Site icon Odisha.com

ସୌମେନ୍ଦ୍ର ପ୍ରିୟଦର୍ଶୀ ନବକଳେବର ଓଏସଡି

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ଜୁନ ୩୦ (ଓଡିଶା ଡଟ କମ) ବରିଷ୍ଠ ପୁଲିସ ଅଧିକାରୀ ସୌମେନ୍ଦ୍ର ପ୍ରିୟଦର୍ଶୀଙ୍କୁ ରାଜ୍ୟ ସରକାର ସୋମବାର ନବକଳେବର ପାଇଁ ଅଫିସର ଅନ ସ୍ପେଶାଲ ଡିଉଟି ଭାବେ ନିଯୁକ୍ତି ଦେଇଛନ୍ତି।

ଆଇଜି ଅପେରସନ ଭାବେ କାର୍ଯ୍ୟରତ ପ୍ରିୟଦର୍ଶୀ ଅତିରିକ୍ତ ଭାବେ ଏହି ଦାୟିତ୍ଵ ତୁଲାଇବେ । ପୁରୀରେ ଅବସ୍ଥାନ କରି ଆଇନ ଶୃଙ୍ଖଳା ସହ ନବ କଳେବର ରୀତିନୀତି ଓ ସମନ୍ଵୟ କାର୍ଯ୍ୟର ସେ ତଦାରଖ କରିବେ ।

ଅନ୍ୟପକ୍ଷରେ ସରକାର ଶ୍ରୀମନ୍ଦିରର ମୁଖ୍ୟ ପ୍ରଶାସକ ସୁରେଶ ମହାପାତ୍ରଙ୍କୁ ତାଙ୍କ ମୂଳ ଦାୟିତ୍ଵ ଶକ୍ତି ବିଭାଗର ସଚିବ ପଦବୀରୁ ଗୋଟିଏ ମାସ ପାଇଁ ଅବ୍ୟହତି ଦେଇଛନ୍ତି ।

ସେ ପୁରା ସମୟ ପୁରୀରେ ରହି ନବ କଳେବର କାର୍ଯ୍ୟ କିପରି ସୁରୁଖୁରୁରେ ହେବ ତାର କାର୍ଯ୍ୟ କରିବେ । ତାଙ୍କ ଅନୁପସ୍ଥିତିରେ ଶକ୍ତି ବିଭାଗର କାର୍ଯ୍ୟ ଗ୍ରୀଡକୋ ସିଏମଡି ହେମନ୍ତ ଶର୍ମା ତୁଲାଇବେ ।

ଏଠାରେ ଉଲ୍ଲେଖଯୋଗ୍ୟ ଯେ ପ୍ରିୟଦର୍ଶୀ ପୂର୍ବରୁ ପୁରୀରେ ଜିଲ୍ଲା ପୁଲିସ ମୁଖ୍ୟ ଥିଲେ ଓ ତାଙ୍କ କାର୍ଯ୍ୟକାଳ ସମୟରେ ରଥ ଯାତ୍ରା ସୁରୁଖୁରୁରେ ହୋଇଥିବାରୁ ପ୍ରଶଂସିତ ହୋଇଥିଲେ ।

ଓଡିଶା ଡଟ କମ

Exit mobile version