• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ରାଉରକେଲାର ତାନ୍ନି ବୋଷ ଓ ଭୂଟାନରେ ତାଙ୍କ ସାହିତ୍ୟ ସର୍ଜନା (ସାକ୍ଷାତକାର)

July 19, 2015 by ନିଉଜ ଡେସ୍କ 6 Comments

ଓଡିଶା ଡଟ୍ କମ୍: ଈପସିତା ଦାଶ

ଜୀବନର ଛୋଟ ଛୋଟ ଅନୁଭବକୁ ଚମତ୍କାର ଢଙ୍ଗରେ କବିତା ମାଧ୍ୟମରେ ଭୂଟାନରେ ରହି ପରିବେଷଣ କରୁଥିବା ରାଉରକେଲାର ତାନ୍ନି ବୋଷଙ୍କ ଏହା ମଧ୍ୟରେ ତିନୋଟି କବିତା ସଂକଳନ ପ୍ରକାଶ ପାଇଛି ।

ବ୍ୟସ୍ତ ବହୁଳ ଦିନ ଚର୍ଯ୍ୟାରୁ ସମୟ ବାହାର କରି ଭୁଟାନରେ ଏକ ସିନିଅର ସେକେଣ୍ଡାରୀ ସ୍କୁଲରେ ଇଂରାଜୀ ଶିକ୍ଷୟତ୍ରୀ ଭାବେ କାର୍ଯ୍ୟକରୁଥିବା ତାନ୍ନିଙ୍କ ଏହି ଇଂରାଜୀ କବିତା ସଙ୍କଳନ ହେଲା ‘ଦି ଫ୍ଲୋଟିଙ୍ଗ ଷ୍ଟୋନସ୍’, ‘ଡନ ଆଣ୍ଡ ଡସ୍କ’ ଓ ‘ଦି ମୋଲେଷ୍ଟ୍ରେଟେଡ କ୍ଳେ’ ।

tanni-final‘ଡନ ଆଣ୍ଡ ଡସ୍କ’ରେ,ସେ “ଜନ୍ମରୁ ମୃତ୍ୟୁ ବା ଏନ୍ତୁଡିଶାଳରୁ ମଶାଣି ପର୍ଯ୍ୟନ୍ତ ମଣିଷ ଜୀବନର ଯାତ୍ରା ସମ୍ପର୍କରେ ବର୍ଣନା କରିଥିବା ବେଳେ ତାଙ୍କ କବିତା ଗୁଡିକରେ ପ୍ରେମ ଓ ପ୍ରକୃତିକୁ ନେଇ ଛୋଟ ଛୋଟ ଅନୁଭବର ବର୍ଣନା ଶୈଳୀ ପାଠକର ପ୍ରାଣକୁ ଆନ୍ଦୋଳିତ କରେ ।

ଠିକ ସେହି ପରି ‘ଦି ଫ୍ଲୋଟିଙ୍ଗ ଷ୍ଟୋନସ୍’- ର କବିତା ଗୁଡିକରେ “ମଣିଷର ଆକାଂକ୍ଷା, ଅଭିଲାଷ, ବିବେକ ଓ ମନମଧ୍ୟରେ ଅହରହ ଚାଲୁଥିବା ଅନ୍ତରଦ୍ଵନ୍ଦ ବା ତର୍କ ବିତର୍କର ପ୍ରତିଫଳନ ଦେଖିବାକୁ ମିଳେ । ସେ ଦେଖାଇଛନ୍ତି କେତେବେଳେ ମଣିଷ ବିବେକକୁ ଅନୁସରଣ କରିଥାଏ ତ କେତେବେଳେ ସେ ନିଜ ମନର ବଶୀଭୂତ ହୋଇ ବିବେକ ବିରୁଦ୍ଧରେ କାର୍ଯ୍ୟ କରିଥାଏ ।

taniଯେତେବେଳେ ବିବେକର କଥାରୁହେ ସେତେବେଳେ ମଣିଷର ବିଜୟ ହୁଏ ଓ ଯେତେବେଳେ ମନର କଥା ରୁହେ ସେତେବେଳେ ମଣିଷ ତା’ର ମନ ଆଗରେ ହାର ମାନି ମୁଣ୍ଡ ପାତି ଥାଏ ।

