ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର, ଅଗଷ୍ଟ ୩(ଓଡ଼ିଶା ଡ଼ଟ୍ କମ୍) ଆସନ୍ତା ତିନିବର୍ଷରେ ରାଜ୍ୟରେ ଏକଲକ୍ଷ ନଳକୂପ ଜରିଆରେ ଜଳସେଚନ ସୁବିଧା ଯୋଗାଇ ଦେବାକୁ ରାଜ୍ୟ ସରକାର ନିଷ୍ପତି ଗ୍ରହଣ କରିଛନ୍ତି ।
ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଏହି ନିଷ୍ପତି ନିଆଯାଇଛି । ଏହାଦ୍ୱାରା ଖରିଫ୍ ଋତୁରେ ୧୦ ଲକ୍ଷ ହେକ୍ଟର ଏବଂ ରବି ଋତୁରେଦୁଇଲକ୍ଷ ହେକ୍ଟର ଜମିକୁ ଜଳସେଚନ ସୁବିଧା ମିଳିପାରିବ ।
ବର୍ତମାନ ସୁଦ୍ଧା ରାଜ୍ୟରେ ୧୩,୦୦୦ ନଳକୂପ ଚାଷ ଜମିରେ ଖୋଳାଯାଇଛି । ଏହାମଧ୍ୟରୁ ୨୫୧୪ରେ ବିଦ୍ୟୁତ୍ ସଂଯୋଗ
କରାଯାଇଥିବା ବେଳେ ଆଗାମୀ ଏକମାସ ମଧ୍ୟରେ ଆଉ ୫,୦୦୦ ପ୍ରକଳ୍ପରେ ବିଦ୍ୟୁତ୍ ସଂଯୋଗ କରାଯାଇ ରବିଚାଷ ପାଇଁ ପାଣି ଯୋଗାଇ ଦିଆଯାଇ ପାରିବ ବୋଲି ବୈଠକରେ କୁହାଯାଇଛି ।
ଏହି ଜଳସେଚନ ବ୍ୟବସ୍ଥା ଦ୍ୱାରାଚାଷୀମାନେ ବର୍ଷକୁ ତିନୋଟି ଫସଲ ଅମଳ କରିପାରିବେ ଏବଂ ବର୍ଷସାରା ପାଣି ପାଇପାରିବେ । ସୂଚନାଯୋଗ୍ୟ ଯେ ଗୋଟିଏ ନଳକୂପରୁ ହାରାହାରି ୧୦ ହେକ୍ଟରରୁ ଅଧିକ ଜମିକୁ ପାଣି ଯୋଗାଇ ଦିଆଯାଇପାରୁଛି । ଏତ୍ବ୍ୟତୀତ ରାଜ୍ୟର ବିଭିନ୍ନ ନଦୀରେ ବର୍ତମାନ ସୁଦ୍ଧା ଦୁଇ ହଜାର ଚେକ୍ ଡ୍ୟାମ୍ ନିର୍ମାଣ କରାଯାଇଛି ବୋଲି ବୈଠକରୁ ଜଣାପଡ଼ିଛି ।
ଓଡ଼ିଶା ଡ଼ଟ୍ କମ୍
