ମନୋରଞ୍ଜନ

ଓଡିଶା ଡଟ କମ ସଂବାଦ ଦାତା

ନୂଆ ଦିଲ୍ଲୀ, ମାର୍ଚ ୨୮ (ଓଡିଶା ଡଟ କମ)  ଓଡିଶାର କବି ହଳଧର ନାଗ ଓ ପ୍ରସିଦ୍ଧ ଚଳଚିତ୍ର ନିର୍ଦ୍ଦେଶକ ନୀଳ ମାଧବ ପଣ୍ଡାଙ୍କୁ ସୋମବାର ଏକ ଭବ୍ୟ ସମାରୋହରେ ନୂଆଦିଲ୍ଲୀର ରାଷ୍ଟ୍ରପତି ଭବନ ଠାରେ ରାଷ୍ଟ୍ରପତି ପ୍ରଣବ ମୁଖାର୍ଜୀ ପଦ୍ମ ପୁରସ୍କାର ପ୍ରଦାନ କରିଛନ୍ତି।

ସମାରୋହରେ ଅନ୍ୟମାନଙ୍କ ମଧ୍ୟରେ ଉପରାଷ୍ଟ୍ରପତି  ହମିଦ ଆନସାରୀ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ରାଜନାଥ ସିଂହ, କେନ୍ଦ୍ର ନଗର ଉନ୍ନୟନ, ଗୃହ ନିର୍ମାଣ ଓ ସହରାଂଚଳ ଦାରିଦ୍ର୍ୟ ଦୂରୀକରଣ ମନ୍ତ୍ରୀ ଏମ.ଭେଙ୍କେୟା ନାଇଡୁ ପ୍ରମୂଖ ଉପସ୍ଥିତ ଥିଲେ ।

ଓଡିଶା ଡଟ କମ

ଧଉଳୀ , ଫେବୃଆରୀ ୭ (ଓଡିଶା ଡଟ କମ) ରାଜ୍ୟ ପର୍ଯ୍ୟଟନ ବିଭାଗ ଓ ଓଡ଼ିଶା ଡ଼୍ୟାନ୍ସ ଏକାଡ଼େମୀ ଓ ଆର୍ଟଭିଜନର ମିଳିତ ଉଦ୍ୟମରେ ଆୟୋଜିତ ୧୨ତମ ଧଉଳୀ କଳିଙ୍ଗ ମହୋତ୍ସବର ରବିବାର ଥିଲା ଦ୍ଵିତୀୟ ସଂଧ୍ୟା ରେ ଐତିହାସିକ ଧଉଳୀ ପାହାଡ଼ର ପାଦଦେଶରେ ଗୋଟୀପୁଅ ନୃତ୍ୟ, ଶାସ୍ତ୍ରୀୟ ନୃତ୍ୟ ଓ ସଙ୍ଗୀତର ସମିଶ୍ରଣ ସପ୍ତବର୍ଣ୍ଣା ସହିତ ସମରକଳା ନୃତ୍ୟ ସଙ୍ଗୀତରେ ଦର୍ଶକ ବିଭୋର ହୋଇଥିଲେ।

ଶହ ଶହ ଦର୍ଶକ ଉପସ୍ଥିତ ରହି ଶୀତୁଆ ସଂଧ୍ୟାରେ ଏହାକୁ ଉପଭୋଗ କରିଥିଲେ । ସଂଧ୍ୟାର ପ୍ରଥମ କାର୍ଯ୍ୟକ୍ରମ ଥିଲା ବୁଦ୍ଧଙ୍କ ବାଣୀରେ ଓଡ଼ିଶା ଡ଼୍ୟାନ୍ସ ଏକାଡ଼େମୀର କୁନି କୁନି ପିଲାଙ୍କୁ ନେଇ ଗୋଟୀପୁଅ ନୃତ୍ୟ ପରେ ପରେ ଭାରତର ସୁପ୍ରସିଦ୍ଧ ଶାସ୍ତ୍ରୀୟ ନୃତ୍ୟ ଓ ସଙ୍ଗୀତର ସମିଶ୍ରଣ ସପ୍ତବର୍ଣ୍ଣ ।

ଇନ୍ଦ୍ରଧନୁର ସାତଟି ରଙ୍ଗ ଇନ୍ଦ୍ରଧନୁର ସାତଟି ରଙ୍ଗ ଭଳି ଶାସ୍ତ୍ରୀୟ ନୃତ୍ୟ ଓ ସଙ୍ଗୀତର ସାତ ସ୍ବରକୁ ଗୋଟିଏ ଅଞ୍ଚରେ ପରିବେଷଣ କରିଥିଲେ ଶିଳ୍ପୀମାନେ ଯାହାର ପରିକଳ୍ପନା ଓ ପରିଚାଳନା କରିଥିଲେ ଗୁରୁ ଅରୁଣା ମହାନ୍ତି ।

 

 