ତାନ୍ନି କୁହନ୍ତି ଏହି ସଂକଳନ ମଧ୍ୟରେ ଥିବା ତାଙ୍କର ଏକ କବିତା ହେଉଛି “ସବୁଜ ରଙ୍ଗରୁ ଧୂଷର ରଙ୍ଗ”-ଏହାର ଅର୍ଥ ହେଉଛି, ସବୁଜ ଯାହା ସବୁକିଛି ଜଣେ ତା’ର ଶୈଶବାବସ୍ଥାରୁ ଯୌବନ ପର୍ଯ୍ୟନ୍ତ ପାଇବାକୁ ଚାହେଁ ।

ଠିକ ସେହି ପରି ଧୂସର ରଙ୍ଗ ଯାହା ଆମେ ଆମ ଜୀବନରେ କେବେ ନଘଟୁ ବୋଲି ଭାବୁ କିନ୍ତୁ ସେଥିରୁ ଆମେ ମୁକ୍ତି ମିଳେନାହିଁ । ଯଥା- ବୃଦ୍ଧାବସ୍ଥା, ମୃତ୍ୟୁ……… ଇତ୍ୟାଦି । ଏଠାରେ ମୃତ୍ୟୁକୁ ନକରାତ୍ମକ ଅର୍ଥରେ ଉଲ୍ଲେଖ କରାଯାଇଛି।

ତାନିଙ୍କ”ଦି ମୋଲେଷ୍ଟ୍ରେଟେଡ କ୍ଳେ” ଅର୍ଥାତ ‘କନସେପ୍ଟ ଅଫ ଲଭ’ରେ ସେ ବର୍ଣ୍ଣନା କରିଛନ୍ତି କୁମ୍ଭାର ଅତି ଯତ୍ନ ସହକାରେ ମାଟିର ପାତ୍ରଟିଏ ଗଢେ, ତାକୁ ମନ ମୁତାବକ ଆକାର ଓ ଆକୃତି ଦେଇ ନିଜ ଛୁଆଟି ପରି ରଙ୍ଗ-ବିରଙ୍ଗର ରଙ୍ଗରେ ରଙ୍ଗାୟିତ କରି ପାତ୍ରଟିକୁ ଧୀରେ ଧୀରେ ଆଖି ଦୃଶିଆ କରେ ଓ ଏହାକୁ ସମସ୍ତଙ୍କ ଆଡକୁ ଆକର୍ଷିତ କରିବା ପାଇଁ ସଜାଏ ।

ପରେ ଉକ୍ତ ପାତ୍ରଟି ଆସି ଏକ ପ୍ରଦର୍ଶନୀ ରେ ଥିବା ଦୋକାନରେ ସଜେଇ ହୋଇ ଗ୍ରାହକର ଅପେକ୍ଷାରେ ରହେ ।

ସେ ବି କାହା ଘରର ଡ୍ରଇଂ ରୁମର ଏକ କୋଣରେ ସଜା ହୋଇ ରହିବ । ତା’ଭିତରେ ରଙ୍ଗ ବେରଙ୍ଗର ଫୁଲ ସଜା ହେବେ। କିନ୍ତୁ ତା’ର ଭାଗ୍ୟର ବିଡମ୍ବନା ଯେ ଦିନ ପରେ ଦିନ ଗଡି ଚାଲେ ହେଲେ ସେ କୌଣସି ଗ୍ରାହକଙ୍କ ମନକୁ ଆକର୍ଷିତ କରି ପାରେ ନାହିଁ।

