କଂଗ୍ରେସ ଓ ବିଜେପି ସହ ବିଜେଡିର ଭିତିରିଆ ବୁଝାମଣା ରହିଛି-ପ୍ୟାରୀ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁଆରୀ,୨୦(ଓଡିଶା ଡଟ୍ କମ୍)-କଂଗ୍ରେସ ଓ ବିଜେପି ସହ ବିଜେଡିର ଭିତିରିଆ ବୁଝାମଣା ରହିଛି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ ଓଡିଶା ଜନମୋର୍ଚ୍ଚାର ଅଧ୍ୟକ୍ଷ ପ୍ୟାରୀମୋହନ ମହାପାତ୍ର ଅଭିଯୋଗ କରିଛନ୍ତି ।

ଜୟପୁର ସମାବେଶରୁ ଫେରିବାପରେ ଭୁବନେଶ୍ୱରର ନିଜ ବାସଭବନରେ ଏକ ସାମ୍ବାଦିକ ସମ୍ମିଳନୀ ଡାକି ପ୍ୟାରି କହିଛନ୍ତି ଯେ, ଖଣି ଦୁର୍ନୀତିରେ ନବୀନ ସରକାରର ସଂପୃକ୍ତି ରହିଛି । ଏଥିରୁ ରକ୍ଷାପାଇବା ପାଇଁ ସେ କଂଗ୍ରେସ ସହ କେନ୍ଦ୍ରରେ ଭିତିରିଆ ବୁଝାମଣା କରିଛି । ତେଣୁ ସୁପ୍ରୀମକୋର୍ଟ ନିର୍ଦ୍ଦେଶ ସତ୍ୱେ କୋଇଲାବ୍ଲକ ଆବଣ୍ଟନ ଦୁର୍ନୀତିର ତଦନ୍ତ ମନ୍ଥର ଗତିରେ ଚାଲିଛି ।

ସେହିପରି ବିଜେପିକୁ ନିୟନ୍ତ୍ରଣ କରିବାକୁ ନବୀନ ଉଦ୍ୟମ କରୁଛନ୍ତି । ଯେଉଁଥିପାଇଁ କି ଦଳର ସଭାପତି ଚୟନ ବିଳମ୍ବ ହେଉଛି । ବ୍ଲକ ଗ୍ରାଣ୍ଟ ଅନୁଦାନ ଠାରୁ ବେବାର ଯୁବକ ଯୁବତୀଙ୍କୁ ନିଯୁକ୍ତି ସୁଯୋଗ ନବୀନଙ୍କ ନିର୍ବାଚନୀ ଧୁଆଁବାଣ ବୋଲି ସେ ଅଭିଯୋଗ ଆଣିଛନ୍ତି ।

ଓଡିଶା ଡଟ୍ କମ୍