ନବକଳେବର କାର୍ଯ୍ୟରେ ଅବେହେଳା ଯୋଗୁଁ ନିର୍ବାହୀଯନ୍ତ୍ରୀ ନିଲମ୍ବିତ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ଵର, ଜୁନ ୫ (ଓଡିଶା ଡଟ୍ କମ୍) : ନବକଳେବର ଭିତ୍ତିଭୂମି କାର୍ଯ୍ୟରେ ଅବେହେଳା ଯୋଗୁଁ ପୁରୀର ଓଡିଶା ଜଳ ପରିମଳ ଓ ସ୍ଵେରେଜ ବୋର୍ଡ ପ୍ରକଳ୍ପ ଯନ୍ତ୍ରୀ ସରୋଜ କୁମାର ଦାସଙ୍କୁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଶୁକ୍ରବାର କାର୍ଯ୍ୟରୁ ନିଲମ୍ବିତ କରିଛନ୍ତି।

ନବକଳେବର ଉପଲକ୍ଷେ ଚଳିତ ବର୍ଷ ଜୁଲାଇରେ ତାଙ୍କୁ ପୁରୀର ଜଳ ପରିମଳ ଓ ସ୍ଵେରେଜର ପ୍ରକଳ୍ପ କାର୍ଯ୍ୟ ନିର୍ବାହି ଅଧିକାରୀ ଭାବେ ରାଜ୍ୟ ସରକାର ନିଯୁକ୍ତି କରିଥିଲେ।

ତେବେ ନିର୍ଦ୍ଧାରିତ ହୋଇଥିବା ସମୟ ହିସାବରେ ପ୍ରକଳ୍ପ କାମ ସଠିକ ଭାବେ ଆଗେଇ ନଥିବାରୁ ଯନ୍ତ୍ରୀ ସରୋଜ କୁମାରଙ୍କୁ ନିଲମ୍ବିତ କରାଯାଇଥିବା ସରକାରୀ ସୂତ୍ରରୁ ପ୍ରକାଶ ପାଇଛି।

ଓଡିଶା ଡଟ୍ କମ୍

ନିଉଜ ଡେସ୍କ