ଦୁର୍ଗା ଜେନାଙ୍କ ଠାରୁ
କାୱାଶାକି, ଜୁଲାଇ ୧(ଓଡ଼ିଶା ଡ଼ଟ୍ କମ୍) ଓଡ଼ିଶା କମ୍ୟୁନିଟି ଜାପାନ ପକ୍ଷରୁ ଗତ ଜୁନ୍ ୨୪ରେ କାୱାଶାକି ଠାରେ ପବିତ୍ର ରଥଯାତ୍ରା ମହାସମାରୋହରେ ପାଳିତ ହୋଇଯାଇଛି ।
ଏହି ଅବସରରେ କାୱାଶାକିର ମେୟର ମୁଖ୍ୟ ଅତିଥି ଭାବେ ଯୋଗ ଦେଇ ରଥରେ ଛେରା ପହଁରା କରିଥିବା ବେଳେ ବିଭିନ୍ନ ଦେଶର ନାଗରିକମାନେ ମହାଉଦ୍ଧିପନା ସହ କୀର୍ତନ, ଶଙ୍ଖ, ଘଣ୍ଟ, ହୁଳହୁଳି ମଧ୍ୟରେ ରଥ ଟାଣିଥିଲେ ।
ରଥଟଣା ପରେ ଏକ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମର ଆୟୋଜନ କରାଯାଇଥିଲା ଏବଂ ଏଥିରେ ବିଭିନ୍ନ ଦେଶର କଳାକାରମାନେ ସେମାନଙ୍କ କଳା ପ୍ରଦର୍ଶନ କରିଥିଲେ ।
ସାଂସ୍କୃତିକ କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ଜାପାନ ମହିଳା ମାନଙ୍କ ଓଡ଼ିଶୀ ନୃତ୍ୟ ଏବଂ ସ୍ଥାନୀୟ ଛାତ୍ର ମାନଙ୍କ ପାରମ୍ପାରିକ ବାଦ୍ୟ ପ୍ରଦର୍ଶନ, କଥକ ନୃତ୍ୟ । ଏହାସହ ଓଡ଼ିଆ ପିଲା ମାନଙ୍କ କାର୍ଯ୍ୟକ୍ରମ ସମାରୋହକୁ ଅଧିକ ରଙ୍ଗିନ କରିଥିଲା ।
ଓଡ଼ିଶା ଡ଼ଟ୍ କମ୍
