ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁନ୍ ୨୫(ଓଡ଼ିଶା ଡ଼ଟ୍ କମ୍) କଟକସ୍ଥିତ ଆଚାର୍ଯ୍ୟ ହରିହର ଆଂଚଳିକ କର୍କଟ କେନ୍ଦ୍ର ସମେତ ରାଜ୍ୟରେ ଥିବା ତିନୋଟି ମେଡ଼ିକାଲ କଲେଜ ହସ୍ପିଟାଲରେ ରୋଗୀସେବା ଉନ୍ନତି ପାଇଁ ସୋମବାର ବୁଝାମଣା ପତ୍ର ସ୍ୱାକ୍ଷରିତ ହୋଇଛି ।
ଏଥିପାଇଁ ଏଚ୍ଏଲ୍ଏଲ୍ ଲାଇଫକେୟାର ସହିତ କର୍କଟ ଗବେଷଣା କେନ୍ଦ୍ର ବୁଝାମଣାପତ୍ର ସ୍ୱାକ୍ଷରିତ କରିଛି । ଲାଇଫକେୟାର ଏହି ଅନୁଷ୍ଠାନର ଆବଶ୍ୟକୀୟ ଭିତ୍ତିଭୂମିର ବିକାଶ କାର୍ଯ୍ୟ କରିବା ସହିତ ଅତ୍ୟାଧୁନିକ ଲିନିୟର ଆକ୍ସିଲେଟର,ସିମୁଲେଟର ଏବଂ ସ୍ପାଇରାଲ ସିଟି ମେସିନ ବସାଇବ ।
କର୍କଟ ଗବେଷଣା କେନ୍ଦ୍ରର ନିଦେ୍ର୍ଦଶକ ଏବଂ ଲାଇଫକେୟାରର ବରିଷ୍ଠ ପାଧିକାରୀ ଏହି ବୁଝାମଣାପତ୍ରରେ ସ୍ୱାକ୍ଷର କରିଛନ୍ତି । ଗବେଷଣା କେନ୍ଦ୍ରରେ କ୍ରମଶଃ ରୋଗୀ ସଂଖ୍ୟା ବୃଦ୍ଧି ପାଉଥିବାରୁ ଏହାକୁ ୃଷ୍ଟିରେ ରଖି ଏହାର ଭିତ୍ତି ଭୂମିର ବିକାଶ ଏବଂ ଉନ୍ନତମାନର ଚିକିତ୍ସା ବ୍ୟବସ୍ଥା ପାଇଁ ଅତ୍ୟାଧୁନିତ ଯନ୍ତ୍ରପାତି ପାଇଁ ଏହି ପକ୍ଷେପ ନିଆଯାଇଛି ।
ସେହିପରି ଏହି ସଂସ୍ଥା ବ୍ରହ୍ମପୁର ଏମ୍କେସିଜି ଏବଂ ବୁର୍ଲା ଭିଏସ୍ଏସ୍ ମେଡିକାଲ କଲେଜ ଓ ହସପିଟାଲରେ ଘରୋଇ ସରକାରୀ ଭାଗିାରୀରେ ଏମ୍ଆର୍ଆଇ ସ୍କାନ ମେସିନ ବସାଇବ । ସେଥିପାଇଁ ମେଡିକାଲ କଲେଜ କର୍ତୃପକ୍ଷ ଆବଶ୍ୟକ ସ୍ଥାନ ଯୋଗାଇ ଦେବେ ।
ବୁଝାମଣା ଅନୁଯାୟୀ ଭାରତ ସରକାରଙ୍କର ଏହି ସଂସ୍ଥା୧୫ ମାସ ମଧ୍ୟରେ ତାର କାର୍ଯ୍ୟ ସମ୍ପୂର୍ଣ୍ଣ କରିବ । ସେହିପରି ଏମ୍ଆର୍ଆଇ ସ୍କାନିଂ ବ୍ୟବସ୍ଥା ପାଇଁ ୬ କୋଟି ଟଙ୍କା ଲେଖାଁଏ ବ୍ୟୟ କରିବ ବୋଲି ବିଭାଗୀୟ ସଚିବ କହିଛନ୍ତି ।
ଓଡ଼ିଶା ଡ଼ଟ୍ କମ୍
