ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁଲାଇ ୧୨(ଓଡ଼ିଶା ଡ଼ଟ୍ କମ୍) ଆସନ୍ତା ୧୭ ତାରିଖରୁ ରାଜ୍ୟରେ ଓଡ଼ିଶା ଯୁଗ୍ମ ପ୍ରବେଶିକା ପରୀକ୍ଷାର ମେଡ଼ିକାଲ କାଉନ୍ସେଲିଂ ଆରମ୍ଭ ହେବାକୁ ଥିବା ବେଳେ ଏହିଦିନ ଠାରୁ ଅନ୍ ଲାଇନ୍ ରେଜିଷ୍ଟ୍ରେସନ୍ କରାଯିବ ।
ଛାତ୍ରଛାତ୍ରୀମାନେ ଅନ୍ଳାଇନ ମାଧ୍ୟମରେ ଚଏସ ଲକିଂ କରିପାରିବେ ଏବଂ ୧୯ରୁ ୨୨ ତାରିଖ ମଧ୍ୟରେ ନୋଡ଼ାଲ ସେଣ୍ଟର ଗୁଡ଼ିକରେ ଡ଼କ୍ୟୁମେଣ୍ଟ ଯାଞ୍ଚ କରାଯିବ ।
ବିଜେବି କଲେଜ, ସିପେଟ୍, ଆଇଆଇଆଇଟି ଓ ସିଇଟିକୁ ସେଣ୍ଟର ଭାବେ ଚୟନ କରାଯାଇଥିବା ବେଳେ ୨୬ରେ ପ୍ରଥମ ପର୍ଯ୍ୟାୟ ସିଟ୍ ଆଲଟ୍ମେଂଟ ଏବଂ ଅଗଷ୍ଟ ୧ରେ ଦ୍ୱିତୀୟ ପର୍ଯ୍ୟାୟ ଆଲଟମେଣ୍ଟ ହେବ ।
ତିନୋଟି ସରକାରୀ ମେଡ଼ିକାଲ କଲେଜ ଓଦୁଇଟି ଘରୋଇ ମେଡ଼ିକାଲ କଲେଜ ଏହି କାଉଂସେଲିଂରେ ଭାଗ ନେଉଛନ୍ତି । ଚଳିତ ବର୍ଷ ମେଡ଼ିକାଲ ବିଭାଗରେ ୨ହଜାର ୮୫୨ ଜଣ ଛାତ୍ରଛାତ୍ରୀ ନାମ ଲେଖାଇବାକୁ ମନୋନୀତ ହୋଇଛନ୍ତି ।
ସମୁଦାୟ ସିଟ୍ ର ୮୫ ପ୍ରତିଶତ ଜେଇଇ କାଉନ୍ସେଲିଂରୁ ଏବଂ ୧୫ ପ୍ରତିଶତ ଏଆଇପିଏମ୍ଟିରୁ ପୂରଣ ହେବ ।
ଓଡ଼ିଶା ଡ଼ଟ୍ କମ୍
