• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ

Odisha.com

Connecting Odias

  • ରାଜନୀତି
  • ଶିକ୍ଷା
  • ଓଡିଶା ଖବର
  • ଅର୍ଥ-ବ୍ୟବସାୟ
  • ମନୋରଞ୍ଜନ
  • ସାକ୍ଷାତକାର
  • ସଭା ସମିତି
  • ପରିବେଶ
  • ଅପରାଧ

ଟ୍ରେନ ରହଣୀ ଦାବି ନେଇ ବରଗଡ଼ରେ ୨୬ ଅଗଷ୍ଟରୁ ରେଳରୋକ

August 23, 2012 by admin Leave a Comment

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ଅଗଷ୍ଟ ୨୩ (ଓଡ଼ିଶା ଡ଼ଟ୍ କମ୍) -ବିଗତ ୨୦୧୧ରୁ ବରଗଡ଼ ରୋଡ଼ ରେଲଷ୍ଟେସନରେ ପୁରୀ ଗାନ୍ଧୀଧାମ ସାପ୍ତାହିକ ଏକ୍ସପ୍ରେସର ରହଣୀ ଦାବି ନେଇ ଆଗାମୀ ୨୬ ଅଗଷ୍ଟରୁ ଦାବି ହାସଲ ପର୍ଯ୍ୟନ୍ତ ପ୍ରତି ରବିବାରଦିନ ଏହି ଟ୍ରେନକୁ ବରଗଡ଼ ରୋଡ଼ ରେଲଷ୍ଟେସନ ଠାରେ ଅଟକା ଯିବ ବୋଲି ବରଗଡ଼ ରେଲୱେ ୟୁଜର୍ସ ସଂଘ ଘୋଷଣା କରିଛି ।

ପ୍ରକାଶ ଯୋଗ୍ୟ ଯେ ଏହି ଦାବି ନେଇ ଗତ ବର୍ଷରୁ ବିଭିନ୍ନ ସମୟରେ ରେଲରୋକୋ କରାଯିବା ସହ ପୁର୍ବତଟ ରେଲୱେ କର୍ତୁପକ୍ଷଙ୍କୁ ଦାବି ପତ୍ର ମଧ୍ୟ ଅର୍ପଣ କରାଯାଇଥିଲା ।ଯାହାର ଉତରରେ ରେଲ କର୍ତୁପକ୍ଷ ମଧ୍ୟ ଏହି ଦାବିର ଯଥାର୍ଥତା ଥିବା ଦର୍ଶାଇ ସହାନୁଭୂତିର ସହ ଏହାର ବିଚାର କରାଯିବାର ପ୍ରତିଶୃତି ଦେଇ ଆସୁଥିଲେ ।

ଏହା ସତ୍ୱେ ମଧ୍ୟ ବରଗଡ଼ରେ ଏହି ଟ୍ରେନର ରହଣି ନିଶ୍ଚିତ କରାଯାଇ ନଥିବାରୁ ବରଗଡ଼ ରେଲୱେ ୟୁଜର୍ସ ସଂଘ ଏହି ନିଷ୍ପତି ନେଇଥିବା ଜଣାପଡ଼ିଛି ।ଏଥି ସକାଶେ ଗତକାଳି ବରଗଡ଼ ଜିଲ୍ଳାପାଳ ଭାବଗ୍ରାହୀ ମିଶ୍ରଙ୍କ ଅଧ୍ୟକ୍ଷତାରେ ବରଗଡ଼ ରେଲୱେ ୟୁଜର୍ସ ଏସୋସିଏସନ ଓ ସମ୍ବଲପୁର ରେଲମଣ୍ଡଳ ଅଧିକାରୀଙ୍କ ମିଳିତ ବୈଠକ ଜିଲ୍ଳାପାଳଙ୍କ ପ୍ତରରେ ହୋଇଥିଲା ।

ଏଥିରେ ସମ୍ବଲପୁର ରେଲ ମଣ୍ଡଳର ନିଭିଜନାଳ କମର୍ସିଆଲ ମ୍ୟାନେଜର ଲିଙ୍ଗରାଜ ନନ୍ଦ,କମର୍ସିଆଲ ମ୍ୟାନେଜର ଏ.ପଣ୍ଡାଙ୍କ ସମେତ ଆର.ପି.ଏଫ ଡ଼ି.ଏସ.ପି ଓ ଇନ୍ସପେକ୍ଟର ଯୋଗ ଦେଇଥିଲେ ।

ସେହିପରି ବରଗଡ଼ ଡିସଟ୍ରିକ୍ଟ ରେଲ ୟୁଜର୍ସ ସଂଘର ସଭାପତି ପ୍ରଦିପ ବେତା,ସମ୍ପାକ କମଲ କୁମାର ଯୋଷୀ,ଏଡ଼ଭୋକେଟ ଶିରୀଶ ବଲ୍ଳଭ ମିଶ୍ର,ଯୁଗଲ ପ୍ରସା ସିଂହ,ସୁରେଶ୍ୱର ଶତପଥି,ପ୍ରୀତମ ସିଂ,ବିଷ୍ଣୁପ୍ରସା ଧାନୁକା ପ୍ରମୁଖ ଆଲୋଚନାରେ ଅଂଶ ଗ୍ରହଣ କରିଥିଲେ ।

