ଶାହା କମିଶନଙ୍କ ତନାଘନା ତଦନ୍ତ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅକ୍ଟେବର ୫ (ଓଡ଼ିଶା ଡ଼ଟ୍ କମ୍) – ଓଡ଼ିଶାରେ ଖଣି ଦୁର୍ନୀତିର ତଦନ୍ତ ପାଇଁ ଆସିଥିବା ଶାହା କମିଶନଙ୍କ ୬ଜଣିଆ ତଦନ୍ତକାରୀ ଦଳ ରାଜ୍ୟ ଅତିଥି ଭବନ ସମ୍ମିଳନୀ କକ୍ଷରେ ଗୁରୁବାର ଦିନ ପୂର୍ବାହ୍ନ ୯ଟା ୩୦ ମିନିଟରୁ ତଦନ୍ତ ଆରମ୍ଭ ହୋଇଥିଲା । ରାତି ୮ଟା ପର୍ଯ୍ୟନ୍ତ ତଦନ୍ତ କାର୍ଯ୍ୟ ଚାଲିଥିଲା ।

ମୁଖ୍ୟତଃ ମୟୂରଭଞ୍ଜ, କେନ୍ଦୁଝର ଓ ବଣାଇ ଖଣିମଣ୍ଡଳରେ ଥିବା ଖଣି ଉପରେ ତଦନ୍ତ ଆରମ୍ଭ ହୋଇଥିଲା । ତଦନ୍ତକାଳରେ ମୟୂରଭଞ୍ଜ ଜିଲାର ସୁଲେଇପାଟ ଖଣି ଉପରେ କମିଶନ ସନ୍ଦେହ ପ୍ରକାଶ କରିଥିବା ନେଇ ବିଶ୍ୱସ୍ତସୂତ୍ରରୁ ଜଣାପଡ଼ିଛି ।

ଏହି ତଦନ୍ତ ସମୟରେ ସଂପୃକ୍ତ ଖଣି ମଣ୍ଡଳର ଅଧିକାରୀମାନଙ୍କୁ କମିଶନର ସଦସ୍ୟମାନେ ଜେରା କରୁଥିଲେ । ରାତି ସୁଦ୍ଧା ପ୍ରାୟ ୧୦ଟି ଖଣିର କାଗଜପତ୍ରକୁ ତଦନ୍ତ କରିଥିବା ଜଣାପଡ଼ିଛି ।

ଓଡ଼ିଶା ଡ଼ଟ୍ କମ୍