• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଓଡିଶା ଖବର

ନାଲକୋ ନିର୍ଦ୍ଦେଶକଙ୍କୁ ଗ୍ଲୋବାଲ ଏଚଆର ଏକ୍ସିଲେନ୍ସ ପୁରସ୍କାର

February 18, 2013 by ଓଡିଶା ଡଟ କମ Leave a Comment

ମୁମ୍ବାଇ,ଫେବୃଆରୀ ୧୮,(ଓଡ଼ିଶା ଡ଼ଟ୍ କମ୍)- ନ୍ୟାସନାଲ ଆଲୁମିନିୟମ କମ୍ପାନୀ ଲିମିଟେଡ (ନାଲକୋ) ର ନିର୍ଦ୍ଦେଶକ (ମାନବସମ୍ବଳ) ଶ୍ରୀ ଏସ.ସି. ପାଢୀଙ୍କୁ ଇନଷ୍ଟିଚୁ୍ୟଟ ଅଫ ପବ୍ଲିକ ଏନଟରପ୍ରାଇଜେସ ଦ୍ୱାରା ମୁମ୍ବାଇ ଠାରେ ଆୟୋଜିତ ତିନି-ଦିବସୀୟ ୱାର୍ଲଡ ଏଚଆରଡି କଂଗ୍ରେସର ଉଦଯାପନୀ ଉତ୍ସବରେ ଗ୍ଲୋବାଲ ଏଚଆର ଏକ୍ସିଲେନ୍ସ ପୁରସ୍କାର ପ୍ରଦାନ କରାଯାଇଛି ।

Photograph-2

ମୁମ୍ବାଇଠାରେ ଅନୁଷ୍ଠିତ ଦୁଇ ଦିନିଆ ୱାର୍ଲଡ ସିଏସଆର କଂଗ୍ରେସର ଶେଷ ଦିବସ ତଥା ବିଶ୍ୱ ସିଏସଆର ଦିବସ ଅବସରରେ ଆଜି ଶ୍ରୀ ପାଢୀ, ନବରତ୍ନ ନାଲକୋ ପକ୍ଷରୁ କେୟାରିଂ କମ୍ପାନୀ ପୁରସ୍କାର ମଧ୍ୟ ଗ୍ରହଣ କରିଛନ୍ତି ।

ଶ୍ରମ ଓ ସମାଜ କଲ୍ୟାଣରେ ସ୍ନାତକତୋର ଶିକ୍ଷା ଲାଭ କରିଥିବା ଶ୍ରୀ ପାଢୀ, ଟାଟା ମାଇନ୍ସ, ଏନଟିପିସି, ସତଲୁଜ ଜଳ ବିଦ୍ୟୁତ ନିଗମ (ଏସଜେଭିଏନଏଲ) ଓ ଏମସିଏଲରେ କାର୍ଯ୍ୟ କରି ସେ ମାନବ ସମ୍ବଳ ପରିଚାଳନା କ୍ଷେତ୍ରରେ ବ୍ୟାପକ ଅଭିଜ୍ଞତା ହାସଲ କରିଛନ୍ତି ।

ବାଲାନ୍ସ ସ୍କୋର କାର୍ଡ ଆଧାରରେ ‘ପର୍ଫମାନ୍ସ ରିଲେଟେଡ ପେ’ (ପିଆରପି) ର କାର୍ଯ୍ୟାନ୍ୱୟନ ଏବଂ ମାନବ ସମ୍ବଳର ଉପଯୁକ୍ତ ବିନିଯୋଗ ଆଦି କ୍ଷେତ୍ରରେ ତାଙ୍କର ଅବଦାନ ଉଲ୍ଲେଖଯୋଗ୍ୟ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ନାଲକୋ, ମାନବ ସମ୍ବଳ, ମୁମ୍ବାଇ

ଦୁଇଦିନିଆ ଗସ୍ତରେ ଓଡ଼ିଶା ପହଞ୍ଚିଲେ ରାହୁଲ

February 18, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର,୧୮ଫେବୃଆରୀ(ଓଡ଼ିଶା ଡ଼ଟ୍ କମ୍)-କଡ଼ା ସୁରକ୍ଷା ବଳୟ ମଧ୍ୟରେ କଂଗ୍ରେସ ଉପସଭାପତି ରାହୁଲ ଗାନ୍ଧୀ ଦୁଇ ଦିନିଆ ଓଡ଼ିଶା ଗସ୍ତରେ ଆସି ସମ୍ବଲପୁରରେ ସୋମବାର ପହଞ୍ଚିଛନ୍ତି । ଏଆଇସିସିର ଉପ ସଭାପତି ଭାବେ ଦାୟିତ୍ୱ ଗ୍ରହଣ କରିବା ପରେ ଗାନ୍ଧୀଙ୍କ ଏହା ପ୍ରଥମ ଓଡ଼ିଶା ଗସ୍ତ ।

Rahul

ଜମାଦାରପାଲି ଏୟାରଷ୍ଟ୍ରିପ୍ ରେ ଓ ଭାଲୁପାଲି ଠାରେ ଦଳର ବରିଷ୍ଠ ନେତୃବୃନ୍ଦ ଙ୍କ ସହ ହଜାର ହଜାର କର୍ମୀ ତାଙ୍କୁ ସ୍ୱାଗତ କରିଥିଲେ । ସମ୍ବଲପୁରରେ ଗାନ୍ଧୀ ୧୭ଟି ସାଂଗଠନିକ ଜିଲ୍ଲାର ଜିଲ୍ଲା କଂଗ୍ରେସ କମିଟି ସଭାପତି ଓ ବ୍ଲକ୍ କଂଗ୍ରେସ କମିଟି ଗୁଡ଼ିକର ସଭାପତି ମାନଙ୍କ ସହ ଆଲୋଚନା କରିବେ ।ଏହା ସହ ପଶ୍ଚିମ ଓଡ଼ିଶାର କଂଗ୍ରେସ ବିଧାୟକ ଏବଂ ସାଂସଦ ମାନଙ୍କ ସହ ମଧ୍ୟ ସେ ସାକ୍ଷାତ କରିବେ ।

ସୋମବାର ରାହୁଲ ସମ୍ବଲପୁରରେ ରାତ୍ରୀଯାପନ କରି ପରଦିନ କଟକ ଆସିବେ । ସେଠାରେ ସେ ବାକି କଂଗ୍ରେସ ସାଂଗଠନିକ ସଭାପତି, ଓ ବ୍ଲକ୍ କଂଗ୍ରେସ କମିଟି ର ସଭାପତିମାନଙ୍କ ସହ ଆଲୋଚନା କରିବେ ବୋଲି ପିସିସି ସଭାପତି ନିରଞ୍ଜନ ପଟନାୟକ କହିଛନ୍ତି ।

ଏଠାରେ ଉଲ୍ଲେଖଯୋଗ୍ୟ ଯେ, ଗାନ୍ଧୀଙ୍କର ଏହି ଗସ୍ତ ସମୟରେ ସେ କୌଣସି ଜନସଭାକୁ ସମ୍ବୋଦ୍ଧିତ କରିବେ ନାହିଁ ।

