admin

ଜାନୁୟାରୀ ୧୯, ଗୁରୁବାର ଭୋର ସମୟରେ ବାଲେଶ୍ୱର ଜିଲ୍ଲା ସୋର ନିକଟରେ ହୋଇଥିବା ଦୁର୍ଘଟଣାରେ ଆହତ ଲୋକମାନେ ।

ଜାନୁୟାରୀ ୧୮, ଗୁରୁବାର ଭଦ୍ରକ ପୁରୁଣା ବଜାରରୁ ପୋଲିସ ଜବତ କରିଥିବା ଗଂଜେଇ ଭର୍ତି ସିଗାରେଟ ।

 

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ମାଲକାନଗିରି, ଜାନୁୟାରୀ ୧୯(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ଗୁରୁବାର ଏସ୍ଓଜି ଓବିଏସ୍ଏଫ ଯବାନଙ୍କ କୁମ୍ବିଂ ଅପରେଶନ ସମୟରେ ଚାରିଜଣ ମାଓବାଦୀଙ୍କୁ ଗିରଫ କରିଥିବା ପୋଲିସ କହିଛି ।

ଏମ୍ଭି-୭୨ ଗାଁ ନିକଟସ୍ଥ ଜଙ୍ଗଲରେ ମାଓବାଦୀମାନେ ଗୁପ୍ତ ବୈଠକ କରୁଥିବା ଖବର ପାଇ
ଯବାନମାନେ ସେଠାକୁ କୁମ୍ବିଂ ଅପରେଶନରେ ଯାଇ ଏହି ମାଓବାଦୀଙ୍କୁ ଗିରଫ କରିଥିବା ଜଣେ
ଅଧିକାରୀ କହିଛନ୍ତି ।

ଗିରଫ ମାଓବାଦୀମାନେ ହେଲେ ମାନ୍ଦାମୀ ସୁବା, ତାଲମ ଏରା,ମାନବକୁଣ୍ଡା ଚେଲମ ନାଗା ଓ ଚିନମ୍
ଭୂମିଆ । ଗିରଫ ପରେ ଏମାନଙ୍କୁ କୋର୍ଟ ଚାଲାଣ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୯(ଓଡ଼ିଶା ଡ଼ଟ୍ କମ୍) ପିପିଲି ଯୁବତୀ ଗଣବଳାତ୍କାର ମାମଲାରେ ଅଭିଯୁକ୍ତଙ୍କ ସହ ସଂପୃକ୍ତି ଅଭିଯୋଗ ପରେ ଗୁରୁବାର କୃଷିମନ୍ତ୍ରୀ ପ୍ରଦୀପ ମହାରଥୀ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ।

ନୈତିକତା ଦୃଷ୍ଟିରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ତାଙ୍କ ବାସଭବନରେ ସାକ୍ଷାତ କରି ଇସ୍ତଫା ପତ୍ର ପ୍ରଦାନ କରିଥିବା ମହାରଥୀ ଓଡ଼ିଶା ଡ଼ଟ୍ କମ୍କୁ କହିଛନ୍ତି ।

ଏହି ଘଟଣାରେ ବିରେଧୀ ଦଳ ଗୁଡ଼ିକ ରାଜନୈତିକ ଫାଇଦା ନେବା ପାଇଁ ଉଦ୍ୟମ କରୁଥିବା ଅଭିଯୋଗ କରି ଦଳର ସ୍ୱାର୍ଥ ତଥା ସ୍ୱାଭିମାନ ଦୃଷ୍ଟିରୁ ଇସ୍ତଫା ଗ୍ରହଣ କରିବାକୁ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛି, ସେ କହିଛନ୍ତି ।

ପିପିଲି ଥାନା ଅର୍ଜୁନଗା ଗାଁର ସଂପୃକ୍ତ ଯୁବତୀଙ୍କୁ ଗତ ନଭେମ୍ବର ୨୮ରେ ଗଣବଳାକ୍ରାର ପରେ ହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଥିଲା ।

