ଓଡିଶା ଡଟ କମ ସଂବାଦ ଦାତା
ଭୁବନେଶ୍ଵର, ମଇ ୧୬ (ଓଡିଶା ଡଟ କମ) ମୟୂରଭଞ୍ଜ ଜିଲ୍ଲାର ବାରିପଦାଠାରେ ପ୍ରତିଷ୍ଠା ହେବାକୁ ଯାଉଥିବା ସରକାରୀ ମେଡିକାଲ କଲେଜ ଜଣାଶୁଣା ସାନ୍ତାଳି ଭାଷାବିତ ପଣ୍ଡିତ ରଘୁନାଥ ମୁର୍ମୁଙ୍କ ନାମରେ ନାମିତ କରିବାକୁ ରାଜ୍ୟସରକାର ଶନିବାର ନିଷ୍ପତ୍ତି ନେଇଛନ୍ତି ।
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଉଚ୍ଚ ସ୍ତରୀୟ ବୈଠକରେ ଏହା ନିଷ୍ପତ୍ତି ନିଆଯାଇଛି । ଏହି ନୂଆ ମେଡିକାଲ କଲେଜର ଭିତ୍ତି ପ୍ରସ୍ତର ସ୍ଥାପନ ମୁଖ୍ୟମନ୍ତ୍ରୀ ଆଗାମୀ ସୋମବାର ଦିନ କରିବାର କାର୍ଯ୍ୟକ୍ରମ ରହିଛି ।
ଗୁରୁ ଗମକେ ଭାବେ ପରିଚିତ ପଣ୍ଡିତ ରଘୁନାଥ ମୁର୍ମୁ ଜଣେ ଜଣା ଜଣା ଶୁଣା ଭାଷାବିତ । ସାନ୍ତାଳି ଭାଷାର ସୁରକ୍ଷା ଓ ଲିପି ତିଆରିରେ ତାଙ୍କର ଗୁରୁତ୍ଵ ପୂର୍ଣ ଯୋଗଦାନ ରହିଛି ।
ଓଡିଶା ଡଟ କମ