ଫଟୋ: ଅରବିନ୍ଦ ମହାପାତ୍ର

ତେବେଏହି ବୈଠକ ମାନଙ୍କରେ କଂଗ୍ରେସର ସାଂଗଠନିକ ଦକ୍ଷତା ବୃଦ୍ଧି ଓ ଦଳୀୟ ବ୍ୟାପାରକୁ ନେଇ ଆଲୋଚନା ହେବ । ଗତ କିଛି ମାସ ମଧ୍ୟରେ ରାଜ୍ୟରେ କଂଗ୍ରେସ ଅଧିକ ସକ୍ରିୟ ହୋଇଥିବା ବେଳେ ରାହୁଲଙ୍କର ଏହି ଗସ୍ତକୁ ଯଥେଷ୍ଟ ଗୁରୁତ୍ୱ ଦିଆଯାଉଛି ।

ଓଡ଼ିଶା ଡ଼ଟ୍ କମ୍

 

Filed Under: ଓଡିଶା ଖବର, ରାଜନୀତି Tagged With: ରାହୁଲ ଗାନ୍ଧୀ, ସମ୍ବଲପୁର

୧୯ରୁ ଭୁବନେଶ୍ୱରରେ ୭ ଦିନ ବ୍ୟାପୀ କଳିଙ୍ଗ ନାଟ୍ୟ ମହୋତ୍ସବ

February 18, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଫେବୃଆରୀ ୧୮,(ଓଡ଼ିଶା ଡ଼ଟ୍ କମ୍)-ଆସନ୍ତା ୧୯ ତାରିଖରୁ ସର୍ବପୁରାତନ ନାଟ୍ୟ ଅନୁଷ୍ଠାନ ଶତାବ୍ଦୀର କଳାକାର ପକ୍ଷରୁ ବହୁଭାଷୀ ନାଟକ ୧୫ତମ କଳିଙ୍ଗ ନାଟ୍ୟ ମହୋତ୍ସବ ଅନୁଷ୍ଠିତ ହେବ । ଏହି ମହୋତ୍ସବ ରବୀନ୍ଦ୍ରମଣ୍ଡପଠାରେ ୭ ଦିନ ବ୍ୟାପୀ ଆୟୋଜିତ ହେବ ।

ଏଥିରେ ୩ଟି ଓଡ଼ିଆ ନାଟକ ମଞ୍ଚସ୍ଥ ହେବାକୁ ଥିବାବେଳେ ଗୋଟିଏ ବଙ୍ଗଳ।, ହିନ୍ଦୀ , ଛତିଶଗଡି, କାଶ୍ମିର ଆଦି ଭାଷାରେ ନାଟକ ମଞ୍ଚସ୍ଥ ହେବାର କାର୍ଯ୍ୟକ୍ରମ ରହିଛି ।

ଏହି ମହୋତ୍ସବକୁ ୧୯ ତାରିଖ ସଂଧ୍ୟାରେ ରବୀନ୍ଦ୍ର ମଣ୍ଡପଠାରେ ସଂସ୍କୃତି ଓ ପର୍ଯ୍ୟଟନ ବିଭାଗ ମନ୍ତ୍ରୀ ମହେଶ୍ୱର ମହାନ୍ତି ଆନୁଷ୍ଠାନିକ ଭାବେ ଉଦ୍ଘାଟନ କରିବାର କାର୍ଯ୍ୟକ୍ରମ ରହିଛି ବୋଲି ଏକ ସାମ୍ବାଦିକ ସମ୍ମିଳନୀରେ ଶତାବ୍ଦୀର କଳାକାର ଅନୁଷ୍ଠାନର ସଭାପତି ଧୀର ମଲ୍ଲିକ ସୂଚନା ଦେଇଛନ୍ତି ।

ସେ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ୭ ଦିନ ବ୍ୟାପୀ ଆୟୋଜିତ ହେବାକୁ ଥିବା ଏହି ନାଟକ ମହୋତ୍ସବରେ ପ୍ରଥମେ ଶତାବ୍ଦୀର କଳାକାର ପକ୍ଷରୁ ଓଡ଼ିଆ ନାଟକ ଖାରବେଳ ମଞ୍ଚସ୍ଥ କରାଯିବ ।

ସେହିପରି ଅନ୍ତିମ ଦିବସ ଅର୍ଥାତ ୨୫ ତାରିଖରେ ଭୁବନେଶ୍ୱର ନାଟ୍ୟ ଅନୁଷ୍ଠାନ ପକ୍ଷରୁ ଓଡ଼ିଆ ନାଟକ ସମାଧି ମଞ୍ଚସ୍ଥ ହେବ ବୋଲି ଅନୁଷ୍ଠାନ ପକ୍ଷରୁ ସୂଚନା ମିଳିଛି । ଅନୁଷ୍ଠାନ ପକ୍ଷରୁ ବିଶିଷ୍ଟ ବ୍ୟକ୍ତିବିଶେଷଙ୍କୁ ଅତିଥିମାନଙ୍କ ଦ୍ୱାରା ସମ୍ବର୍ଦ୍ଧିତ କରାଯିବାର କାର୍ଯ୍ୟକ୍ରମ ରହିଛି ।

ଏଥିରେ ବିଶିଷ୍ଟ ସାହିତ୍ୟିକ କେନ୍ଦ୍ରସାହିତ୍ୟ ଏକାଡେମୀ ପୁରସ୍କାର ବିଜେତା ଡ. ଗୌରହରି ଦାସଙ୍କୁ ସ୍ୱତନ୍ତ୍ର ସମ୍ବର୍ଦ୍ଧନା କରାଯିବାକୁ ଥିବାବେଳେ ବିଶିଷ୍ଟ ଅଭିନେତ୍ରୀ ସଂଯୁକ୍ତା କରଙ୍କୁ ସୁମିତ୍ରା ସମ୍ମାନ,ଅଭିନେତା ତଥା ନିର୍ଦ୍ଦେଶକ ଦେବେନ୍ଦ୍ରନାଥ ମଲ୍ଲିକଙ୍କୁ ଅଲେଖ ସମ୍ମାନ ପ୍ରଦାନ କରାଯିବା ସହ ସେମାନଙ୍କୁ ନଗଦ ୧୦ହଜାର ଟଙ୍କା ଅର୍ଥରାଶି ପ୍ରଦାନ କରାଯିବ ।