ଅଭିଯୁକ୍ତଙ୍କ ସହ ମହାରଥୀଙ୍କ ସଂପର୍କ ଥିବା ଅଭିଯୋଗ କରି ତାଙ୍କର ଇସ୍ତାଫା ଦାବିରେ ବିରୋଧୀ ଦଳ
ଗୁଡ଼ିକ ତଥା ବିଭିନ୍ନ ସଂଗଠନ ପକ୍ଷରୁ ଆନ୍ଦୋଳନ କରାଯାଇଛି ।

ଏହି ଘଟଣାରେ କ୍ରାଇମବ୍ରାଂଚ ପୋଲିସ ତିନି ଜଣଙ୍କୁ ଗିରଫ କରିଛି । ତେବେ ଘଟଣାରେ ତାଙ୍କର କୌଣସି ସଂପୃକ୍ତ ନଥିବା ମହାରଥୀ ପୂର୍ବରୁ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଜାନୁୟାରୀ ୧୯(ଓଡ଼ିଶା ଡ଼ଟ୍ କମ୍) ଆସନ୍ତା ପଞ୍ଚାୟତ ନିର୍ବାଚନ ପାଇଁ ଭଦ୍ରକ ଠାରେ ଗୁରୁବାର ନିର୍ବାଚନ ପରିଚାଳନା ପାଇଁ ଏକ ତାଲିମ ଶିବିରର ଆୟୋଜନ କରାଯାଇଛି ।

ବିଭିନ୍ନ ବ୍ଲକରେ ନିର୍ଦ୍ଧାରିତ ନିର୍ବାଚନ ତାରିଖରେ ଆଇନ-ଶୃଙ୍ଖଳା ତଦାରଖ ବ୍ୟବସ୍ଥା, ପୋଲିଂ ବୁଥର ସୁରକ୍ଷା, ପୋଲିଂ ପାର୍ଟି ପ୍ରେରଣ, ପୋଲିଂ ଅଧିକାରୀଙ୍କ ତାଲିମ ସଂପର୍କରେ ଆଲୋଚନା ହୋଇଛି ।

ଡ଼ିଆରଡ଼ିଏ ପ୍ରକଳ୍ପ ନିର୍ଦ୍ଦେଶକ ଶଶୀଧର ନାୟକ, ନିର୍ବାଚନ କମିଶନଙ୍କ ପର୍ଯ୍ୟବେକ୍ଷକ ଶରତ ଚନ୍ଦ୍ର ନାୟକ,ଉପ ଜିଲ୍ଲାପାଳ ରାମଚନ୍ଦ୍ର ପାଲଟା ଓ ଅନ୍ୟ ଅଧିକାରୀମାନେ ଏଥିରେ ଉପସ୍ଥିତ ଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୯(ଓଡ଼ିଶା ଡ଼ଟ୍ କମ୍) ଅନୁଗୁଳ ଜିଲ୍ଲା ନିଶା ଗ୍ରାମର ଝିଅ ପ୍ରସନ୍ନତା ଶାଣ୍ଡିଲ୍ୟ ଜାତୀୟ ଶିଶୁ ସାହସିକତା ପୁରସ୍କାର ପାଇବାକୁ ମନୋନୀତ ହୋଇଛନ୍ତି ।

ସାଧାରଣତନ୍ତ୍ର ଦିବସରେ ପ୍ରଧାନମନ୍ତ୍ରୀ ମନମୋହନ ସିଂହ ତାଙ୍କୁ ଏହି ପୁରସ୍କାର ପ୍ରଦାନ କରିବେ ।
ଦେଶର ବିଭିନ୍ନ ପ୍ରାନ୍ତର ୨୪ଜଣ ଶିଶୁଙ୍କୁ ସାହସିକତା ପାଇଁ ଏହି ପୁରସ୍କାର ପ୍ରଦାନ କରାଯିବ ।

ଗତ ବର୍ଷ ଅପ୍ରେଲ ୧୨ରେ ପାଂଚ ଜଣ ଡ଼କାୟତ ତାଙ୍କ ଘରକୁ ଆସିଥିବା ବେଳେ ପ୍ରସନ୍ନତା
ସାହସିକତାର ସହ ସେମାନଙ୍କ ଆଖିରେ ଲଙ୍କାଗୁଣ୍ଡ ପକାଦେଇଥିଲେ । ଫଳରେ ଡ଼କାୟତଙ୍କ
ଆକ୍ରମଣରୁ ପରିବାର ଲୋକ ରକ୍ଷା ପାଇଯାଇଥିଲେ ।

