Site icon Odisha.com

ଓଡିଶାରେ ଆଏଲ୍ଏମ୍ଏସ୍ (ଆଇନଗତ ମାମଲାଗୁଡିକର ଡିଜିଟାଲ ମନିଟରିଂ ପାଇଁ ଏକ ବ୍ୟବସ୍ଥା) ଉପରେ ଏକ ପୁସ୍ତକ ଉନ୍ମୋଚନ

ବିଦ୍ୟାଳୟ ଏବଂ ଗଣଶିକ୍ଷା ବିଭାଗର ବିଚାରଧିନ ଥିବା ମାମଲା ଗୁଡିକ ଆଏଲ୍ଏମ୍ଏସ୍ ସହାୟତାରେ ୫୯ ପ୍ରତିଶତ ହ୍ରାସ

ଭୁବନେଶ୍ୱର – ଓଡିଶା ଇଲେକ୍ଟ୍ରୋନିକ୍ସ ଏବଂ ସୂଚନା ଓ ପ୍ରଯୁକ୍ତି ବିଭାଗ ଆଜି ଇଣ୍ଟିଗ୍ରେଟେଡ୍ ଲିଗାଲ ମନିଟରିଂ ସିଷ୍ଟମ୍ (ଆଇଏଲଏମଏସ) ଉପରେ ଏକ ପୁସ୍ତକ ଉନ୍ମୋଚନ କରିଛି ।

ଏହି ପୁସ୍ତକ ରେ ଦୃଢ, ନିରବିହୀନ ସମାଧାନର କାର୍ଯ୍ୟକାରିତାକୁ ବର୍ଣ୍ଣନା କରାଯାଇଛି ଯାହାକି ରାଜ୍ୟ ସରକାରଙ୍କୁ ଆଇନଗତ ମାମଲାର ପୃଷ୍ଠଭୂମୀ ହ୍ରାସ କରିବାରେ ସହାୟକ ହେବା ସହିତ ଉନ୍ନତ ତଦାରଖ ତଥା ବର୍ଦ୍ଧିତ ଶାସନ, ସ୍ୱଚ୍ଛ ଓ ଦକ୍ଷ ମାମଲା ପରିଚାଳନା ଏବଂ ନ୍ୟାୟ ପ୍ରଦାନର ଏକ ନୂତନ ଯୁଗକୁ ସୂଚିତ ହୋଇଛି ।

ଏହି ପୁସ୍ତକଟିକୁ ମାନ୍ୟବର ଇଲେକ୍ଟ୍ରୋନିକ୍ସ ଏବଂ ସୂଚନା ଓ ପ୍ରଯୁକ୍ତି ବିଭାଗର ମନ୍ତ୍ରୀ ଶ୍ରୀ ତୁଷାରକାନ୍ତି ବେହେରା ଉନ୍ମୋଚନ କରିଥିଲେ ଏବଂ ଏହି ଅବସରରେ ଇଲେକ୍ଟ୍ରୋନିକ୍ସ ଏବଂ ସୂଚନା ବିଭାଗର ସଚିବ ଶ୍ରୀ ମନୋଜ ମିଶ୍ର ଏବଂ ଓଡିଶା କମ୍ପୁ୍ୟଟର ଆପ୍ଲିକେସନ ସେଣ୍ଟର (ଓକାକ୍)ର ବରିଷ୍ଠ ଅଧିକାରୀଙ୍କ ଉପସ୍ଥିତ ଥିଲେ ।

ଆଇଏଲଏମଏସ ଉପରେ ପର୍ଯ୍ୟବେଶିତ ହୋଇଥିବା ଏହି ପୁସ୍ତକରେ ଆଇନଗତ ଯାତ୍ରାର ବ୍ୟବସ୍ଥା, ଦୃଶ୍ୟମାନ ସୁବିଧା ଉପରେ ବର୍ଣ୍ଣନା ଏବଂ ଭବିଷ୍ୟତ ପାଇଁ ଏକ କାର୍ଯ୍ୟପନ୍ଥା ଉପରେ ସ୍ପଷ୍ଟ ଭାବେ ଚିତ୍ରଣ କରାଯାଇଛି ।

