ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁଲାଇ ୨୪(ଓଡ଼ିଶା ଡ଼ଟ୍ କମ୍) ପୋଲାଭରମ ପ୍ରକଳ୍ପ ନିର୍ମାଣ ପାଇଁ ଆନ୍ଧ୍ର ପ୍ରଦେଶ ସରକାରଙ୍କ ଟେଣ୍ଡର ଆହ୍ୱାନ ପ୍ରକ୍ରିୟାକୁ ବିରୋଧ କରି ମଙ୍ଗଳବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁଣି ପ୍ରଧାନମନ୍ତ୍ରୀଙ୍କୁ ପତ୍ର ଲେଖିଛନ୍ତି ।
ଏହି ପ୍ରକଳ୍ପ ବିରୋଧରେ ସୁପ୍ରିମକୋର୍ଟରେ ମାମଲା ଚାଲିଥିବାରୁ ଟେଣ୍ଡର ଆହ୍ୱାନ କାମ ବନ୍ଦ ରଖିବା ପାଇଁ ଆନ୍ଧ୍ର ପ୍ରଦେଶକୁ ନିର୍ଦ୍ଦେଶ ଦେବାକୁ ସେ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି ।
ମାମଲା ଚାଲିଥିବା ବେଳେ ଆନ୍ଧ୍ର ସରକାର ଏହାକୁ ବେଖାତିର କରି ପ୍ରକଳ୍ପ ପାଇଁ ଟେଣ୍ଡର ଆହ୍ୱାନ କରିଛନ୍ତି । ଏହି ପ୍ରକ୍ରିୟା ଏବେ ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ପୋଲାଭରମ ପ୍ରକଳ୍ପ ଗୋାବରୀ ଜଳ ବିବାଦ ଟ୍ରିବ୍ୟୁନାଲର ରାୟକୁ ଉଲଂଘନ କରୁଛି ବୋଲି ନବୀନ ପତ୍ରରେ ଉଲ୍ଲେଖ କରିଛନ୍ତି ।
ଏହି ପ୍ରକଳ୍ପର ପରିବେଶ ମଞ୍ଜୁରୀ ଓ ଆର ଆଣ୍ଡ ଆର ଅନୁମୋଦନ ବାତିଲ କରିବାକୁ ଓଡ଼ିଶା ସରକାର ସୁପ୍ରିମକୋର୍ଟରେ ୨୦୦୭ ଅକ୍ଟୋବର ମାସରେ ଆବେଦନ କରିଛନ୍ତି ।
୨୦୦୯ରେ ପ୍ରକଳ୍ପର ବୈଷୟିକ ଅନୁମୋଦନ ଓ ୨୦୧୦ରେ ଚୁଡାନ୍ତ ଜଙ୍ଗଲ ମଞ୍ଜୁରୀ ବାତିଲ କରିବା ସହ ଏହାକୁ ଜାତୀୟ ପ୍ରକଳ୍ପର ମାନ୍ୟତା ନଦେବାକୁ ସରକାର କୋର୍ଟକୁ ଅନୁରୋଧ କରିଛନ୍ତି ।
ଓଡ଼ିଶା ଡ଼ଟ୍ କମ୍