ବିଭିନ୍ନ ନୃତ୍ୟ ଓ ସଙ୍ଗୀତ ମଧ୍ୟରେ ଥିଲା ପ୍ରୀତି ପଟେଲ ଓ ସାଥୀଙ୍କ ଦ୍ବାରା ମଣିପୁରି ନୃତ୍ୟ, ଅରୁଣା ମହାନ୍ତିଙ୍କ ଓଡ଼ିଶା ଡ଼୍ୟାନ୍ସ ଏକାଡ଼େମୀର ଶିଳ୍ପୀମାନଙ୍କ ଦ୍ବାରା ଓଡ଼ିଶୀ ନୃତ୍ୟ, ପରସ୍ବାନ୍ତ ଉପାଧ୍ୟାୟ ଓ ସାଥୀଙ୍କ ଦ୍ବାରା ଭାରତନାଟ୍ୟମ୍, ସନ୍ଦିପ ମଲ୍ଲୀକ ଓ ସାଥୀଙ୍କ ଦ୍ବାରା କଥକ ନୃତ୍ୟ, ଇମୋଚା ସିଂହ ଓ ସାଥୀଙ୍କ ଦ୍ବାରା ସମରକଳା ନୃତ୍ୟ ଥାଙ୍ଗ ତା, ମୋମ ଗାଙ୍ଗୁଲୀ ଓ ସାଥୀଙ୍କ ଦ୍ବାରା ମୋହିନୀଆଟମ୍ ଏବଂ ଗୁରୁ ରାମହରି ଦାସଙ୍କ ଦ୍ବାରା ଓଡ଼ିଶୀ ସଙ୍ଗୀତ ଓ ଗୁରୁ ଧନେସ୍ବର ସ୍ବାଇଁଙ୍କ ଦ୍ବାରା ମର୍ଦଳ ବାଦନ ।

ଏହି ସପ୍ତବର୍ଣ୍ଣ ନୃତ୍ୟକୁ ଦର୍ଶକ ମନୋଭରି ଉପଭୋଗ କରିଥିଲେ । ଶେଷରେ ସମରକଳା ନୃତ୍ୟ ପର୍ଯ୍ୟାୟରେ ମେଦିନାପୁରରୁ ଆସିଥିବା ସରାଭୁଜା ଡ଼୍ୟାନ୍ସ ଥ୍ୟାଟରର କଳାକାରଙ୍କ ଦ୍ବାରା ପଶ୍ଚିମ ବଙ୍ଗର ପ୍ରସିଦ୍ଧ ସମରକଳା ନୃତ୍ୟ ରାଇବେନ୍ସ ପରିବେଷଣ କରିଥିଲେ ।

ସଂଧ୍ୟାର ଅତିଥିମାନେ ଥିଲେ ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ଡ଼. ପ୍ରୀୟମ୍ବଦା ମହାନ୍ତି ହେଜମାଦୀ, ଓଡ଼ିଶାର ପୂର୍ବତନ ମୁଖ୍ୟ ଶାସନ ସଚିବ ଡ଼.ସୁବାସ ପାଣି, ଉନ୍ନୟନ କମିଶନର ଶ୍ରୀଯୁକ୍ତ ଆର. ବାଲକ୍ରୀର୍ଷ୍ଣ, ଅବକାରୀ ବିଭାଗର ପ୍ରମୁଖ ଶାସନ ସଚିବ ଶ୍ରୀଯୁକ୍ତ ଏସ୍.ପି.ଠାକୁର, ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ତଥା ଓଡ଼ିଶା ଡ଼୍ୟାନ୍ସ ଏକାଡ଼େମୀର ସମ୍ପାଦକ ଗୁରୁ ଅରୁଣା ମହାନ୍ତି ଏବଂ ଓଡ଼ିଶୀ ନୃତ୍ୟାଙ୍ଗନା ତଥା ଆର୍ଟା ଭିଜନର ସମ୍ପାଦକ ଗୁରୁ ଇଲିୟାନା ସିତାରିଷ୍ଟ । କାର୍ଯ୍ୟକ୍ରମକୁ ପରିଚାଳନା କରିଥିଲେ ସିନ୍ଧୁ ବ୍ରାଉନ୍ ଓ ଇଂ ଶ୍ରୀନିବାସ ଘଟୁଆରୀ ।

ଓଡିଶା ଡଟ କମ

ଓଡିଶା ଡଟ୍ କମ୍ ସଂବାଦ ଦାତା

ଭୁବନେଶ୍ଵର, ଡିସେମ୍ବର ୧୩ (ଓଡିଶା ଡଟ୍ କମ୍) ଶାରୀରିକ ଅକ୍ଷମତା ଯୋଗୁଁ ସବୁ ବେଳେ ହୁଇଲ ଚେୟାର ସହାୟତାରେ ଚଳ ପ୍ରଚଳ କରୁଥିବା ବରଗଡ ଜିଲ୍ଲାର ଜିତେନ୍ଦ୍ର କୁମାର ବିଶ୍ଵାଳ ନିଜ ଇଚ୍ଛା ଶକ୍ତି ବଳରେ ୩୫ ମିନିଟର ଏକ କ୍ଷୁଦ୍ର ଚଳଚିତ୍ରର କାହାଣୀ ଲେଖିବା ସହ ସେଥିରେ ମୁଖ୍ୟ ଭୂମିକାରେ ଅଭିନୟ କରି ସୃଷ୍ଟି କରିଛନ୍ତି ଅନ୍ୟ ମାନଙ୍କ ପାଇଁ ଏକ ଅନନ୍ୟ ଉଦାହରଣ ।