ଆଇଏଲଏମଏସ ଓଡିଶା ସରକାରଙ୍କ ୫ ଟି ଶାସନ ପ୍ରତିକୃତି ସହିତ ସଂଯୋଗ କରାଯାଇଛି ଯାହାଦ୍ୱାରା ସରକାରୀ ବିଭାଗରେ ଆଇନଗତ ମାମଲାର ଭାର ଅପେକ୍ଷାକୃତଭାବେ ହ୍ରାସ ପାଇବ ।

ଡିଜିଟାଲ ସମାଧାନ ଯୋଗୁଁ ଆଇନଗତ ମାମଲା ଗୁଡିକର ପରିଚାଳନା କରିବା ଏବଂ ଅନ୍ୟାନ୍ୟ ବୈଶିଷ୍ଟ ଯେପରିକି ଶୁଣାଣିର ତାରିଖ, କାଉଣ୍ଟର ପ୍ରତିକ୍ରିୟା ଦାଖଲ, କୋର୍ଟର ନିଦେ୍ର୍ଦଶ ଏବଂ ପ୍ରତିକ୍ରିୟା ଅନୁପାଳନ ର ସମୟସୀମା ଜାଣିବାରେ ସହଜ ହେବ ବୋଲି, ମାନ୍ୟବର ମନ୍ତ୍ରୀ ନିଜ ସମ୍ଭାଷଣରେ କହିଛନ୍ତି ।।

ପୁସ୍ତକ ଉନ୍ମୋଚନ ସମାରୋହରେ ଯୋଗଦେଇ ବିଭାଗୀୟ ସଚିବ ଶ୍ରୀ ମିଶ୍ର କହିଛନ୍ତି, ଏହି ପୁସ୍ତକ ସର୍ବସାଧାରଣଙ୍କ ନିମନ୍ତେ ଉତ୍ତମ ସେବା ଯୋଗାଇବା ବ୍ୟତୀତ ଟେକ୍ନୋଲୋଜି ବ୍ୟାଘାତକାରୀ ସମ୍ଭାବନା ଉପରେ ଆଲୋକପାତ କରାଇବ ।

ଆଇନଗତ ମାମଲା ପରିଚାଳନା କରିବା ପାଇଁ ଟେକ୍ନୋଲୋଜିର ବ୍ୟବହାର କରିବା କ୍ଷେତ୍ରରେ ଓଡିଶା ଏକ ଅଗ୍ରଣୀ ରାଜ୍ୟ ଅଟେ ।

ଶୁଣାଣିର ତାରିଖ, କାଉଣ୍ଟର ପ୍ରତିକ୍ରିୟା ଦାଖଲ, କୋର୍ଟର ନିଦେ୍ର୍ଦଶ ଏବଂ ପ୍ରତିକ୍ରିୟା ଅନୁପାଳନ ର ସମୟସୀମା ଜାଣିବାରେ ଆଇଏଲ୍ଏମ୍ଏସ୍ ସୂଚେଇବା ସହିତ ମାମଲା ଗୁଡିକର ପରିଚାଳନା କରିବା କ୍ଷେତ୍ରରେ ନିଜର ଆଭିମୁଖ୍ୟ ପ୍ରଦାନ କରିଥାଏ ।

ଓଡିଶାରେ କାର୍ଯ୍ୟକାରୀ ହୋଇଥିବା ସଂସ୍କାରବାଦୀ ଟେକ୍ନୋଲୋଜି ହସ୍ତକ୍ଷେପ ମଧ୍ୟରୁ ଆଇଏଲ୍ଏମ୍ଏସ୍ ଅନ୍ୟତମ । ଏହି ବ୍ୟବସ୍ଥା କାର୍ଯ୍ୟନ୍ୱୟନ ପରେ, ମାମଲା ଗୁଡିକର ବ୍ୟକ୍ଲଗ ରେ ଏକ ଅଦ୍ଭୁତ୍ତପୂର୍ଣ୍ଣ ହ୍ରାସ ଘଟିଛି ।

ପ୍ରଥମ କରି ପରୀକ୍ଷାମୂଳକ ଭାବେ ଏହି ଟେକ୍ନୋଲୋଜିର କାର୍ଯନ୍ୱୟନ ବିଦ୍ୟାଳୟ ଏବଂ ଗଣଶିକ୍ଷା ବିଭାଗରେ ହୋଇଥିଲା ଏବଂ ଏହାର ପରିଣାମ ବିଶେଷଭାବରେ ଏହି ବିଭାଗରେ ବେଶ ପ୍ରଭାବଶାଳୀ ହୋଇଛି ।

