ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଅଗଷ୍ଟ ୧(ଓଡ଼ିଶା ଡ଼ଟ୍ କମ୍) ବିଧାୟକ ପଦ ରଦ୍ଧ ମାମଲାରେ ବିଜେପି ବିଧାୟକ ଭୀମସେନ ଚୌଧୁରୀଙ୍କ ସଭ୍ୟପଦକୁ ବୁଧବାର ବାଚସ୍ପତି ପ୍ରଦୀପ ଅମାତ କାଏମ ରଖିଛନ୍ତି ।
ତେବେ ଏହି ସଭ୍ୟପଦ ରଦ୍ଧ ପାଇଁ ଦାବି କରିଥିବା ବିଜେପି ବିଧାୟକ କରେନ୍ଦ୍ର ମାଝିଙ୍କ ଆବେଦନ ଖାରଜ ହୋଇଯାଇଛି । ରାୟ ବିରୁଦ୍ଧରେ ସେ ହାଇକୋର୍ଟଙ୍କ ଦ୍ଵାରସ୍ଥ ହେବେ ବୋଲି କରେନ୍ଦ୍ର କହିଛନ୍ତି ।
୨୦୧୦ ରାଜ୍ୟସଭା ନିର୍ବାଚନରେ ଭୀମସେନ ଦଳୀୟ ହୁଇପ ଅମାନ୍ୟ କରି ଭୋଟ ଦାନରୁ ବିରତ ରହିଥିଲେ ବୋଲି ଦଳ ପକ୍ଷରୁ ଅଭିଯୋଗ କରାଯାଇଥିଲା । ଏ ସଂପର୍କରେ ବିଜେପି ବିଧାୟକ କରେନ୍ଦ୍ର ମାଝି ବାଚସ୍ପତିଙ୍କ ନିକଟରେ ଲିଖିତ ଅଭିଯୋଗ କରିବା ସହିତ ତାଙ୍କ ସଭ୍ୟପଦ ରଦ୍ଧ କରିବାକୁ ଦାବି କରିଥିଲେ ।
ତେବେ ବାଚସ୍ପତି ଏହି ଆବେଦନର ବିଚାର କରି ଭୀମସେନଙ୍କ ସଭ୍ୟପଦ କାଏମ ରଖିବା ସହିତ ବିଜେପିର ଆବେଦନକୁ ଖାରଜ କରି ଦେଇଥିଲେ । ବିଜେପି ପକ୍ଷରୁ ବାଚସ୍ପତିଙ୍କ ନିଷ୍ପତି ବିରୁଦ୍ଧରେ ଓଡ଼ିଶା ହାଇକୋର୍ଟରେ ଆବେନ କରାଯାଇଥିଲା ।
ହାଇକୋର୍ଟ ବାଚସ୍ପତିଙ୍କ ନିଷ୍ପତିକୁ ଖାରଜ କରି ଏ ସଂପର୍କରେ ପୁନଃ ଶୁଣାଣୀ କରିବାକୁ କହିଥିଲେ ।
ଓଡ଼ିଶା ଡ଼ଟ୍ କମ୍