tanni-3

tanni-6

tanni-4ପରିଶେଷରେ ଦୋକାନର ଆଗ ଧାଡିରେ ସଜା ହୋଇଥିବା ପାତ୍ରଟି କ୍ରମଶଃ ଏକ କୋଣରେ ପଡି ରହେ । ତା’ଉପରେ ଧୂଳିର ଏକ ଆସ୍ତରଣ ପଡି ଚାଲେ। ଦିନେ ହଠାତ ପ୍ରଚଣ୍ଡ ଘଡଘଡି ଓ ବିଜୁଳି ସହ ପ୍ରବଳ ବେଗରେ ପବନ ବହି ବର୍ଷା ମାଡି ଆସେ ।

ପବନ ଓ ବର୍ଷାର ମାଡ ସହି ନପାରି ଦୋକାନର ତମ୍ବୁଟି ଭାଙ୍ଗିଯିବା ସହ ପାତ୍ରଟି ତା’ର ସମସ୍ତ ସୌନ୍ଦର୍ଯ୍ୟ ହରାଇ ପୁନଶ୍ଚ ମାଟିରେ ମିଶିଯାଏ । ଏଠାରେ ପାତ୍ରଟିର ପୁଣି ମାଟିରେ ମିଶିଯିବାକୁ ସକାରାତ୍ମକ ଦୃଷ୍ଟିରେ ନିଆଯାଇଛି । ପାତ୍ରଟି ଦୈହିକ କଷ୍ଟରୁ ମୁକ୍ତି ପାଇ ସୁଖ ଶାନ୍ତିରେ ଯେଉଁଥିରୁ ସୃଷ୍ଟି ହୋଇଥିଲା ସେଇଥିରେ ହିଁ ଲୀନ ହୋଇଯାଏ।

ତାନ୍ନିଙ୍କର ଚତୁର୍ଥ ଅନବିଦ୍ୟ ସୃଷ୍ଠି ହେଉଛି ଏକ ଉପନ୍ୟାସ ଯାହା ୨୦୧୬ରେ ପ୍ରକାଶିତ ହେବ । ଉପନ୍ୟାସର ନାମ ହେଉଛି “ଅନ-କଣ୍ଡିସନାଲ ଲଭ,କଣ୍ଡିସନାଲ ମାଇଣ୍ଡ” ଏହାର ମୁଖ୍ୟ ଚରିତ୍ର ମାନେ ହେଲେ ଆକାଂକ୍ଷା ଯିଏକି ବିବାହିତା ଓ ତାଙ୍କ ପରିବାର ।

ତାଙ୍କର ଦୁଇଟି କନ୍ୟାସନ୍ତାନଙ୍କ ମଧ୍ୟରୁ ଜଣେ ଅଷ୍ଟମ ଶ୍ରେଣୀରେ ପଢୁଥିବା ବେଳେ ଜଣେ ଦ୍ଵିତୀୟ ଶ୍ରେଣୀରେ ପାଠ ପଢେ। ତାଙ୍କ ସ୍ଵାମୀଙ୍କର ନାମ ଅନିରୁଦ୍ଧ । ଆକାଂକ୍ଷା ଏକ ହୋଟେଲରେ ରିସେପସ୍ନିଷ୍ଟ ଭାବେ କାର୍ଯ୍ୟ କରନ୍ତି।

ଆମାଜନ୍ ରୁ କିଣନ୍ତୁ DAWN AND DUSK

ଘର ସଂସାର କରି ଦୁଇଟି କନ୍ୟା ସନ୍ତାନର ମା’ ହୋଇଥିଲେ ମଧ୍ୟ ସେ ମାନସିକ ଭାବରେ ସାଂସାରିକ ସୁଖ ପାଇପାରନ୍ତି ନାହିଁ। ଉକ୍ତ ହୋଟେଲରେ କାମ କରୁଥିବା ସପ୍ତାଂଶୁ ନାମକ ଜଣେ ଯୁବ ପପ୍ ଗାୟକଙ୍କୁ ଆକାଂକ୍ଷା ନିଜ ଜୀବନର ସବୁ ସୁଖଦୁଃଖ କୁହନ୍ତି।