ତାଙ୍କ ଧୈର୍ଯ୍ୟ, କାମ କରିବାର ପ୍ରବଳ ମାନସିକତା ଓ ଦୃଢ ଇଚ୍ଛା ଶକ୍ତି ସାମ୍ନାରେ ହାର ମାନିଛି ଜନ୍ମ ସମୟରୁ ରହିଆସିଥିବା ତାଙ୍କର ଏହି ଶାରୀରିକ ଅକ୍ଷମତା । ଆଇନରେ ଡିଗ୍ରୀ ତଥା ବିଜନେସ ମ୍ୟାନେଜମେଣ୍ଟରେ ଏକ ସାର୍ଟିଫିକେଟ କୋର୍ସ କରିଥିବା ୪୪ ବର୍ଷ ବୟସ୍କ ବିଶ୍ଵାଳଙ୍କ ଏହି କ୍ଷୁଦ୍ରଚଳଚିତ୍ର ‘ଡିଜାଏର’ ବା ‘ଇଚ୍ଛା’ର ସୁଟିଙ୍ଗ ନିକଟରେ କୋଣାର୍କ ଓ ଏହାର ଆଖପାଖରେ ସମ୍ପୂର୍ଣ ହୋଇଛି ।

ଏହି କ୍ଷୁଦ୍ର ଚଳଚିତ୍ର ତିଆରି କରିବା ପାଇଁ ଯେତେବେଳେ ତାଙ୍କର ଆଗ୍ରହ ହେଲା ସେତେବେଳେ ତାଙ୍କ ପାଖରେ ଅର୍ଥ ନ ଥିଲା । ମୁମ୍ବାଇରେ ରହୁଥିବା ପ୍ରବାସୀ ଓଡିଆ ତଥା ଫିଲ୍ମ ନିର୍ମାତା ଅବିନାଶ ନନ୍ଦ କେବଳ ତାଙ୍କୁ ସାହାଯ୍ୟ କରିବାକୁ ଆଗେଇ ଆସିଲେ ତା ନୁହେଁ, ସେ ଭୁବନେଶ୍ଵର ଠାରେ ଥିବା ତାଙ୍କର ଦୁଇ ଜଣ ଶିଳ୍ପୋଦ୍ୟୋଗୀ ବନ୍ଧୁଙ୍କୁ ଆର୍ଥିକ ସହାୟତା ଦେବା ପାଇଁ ଅନୁରୋଧ କଲେ ।

ଅବିନାଶ ଙ୍କ ଦୁଇ ବନ୍ଧୁ ରାଜିନ୍ଦର ସିଂ ଭାଟିଆ ଓ ରାଜେଶ ମହାନ୍ତି ଏହି କ୍ଷୁଦ୍ର ଚଳଚିତ୍ର ନିର୍ମାଣ ପାଇଁ ଆବଶ୍ୟକ ଅର୍ଥ ସହାୟତା କରିବା ପାଇଁ ରାଜି ହେଲେ।

ଏପରିକି ଜଣାଶୁଣା ଓଡିଆ ମଡେଲ ତଥା ସ୍ଵେଚ୍ଛାସେବୀ ସ୍ଵପ୍ନା ପତି ମଧ୍ୟ ଏହି ଉଦ୍ୟମରେ ଉତ୍ସାହିତ ହୋଇ ନିଜେ ଏଥିରେ ମୁଖ୍ୟ ନାୟିକା ଭୂମିକାରେ ଅଭିନୟ କରିବାପାଇଁ ରାଜି ହେଲେ। ଏହି ପରି ଭାବରେ ଆରମ୍ଭ ହେଲା ଏହି କ୍ଷୁଦ୍ର ଚଳଚିତ୍ରର ନିର୍ମାଣ।

ଶାରୀରିକ ଅକ୍ଷମ ହୋଇଥିବା ଜଣେ ବ୍ୟକ୍ତି ସବୁ ଦିଗରୁ ସୁସ୍ଥ ଥିବା ଜଣେ ମହିଳାଙ୍କୁ ଭଲ ପାଇବାରେ ସଫଳ ହେବା ହେଉଛି ଡିଜାଏର ଚଳଚିତ୍ରର ବିଷୟ ବସ୍ତୁ ।

ଯେ କୌଣସି ସାଧାରଣ ବ୍ୟକ୍ତିଙ୍କ ପରି ଶାରୀରିକ ଅକ୍ଷମ ବ୍ୟକ୍ତି ମାନଙ୍କ ଭିତରେ ମଧ୍ୟ ଭଲ ପାଇବାର ଭାବନା, ଇଚ୍ଛା ରହିଛି ଓ ସମାଜ ଏହାକୁ ସ୍ଵୀକାର କରି ସେମାନଙ୍କ ଭାବନାକୁ ସମ୍ମାନ ଦେବାର ସମୟ ଆସିଛି ବୋଲି ଜିତେନ୍ଦ୍ର କହିଛନ୍ତି।

ଜିତେନ୍ଦ୍ରଙ୍କ ପାଖରେ ପ୍ରବଳ ସୃଜନଶୀଳତା ଓ ଇଚ୍ଛା ଶକ୍ତି ରହିଛି ଓ ଏହା ମୋତେ ଖୁବ ପ୍ରଭାବିତ କରିଛି, ଚଳଚିତ୍ର ନିର୍ମାତା ଅବିନାଶ ନନ୍ଦ କହିଛନ୍ତି।

ଉଲ୍ଲେଖଯୋଗ୍ୟଯେ ଗତ ମଇ ମାସରେ ମାଇଁ ଏଟିଚ୍ୟୁଡ , ମାଇଁ ଲାଇଫ ଡେସ୍ପାଇଟ ମାଇଁ ଡିଜାବିଲିଟି ଶୀର୍ଷକରେ ଇଉଟ୍ୟୁବରେ ଜିତେନ୍ଦ୍ର ପୋଷ୍ଟ କରିଥିବା ଅନେକ ଫଟୋଚିତ୍ର ଓ କଣ୍ଠସ୍ଵର ବହୁ ଦର୍ଶକଙ୍କୁ ପ୍ରଭାବିତ କରିଥିଲା ।