ସେହିପରି ଦୈନିକ ଖବର କାଗଜ ‘ଓଡ଼ିଶା ଭାସ୍କର’ର ବ୍ୟୁରୋ ଚିପ୍ କୌସ୍ତୁଭ ଦାସ,ନାଟ୍ୟକାର ଡ. ଶୈଳେଶ୍ୱର ନନ୍ଦ, ନିର୍ଦ୍ଦେଶକ ପ୍ରୀତିରଞ୍ଜନ ମିଶ୍ର, ଅଭିନେତା ବିନାୟକ ମିଶ୍ର, ନିର୍ଦ୍ଦେଶକ ଗୌରୀଶ୍ୟାମ ମହାପାତ୍ର, ଅଭିନେତା ବିଜୟ କୁମାର ପଟ୍ଟନାୟକ, ସାମ୍ବାଦିକ ନୀଳାମ୍ବର ରଥ, ମିସ୍ ଡାଇନା ସାହୁ ଓ ଫଟୋ ସାମ୍ବାଦିକ ଜିତେନ୍ଦ୍ର ମହାନ୍ତିଙ୍କୁ ଶତାବ୍ଦୀର କଳାକର ସମ୍ମାନରେ ସମ୍ମାନିତ କରାଯିବ ।

ଅନ୍ୟମାନଙ୍କ ମଧ୍ୟରେ ଏହି ସାମ୍ବାଦିକ ସମ୍ମିଳନୀରେ ଅନୁଷ୍ଠାନର ସାଂସ୍କୃତିକ ସଂପାଦକ ଦର୍ପନାରାୟଣ ସେଠୀ, କାର୍ଯ୍ୟକାରୀ ସଭାପତି ରମାକାନ୍ତ ବାନାର୍ଜୀ ପ୍ରମୁଖ ଉପସ୍ଥିତ ଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: କଳିଙ୍ଗ ନାଟ୍ୟ ମହୋତ୍ସବ, କେନ୍ଦ୍ରସାହିତ୍ୟ ଏକାଡେମୀ ପୁରସ୍କାର, ରବୀନ୍ଦ୍ର ମଣ୍ଡପ

ଅବହେଳିତ ଶିଶୁଙ୍କ ପାଇଁ ଆଦ୍ୟ ଶୈଶବ କେନ୍ଦ୍ର ଆରମ୍ଭ

February 17, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଫେବୃଆରୀ ୧୭,(ଓଡ଼ିଶା ଡ଼ଟ୍ କମ୍)-ସ୍ଥାନୀୟ ବାରଙ୍ଗ ନିକଟବର୍ତୀ ଝିଙ୍ଗରଡିହା ଗ୍ରାମରେ ଥିବା ବିଭିନ୍ ଇଟାଭାଟିରେ କାମ କରୁଥିବା ପରିବାରର ପିଲାମାନଙ୍କ ପାଇଁ ହମାରା ବଚପନ ସହୟତାରେ ସ୍ୱେଚ୍ଛାସେବୀ ସଂସ୍ଥା ଏଡ୍ ଏଟ୍ ଆକ୍ସନ ଏକ ଆଦ୍ୟ ଶୈଶବ ଶିକ୍ଷା ତଥା ବିକାଶ କେନ୍ଦ୍ରର ଆରମ୍ଭ କରିଛି ।

IMG_0121

ଏହି କେନ୍ଦ୍ରରେ ପାୟ ୬୫ଜଣ ୩-୬ବର୍ଷ ପର୍ଯ୍ୟନ୍ତ ବୟସର ପିଲାମାନେ ପାଠ ପଢ଼ିବାର ସୁଯୋଗ ପାଇପାରିବେ ତଥା ସେଠାରେ ସେମାନଙ୍କୁ ସୁସ୍ଥ ଓ ସୁରକ୍ଷିତ ପରିବେଶ ପ୍ରଦାନ କରାଯିବାର ସମସ୍ତ ଚେଷ୍ଟା କରାଯିବ ।

ଭୁବନେଶ୍ୱର ଉପକଣ୍ଠସ୍ଥ ବିଭିନ୍ନ ଇଟାଭାଟିରେ ଅସ୍ଥାୟୀ ଭାବେ କାର୍ଯ୍ୟ କରୁଥିବା ଏହି ପରିବାରମାନେ ରାଜ୍ୟର ପଛୁଆ ଜିଲ୍ଲାମାନଙ୍କରୁ ଆସିଥାନ୍ତି । ଶିଶୁ ବିକାଶ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ତରଫରୁ ନାନା ବିଧ ଯୋଜନାମାନ ଥିଲେ ମଧ୍ୟ ଏହି ଅସ୍ଥାୟୀ ଶିଶୁମାନେ ତନ୍ମଧ୍ୟରୁ ଲାଭବାନ ହୋଇପାରନ୍ତି ନାହିଁ ।

ତେଣୁ ସେମାନଙ୍କର ଅର୍ଦ୍ଧାଧିକ ପିଲାଦିନ ଏହି ଇଟାଭାଟିରେ ବିନା ଶିକ୍ଷା ଓ ସୁରକ୍ଷାରେ କଟିଯାଇଥାଏ । ବର୍ଷର ୬-୭ ମାସ ଏହି ପିଲାମାନେ ଇଟାଭାଟିରେ ପ୍ରାୟ କଟାଇଥାନ୍ତି ।

ସେହି ପିଲାମାନଙ୍କ ସୁସ୍ଥ ସୁରକ୍ଷିତ ପିଲାଦିନକୁ ଆହୁରି ସୁରକ୍ଷିତ କରିବା ପାଇଁ ହମାରା ବଚପନ ସହାୟତାରେ ଏଡ୍ ଏଟ୍ ଆକ୍ସନ ପକ୍ଷରୁ ଏକ ଆଦ୍ୟ ଶୈଶବ ସୁରକ୍ଷା ବିକାଶ ଓ ଶିକ୍ଷା କେନ୍ଦ୍ର ଖୋଲାଯାଇଛି ।

ଏହି ପରି ଆହୁରି ୧୪ଟି ସ୍ଥାନୀୟ ଇଟା ଭାଟି ଅଞ୍ଚଳରେ ୮ଟି କେନ୍ଦ୍ର ଖୋଲାଯାଉଛି ଯାହାକି ପ୍ରାୟ ୭୦୦ ଏହିଭଳି ପିଲାଙ୍କୁ ସୁସ୍ଥ ତଥା ସୁରକ୍ଷିତ ପରିବେଶ ଓ ଶିକ୍ଷା ପ୍ରଦାନ କରିପାରିବ । ତେବେ ଏହି ଝିଙ୍ଗରପଡାର ବିଆଇସିସି ଇଟାଭାଟିର ମାଲିକ ଏ କେନ୍ଦ୍ର ପାଇଁ ଆବଶ୍ୟକ ସ୍ଥାନ ଓ ଭିତିଭୂମି ଯୋଗାଇଦେଇଛନ୍ତି ।

ସେହିପରି ଅନ୍ୟାନ ଭାଟି ମାଲିକମାନେ ମଧ୍ୟ ଏହିପରି ସହାୟତା ପ୍ରଦାନ କରିବେ ବୋଲି ହମାରା ବଚପନର ମୁଖ୍ୟ ମିହିର ମହାନ୍ତି ପ୍ରକାଶ କରିଛନ୍ତି ଏବଂ ସମଗ୍ର ରାଜ୍ୟରେ ଏପରି ଉଦ୍ୟମ ପ୍ରଥମ ବୋଲି ସେ କହିଛନ୍ତି ।

