୧୭(ଓଡ଼ିଶା ଡ଼ଟ୍ କମ୍) ଯୁକ୍ତରାଷ୍ଟ୍ର ଆମେରିକାର ଜର୍ଜିଆରେ ହେବାକୁ ଥିବା ସିନେଟ୍ ନିର୍ବାଚନରେ ଜଣେ ଓଡ଼ିଆ ବ୍ୟକ୍ତି ପ୍ରତି୍ୱନ୍ଦତା କରିବାକୁ ଯାଉଛନ୍ତି ।
ଭଦ୍ରକ ଜିଲ୍ଲା ଚାନ୍ଦବାଲି ଅଂଚଳର ସ୍ଥାୟୀ ବାସିନ୍ଦା ୪୫ ବର୍ଷ ବୟସ୍କ ବିକ୍ରମ କେଶରୀ ମହାନ୍ତି ପେଶାରେ ଜଣେ ଥେରାପିଷ୍ଟ । ରାଷ୍ଟ୍ରପତି ବାରାକ ଓବାମାଙ୍କ ଡ଼େମେକ୍ରେଟିକ୍ ପାର୍ଟି ପ୍ରାର୍ଥୀ ଭାବେ ନିର୍ବାଚନ ଲଢିବାକୁ ସେ ଯୋଗ୍ୟତା ହାସଲ କରିଛନ୍ତି ।
ତାଙ୍କ ନିର୍ବାଚନ ପ୍ରଚାରରେ ଶିକ୍ଷାକୁ ଏକ ପ୍ରମୁଖ ବିଷୟ ଭାବେ ଉତ୍ଥାପନ କରିଥିବା ସେ କହିଛନ୍ତି । ସେ ଇତି ମଧ୍ୟରେ ଆଠଟି ଜିଲ୍ଲାରେ ପ୍ରଚାର କରିସାରିଛନ୍ତି । ଏହି ଜିଲ୍ଲା ଗୁଡ଼ିକ ମଧ୍ୟରେ ରହିଛି ଭାଲୋସ୍ତା, କ୍ୱିତମାନ୍, ଷ୍ଟେଟେନ୍ଭିଲେ, ଲେକ୍ଲ୍ୟାଣ୍ଡ ଇତ୍ୟାି । ଏବଂ ଏହି ସ୍ଥାନ ଗୁଡ଼ିକରେ ସର୍ବସାଧାରଣ ଶିକ୍ଷା ବିଷୟ ସମେତ ବିଭିନ୍ନ ବିଷୟକୁ ସମର୍ଥନ ବୃଦ୍ଧିପାଇଛି ବୋଲି ସେ କହିଛନ୍ତି ।
“ବିଭିନ୍ନ ବିଷୟ ଉପରେ ଆଲୋକପାତ କରିବା ପାଇଁ ଉସôାହ ମିଳିଛି । ମୋର ଯୋଗ୍ୟତା ଏବଂ ପ୍ରତିଶୃତି କ୍ଷିଣ ଜର୍ଜିଆରେ ନିଯୁକ୍ତି ସୃଷ୍ଟି କରିବ ବୋଲି ବିଶ୍ୱାସ” ସେ କହିଛନ୍ତି ।
ଗତ ୧୭ ବର୍ଷ ହେଲା ସେ ପତ୍ନୀ, ଓ ତିନି ଶିଶୁଙ୍କ ସହ ଆମେରିକାର ଭାଲୋସ୍ତା ସହରରେ ବସବାସ କରିଆସୁଛନ୍ତି । ଭଦ୍ରକ କଲେଜରେ ସ୍ନାତକ ଶେଷ କରିବା ପରେ ସେ ୧୯୯୮ରେ କଲିକତା ସ୍ଥିତ ନ୍ୟାସନାଲ ଇନ୍ଷ୍ଟିଚୁ୍ୟଟ୍ ଅଫ୍ ଅର୍ଥୋପେଡ଼ିକ୍ରେ ଯୋଗେଇ ୧୯୯୪ରେ ଆମେରିକା ଯାଇଥିଲେ ।
ସେ ୧୯୯୫ରେ ଜର୍ଜିଆର ହ୍ୱାଇଟ୍ ହାଉସ୍ କନ୍ଫରେନ୍ସରେ ଅଂଶ ଗ୍ରହଣ କରିଥିଲେ । ସେ ନିର୍ବାଚନରେ ପ୍ରତି୍ୱନ୍ଦିତା କରୁଥିବା ଜାଣିବା ପରେ ପରିବାର ସସ୍ୟ ତଥା ସଂପର୍କୀୟମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
ଓବାମାଙ୍କ ରାଜନୈତିକ ଳ ପକ୍ଷରୁ ସେ ପ୍ରାର୍ଥୀ ହୋଇଥିବାରୁ ଏହା ଗର୍ବର ବିଷୟ ବୋଲି ବିକ୍ରମଙ୍କ ଭାଇ ବିଶ୍ୱକେଶରୀ ମହାନ୍ତି କହିଛନ୍ତି । ସେ ଡ଼େମୋକ୍ରେଟିକ୍ ପାର୍ଟିର ଆଶା ବୋଲି ଓବାମା କହିଥିବା ବିକ୍ରମ କହିଛନ୍ତି ।
ବିକ୍ରମ ନିଶ୍ଚୟ ନିର୍ବାଚନରେ ବିଜୟ ଲାଭ କରିବେ ଏବଂ ଜଣେ ସିନେଟର୍ ହୋଇ ରାଜ୍ୟକୁ ଗର୍ବିତ କରିବେ ବୋଲି ଓବାମା କହିଥିବା ସେ କହିଛନ୍ତି । ଆସନ୍ତା ଜୁଲାଇ ୩୧ ଓ ନଭେମ୍ବର ୬ରେ ନିର୍ବାଚନ ଅନୁଷ୍ଠିତ ହେବ ।
ଓଡ଼ିଶା ଡ଼ଟ୍ କମ୍