ଏପରିକି କଂଗ୍ରେସ ଏମପି ଶଶୀ ଥରୁର , ଟିଭି ବ୍ୟକ୍ତିତ୍ଵ ବରଖା ଦତ୍ତ ଓ ରାଜଦୀପ ସରଦେଶାଇ ପ୍ରମୁଖ ଏହାର ଖୁବ ପ୍ରଶଂସା କରିଥିଲେ ।

ଏଠାରେ ଉଲ୍ଲେଖଯୋଗ୍ୟଯେ ଜିତେନ୍ଦ୍ର ଶରୀରର ଅନ୍ୟ ଅଙ୍ଗ ଦ୍ଵାରା ବିଶେଷତଃ କିଛି କାର୍ଯ୍ୟ କରିପାରୁନଥିବା ବେଳେ ତାଙ୍କର ଡାହାଣ ହାତ ଦ୍ଵାରା ସେ କେବଳ ଲେଖିବା ତଥା ମୋବାଇଲ ଫୋନ ବ୍ୟବହାର କରି ପାରନ୍ତି ।

ସବୁବେଳେ ହୁଇଲ ଚେୟାର ଉପରେ ନିର୍ଭର କରି ଚାଲୁଥିବା ଜିତେନ୍ଦ୍ର ନିଜ ଦୈନନ୍ଦିନ ଜୀବନରେ ଚଳପ୍ରଚଳ ପାଇଁ ସବୁବେଳେ ଦୁଇଜଣ ବ୍ୟକ୍ତିଙ୍କ ସହାୟତା ନେବାର ଆବଶ୍ୟକତା ପଡିଥାଏ ।

ଓଡିଶା ଡଟ କମ

ଓଡିଶା ଡଟ କମ ସମ୍ବାଦ ଦାତା

ନୂଆ ଦିଲ୍ଲୀ, ଡିସେମ୍ବର ୩ (ଓଡିଶା ଡଟ କମ) ନିକଟରେ ଦେଶ ଓ ବିଦେଶରେ ଚଳଚିତ୍ର ଉତ୍ସବ ମାନଙ୍କରେ ପ୍ରଦର୍ଶିତ ହୋଇଥିବା କିଷାନ ଭାଷାରେ ନିର୍ମିତ ଚଳଚିତ୍ର ହେଏଲୁ ଦର୍ଶକଙ୍କ ଦ୍ଵାରା ବ୍ୟାପକ ପ୍ରଶଂସିତ ହୋଇଛି ।

ଦୀର୍ଘ ଚାରି ବର୍ଷର ପରିଶ୍ରମ ର ଫଳ ସ୍ୱରୂପ ଭୁବନେଶ୍ୱରର ପିକେ. ପ୍ରଡକ୍ସନ୍ ବ୍ୟାନରରେ ନିର୍ମିତ ତଥା ଓଡିଶାର ଶ୍ରୀ ଅଶୋକଙ୍କ କଥାବସ୍ତୁ ଉପରେ ଆଧାରିତ ଏହି ଚଳଚିତ୍ର ଏକ ଛୋଟ ପ୍ରେମ କାହାଣୀ ଉପରେ ଆଧାରିତ ।

ଏହାର ପ୍ରଯୋଜକ ହେଉଛନ୍ତି ଶ୍ରୀପତି ଶ୍ରୀଚନ୍ଦନ ଓ ନିର୍ଦ୍ଦେଶନା ଦେଇଛନ୍ତି ଶ୍ରୀ ଅଶୋକ । ସ୍ୱର ସଂଯାଜନା ଓ ଗୀତ ରଚନା କରିଛନ୍ତି ରଙ୍ଗବତୀ ଗୀତର ଜଣାଶୁଣା ଗୀତିକାର ପ୍ରଭୁଦତ୍ତ ପ୍ରଧାନ ଓ ମିତ୍ରଭାନୁ ଗୌନ୍ତିଆ ।

ଓଡ଼ିଶାର ଆଦିମ ଜନଜାତି ମାନଙ୍କର ସାଂସ୍କୃତିକ ପରମ୍ପରା ତଥା ଭାଷା ଉପରେ ଅନେକ ଗବେଷକଙ୍କ ଗୌରବପୂର୍ଣ୍ଣ ମତ ରହିଆସିଛି । ବଣ ଜଙ୍ଗଲ ଘେରା ପ୍ରାକୃତିକ ପରିବେଶ ଭିତରେ ସେମାନଙ୍କର ଆର୍ଥିକ ଓ ସାମାଜିକ ଉନ୍ନତି ହୋଇଛି ।

ସମ୍ବଲପୁର,  ଝାରସୁଗୁଡ଼ା, ଦେବଗଡ଼ ଓ ସୁନ୍ଦରଗଡ଼ ଆଦି ଅଞ୍ଚଳରେ ବାସ କରନ୍ତି କିଷାନ ଜନଜାତି । ଏହି ଜନଜାତି ବ୍ୟବହାର କରୁଥିବା ମାଦଲକୁ ହେଏଲୁ କୁହାଯାଏ ।ସେମାନଙ୍କ ସାମାଜିକ ଚାଲିଚଳଣି ଏବଂ ଭାଷାରେ ଅଛି ଅପୂର୍ବ ମଧୁରତା ।