ଏଠାରେ ସୂଚନା ଯୋଗ୍ୟ ଯେ ସହରାଞ୍ଚଳ ବସ୍ତିରେ ବାସ କରୁଥିବା ଶିଶୁମାନଙ୍କର ପିଲାବେଳକୁ ଏକ ସୁରକ୍ଷିତ ଓ ସୁସ୍ଥ ପରିବେଶରେ ପରିଣତ କରିବା ପାଇଁ ଶିଶୁ ମାନଙ୍କ ଦ୍ୱାରା ଆରମ୍ଭ ହୋଇଥିବା ଏକ ଅଭିଯାନ ହେଉଛି ହମାରା ବଚପନ ।

ମଣିଷର ସବୁଠାରୁ ଗୁରୁତ୍ୱପୂର୍ଣ୍ଣ ସମୟ ହେଉଛି ତାହାର ପିଲାଦିନବା ଶୈଶବ । ଏହି ଶୈଶବ ସମୟରେ ଶିଶୁଟିର ସବୁପ୍ରକାର ବିକାଶ ଘଟିଥାଏ ।

ଏହି ସମୟରେ ତାହାର ବିକାଶ ଲାଗି ସୁସ୍ଥ ଓ ସୁରକ୍ଷିତ ପରିବେଶ ନ ମିଳିଲେ ହୁଏତ ତାହାର ଭବିଷ୍ୟତ ଅନିଶ୍ଚିତତା ଆଡକୁ ଯାଇପାରେ । ତେବେ ସରକାରୀ ସ୍ତରରେ ଏହି ଶିଶୁ ମାନଙ୍କ ଲାଗି ଆଇନ ପ୍ରଣୟନର ବ୍ୟବସ୍ଥା ଲାଗି ହମାରା ବଚପନ ତାହାର ଉଦ୍ୟମ ଆରମ୍ଭ କରିଛି ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ପରିବେଶ, ଶିଶୁ ବିକାଶ

ପୁରୀ :ପରିବେଶ ଆଇନ ଉଲଂଘନ ଅଭିଯୋଗରେ ରିପୋର୍ଟ ତଲବ

February 15, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଫେବୃଆରୀ ୧୫(ଓଡ଼ିଶା ଡ଼ଟ୍ କମ୍)-ପୁରୀ ବେଳାଭୂମିରେ ସିଆରଜେଡ୍ ରେ ଖୋଲା ଉଲଂଘନ ଓ ୩୦୦ରୁ ଅଧିକ ବେଆଇନ କୋଠା ନିର୍ମାଣ ଅଭିଯୋଗ ଉପରେ ମୁଖ୍ୟଶାସନ ସଚିବଙ୍କୁ ମାନ୍ୟବର ଜାତୀୟ ମାନବାଧିକାର କମିସନ ଜବାବ ଦାଖଲ ପାଇଁ ନିର୍ଦ୍ଦେଶ ଦେଇଛନ୍ତି ।

ସାମାଜିକ ସଂଗଠନ ‘ଇଣ୍ଡିଆ ମିଡିଆ ସେଣ୍ଟର’ ର ମ୍ୟାନେଜିଂ ଟ୍ରଷ୍ଟି ତଥା ମାନବାଧିକାର କର୍ମୀ ଶ୍ରୀ ଅଖଣ୍ଡ କମିସନଙ୍କ ନିକଟରେ ଅଭିଯୋଗ କରିଥିଲେ ଯେ ସିଆରଜେଡ୍ ସର୍ତ ଓ ପରିବେଶ ଆଇନକୁ ପୁରୀ ବେଳାଭୂମିରେ ଖୋଲାଖୋଲି ଉଲଂଘନ କରାଯାଇଛି ।

ବେଆଇନ ଭାବେ ଗଢି ଉଠିଛି ୩୦୦ରୁ ଅଧିକ ଛୋଟ ବଡ ହୋଟେଲ୍ ଓ ଲଜ୍ । ଏଥିରୁ ନିର୍ଗତ ଅପରିସ୍କାର ଜଳ ଓ ବର୍ଯ୍ୟବସ୍ତୁ ସମୁଦ୍ରରେ ହିଁ ପଡୁଛି । ଯାହା ଫଳରେ ଅନେକ ସ୍ଥାନରେ ସମୁଦ୍ର ପାଣି ଅପରିସ୍କାର ହେବା ସହ ଅସ୍ୱାସ୍ଥ୍ୟକର ପରିବେଶ ସୃଷ୍ଟି ହୋଇଛି । ପ୍ରଦୁଷଣ ନିୟମକୁ ଏମାନେ ତିଳେ ହେଲେ ଖାତିର କରୁନାହାନ୍ତି ।

ସିଆର୍ଜେଡ୍ ଆଇନରେ ନିର୍ଦ୍ଧିଷ୍ଟ ଭାବେ ଉଲ୍ଲେଖ ରହିଛି ଯେ ବେଳାଭୂମି ନିକଟରେ ଥିବା ହୋଟେଲ୍ ଗୁଡିକ ତାଙ୍କ ପରିସରରେ ବର୍ଯ୍ୟବସ୍ତୁ ପରିଚାଳନା ପ୍ଲାଂଟ୍ ସ୍ଥାପନ କରିବେ ।

କିନ୍ତୁ ପୁରୀର ଅଧିକାଂଶ ହୋଟେଲ୍ ସମୁଦ୍ରକୁ ହିଁ ନର୍ଦ୍ଧମା ଭାବେ ବ୍ୟବହାର କରୁଛନ୍ତି । ଏହା ଯୋଗୁଁ ଜନସାଧାରଣ ଓ ପର୍ଯ୍ୟଟକମାନଙ୍କ ସ୍ୱାସ୍ଥ୍ୟପ୍ରତି ବିପଦ ରହିଛି ଓ ବିଭିନ୍ନ ରୋଗମାନ ଦେଖାଦେଉଛି । ଅନେକ କ୍ଷେତ୍ରରେ ବେଳାଭୂମିକୁ ବ୍ୟକ୍ତି ଓ ବ୍ୟବସାୟିକ ସଂସ୍ଥା ଜବର ଦଖଲ କରିଛନ୍ତି । ଯାହା ଫଳରେ ସମୁଦ୍ର ବେଳାଭୂମିକୁ ଖାଇବାରେ ଲାଗିଛି ।

ଏଭଳି ସି’ ଇରୋଜେନ୍ ପୁରା ପୁରୀ ସହର ପ୍ରତି ବିପଦ ସୃଷ୍ଟି କରିଛି । ସରକାର ଏହା ବିରୋଧରେ କାର୍ଯ୍ୟନୁଷ୍ଠାନ କରୁନଥିବାରୁ ସିଆରଜେଡ୍ ଓ ପରିବେଶ ଆଇନଉଲଂଘନକାରୀଙ୍କ ସଂଖ୍ୟା ବଢିବାରେ ଲାଗିଛି ।