ଇତି ମଧ୍ୟରେ ସେମାନଙ୍କ ମଧ୍ୟରେ ମାନସିକ ସ୍ତରରେ ନିବିଡତା ବୃଦ୍ଧି ପାଏ। କିନ୍ତୁ ଉଭୟଙ୍କ ମଧ୍ୟରେ କୌଣସି ପ୍ରକାର ଦୈହିକ ସମ୍ପର୍କ ନଥାଏ। ଏହାକୁ ଆକାଂକ୍ଷାଙ୍କର ପରିବାର, ସମାଜ, ସାଙ୍ଗସାଥି, କିପରି ଭାବେ ଗ୍ରହଣ କରିଛନ୍ତି ତାହା ହେଉଛି ଉପନ୍ୟାସ ସାରମର୍ମ।

ସୌମେଷ ଚନ୍ଦ୍ର ବୋଷ ଓ ସାନ୍ତଶ୍ରୀ ବୋଷ ଙ୍କର ଜ୍ୟେଷ୍ଠା କନ୍ୟା ତାନ୍ନି, ୧୯୭୬ ମସିହା ଫେବୃଆରୀ ରାଉରକେଲାରେ ଜନ୍ମ ଗ୍ରହଣ କରି ସେହିଠାରେ ହିଁ ନିଜର ସ୍କୁଲ ଶିକ୍ଷା ଶେଷ କରିବା ସହ ଇଂରାଜୀ ଉପରେ ସ୍ନାତୋକୋତ୍ତର ଡିଗ୍ରୀ ହାସଲ କରିଛନ୍ତି ।

tanni-5ଭୁଟାନରେ ଏକ ସରକାରୀ ଉଚ୍ଚବିଦ୍ୟାଳୟରେ ଗଣିତରେ ଶିକ୍ଷକତା କରୁଥିବା ରାଉରକେଲାର ସୋମ୍ୟରଞ୍ଜନ ପଣ୍ଡାକୁ ୧୯୯୯ ମସିହାରେ ଜୀବନ ସାଥିରୁପେ ଗ୍ରହଣ କରିବା ପରେ ତାନ୍ନି ୨୦୦୨ ମସିହାରୁ ଭୂଟାନର ତେନ୍ଦୁକ ସହରରେ ଥିବା ଏକ ସିନିଅର ସେକେଣ୍ଡାରୀ ସ୍କୁଲରେ ଇଂରାଜୀ ଶିକ୍ଷୟତ୍ରୀ ଭାବେ କାର୍ଯ୍ୟ କରିଆସୁଛନ୍ତି।

ସେମାନଙ୍କର ଏକ ମାତ୍ର ପୁତ୍ର ସିଦ୍ଧାନ୍ତ ଏବେ ନବମ ଶ୍ରେଣୀରେ ପାଠ ପଢୁଛନ୍ତି । ବାପା ମା’ଙ୍କର ଗେହ୍ଲା ଝିଅ, ଶାଶୁ ଶଶ୍ୱୁରଙ୍କର ସୁନା ବୋହୁ, ଜଣେ ଭଲ ଶିକ୍ଷୟତ୍ରି ଓ ସୁଗୃହିଣୀ ହେବା ସହ ଜଣେ ଉତ୍ତମ ମା ଭାବେ ନିଜକୁ ପ୍ରମାଣିତ କରିପାରିଥିବା ତାନ୍ନି ତାଙ୍କର ସାହିତ୍ୟ ସର୍ଜନା ପାଇଁ ଭୂଟାନରେ ନିଜ ସହକର୍ମୀଙ୍କ ମଧ୍ୟରେ ବେଶ୍ ଚର୍ଚାରେ ରହିଛନ୍ତି।