ସେମାନଙ୍କ ଭାଷା ଓ ସଂସ୍କୃତିକୁ ଆଧାରକରି ତିଆରି ହୋଇଥିବା ଏହି ଚଳଚିତ୍ର ନୋଇଡା ଠାରେ ଚଳିତ ବର୍ଷ ଆୟୋଜିତ ଗ୍ଳୋବାଲ ଚଳଚିତ୍ର ମହୋତ୍ସବରେ ଏସିଆନ ଏକାଡେମୀ ଅଫ୍ ଫିଲ୍ମ ଏବଂ ଟେଲିଭିଜନ ପରିସରରେ ପ୍ରଦର୍ଶିତ ହୋଇଥିଲା ।

ଏହି ଉତ୍ସବରେ ଯୋଗ ଦେଇଥିଲେ ବିଶିଷ୍ଟ ଚଳଚିତ୍ର ନିଦେ୍ର୍ଧଶକ – ମୁକେଶ ଭଟ୍ଟ , ପଙ୍କଜ ପରାଶର, ବିବେକ ଅଗ୍ନିହୋତ୍ରି, କେତନ ମେହେତା ଓ ଉତ୍ସବର ଚେୟାରମ୍ୟାନ ସନ୍ଦିପ ମାରୱା ।

ଏହି ଉତ୍ସବରେ ଶ୍ରେଷ୍ଠ ନିଦେ୍ର୍ଧଶକ ଭାବେ ହେଏଲୁର ନିର୍ଦ୍ଦେଶକ ଶ୍ରୀ ଅଶୋକଙ୍କୁ ପୁରସ୍କାର ସହ ଭବ୍ୟ ସମ୍ବର୍ଦ୍ଧନା କରାଯାଇଥିଲା ।ଯେତେବେଳେ ହେଏଲୁ ଏହି ଉତ୍ସବରେ ପ୍ରଦର୍ଶିତ ହେଲା, ସେତେବେଳେ ଦର୍ଶକମାନଙ୍କ କରତାଳିରେ ପ୍ରେକ୍ଷାଳୟଟି ପ୍ରକମ୍ପିତ ହୋଇ  ଉଠିଥିଲା ।

ଶ୍ରୀ ଅଶୋକ କହିଛନ୍ତି  ଅଷ୍ଟମ ଗ୍ଳୋବାଲ ଚଳଚିତ୍ର ମହୋତ୍ସବରେ କିଶାନ ଭାଷାର  ଏକ ଚଳଚିତ୍ର ପ୍ରଶଂସା ପାଇବା ଓ ନିର୍ଦ୍ଦେଶକଙ୍କୁ ପୁରଷ୍କୃତ କରାଯିବା ସାରା ରାଜ୍ୟ ପାଇଁ ଗର୍ବ ଓ ଗୌରବର ବିଷୟ । ଏହି ଉତ୍ସବରେ ୩୫ଟି ଦେଶର ଚଳଚିତ୍ର ଭାଗନେଇଥିବା ସେ କହିଛନ୍ତି।

ଓଡିଶା ଡଟ କମ

ଓଡିଶା ଡଟ କମ:ପ୍ରଫୁଲ୍ଲ ଦାସ

କୋଣାର୍କ , ଡିସେମ୍ବର ୧ (ଓଡିଶା ଡଟ କମ) ରଂଗମଞ୍ଚ କୋଣାର୍କର ମୁକ୍ତାକାଶ ରଂଗମଞ୍ଚରେ ଏକ ବର୍ଣ୍ଣ।ଢ୍ୟ ପରିବେଶରେ ମଙ୍ଗଳବାର ଆରମ୍ଭ ହୋଇଛି ଚଳିତ ବର୍ଷର ବହୁ ପ୍ରତୀକ୍ଷିତ ପାଞ୍ଚ ଦିନ ଧରି ହେବାକୁ ଥିବା କେ।ଣାର୍କ ଉତ୍ସବ । ସୃଜନ ଅନୁଷ୍ଠାନର ଓଡିଶୀ ନୃତ୍ୟ ଓ ଜବାହାରଲାଲ୍ ନେହୁର ମଣିପୁର ଡ୍ୟାନ୍ସ ଏକାଡେମୀର ଶାସ୍ତ୍ରୀୟ ମଣିପୁରୀ ନୃତ୍ୟ ପରଶରେ ଉତ୍ସବର ପ୍ରଥମ ଦିନରେ ବିମୁଗ୍ଧ ହେ।ଇଥିଲେ ଦର୍ଶକ ।

ବଂକିମ୍ ଚନ୍ଦ୍ର ଚଟ୍ଟେ।ପାଧ୍ୟାୟ କୃତ ‘ବଂନ୍ଦେ ମାତରମ୍’ ଥିଲା ସୃଜନ ଅନୁଷ୍ଠାନର ପ୍ରଥମ ପ୍ରସ୍ତୁତି । ମାତୃଭୂମି ବନ୍ଦାପନାର ସ୍ତବକକୁ ଭେଟି ଦେଇଥିଲେ ନୃତ୍ୟ ଶିଳ୍ପୀ । ଏହାପରେ ଯୁଗ୍ଗ ଦ୍ଵୟ ପଲ୍ଲବୀରେ ନୃତ୍ୟ-ଗୀତ ଓ ବାଦ୍ୟର ଆଳ।ପକୁ ନେଇଆସିଥିଲେ ଯୁଗ୍ମଦ୍ଵନ୍ଦ ପଲ୍ଲବୀରେ ।