ପ୍ରସନ୍ନତା ବର୍ତମାନ ଅନୁଗୁଳ ସ୍ଥିତ ଓପି ଜିନ୍ଦଲ ସ୍କୁଲରେ ପାଠ ପଢୁଛନ୍ତି । ପୁରସ୍କୃତ ହେବାକୁ ଥିବା ଶିଶୁଙ୍କ ମଧ୍ୟରେ ଅଛନ୍ତି ୮ଜଣ ଝିଅ ଓ ୧୬ଜଣ ପୁଅ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୧୯(ଓଡ଼ିଶା ଡ଼ଟ୍ କମ୍) ଚିଲିକାରେ ପୂର୍ବ ବର୍ଷ ଅପେକ୍ଷା ଚଳିତ ବର୍ଷ ଡ଼ଲଫିନ୍ଙ୍କ ସଂଖ୍ୟା ହ୍ରାସ ପାଇଛି ।

ଗତ ବର୍ଷ ତୁଳନାରେ ଏହି ସଂଖ୍ୟା ୧୧ ହ୍ରାସ ପାଇ ୧୪୫ରେ ପହଂଚିଛି । ଗତ ୧୬ ଓ ୧୭ ତାରିଖରେ
ହୋଇଥିବା ଗଣନାରୁ ଏହା ଜଣାପଡ଼ିଛି ବୋଲି ଚିଲିକା ଉନ୍ନୟନ କର୍ତୃପକ୍ଷଙ୍କ ପକ୍ଷରୁ କୁହାଯାଇଛି ।

ଗତ ଶ ବର୍ଷ ମଧ୍ୟରେ ୫୭ ଡ଼ଲଫିନ୍ ବଢିଥିବା ବେଳେ ୭୫ଟି ମରିଯାଇଥିବା ଜଣାପଡ଼ିଛି । ଡ଼ଲ୍ଫିନ ଶାବକଙ୍କ ସଂଖ୍ୟା ଗତ ବର୍ଷ ୪ ଥିବା ବେଳେ ଏହା ଚଳିତ ୧୦କୁ ବୃଦ୍ଧି ପାଇଛି ।

୨୦୧୧ରେ ୧୩୧ଟି ବୟସ୍କ ୨୧ଟି ମଧ୍ୟ ବୟସ୍କ ଏବଂ ୪ଟି ଶାବକଙ୍କ ସହ ମୋଟ୍ ୧୫୭ଟି ଡ଼ଲଫିନ୍
ଥିବାବେଳେ ବର୍ତମାନ ୧୧୨ଟି ବୟସ୍କ ୧୪ଟି ମଧ୍ୟ ବୟସ୍କ ଏବଂ ୧୦ଟି ଶାବକଙ୍କ ସହ ସମୁାୟ
୧୪୫ଟି ଡ଼ଲ୍ଫିନ୍ ଅଛନ୍ତି । ସେହିପରି ୨୦୧୧ ଏବଂ ୧୨ରେ ଗୋଟିଏ ଲେଖାଏଁ ଡ଼ଲ୍ଫିନ୍ଙ୍କ ମୃତ୍ୟୁ ହୋଇଛି ।

ତେବେ ଡ଼ଲ୍ଫିନ୍ ସଂପର୍କରେ ଠିକ୍ ସୂଚନା ପାଇଁ ମୁହାଣରେ ଏକ ସ୍ଥାୟୀ ହାଇଡ଼୍ରୋଫୋନ୍ ବ୍ୟବସ୍ଥା କରାଯିବ । ଏନେଇ ଜାପାନର ଟୋକିଓ ବିଶ୍ୱବିଦ୍ୟାଳୟ ସହ ଚୁକ୍ତି ହୋଇଛି ବୋଲି ଜଣେ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଜାନୁୟାରୀ ୧୮ ବୁଧବାର ଏବିଭିପିର ୩୬ତମ ରାଜ୍ୟ ସମ୍ମିଳନୀକୁ ନେଇ ଭଦ୍ରକ ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ।