ଓଡିଶା ଡଟ କମ ସଂବାଦ ଦାତା
ଭୁବନେଶ୍ଵର, ମଇ ୧୬ (ଓଡିଶା ଡଟ କମ) ଫେସବୁକରେ ଜଣେ ଯୁବତୀଙ୍କ ଆପତ୍ତିଜନକ ଫଟୋ ପ୍ରକାଶକରିବା ଅଭିଯୋଗରେ କ୍ରାଇମ ବ୍ରାଞ୍ଚର ସାଇବର କ୍ରାଇମ ପୁଲିସ ପୁରୀରୁ ଜଣକୁ ଶନିବାର ଗିରଫ କରିଛି ।
ରଥ ଲେନ, ମାର୍କଣ୍ଡେଶ୍ଵର ସାହିର ୨୨ ବର୍ଷ ବୟସ୍କ ବିକାଶ ଶତାବ୍ଦୀ ବିଜେବି କଲେଜରେ ପଢିଥିବା ତାଙ୍କର ଜଣେ ପୂର୍ବତନ ସହପାଠୀ ଛାତ୍ରୀଙ୍କ ବ୍ୟକ୍ତିଗତ ଫଟୋକୁ ବିକୃତ ଓ ଅଶ୍ଳୀଳ କରି ଫେସବୁକରେ ଏକ ଏକାଉଣ୍ଟ ଖୋଲି ନିଜ ମୋବାଇଲ ଜରିଆରେ ପ୍ରକାଶିତ କରିଥିଲେ ।
ଏ ସଂକ୍ରାନ୍ତରେ ପ୍ରଭାବିତ ଯୁବତୀ ଅଭିଯୋଗ ପତ୍ର ଦାଖଲ କରିବା ପରେ ସାଇବର କ୍ରାଇମ ପୁଲିସ ଘଟଣାର ତଦନ୍ତ ଆରମ୍ଭ କରି ଫେସବୁକ ଓ ଗୁଗୁଲ କର୍ତ୍ତ୍ଵପକ୍ଷଙ୍କ ସହାୟତାରେ ଅଭିଯୁକ୍ତକୁ ଠାବ କରିବା ସହ ତାକୁ ଗିରଫ କରିଛି । ସେ ବ୍ୟବହାର କରିଥିବା ମୋବାଇଲକୁ ମଧ୍ୟ ପୁଲିସ ଜବତ କରିଛି ।
ଓଡିଶା ଡଟ କମ
Leave a Reply