ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜୁଲାଇ ୧୮(ଓଡ଼ିଶା ଡ଼ଟ୍ କମ୍) ସ୍ପେନର ମାର୍ବେଲା ଠାରେ ଅନୁଷ୍ଠିତ ଅନ୍ତର୍ଜାତୀୟ ବାଲୁକା କଳା ପ୍ରତିଯୋଗିତାରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ଦୁଇଟି ସ୍ୱର୍ଣ୍ଣ ପଦକ ହାସଲ କରିଛନ୍ତି ।
୯ରୁ ୧୭ ପର୍ଯ୍ୟନ୍ତ ହୋଇଥିବା ଏହି ପ୍ରତିଯୋଗିତାରେ ସୁଦର୍ଶନ କେବଳ ଭାରତରୁ ପ୍ରତିନିଧିତ୍ୱ କରିଥିଲେ । ପଟ୍ଟନାୟକ ୩.୫ ଫୁଟ୍ ଉଚ୍ଚର ଏକ ଡ଼ଙ୍ଗାରେ ଗଣେଶ “”ସେଭ୍ ଆୱାର ସି ଲାଇଫ-ସେଭ୍ ଆୱାର ଆର୍ଥ ଫ୍ରମ୍ ଗ୍ଲୋବାଲ ୱାର୍ମିଂ” ବାର୍ତା ପ୍ରଚାର କରୁଥିବା କଳାକୃତି କରିଥିଲେ ।
ସିକ୍ରେଟ ଅଫିସ ଏହି ପ୍ରତିଯୋଗିତାର ବିଷୟବସ୍ତୁ ରଖାଯାଇଥିଲା । ଏହି କଳାକୃତିରେ ସେ ଏକ ହଜାର ଟନ୍ ବାଲି ବ୍ୟବହାର କରିଥିବା ବେଳେ “ପିପୁଲ ଚଏସ” ଏବଂ “ବେଷ୍ଟ ପଜିଟିଭ” ବର୍ଗରେ ତାଙ୍କୁ ଏହି ସ୍ୱର୍ଣ୍ଣ ପଦକ ମିଳିଛି ।
ଭାରତକୁ ଦୁଇଟି ପୁରସ୍କାର ମିଳିଥିବା ଘୋଷଣା ହେବା ପରେ ମୁଁ ବହୁତ ଖୁସି ହୋଇଥିଲି । କଳାକୃତିରେ ମୁଁ ସବୁବେଳେ କିଛି ବାର୍ତା ଦେବାକୁ ଚେଷ୍ଟା କରିଥାଏ ବୋଲି ସୁଦର୍ଶନ କହିଛନ୍ତି ।
ଏହି ପ୍ରତିଯୋଗିତାରେ ଭାରତ ସମେତ ସ୍ପେନ, ଇଟାଲୀ, ଆୟରଲ୍ୟାଣ୍ଡ, ଜର୍ମାନୀ, ୟୁକ୍ରେନ୍, ଋଷିଆ, ପୋଲାଣ୍ଡ ଏବଂ ହଲାଣ୍ଡର ପ୍ରତିଯୋଗିମାନେ ଅଂଶ ଗ୍ରହଣ କରିଥିଲେ ।
ରିଏଲିଷ୍ଟିକ୍, କ୍ରିଏଟିଭ, ଫେନ୍ଟାଷ୍ଟିକ,ପଜିଟିଭ ଏବଂ ପିପୁଲସ୍ ଚଏସ ଭଳି ପାଞ୍ଚଟି ବିଭାଗରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ବିଶ୍ୱର ବିଭିନ୍ନ ସ୍ଥାନରେ ପ୍ରାୟ ୫୦ରୁ ଉର୍ଦ୍ଧ୍ଵ ଚାମ୍ପିୟନସିପରେ ଅଂଶଗ୍ରହଣ କରି ସୁଦର୍ଶନ ଦେଶ ପାଇଁ ଅନେକ ପୁରସ୍କାର ଆଣିଦେଇଛନ୍ତି ।
ଓଡ଼ିଶା ଡ଼ଟ୍ କମ୍
