ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ପୁରୀ, ଜୁଲାଇ ୨୨(ଓଡ଼ିଶା ଡ଼ଟ୍ କମ୍) ଭାରତର ରାଷ୍ଟ୍ରପତି ନିର୍ବାଚନ ଫଳାଫଳ ରବିବାର ଘୋଷଣା ହୋଇଥିବା ବେଳେ ନବନିର୍ବାଚିତ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କୁ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ଶୁଭେଚ୍ଛା ଜଣାଇଛନ୍ତି ।
ଏହି ଅବସରରେ ସୁଦର୍ଶନ ରବିବାର ପୁରୀ ବେଳାଭୂମିରେ ପ୍ରଣବ ଏବଂ ରାଷ୍ଟ୍ରପତିଭବନର ଏକ ପାଞ୍ଚ ଫୁଟ ଉଚ୍ଚତା ବିଶିଷ୍ଟ କଳାକୃତି କରିଛନ୍ତି । ବେଳାଭୂମିରେ ବହୁଲୋକ ଏହି କଳାକୃତିକୁ ଦେଖିବା ସହ ନୂଆ ରାଷ୍ଟ୍ରପତିଙ୍କୁ ଶୁଭେଚ୍ଛା ଜଣାଇଛନ୍ତି ।
ଏହି କଳାକୃତି କରିବା ପାଇଁ ତାଙ୍କୁ ଚାରି ଘଣ୍ଟା ସମୟ ଲାଗିଥିବା ବେଳେ ଏଥିରେ ପ୍ରାୟ ତିନି ଟନ୍ ବାଲି ବ୍ୟବହାର କରିଥିବା ସେ କହିଛନ୍ତି ।
ବାଲୁକା କଳା ମାଧ୍ୟମରେ ମୁଁ ନବ ନିର୍ବାଚିତ ରାଷ୍ଟ୍ରପତିଙ୍କୁ ଶୁଭେଚ୍ଛା ଜଣାଇଛି ବୋଲି ସୁଦର୍ଶନ କହିଛନ୍ତି ।
ପ୍ରଣବ ଆସନ୍ତା ୨୫ ତାରିଖରେ ଦେଶର ୧୩ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ ।
ଓଡ଼ିଶା ଡ଼ଟ୍ କମ୍