କିନ୍ତୁ ସରକାର ଏ ଦିଗରେ ଆନ୍ତରିକତାର ସହ କାର୍ଯ୍ୟକରୁନହାନ୍ତି । ବେଆଇନ ଭାବେ ନିର୍ମାଣ କରାଯାଇଥିବା କୋଠାଗୁଡିକୁ ଭାଙ୍ଗିବା ଲାଗି ସରକାର ସାହାସ କରୁନାହିଁ ।

ବେଆଇନ ନିର୍ମାଣ ହୋଇଥିବା କୋଠାକୁ ଭାଙ୍ଗିବା ସହ ଏଭଳି ନିର୍ମାଣ କରି ପରିବେଶକୁ ଦୂଷିତ କରିଥିବା ସଂସ୍ଥାଗୁଡିକ ଉପରେ ସର୍ବନିମ୍ନ ୨୦ ଲକ୍ଷ ଟଙ୍କା ଜରିମାନା ଲଗାଇବାକୁ ଏନଏଚଆରସିଙ୍କୁ ନିବେଦନ କରାଯାଇଥିଲା ବୋଲି ଆବେଦନକାରୀଙ୍କ ଓକିଲ ନିଶିକାନ୍ତ ମିଶ୍ର କହିଛନ୍ତି ।

ସିଆର୍ଜେଡ୍ ଓ ପରିବେଶ ନିୟମ ଉଲଂଘନ କରି ଏଠାରେ ନିର୍ମାଣ ହୋଇଥିବା ହୋଟେଲ୍ ଓ ଲଜ୍ ଗୁଡିକ କି କାର୍ଯ୍ୟାନୁଷ୍ଠାନ ନିଆଯାଇଛି, ସେ ସମ୍ପର୍କରେ ୬ ସପ୍ତାହ ମଧ୍ୟରେ ଜବାବ ଦେବାକୁ ମୁଖ୍ୟ ଶାସନ ସଚିବଙ୍କୁ କମିସନ ନୋଟିସ୍ ଜାରି କରି ନିଦେ୍ର୍ଧଶ ଦେଇଛନ୍ତି ବୋଲି ଶ୍ରୀ ମିଶ୍ର ସୂଚନା ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ପ୍ରଦୁଷଣ ନିୟମ, ସମୁଦ୍ର ପାଣି ଅପରିସ୍କାର, ହୋଟେଲ୍

କିସ୍ ଉଦ୍ୟମକୁ କେନ୍ଦ୍ର ଜନଜାତି ବିଭାଗ ମନ୍ତ୍ରୀଙ୍କ ପ୍ରଶଂସା

February 14, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ୧୪ ।୨(ଓଡ଼ିଶା ଡ଼ଟ୍ କମ୍)- ଆଦିବାସୀଙ୍କର ମୁଖ୍ୟ ସମସ୍ୟା ହେଉଛି ଶିକ୍ଷା । ଶିକ୍ଷା ସେମାନଙ୍କ ନିକଟରେ ଠିକ୍ ଭାବେ ପହଞ୍ଚି ପରୁନଥିବାରୁ ଆଦିବାସୀମାନେ ସଶକ୍ତ ହୋଇପାରୁନାହାନ୍ତି ।

କିସ୍, ଶିକ୍ଷା ଜରିଆରେ ଆଦିବାସୀ ସଶକ୍ତିକରଣ କରିପାରୁଛି ବୋଲି କହିଛନ୍ତି କେନ୍ଦ୍ର ପଞ୍ଚାୟତିରାଜ ତଥା ଜନଜାତି ବିଭାଗ ମନ୍ତ୍ରୀ ଭି. କିଶୋର ଚନ୍ଦ୍ର ଦେବ ।

ବୁଧବାର କିସ୍ ପରିଦର୍ଶନରେ ଆସି ସେ କିଟ୍ ଓ କିସ୍ର ସମସ୍ତ କ୍ୟାମ୍ପସ୍ ପରିଦର୍ଶନ କରି ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଭାଷଣ ଦେଇ କହିଲେ, ଆଦିବାସୀମାନେ ଶିକ୍ଷିତ ହୋଇପାରୁନଥିବାରୁ ସରକାରୀସ୍ତରରେ ସେମାନଙ୍କ ଲାଗି ରହିଥିବା ବିଭିନ୍ନ ସୁବିଧା ସେମାନେ ହାସଲ୍ କରିପାରୁନାହାନ୍ତି ।

ଏହା ସହ କେନ୍ଦ୍ରୀୟସ୍ତରରେ ଆଦିବାସୀଙ୍କ ଉଚ୍ଚଶିକ୍ଷା ଓ ଆତ୍ମ ନିଯୁକ୍ତି ପ୍ରଣୟନ କରାଯାଇଥିବା ବିଭିନ୍ନ ଯୋଜନା ସଂପର୍କରେ ସୂଚନା ଦେଇଥିଲେ ।

ଶିକ୍ଷା ଦ୍ୱାରା ହିଁ ଅବହେଳିତ ଆଦିବାସୀଙ୍କ ବିକାଶ ସମ୍ଭବ ହୋଇପାରିବ ବୋଲି କହି କିସ୍ ର ଉଦ୍ୟମ ଫଳରେ ହଜାର ହଜାର ଅବହେଳିତ ଗରିବ ଆଦିବାସୀ ଛାତ୍ରଛାତ୍ରୀଙ୍କ ସ୍ୱପ୍ନ ସାକାର ହୋଇ ପାରୁଥିବାରୁ କିସ୍ ଭଳି ଅନୁ୍ଷ୍ଠାନକୁ ସମସ୍ତେ ସହଯୋଗର ହାତ ବଢ଼ାଇବା ଉଚିତ ବୋଲି ସେ କହିଥିଲେ ।

ଏହି ଅବସରରେ ସେ କିସ୍ ପାଇଁ ଆବଶ୍ୟକ ସହଯୋଗ ଯୋଗାଇ ଦେବେ ବୋଲି ପ୍ରତିଶ୍ରୁତି ଦେଇଥିଲେ । କିସ୍ ଛାତ୍ରଛାତ୍ରୀଙ୍କ ନିଆରା ସ୍ୱାଗତ ଓ ବିଭିନ୍ନ ନମୂନା ଘର ଦେଖିବା ପରେ ଆଦିବାସୀ ପରମ୍ପରା ଓ ସଂସ୍କୃତିକୁ ଉଜ୍ଜୀବୀତ କରି ରଖିବା ପାଇଁ କିସ୍ ଉଦ୍ୟମ ବଜାୟ ରଖିଥିବାରୁ ସେ ସନ୍ତୋଷ ବ୍ୟକ୍ତ କରିଥିଲେ ।

ଏହି ଅବସରରେ ସେ କିସ୍ ର ଆକାଡେମୀ ଗୃହ, ଧନ୍ଦାମୂଳକ ତାଲିମ କେନ୍ଦ୍ର, ବିରାଟ ଖାଇବା ଗୃହ, ମିନେରାଲ୍ ୱାଟର ପ୍ଲାଣ୍ଟ ତଥା କିସ୍ ରେ ପ୍ରଦାନ କରାଯାଉଥିବା କ୍ରୀଡ଼ା ସୁବିଧା ସମେତ ଅନ୍ୟାନ୍ୟ ବିଭାଗ ସେ ବୁଲି ଦେଖିଥିଲେ ।