ବରଗଡ଼ ରୋଡ଼ ରେଲଷ୍ଟେସନରେ ପୁରୀ ଗାନ୍ଧୀଧାମ ସାପ୍ତାହିକ ଏକ୍ସପ୍ରେସର ରହଣୀ ସମ୍ପର୍କରେ ସମ୍ବଲପୁର ରେଲ ମଣ୍ଡଳ ପକ୍ଷରୁ ବିଭାଗୀୟ ଉଚ୍ଚ କର୍ତୃପକ୍ଷଙ୍କୁ ସୁପାରିସ କରାଯାଇଛି ।

ତେବେ ଏହାର କାର୍ଯ୍ୟକାରିତା ଉପର ସ୍ତରର ନିଷ୍ପତି ଉପରେ ନିର୍ଭର କରୁଛି ।ଏଣୁ ରେଲୱେ ୟୁଜର୍ସ ଏସୋସିଏସନ ରେଲରୋକୋ ନିଷ୍ପତିରୁ ନିବୃତ ରହିବାକୁ ସେମାନେ ଅନୁରୋଧ କରିଥିଲେ ।

ମାତ୍ର ବରଗଡ଼ ରେଲୱେ ୟୁଜର୍ସ ଏସୋସିଏସନ ଏହାକୁ ପ୍ରତ୍ୟାଖ୍ୟାନ କରିବା ସହ ପ୍ରତି ସପ୍ତାହ ରବିବାରଦିନ ଗାନ୍ଧୀଧାମରୁ ପୁରୀକୁ ଫେରୁଥିବା ଟ୍ରେନକୁ ଦାବି ପୂରଣ ପର୍ଯ୍ୟନ୍ତ ବରଗଡ଼ ରୋଡ଼ ରେଲୱେ ଷ୍ଟେସନ ଠାରେ କିଛି ସମୟ ଧରି ଅଟକ ରଖାଯିବ ବୋଲି ସୂଚାଇ ଦିଆଯାଇଥିଲା ।

ଆଗାମୀ ଅଗଷ୍ଟ ୨୬ ତାରିଖଦିନ ଏହି ଟ୍ରେନକୁ ଅଟକା ଯିବାର କାର୍ଯ୍ୟକ୍ରମ ରହିଥିବାରୁ ଏହି କାର୍ଯ୍ୟକ୍ରମରେ ସାମିଲ ହେବା ପାଇଁ ସହରର ସମସ୍ତ କ୍ଳବ ଓ ରାଜନୈତିକ ଦଳ ଗୁଡ଼ିକୁ ବରଗଡ଼ ରେଲୱେ ୟୁଜର୍ସ ଏସୋସିଏସନ ପକ୍ଷରୁ ନିବେଦନ କରାଯାଇଛି ବୋଲି ସଂଘର ସଭାପତି ପ୍ରଦିପ ବେତା ସୂଚନା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

What's Your Reaction?

  • AngryAngry
    0
    Angry
  • CryCry
    0
    Cry
  • CuteCute
    0
    Cute
  • LOLLOL
    0
    LOL
  • LoveLove
    0
    Love
  • OMGOMG
    0
    OMG
  • WTFWTF
    0
    WTF
admin
admin

Filed Under: ଅର୍ଥ-ବ୍ୟବସାୟ, ଓଡିଶା ଖବର, ମୁଖ୍ୟ ଖବର Tagged With: ବରଗଡ଼, ରେଳରୋକ

Reader Interactions

Leave a Reply Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Primary Sidebar

RSS LATEST

  • ବଣ୍ଟା ଯାଉନଥିଲା ରାସନ ସାମଗ୍ରୀ, ଘଟଣାସ୍ଥଳରେ ପହଞ୍ଚି ତୁରନ୍ତ ବଣ୍ଟନ ପାଇଁ ମେୟରଙ୍କ ନିର୍ଦ୍ଦେଶ
  • ରେଳ ଧାରଣା କଡ଼ରୁ ଯୁବକଙ୍କ ମୃତଦେହ ଉଦ୍ଧାର
  • ମେଡିକାଲ ଚେକ୍ଅପ୍ ପାଇଁ ଆସି ଚମ୍ପଟ ମାରିଲେ ୨ ଅଭିଯୁକ୍ତ
  • ରାଜ୍ୟରୁ ଆଉ ୧୦ ଜଣ କରୋନା ଆକ୍ରାନ୍ତ ଚିହ୍ନଟ
  • ସିଭିଲ ଡିଫେନ୍ସ ତରଫରୁ ପ୍ରଶିକ୍ଷଣ ଶିବିର ଆୟୋଜିତ
  • ରାଜଧାନୀରେ ବୋମାମାଡ଼
  • ମଇ ୨୨ରେ ସିଲଭର ଜୁବୁଲି ପାଇଁ ପ୍ରସ୍ତୁତି ବୈଠକ
  • କାଳବୈଶାଖୀ ପ୍ରଭାବରେ ବର୍ଷା ସମ୍ଭାବନା
  • ଇଣ୍ଡିଆ ବୁକ ଅଫ ରେକର୍ଡ଼ରେ ରାମଚନ୍ଦ୍ର
  • ହାତୀ ମୃତ୍ୟୁ ସଂଖ୍ୟା ତିନରେ ପହଞ୍ଚିଲା (ଅପଡେଟ)