ବିଜୟ ପଟ୍ଟନାୟକ ବେଦାନ୍ତ ବିଶ୍ୱବିଦ୍ୟାଳୟ ପ୍ରକଳ୍ପ ଅଧ୍ୟକ୍ଷ ନିଯୁକ୍ତ
ଭୁବନେଶ୍ଵର ଏପ୍ରିଲ ୨୯ (ଓଡିଶା ଡଟ କମ) ରାଜ୍ୟର ପୂର୍ବତନ ମୁଖ୍ୟ ଶାସନ ସଚିବ ବିଜୟ କୁମାର ପଟ୍ଟନାୟକ ଅନିଲ ଅଗ୍ରୱାଲ ଫାଉଣ୍ଡେସନର ପ୍ରସ୍ତାବିତ ବେଦାନ୍ତ ବିଶ୍ୱବିଦ୍ୟାଳୟ ଓ ସ୍ମାର୍ଟ ସିଟି ପ୍ରକଳ୍ପର ପ୍ରେସିଡେଣ୍ଟ ଭାବେ ବୁଧବାର ଯୋଗଦାନ କରିଛନ୍ତି ।
ଭାରତୀୟ ପ୍ରଶାସନିକ ସେବା ୧୯୭୬ ବ୍ୟାଚର ପଟ୍ଟନାୟକ ୨୦୧୦ ରେ ସେ ରାଜ୍ୟର ମୁଖ୍ୟ ଶାସନ ସଚିବ ଭାବେ ଦାୟିତ୍ଵ ନେଇ ୨୦୧୩ରେ ଅବସର ଗ୍ରହଣ କରିଥିଲେ । ଏହା ପରେ ସରକାର ତାଙ୍କୁ ଓଡିଶା ଷ୍ଟାଫ ସିଲେକସନ କମିଶନର ଅଧ୍ୟକ୍ଷ ଓ ପରବର୍ତ୍ତୀ ସମୟରେ ରାଜ୍ୟ ମାନବାଧିକାର କମିଶନର ସଦସ୍ୟ ଭାବେ ନିଯୁକ୍ତି ଦେଇଥିଲେ ।
ନିକଟରେ ଏହି ପଦବୀରୁ ସେ ଇସ୍ତଫା ଦେଇଥିଲେ । ଭୁବନେଶ୍ଵର ତାଙ୍କ ମୁଖ୍ୟ କର୍ମ ସ୍ଥଳ ରହିବା ସହ ଦେଶର ବିଭିନ୍ନ ସ୍ଥାନରେ ଚାଲିଥିବା ବେଦାନ୍ତ ଫାଉଣ୍ଡେସନର ଅନ୍ୟାନ୍ୟ କାର୍ଯ୍ୟକ୍ରମର ମଧ୍ୟ ସେ ତଦାରଖ କରିବେ, ବେଦାନ୍ତ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତିରେ କୁହାଯାଇଛି ।
ଓଡିଶା ଡଟ କମ
Leave a Reply