କିସ୍ ରେ ଏହି ପିଲାମାନଙ୍କୁ ଶିକ୍ଷା ସହ ନିଯୁକ୍ତି ସୁଯୋଗ ମିଳିପାରୁଥିବାରୁ ଏଭଳି ସଫଳତା ଦିଗରେ ପ୍ରତିଷ୍ଠାତା ଅଚ୍ୟୁତ ସାମନ୍ତଙ୍କ ଉଦ୍ୟମକୁ ଶ୍ରୀ ଦେବ ପ୍ରଶଂସା କରିଥିଲେ ।

ଅପରପକ୍ଷରେ ମନ୍ତ୍ରୀ ଶ୍ରୀ ଦେବ କିଟ୍-କିସ୍ ପରିଦର୍ଶନ କରିଥିବାରୁ ପ୍ରତିଷ୍ଠାତା ଅଚ୍ୟୁତ ସାମନ୍ତ କେନ୍ଦ୍ରମନ୍ତ୍ରୀ ଶ୍ରୀ ଦେବଙ୍କୁ ନିଜର କୃତଜ୍ଞତା ଅର୍ପଣ କରିଥିଲେ । କାର୍ଯ୍ୟକ୍ରମରେ କିସ୍ ସଂପାଦକ ଆର. ଏନ୍ ଦାଶ ଓ ମୁଖ୍ୟ ପରିଚାଳକ ଡ. ପ୍ରଶାନ୍ତ କୁମାର ରାଉତରାୟଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର, ରାଜନୀତି Tagged With: ଆଦିବାସୀ, କିସ୍, ଛାତ୍ରଛାତ୍ରୀ

ତ୍ରିଦିବସୀୟ ଯୋଗ ବିଜ୍ଞାନ ପ୍ରଶିକ୍ଷଣ ଉଦ୍ୟାପିତ

February 12, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଖୋର୍ଦ୍ଧା , ଫେବୃଆରୀ ୧୨(ଓଡ଼ିଶା ଡ଼ଟ୍ କମ୍)-ସ୍ଥାନୀୟ ଗୀତାଭବନ ପଡ଼ିଆରେ ପତଞ୍ଜଳୀ ଯୋଗ ସମିତି ତଥା ଭାରତ ସ୍ୱାଭିମାନ ଟ୍ରଷ୍ଟ ତରଫରୁ ଜିଲ୍ଲା ସ୍ତରୀୟ ତ୍ରିଦିବସୀୟ ଯୋଗ ବିଜ୍ଞାନ ପ୍ରଶିକ୍ଷଣ ଶିବିର ସମିତିର ଜିଲ୍ଲା ଉପସଭାପତି ଇଂ. ସୀତାକାନ୍ତ ପଣ୍ଡାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି ।

ଏହି ତ୍ରିଦିବସୀୟ କାର୍ଯ୍ୟକ୍ରମର ଭିନ୍ନ ଭିନ୍ନ ଦିନରେ ଭାରତୀୟ ଇତିହାସ ସଂକଳନ ସମିତିର ରାଷ୍ଟ୍ରୀୟ ଉପାଧ୍ୟକ୍ଷ ଡ଼ଃ. ନାରାୟଣ ରାଓ, ଗୀତା ଗବେଷଣା ପରିଷଦର ସଂପାଦକ ଶକ୍ତି ଶଙ୍କର ମିଶ୍ର, ସ୍ୱଦେଶୀ ଜାଗରଣ ମଞ୍ଚର ପ୍ରାନ୍ତ ପ୍ରମୁଖ ଡ଼କ୍ଟର ଧିରେନ୍ଦ୍ର ନନ୍ଦ, କଲେଜ ଅଫ୍ ବିଜିନେସ ମ୍ୟାନେଜମେଣ୍ଟର ପ୍ରଶାସକ ଡ଼ଃ. ବୃନ୍ଦାବନ ପଣ୍ଡା, ଗାୟତ୍ରୀ ପରିବାରର ପ୍ରମୋଦ କୁମାର ପୃଷ୍ଟି, ସତ୍ୟସାଇ ସେବା ସମିତିର ଏମ୍ ଏମ୍ ରାଓ, ରାଷ୍ଟ୍ରୀୟ ସ୍ୱୟଂ ସେବକ ସଂଘର ସଂଘଚାଳକ କିଶୋର ଚନ୍ଦ୍ର ବରାଳ, ଶିକ୍ଷାବିତ୍ ଜବାହର ସୁବୁଦ୍ଧି ପ୍ରମୁଖ ଦ୍ୱୀପ ପ୍ରଜ୍ଜ୍ୱଳନ କରି ଉଦ୍ଘାଟନ କରିଥିଲେ ।

ଜିଲ୍ଲା ସଭାପତି ଦୁଃଶାସନ ସ୍ୱାଇଁଙ୍କ ପୌରହିତ୍ୟରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଓଡ଼ିଶା ଏବଂ ପଶ୍ଚିମବଙ୍ଗ ରାଜ୍ୟ ପ୍ରଭାରୀ ସୁଧାଂଶୁ ଶେଖର ଅଧିକାରୀ ଯୋଗଦେଇ ସ୍ୱାମୀ ରାମଦେବଙ୍କ ଯୋଗ ସାଧନାର ଅଭ୍ୟାସ ଏବଂ ତା’ର ବିଭିନ୍ନ ଉପକାରୀତା ସଂପର୍କରେ ଦିଗଦର୍ଶନ ଦେଇ କହିଲେ ନିୟମିତ ଆସନ ଓ ପ୍ରାଣାୟମ ଦ୍ୱାରା କେବଳ ରୋଗ ଉପସମ ହୁଏ ନାହିଁ; ନିଜର ସ୍ଥିର ମନ, ଉତ୍ତମ ଆଚାର ବ୍ୟବହାର, ଧୀଶକ୍ତି, ବାକ୍ସଂଯମ ଆଦି ଗୁଣ ଗୁଡ଼ିକ ଅହେତୁକ ଭାବରେ ବୃଦ୍ଧି ପାଏ ।

ଏହା ଦ୍ୱାରା ସମାଜରେ ଦୁର୍ନୀତି ଓ ଭ୍ରଷ୍ଟାଚାର ସଂପୂର୍ଣ୍ଣ ରୋକାଯାଇ ଭାରତକୁ ଏକ ପରମ ବୈଭବଶାଳୀ ରାଷ୍ଟ୍ର ଭାବେ ଗଢ଼ିତୋଳି ହେବ ।

