Site icon Odisha.com

ରାସ୍ତା ଦବି ଯିବାରୁ ପୁରୀରେ ବିରୋଧିଦଳର ପ୍ରତିବାଦ

ଓଡିଶା ଡଟ୍ କମ୍ ସମ୍ବାଦଦାତା

ପୁରୀ, ୬ ଜୁଲାଇ (ଓଡିଶା ଡଟ୍ କମ୍) ଶ୍ରୀଜୀଉଙ୍କର ନବକଳେବର ଉପଲକ୍ଷେ ପୁରୀର ମୁଖ୍ୟ ପ୍ରବେଶ ପଥରେ ନିର୍ମିତି ହୋଇଥିବା ନୂଆ ରାସ୍ତା ତଳକୁ ଦବି ଯିବାରୁ କମ ନିମ୍ନ ମନର ହୋଇଥିବା ଅଭିଯୋଗ କରି ବିରୋଧୀ ବିଜେପି ଓ କଂଗ୍ରେସ ଏହାର ପ୍ରତିବାଦ କରିଛନ୍ତି ।

ରବିବାର ଏକ ଗୋଡି ବୋଝେଇ ହାୱାଇ ଟ୍ରକ ପୁରୀର ମୁଖ୍ୟ ପ୍ରବେଶ ପଥ ଦେଇ ଯାଉଥିବାବେଳେ ହଠାତ ରାସ୍ତାଟି ତଳକୁ ଦବିଯାଇଥିଲା। ଫଳରେ ଟ୍ରକଟି ଭାରସାମ୍ୟ ହରାଇ ଏକ ସିମେଣ୍ଟ ବୋଝେଇ ଟ୍ରଲିକୁ ଚାପି ଦେବାରୁ ଉଭୟ ଟ୍ରକ ଓ ଟ୍ରଲିଟି ଦୁର୍ଘଟଣା ଗ୍ରସ୍ତ ହୋଇଛି । ତେବେ ଟ୍ରଲି ଚାଳକ ଅଳ୍ପକେ ବର୍ତ୍ତି ଯାଇଛନ୍ତି ।

ରାସ୍ତାରେ କେବଳ ଆଖିଦୃଶିଆ କାମ କରାଯାଇଥିବା ଅଭିଯୋଗ କରି ବିଜେପି ଓ କଂଗ୍ରେସ ଡାକ୍ତରଖାନା ଛକ ନିକଟରେ ଟାୟାର ଜାଳି ବହୁ ସମୟ ଧରି ରାସ୍ତା ଅବରୋଧ କରିବା ଥିଲେ ଓ ପରେ ଭିଜିଲାନ୍ସ କତୃପକ୍ଷଙ୍କୁ ଏହି ଘଟଣାର ତଦନ୍ତ ପାଇଁ ଏକ ଦାବିପତ୍ର ଦେଇଥିଲେ ।

ଏହି ଖବର ପାଇଁ ଘଟଣାସ୍ଥଳରେ ଅତିରିକ୍ତ ଜିଲ୍ଲାପାଳ ଉଦ୍ଧବ ଚନ୍ଦ୍ର ମାଝି ପହଞ୍ଚି କାର୍ଯ୍ୟନିର୍ବାହୀ ଅଧିକାରୀ ଓ ଠିକାଦାରଙ୍କ ବିରୁଦ୍ଧରେ ଆସନ୍ତା ଦୁଇଦିନ ମଧ୍ୟରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ଲିଖିତ ପ୍ରତିଶ୍ରୁତି ଦେବା ପରେ ପରିସ୍ଥିତି ସାମାନ୍ୟ ହୋଇଥିଲା ।

ଓଡିଶା ଡଟ୍ କମ୍

Exit mobile version