ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଜୁଲାଇ ୨୬(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାରଙ୍କ ସହ ନୂତନ ଚୁକ୍ତି କରିବାକୁ ଜାତୀୟ ଗ୍ରାମୀଣ ସ୍ୱାସ୍ଥ୍ୟ ମିଶନ(ଏନ୍ଆର୍ଏଚ୍ଏମ୍) ଅଧିନରେ କାର୍ଯ୍ୟରତ ନର୍ସ ମାନଙ୍କୁ ଗୁରୁବାର ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
ଚୁକ୍ତି କରିବା ପରେ ଆନ୍ଦୋଳନ କରିଥିବା ଏହି ନର୍ସମାନେ କାର୍ଯ୍ୟରେ ଯୋଗ ଦେଇପାରିବେ ବୋଲି କୋର୍ଟ ଦର୍ଶାଇଛନ୍ତି । ଯେଉଁମାନେ ତୁରନ୍ତ କାର୍ଯ୍ୟରେ ଯୋଗ ଦେବେ ସେମାନଙ୍କର ଚୁକ୍ତି ବିଷୟରେ ପରେ ନିଷ୍ପତି ନିଆଯିବ ବୋଲି କୋର୍ଟ କହିଛନ୍ତି ।
ତେବେ ଗତ ଦଶଦିନ ଧରି ଆନ୍ଦୋଳନ ଚଳାଇଥିବା ଠିକା ନର୍ସ ମାନେ ଚୁକ୍ତି କରିବାକୁ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ମଧ୍ୟ କୁହାଯାଇଛି । ପୂର୍ବରୁ କୌଣସି ସୂଚନା ନେଇ ଏହି ନର୍ସମାନେ ନିଜ କାର୍ଯ୍ୟରେ ଅନୁପସ୍ଥିତ ରହିଥିବାରୁ ସେମାନଙ୍କୁ ପୁଣି ଚୁକ୍ତି କରିବାକୁ ପଡ଼ିବ ବୋଲି ବିଭାଗ ପକ୍ଷରୁ କୁହାଯାଇଛି ।
ବୁଧବାର ନର୍ସମାନେ ଆନ୍ଦୋଳନ ପ୍ରତ୍ୟାହାର କରି ଗୁରୁବାର କାର୍ଯ୍ୟରେ ଯୋଗ ଦେବାକୁ ଯାଇଥିବା ବେଳେ ଚୁକ୍ତି ନେଇ ଡ଼ାକ୍ତରଖାନା କର୍ତୃପକ୍ଷଙ୍କ ସହ ମୁହାଁମୁହିଁ ହୋଇଛନ୍ତି । ଏହାକୁ ନେଇ ଉତ୍ତେଜନା ପ୍ରକାଶ ପାଇଥିଲା ।
ଓଡ଼ିଶା ଡ଼ଟ୍ କମ୍