ବିଭିନ୍ନ ଆୟୁର୍ବେଦ ଶାସ୍ତ୍ର ଉପରେ ଆଲୋଚନା କରି ସେ କହିଲେ ଭିନ୍ନ ଭିନ୍ନ ଜଡ଼ିବୁଟିରେ ତିଆରି ଆୟୁର୍ବେଦ ଔଷଧର ବ୍ୟବହାର ଦ୍ୱାରା ମଧ୍ୟ ସମସ୍ତ ରୋଗର ଉପଶମ ହୋଇ ପାରିବ । କୃଷକମାନେ ବିଷମୁକ୍ତ ତଥା ସ୍ୱଦେଶୀ କୃଷିକୁ ଆପଣେଇବା ପାଇଁ ସେ ପରାମର୍ଶ ଦେଇଥିଲେ ।

ଉଦ୍ୟାପନୀ ସଭାରେ ଜିଲ୍ଲା ପ୍ରଭାରୀ ପୃଥ୍ୱୀରାଜ ପ୍ରଧାନ କହିଲେ ଯୋଗାସନ ମାଧ୍ୟମରେ ଭାରତୀୟ ମହାନ ସଂସ୍କୃତିର ସୁରକ୍ଷା ସହିତ ସହଜ ଓ ନିରାମୟ ଜୀବନ ଯାପନ ହୋଇପାରିବ ।

ଉପସଭାପତି ଇଂ ସୀତାକାନ୍ତ ପଣ୍ଡା ବିଦେଶରୁ କଳାଧନ ଫେରାଇଆଣି ଦେଶକୁ ଏକ ସର୍ବଶ୍ରେଷ୍ଠ ଶକ୍ତିଶାଳୀ ରାଷ୍ଟ୍ର କରାଇବା ପାଇଁ କେନ୍ଦ୍ର ସରକାରଙ୍କୁ ଆହ୍ୱାନ ଦେଇଥିଲେ ଏବଂ ସଭାପତି ଶ୍ରୀଯୁକ୍ତ ସ୍ୱାଇଁ ସାରା ଜିଲ୍ଲାରେ ସଂଗଠନକୁ ମଜ୍ଜଭୂତ କରିବା ପାଇଁ ସମସ୍ତ କର୍ମୀମାନଙ୍କୁ ଆହ୍ୱାନ ଦେଇଥିଲେ ।

ଅତିଥି ଭାବରେ ସ୍ଥାନୀୟ ବିଧାୟକ ରାଜେନ୍ଦ୍ର କୁମାର ସାହୁ ଯୋଗଦେଇ କହିଲେ ଖୋର୍ଦ୍ଧାକୁ ସୁସ୍ଥ ଓ ସୁନ୍ଦର କରିବା ପାଇଁ ଏହି ସମିତିର ପ୍ରୟାସ ସର୍ବାଗ୍ରେ ପ୍ରଶଂସନୀୟ । ଏକ ନିୟମିତ ଯୋଗାଭ୍ୟାସ କେନ୍ଦ୍ର ନିର୍ମାଣ କରିବାପାଇଁ ତାଙ୍କର ସମସ୍ତ ପ୍ରକାର ସହଯୋଗ ରହିବ ବୋଲି ମାନ୍ୟବର ବିଧାୟକ ଘୋଷଣା କରିଥିଲେ ।

ଏହି କାର୍ଯ୍ୟକ୍ରମରେ ଜଟଣୀ, ବେଗୁନିଆ, ବୋଲଗଡ଼, ଜଙ୍କିଆ, ତମାଣ୍ଡୋ, ହଳଦିଆ, ମୁକ୍ତାପୁର, ବଣିଆଟାଙ୍ଗୀ ଆଦି ଜିଲ୍ଲାର ବିଭିନ୍ନ କେନ୍ଦ୍ରମାନଙ୍କରୁ କାର୍ଯ୍ୟକର୍ତ୍ତାମାନେ ଯୋଗ ଦେଇଥିଲେ ।

ଅନ୍ୟମାନଙ୍କ ମଧ୍ୟରେ ସମିତିର ଖୋର୍ଦ୍ଧା ପ୍ରଭାରୀ ଫକୀର ଚରଣ ବେହେରା, ଗୌରାଙ୍ଗ ମଣ୍ଡଳ, ଉମାକାନ୍ତ ସାହୁ ସମେତ ସମସ୍ତ ତହସିଲ ପ୍ରଭାରୀ ଏବଂ କାର୍ଯ୍ୟକର୍ତ୍ତାମାନେ ଉପସ୍ଥିତ ରହି ସହଯୋଗ କରିଥିଲେ ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ଆୟୁର୍ବେଦ, କୃଷକମାନେ, ଯୋଗାସନ, ସ୍ୱାମୀ ରାମଦେବ

ଫେବୃଆରୀ ୧୮ରେ ଓଡ଼ିଶା ଆସିବେ ରାହୁଲ

February 12, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,୧୨ଫେବୃଆରୀ,(ଓଡ଼ିଶା ଡ଼ଟ୍ କମ୍)-ଏଆଇସିସିର ଉପ ସଭାପତି ଭାବେ ଦାୟିତ୍ୱ ଗ୍ରହଣ କରିବା ପରେ ରାହୁଲ ଗାନ୍ଧୀ ଚଳିତ ମାସ ୧୮ତାରିଖରେ ପ୍ରଥମ ଥର ପାଇଁ ଦୁଇଦିନିଆ ଓଡ଼ିଶା ଗସ୍ତରେ ଆସୁଛନ୍ତି ।

Rahul

ସେ ୧୮ତାରିଖରେ ନୂଆଦିଲ୍ଲୀରୁ ବିମାନ ଯୋଗେ ଆସି ସମ୍ବଲପୁରରେ ପହଞ୍ଚିବେ । ସେଠାରେ ସେ ୧୬ଟି ସାଂଗଠନିକ ଜିଲ୍ଲାର ଜିଲ୍ଲା କଂଗ୍ରେସ କମିଟି ସଭାପତି ଓ ବ୍ଲକ୍ କଂଗ୍ରେସ କମିଟି ଗୁଡ଼ିକର ସଭାପତି ମାନଙ୍କ ସହ ଆଲୋଚନା କରିବେ ।

ସେହିଦିନ ରାହୁଲ ସମ୍ବଲପୁରରେ ରାତ୍ରୀଯାପନ କରିବେ । ପରଦିନ ସେ କଟକ ଆସିବେ । ସେଠାରେ ସେ ବାକି ୧୭ଟି କଂଗ୍ରେସ ସାଂଗଠନିକ ସଭାପତି, ଓ ବ୍ଲକ୍ କଂଗ୍ରେସ କମିଟି ର ସଭାପତିମାନଙ୍କ ସହ ଆଲୋଚନା କରିବେ ବୋଲି ପିସିସି ସଭାପତି ନିରଞ୍ଜନ ପଟନାୟକ କହିଛନ୍ତି ।

ଏଠାରେ ଉଲ୍ଲେଖଯୋଗ୍ୟ ଯେ,ଗାନ୍ଧୀଙ୍କର ଏହି ଗସ୍ତ ସମୟରେ ସେ କୌଣସି ଜନସଭାକୁ ସମ୍ବୋଧିତ କରିବେ ନାହିଁ ।