ଏହି ବ୍ୟବସ୍ଥା କାର୍ଯ୍ୟକାରୀ ହେବା ପୂର୍ବରୁ, ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ପ୍ରତିଦିନ ହାରାହାରୀ ଭାବେ ୧୦ଟି ମାମଲା ର ସମ୍ମୁଖୀନ ହେଉଥିଲା ଯାହାକି ୨୦୧୭ ମସିହାରେ ପ୍ରାୟ ୮୦,୦୦୦ ମାମଲାକୁ ବୃଦ୍ଧି ହୋଇଥିଲା ।

ଏପ୍ରିଲ ୨୦୨୨ ଶେଷ ସୁଦ୍ଧା କୋର୍ଟରେ ବିଚରାଧିନ ଥିବା ମାମଲା ଆଇଏଲ୍ଏମଏସ ଟେକ୍ନୋଲୋଜି ସହାୟତାରେ ୩୨୬୫୪ କୁ ହ୍ରାସ ପାଇଥିଲା ଯାହାକି ୫୯ ପ୍ରତିଶତ ମାମଲା ହ୍ରାସ ପାଇଥିଲା ।

ଭାରତରେ ନ୍ୟାୟିକ ବ୍ୟବସ୍ଥା ବହୁ ପରିମାଣରେ ଆଇନଗତ ମାମଲାର ସାମ୍ନା କରୁଛି । ନ୍ୟାସନାଲ୍ ଜୁଡିସିଆଲ୍ ଡାଟା ଗ୍ରିଡର ଆକଳନ ଅନୁଯାୟୀ, ବିଭିନ୍ନ ଅଦାଲତରେ ପ୍ରାୟ ୪୨.୪ ନିୟୁତ ମାମଲା ବିଚାରାଧୀନ ଅଛି ଏବଂ ଏହି ବିଚାରାଧୀନ ମାମଲାରେ ପ୍ରାୟ ୪୦ ପ୍ରତିଶତରୁ ଅଧିକ ସରକାରୀ ବିଭାଗର କିମ୍ବା କାର୍ଯ୍ୟାଳୟର ମକଦ୍ଦମା ।

ଏହି ସମସ୍ୟାକୁ ସାମ୍ନା କରିବା ପାଇଁ ଓଡିଶା ସରକାର ଟେକ୍ନିଲୋଜିର ସହାୟତା ଲୋଡିଛନ୍ତି ।

ଆଇସିଟି ଆଇଏଲଏମଏସ୍ ଭଳି ସମାଧାନ କରିବାରେ ସକ୍ଷମ ହୋଇପାରିଛି, ଆଇଏଲଏମଏସ୍ ପ୍ରଶାସନର ମୁଖ ଚିତ୍ର ପରିବର୍ତ୍ତନ କରିବା ଏବଂ ନାଗରିକ ତଥା ନିବେଶକଙ୍କ ଆତ୍ମବିଶ୍ୱାସ ବୃଦ୍ଧି କରି ସରକାରଙ୍କ ଭାବମୂର୍ତ୍ତିକୁ ପରିବର୍ତ୍ତନ କରିବାରେ କ୍ଷମତା ରଖୁଚି ।

ଯେହେତୁ ଏହି ମାମଲା ସମ୍ବନ୍ଧୀୟ ପ୍ରତ୍ୟେକ ବିବରଣୀ ଅନଲାଇନରେ ରେ ଉପଲବ୍ଧ, ଏହା ମାନବ ସମ୍ବଳକୁ ସାଂପ୍ରତିକ ତଥା ଏପରି କଠିନ କାର୍ଯ୍ୟ ରେ ସମୟ ଅତିବାହିତ କରିବାକୁ ବାରଣ କରିଥାଏ, ଯାହାକି ସେମାନଙ୍କୁ ଅଧିକ ଉତ୍ପାଦନକାରୀ କାର୍ଯ୍ୟରେ ନିୟୋଜିତ କରାଇଥାଏ ।

Exit mobile version