ତାଙ୍କର ତିନୋଟି ଯାକ କବିତା ସଂକଳନ ପାଠକ ପାଠିକା ମହଲରେ ଖୁବ ଉଚ୍ଚ ପ୍ରଶଂସିତ ହୋଇଛି। ପିଲା ଦିନରୁ ସେ ଇଂରାଜୀ କବିତା ଲେଖା ପ୍ରତି ଆକୃଷ୍ଟ ଥିଲେ। ଏଥିରେ ତାଙ୍କୁ ସହଯୋଗର ହାତ ବଢାଇ ଆହୁରି ଉତ୍ସାହିତ କରିଥିଲେ ମା’ ସାନ୍ତଶ୍ରୀ।

ଛୋଟବେଳେ ତାନ୍ନିଙ୍କ କୁନିକୁନି କବିତା ଶୁଣିବା ସହ, ତାଙ୍କୁ ପ୍ରଶଂସା କରିବା ଓ  ଲେଖିବା ପ୍ରତି ତାଙ୍କର ଆଗ୍ରହକୁ ବଢାଇବାର ମୁଖ୍ୟ ଭୂମିକା ଗ୍ରହଣ କରିଥିଲେ ତାଙ୍କ ମା । ବିବାହ ପରେ ସ୍ଵାମୀ ସୋମ୍ୟ ମଧ୍ୟ ତାଙ୍କ କବିତା ଗୁଡିକ ପଢିବା ଓ ତାଙ୍କୁ ପ୍ରୋତ୍ସାହିତ କରି ଲେଖିବା ପାଇଁ ପ୍ରେରଣା ଯୋଗାଇବା କାର୍ଯ୍ୟ କରି ଆସିଛନ୍ତି ।

ଏହି ସାହିତ୍ୟ ସର୍ଜନା କେତେ ଦିନ ପର୍ଯ୍ୟନ୍ତ ଜାରି ରହିବ ପ୍ରଶ୍ନର ଉତ୍ତରରେ ତାନ୍ନି ଓଡିଶା ଡଟ୍ କମ୍ କୁ କହିଥିଲେ ‘ଯେତେଦିନ ପର୍ଯ୍ୟନ୍ତ ମା’ ସରସ୍ଵତୀଙ୍କର କରୁଣା ମୋ ଉପରେ ଥିବ ଓ ସ୍ଵାମୀଙ୍କର ସହଯୋଗ ଥିବ ସେତେଦିନ ପର୍ଯ୍ୟନ୍ତ ମୁ ଲେଖି ଚାଲିଥିବି’ ।

ଓଡିଶା ଡଟ କମ

(ଈପସିତା ଦାଶ ହେଉଛନ୍ତି ଓଡିଶା ଡଟ୍ କମ୍ ର ପରିଚାଳନା ସମ୍ପାଦିକା)

ନିଉଜ ଡେସ୍କ
ନିଉଜ ଡେସ୍କ

Filed Under: ପ୍ରବାସୀ ଓଡିଆ, ସାକ୍ଷାତକାର, ସାହିତ୍ୟ Tagged With: ତାନି ବୋଷ, ସାକ୍ଷାତକାର

Reader Interactions

Comments

  1. E. V. Abraham says

    July 19, 2015 at 4:02 pm

    wow mam. you made it. hearty congrats for all the achievements. keep swimming the ocean of literature. you are very special and your works are really super

    Reply
  2. Alfa says

    July 24, 2015 at 9:38 am

    I salute ur achievement. Congratulations

    Reply
  3. manoj says

    July 27, 2015 at 10:08 am

    verygud

    Reply
  4. sumita sahoo(odisha) says

    August 12, 2015 at 3:07 pm

    Mam really we proud of u

    Reply
  5. sumita sahoo(odisha) says

    August 12, 2015 at 3:08 pm

    Mam we proud of u………..

    Reply
  6. niranjanpanda says

    July 19, 2017 at 5:21 pm

    Congratulation for your literally programme.#npanda.

    Reply

Leave a Reply Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ

Go to mobile version