ଏହାପରେ ଅର୍ଦ୍ଧନାରୀଶ୍ଵର ରେ ପ୍ରକୃତି ଓ ପୁରୁଷର ମିଳିତ ବିଗ୍ରହଙ୍କ ଉପାସନା କରିଥିଲେ ଶିଳ୍ପୀ ଓ ଅନ୍ତିମ ଅର୍ଘ୍ୟରେ ସନ୍ଥ କବୀରଜୀଙ୍କ ଗୁରୁବାଣୀ ଓ ଦେ।ହା ଆଧାରରେ ଭକ୍ତ ଓ ଭଗବାନଙ୍କ ସମ୍ବନ୍ଧକୁ ବ୍ୟକ୍ତ କରିଥିଲେ ଶିଳ୍ପୀ ନୃତ୍ୟାଞ୍ଜଳୀ ବିଶ୍ଵାସରେ । ଗୁରୁ ରତିକାନ୍ତ ମହାପାତ୍ରଙ୍କ ନୃତ୍ୟ ସଂଯେ।ଜନାର ପ୍ରତିଟି ନୃତ୍ୟ ନିବେଦନ ହେ।ଇଥିଲା ବେଶ୍ ମନଛୁଆଁ ।

ଏହା ପରେ ପରେ ଜବାହାରଲାଲ୍ ନେହେରୁ ମଣିପୁର ଡ୍ୟାନ୍ସ ଏକାଡେମୀର ଶିଳ୍ପୀ ପ୍ରସ୍ତୁତ କରିଥିଲେ ଲାହ ହାରେ।ବା । ମଣିପୁରର ବିଭିନ୍ନ ଉପତ୍ୟକାର ଅଧିବାସୀଙ୍କ ବାର୍ଷିକ ଉତ୍ସବ ଆଧାରିତ ନୃତ୍ୟରେ ସୃଷ୍ଟିର ସର୍ଜନା ଓ ମନୁଷ୍ୟ ଜାତିର ବିକାଶର ଚିତ୍ର ନୃତ୍ୟାୟିତ ହେ।ଇଥିଲା ।

ପରେ ପରେ ଢେ।ଲ ଢେ।ଲକ ଚେ।ଲମ, ତନୁମ୍ ଦେରେନା ଓ ପୁଙ୍ଗ ଚେ।ଲମ ଓ ବସନ୍ତରାମ୍ ଉପସ୍ଥାପିତ ହେ।ଇଥିଲା । ମଙ୍ଗଳବାର ଅତିଥି ଭାବେ ଉପସ୍ଥିତ ରହି ପ୍ରଦୀପ ପ୍ରଜଳନ କରିଥିଲେ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଅଶେ।କ ଚନ୍ଦ୍ର ପଣ୍ଡା, ଖାଦ୍ୟ ଓ ଯେ।ଗାଣ ମନ୍ତ୍ରୀ ସଂଜୟ ଦାସ ବର୍ମ।, ନିମାପଡା ବିଧାୟକ ସମୀର ରଞ୍ଜନ ଦାସ, କାକଟପୁର ବିଧାୟକ ସୁରେନ୍ଦ୍ର କୁମାର ସେଠୀ, ମେୟର ଅନନ୍ତ ନାରାୟଣ ଜେନା, ପୂର୍ବତନ ମନ୍ତ୍ରୀ ସୁରେନ୍ଦ୍ର ନାଥ ନାୟକ, ପର୍ଯ୍ୟଟନ ପ୍ରମୁଖ ସଚିବ ଗଗନ କୁମାର ଧଳ, ପର୍ଯ୍ୟଟନ ନିଦ୍ଦେର୍ଶକ ନିତିନ୍ ଭାନୁ ଦାସ ଜାୱେଲ୍ ।

ମଞ୍ଚ ସଂଯେ।ଜନା କରିଥିଲେ ଡଃ ସାଧନା ଶ୍ରୀବାସ୍ତବ ଓ ଡଃ ମୃତ୍ୟୁଞ୍ଜୟ ରଥ । ପରିଚାଳନାରେ ଥିଲେ ଡ଼ଃ ସଂଗୀତା ଗେ।ସାଇଁ ଓ ଓଡିଶା ସଂଗୀତ ନାଟକ ଏକାଡେମୀର ସଚିବ ଧିରେନ୍ଦ୍ର ନାଥ ମଲ୍ଲିକ ।

ଓଡିଶା ଡଟ କମ

ଓଡିଶା ଡଟକମ: ସୌଭାଗ୍ୟ ଦେଓ

ଭୁବନେଶ୍ଵର, ନଭେମ୍ବର ୫ (ଓଡିଶା ଡଟ କମ) ବୁଧବାର ଭୁବନେଶ୍ଵରର ଏକ ପ୍ରତିଷ୍ଠିତ ହୋଟେଲରେ ଜଣେ ପ୍ରବାସୀ ଓଡିଆ ମହିଳା ପ୍ରଯୋଜିକାଙ୍କର ପ୍ରଥମ ହଲିଉଡ୍ ଫିଲ୍ମ ‘ଡିଜାୟାରସ୍ ଅଫ୍ ଦି ହାର୍ଟସ’ ର ଗ୍ରାଣ୍ଡ ପ୍ରିମିୟର ଅନୁଷ୍ଠିତ ହୋଇଥିବା ବେଳେ ସେଠାରେ ଉପସ୍ଥିତ ଥିବା ସହରର ଅନେକ ବୁଦ୍ଧିଜୀବି, ସିନେବ୍ୟକ୍ତିତ୍ୱ, ଯୁବବର୍ଗ ଙ୍କ ମଧ୍ୟରେ ଏହାକୁ ନେଇ ବ୍ୟାପକ ଉତ୍ସାହ ପରିଲକ୍ଷିତ ହୋଇଛି ।

