ଓଡିଶା ଡଟ୍ କମ୍ ସମ୍ବାଦଦାତା
ଭୁବନେଶ୍ୱର,ଡିସେମ୍ବର ୯(ଓଡିଶା ଡଟ୍ କମ୍)-୨୦୧୩ ନୂଆବର୍ଷ ପାଳନ ଅବସରରେ ଡିସେମ୍ବର ୩୧ ଏବଂ ଜାନୁଆରି ୧ ତାରିଖରେ ଶ୍ରୀମନ୍ଦିରରେ ଭକ୍ତଙ୍କ ଭିଡ ବୃଦ୍ଧି ପାଉଥିବାରୁ ଏହି ଦଦୁଇ ଦିନ ମହାପ୍ରଭୁଙ୍କ ବଲ୍ଲଭଭୋଗ ପରେ ହେଉଥିବା ଭିତରକାଠ ପରିମାଣିକ ଟିକଟ ଦର୍ଶନକୁ ବନ୍ଦ ରଖାଯିବ ବୋଲି ନୀତି ସବ୍ କମିଟି ଏବଂ ଛତିଶା ନିଯୋଗ ବୈଠକରେ ନିଷ୍ପତି ନିଆଯାଇଛି ।
ସେହିଭଳି ଡିସେମ୍ବର ୩୧ ତାରିଖ ରାତିରେ ଭକ୍ତଙ୍କ ନବବର୍ଷ ଦର୍ଶନ ଭିଡ ଲାଗି ରହିବ ତେଣୁ ଏହି ରାତିରେ ମହାପ୍ରଭୁଙ୍କ ନିତ୍ୟ ରାତି ପହୁଡ ନୀତି ବନ୍ଦ ରଖାଯିବାକୁ ବୈଠକରେ ନିସ୍ପତି ହୋଇଛି ।
ଡିସେମ୍ବର ୧୫ରୁ ଆରମ୍ଭ ହେବ ଶ୍ରୀମନ୍ଦିରରେ ପହିଲି ଭୋଗ ନୀତି । ଏହି ନୀତି ଜାନୁଆରି ୧୩ ପର୍ଯ୍ୟନ୍ତ ବଳବତର ରହିବ । ଏହି ନୀତି ସଂପର୍କରେ ବୈଠକରେ ସବିଶେଷ ଆଲୋଚନା ହେବାପରେ ଛିତିଶାନିଯୋଗର ଅନୁମୋଦନ ମିଳିଥିଲା ।
ଓଡିଶା ଡଟ୍ କମ୍