ତେବେଏହି ବୈଠକ ମାନଙ୍କରେ କଂଗ୍ରେସର ସାଂଗଠନିକ ଦକ୍ଷତା ବୃଦ୍ଧି ଓ ଦଳୀୟ ବ୍ୟାପାରକୁ ନେଇ ଆଲୋଚନା ହେବ । ଗତ କିଛି ମାସ ମଧ୍ୟରେ ରାଜ୍ୟରେ କଂଗ୍ରେସ ଅଧିକ ସକ୍ରିୟ ହୋଇଥିବା ବେଳେ ରାହୁଲଙ୍କର ଏହି ଗସ୍ତକୁ ଯଥେଷ୍ଟ ଗୁରୁତ୍ୱ ଦିଆଯାଉଛି ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର, ରାଜନୀତି Tagged With: କଂଗ୍ରେସ, ରାହୁଲ ଗାନ୍ଧୀ, ସମ୍ବଲପୁର

ଯୁବକସଂଘ ପରେ ମହିଳାଙ୍କ ପାଇଁ ସରକାରଙ୍କ ସହାୟତା ଘୋଷଣା

February 12, 2013 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,୧୨ଫେବୃଆରୀ,(ଓଡ଼ିଶା ଡ଼ଟ୍ କମ୍)ରାଜ୍ୟର ଚାରିହଜାର ଯୁବକ ସଂଘକୁ ପ୍ରତ୍ୟେକଙ୍କ ପାଇଁ ଦଶହଜାର ଟଙ୍କା ଲେଖାଏଁ ଅନୁଦାନ ଘୋଷଣା କରିବା ପରେ ରାଜ୍ୟର ମହିଳା ସ୍ୱୟଂ ସହାୟକ ଗୋଷ୍ଠୀଙ୍କ ପାଇଁ ସରକାର ଅନୁରୂପ ଘୋଷଣା କରିଛନ୍ତି ।

ରାଜ୍ୟର ଏକଲକ୍ଷ ମହିଳା ସ୍ୱୟଂ ସହାୟକ ଗୋଷ୍ଠୀଙ୍କୁ ୨୦୧୩-୨୦୧୪ ଆର୍ଥିକ ବର୍ଷରେ ପ୍ରତ୍ୟେକଙ୍କୁ ଦଶହଜାର ଟଙ୍କା ଲେଖାଏଁ ଅନୁଦାନ ଦିଆଯିବ ବୋଲି ସରକାର ସୋମବାର ଘୋଷଣା କରିଛନ୍ତି ।

ତେବେଏହି ଅନୁଦାନ ପାଇବା ପାଇଁ ସ୍ୱୟଂ ସହାୟକ ଗୋଷ୍ଠୀ ତିନିବର୍ଷ ପୁରୁଣା ହୋଇଥିବ ଏବଂ ଗୋଷ୍ଠୀର ବ୍ୟାଙ୍କ ଖାତାରେ ପାଞ୍ଚହଜାର ଟଙ୍କା ଜମା ରହିଥିବ । ମହିଳା ଗୋଷ୍ଠୀଙ୍କୁ ଅଧିକ ଆତ୍ମନିର୍ଭରଶୀଳ କରିବା ଏହି ଅନୁଦାନର ଲକ୍ଷ ବୋଲି ମହିଳା ଓ ଶିଶୁବିକାଶ ବିଭାଗ ଦର୍ଶାଇଛି ।

ଏଠାରେ ଉଲେଖଯୋଗ୍ୟ ଯେ,ଚଳିତ ମାସ ପ୍ରଥମାର୍ଦ୍ଧରେ ଖେଳ ସାମଗ୍ରୀ କିଣିବା ଏବଂ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରିବା ପାଇଁ ଯୁବକ ସଂଘମାନଙ୍କ ପାଇଁ ସରକାର ଏହିଭଳି ଅନୁଦାନ ଘୋଷଣା କରିଛନ୍ତି ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ସ୍ୱୟଂ ସହାୟକ ଗୋଷ୍ଠୀ

ବର୍ଦ୍ଧିତ ଫି ଦେଉନଥିବା ଛାତ୍ରଛାତ୍ରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିପାରିବ ନାହିଁ ଡ଼ିଏଭି

February 12, 2013 by ଓଡିଶା ଡଟ କମ 1 Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ,୧୨ ଫେବୃଆରୀ,(ଓଡ଼ିଶା ଡ଼ଟ୍ କମ୍)-ଯେଉଁ ଛାତ୍ରଛାତ୍ରୀମାନେ ବର୍ଦ୍ଧିତ ଫି ଦେଉନାହାନ୍ତି ସେମାନଙ୍କ ବିରୋଧରେ ଡ଼ିଏଭି କର୍ତୃପକ୍ଷ ଏହି ମାମଲାର ବିଚାର ନ ସରିବା ପର୍ଯ୍ୟନ୍ତ କୌଣସି ପ୍ରକାରର କାର୍ଯ୍ୟନୁଷ୍ଠାନ ଗ୍ରହଣ କରିପାରିବ ନାହିଁ ବୋଲି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି ।

ଡ଼ିଏଭି କର୍ତ୍ତୃପକ୍ଷ ଅସ୍ୱାଭାବିକ ଫି ବୃଦ୍ଧି କରିଥିବା ଅଭିଯୋଗ କରି ଅଭିଭାବକ ସଂଘ କୋର୍ଟର ହସ୍ତକ୍ଷେପ ଲୋଡ଼ିଥିଲେ । ବିଚାରପତି ଜଷ୍ଟିସ୍ ଆର୍.ଏମ୍.ଲୋଧା ଓ ଜଷ୍ଟିସ୍ ଜେ.ଚେଲେମେଶ୍ୱର ଙ୍କୁ ନେଇ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରି ସୋମବାର ଏହି ନିର୍ଦ୍ଦେଶ ଦେଇ ମାମଲାର ଶୁଣାଣି ଦୁଇ ସପ୍ତାହ ପାଇଁ ସ୍ଥଗିତ ରଖିଛନ୍ତି ।

ଅଦାଲତଙ୍କ ଏହି ନିର୍ଦ୍ଦେଶକୁ ଅଭିଭାବକ ସଂଘ ସ୍ୱାଗତ କରିଛି ।

ଓଡ଼ିଶା ଡ଼ଟ୍ କମ୍

Filed Under: ଓଡିଶା ଖବର Tagged With: ଛାତ୍ରଛାତ୍ରୀ, ଡ଼ିଏଭି ସ୍କୁଲ ଫି ବୃଦ୍ଧି, ସୁପ୍ରିମକୋର୍ଟ

  • « Go to Previous Page
  • Go to page 1
  • Interim pages omitted …
  • Go to page 4
  • Go to page 5
  • Go to page 6
  • Go to page 7
  • Go to page 8
  • Interim pages omitted …
  • Go to page 75
  • Go to Next Page »

Primary Sidebar

ପୁରୀ ସ୍ନାନ ଯାତ୍ରା ଲାଇଭ

https://youtu.be/aDHujOQM1p8

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