ସାରା ବିଶ୍ୱରୁ ସ୍ୱୀକୃତି ଲାଭ କରିଥିବା ଓଡ଼ିଶା ଜନ୍ମିତ ଫିଲ୍ମ ପ୍ରଯୋଜକ ଓ ଲେଖକ ସୋଲିଲା ପରିଡାଙ୍କ ହଏହି ଚଳଚିତ୍ର ଭାରତରେ ୬ ନଭେମ୍ବରରେ ମୁକ୍ତିଲାଭ କରିବାକୁ ଯାଉଛି । ପ୍ରଥମ ଥର କରି ଜଣେ ଓଡ଼ିଆ ପ୍ରଯୋଜକଙ୍କ ଦ୍ୱାରା ପ୍ରସ୍ତୁତ ଏହି ହଲିଉଡ୍ ଫିଲ୍ମ ଥିଏଟରରେ ରିଲିଜ୍ ହେଉଛି ।

“ଏକ ଅନ୍ତର୍ଜାତୀୟ ଚଳଚ୍ଚିତ୍ର ନିର୍ମାଣ କରିବା ସମୟରେ ଆମେ ସର୍ବଦା ଦୁଇଟି ଦେଶର ସଂସ୍କୃତିଗତ ବିଭିନ୍ନତାକୁ ସାରା ବିଶ୍ୱର ଦର୍ଶକଙ୍କ ନିକଟରେ ଉପସ୍ଥାପିତ କରିବାକୁ ଚେଷ୍ଟା କରିଥାଉ ଏବଂ ଏହା ନିଶ୍ଚିତ ଭାବରେ ଦର୍ଶକଙ୍କ ଦ୍ୱାରା ଆଦୃତି ଲାଭ କରିବ ବୋଲି ଆମେ ଆଶା କରୁଛୁ ” ଏହି ଫିଲ୍ମ ସମ୍ବନ୍ଧରେ ଶ୍ରୀମତୀ ପରିଡା ଓଡିଶା ଡଟ କମକୁ କହିଛନ୍ତି ।

ଭାରତ ଭଳି ଏକ ପୁରୁଷ ପ୍ରଧାନ ଦେଶରେ ପୂର୍ବରୁ ଅନେକଗୁଡ଼ିଏ ସତୀ ପ୍ରଥା ସମ୍ପର୍କିତ ଘଟଣା ପରିଲକ୍ଷିତ ହୋଇଛି କିନ୍ତୁ ଖୁବ୍ କମ୍ ଫିଲ୍ମ ଏହା ଉପରେ ପ୍ରସ୍ତୁତ କରାଯାଇଛି । ‘ଡିଜାୟାରସ୍ ଅଫ୍ ଦି ହାର୍ଟ’ ଏହି ବିଷୟକୁ ସ୍ୱତନ୍ତ୍ର ଭାବରେ ଉପସ୍ଥାପିତ କରିବା ପାଇଁ ଚେଷ୍ଟା କରିଥିବା ସେ କହିଛନ୍ତି।

ଲିଉଡ୍ ଆକ୍ଟର ଭାଲ୍ ଲଉରେନ୍ ଓ ଆଲିସିଆ ମିନ୍ସିଉ ଷ୍ଟାର ଥିବା ଏହି ଫିଲ୍ମର ମାର୍କେଟ୍ ପି୍ରମିୟର ଗତ ବର୍ଷ ୬୭ତମ କେନ୍ସ ଫିଲ୍ମ ଫେଷ୍ଟିଭାଲ୍ ରେ କରାଯାଇଛି । ଏହି ଫିଲ୍ମଟି ମଧ୍ୟ ଅନେକଗୁଡ଼ିଏ ଆନ୍ତର୍ଜାତିକ ଫିଲ୍ମ ମହୋତ୍ସବ ଯଥା ଏଲଏ ଫେମ୍ ଇରନାସ୍ନାଲ୍, ସେଡୋନା ଇରନାସ୍ନାଲ୍ ଫିଲ୍ମ ଫେଷ୍ଟିଭାଲ୍, ମାକୋନ୍ ଫିଲ୍ମ ଫେଷ୍ଟିଭାଲ୍ ଓ ହୋବୋକେନ୍ ଫିଲ୍ମ ଫେଷ୍ଟିଭାଲ୍ରେ ପ୍ରଦର୍ଶିତ ହୋଇଛି ।

ଏହି ଫିଲ୍ମରେ ମଧ୍ୟ ବଲିଉଡ୍ ଆକ୍ଟର ଗୁଲ୍ସନ ଗ୍ରୋଭର ଓ ‘ଆଇ ଆମ୍ କଲାମ୍’ର ଶିଶୁ କଳାକାର ହର୍ଷ ମୟର ରହିଛନ୍ତି । ଏହି ଫିଲ୍ମକୁ ପୁରସ୍କାର ପ୍ରାପ୍ତ ନିଦେ୍ର୍ଧଶକ ଜେମ୍ସ କିକ୍ଲାଇଟର ଏଣ୍ଡ କୋ. ଟ ଦ୍ୱାରା ନିଦେ୍ର୍ଧଶନା ପ୍ରଦାନ କରାଯାଇଛି ଓ ଭାରତର ରାଜେଶ ରାଠିଙ୍କ ଦ୍ୱାରା ସହ ନିଦେ୍ର୍ଧଶନା ପ୍ରଦାନ କରାଯାଇଛି ।

ସୋଲିଲା ପରିଡା ହେଉଛନ୍ତି ଡିଓଟିଏଚ୍ ଏରଟେନ୍ମେ ଏଲଏଲ୍ସି, ୟୁଏସ୍ଏର ପ୍ରତିଷ୍ଠାତା । ସେ ଅର୍ଥନୀତିରେ ସ୍ନାତକୋର ତଥା ହଲିଉଡ୍ ଫିଲ୍ମ ଇନ୍ଷ୍ଟିଚୁ୍ୟଟ୍ରୁ ଫିଲ୍ମ ପ୍ରଡକ୍ସନ ମ୍ୟାନେଜମେଣ୍ଟ ରେ ପୋଷ୍ଟ ଗ୍ରାଜୁଏଟ ଡିପ୍ଲୋମା କରିଛନ୍ତି । ସେ ବିଗତ ୨୦ ବର୍ଷ ମଧ୍ୟରେ ଅନେକ ପୁରସ୍କାରପ୍ରାପ୍ତ ଫିଲ୍ମର ପ୍ରସ୍ତୁତ କରିଛନ୍ତି ଯେଉଁଥିରେ ଅନ୍ତର୍ଭୁକ୍ତ ରିହିଛି ବଲିଉଡ୍ ଫିଲ୍ମ ‘ବ୍ୟାଣ୍ଡିଟ୍ ଲଭର୍ସ’, ‘କୋଇ ହେ’ ଇତ୍ୟାଦି ।

ସେ ତାଙ୍କ କାର୍ଯ୍ୟ ପାଇଁ ଅନେକ ଜାତୀୟ ତଥା ଆନ୍ତର୍ଜାତୀୟ ପୁରସ୍କାର ଲାଭ କରିଛନ୍ତି । ଫିଲ୍ମ ପ୍ରସ୍ତୁତି ବ୍ୟତୀତ ସେ ଅନେକଗୁଡିଏ ସମାଜସେବା ଓ ପରୋପକାର କାର୍ଯ୍ୟରେ ମଧ୍ୟ ନିଜକୁ ନିୟୋଜିତ କରିଛନ୍ତି ।

ଭୁବନେଶ୍ଵରରେ ଅନୁଷ୍ଠିତ ପ୍ରିମିୟର ରେ ସହରର ଅନେକ ବୁଦ୍ଧିଜୀବି, ସିନେବ୍ୟକ୍ତିତ୍ୱ, ଯୁବବର୍ଗ ସାମିଲ୍ ହୋଇ ପ୍ରଯୋଜିକାଙ୍କୁ ଉତ୍ସାହିତ କରିଥିଲେ । ଅତିଥି ଭାବେ ସାଂସଦ ପ୍ରଭାସ ସିଂ, ବିଧାୟିକା ଟୁକୁନି ସାହୁ ପ୍ରମୁଖ ଯୋଗଦେଇଥିଲେ ।

ଏହି ଫିଲ୍ମର ସହ-ପ୍ରଯୋଜକ ଜିତେନ୍ଦ୍ର ମିଶ୍ର ମଧ୍ୟ ଏହି ଅବସରରେ ଉପସ୍ଥିତ ରହିଥିଲେ । ଏହି ଫିଲ୍ମଟି ଭାରତର ପ୍ରମୁଖ ସହର ମୁମ୍ବାଇ, ଦିଲ୍ଲୀ, ବାଙ୍ଗାଲୋର ଓ ଜୟପୁର ରେ ମଧ୍ୟ ମୁକ୍ତିଲାଭ କରିବାକୁ ଯାଉଛି ।

ଓଡିଶା ଡଟ କମ

ଓଡିଶା ଡଟ କମ:ପ୍ରଫୁଲ୍ଲ ଦାସ

ଚେନାଇ, ଅକ୍ଟୋବର ୩୦ (ଓଡିଶା ଡଟ କମ) ଚେନାଇରେ ରହୁଥିବା ଜଣେ ପ୍ରବାସୀ ଓଡିଆ  ଦମ୍ପତିଙ୍କ ଦ୍ଵାରା ପ୍ରସ୍ତୁତ ଏକ ଅନ୍ତର୍ଜାତୀୟ ଇଂରାଜୀ ମ୍ୟୁଜିକ ଭିଡିଓ ବ୍ୟାପକ ଲୋକପ୍ରିୟତା ହାସଲ କରିଥିବାରୁ ଚର୍ଚାରେ ରହିଛି ।

ଏନ ଆଇଟି ୱାରାଙ୍ଗାଲରୁ ଶିକ୍ଷା ଲାଭ କରିଥିବା ଜୟପୁର, ଓଡିଶାର ବିଶ୍ଵନାଥ ରଥଙ୍କ ଦ୍ଵାରା ଲିଖିତ ଓ ନିର୍ଦ୍ଦେଶିତ ତଥା ଚଳିତ ବର୍ଷ ୨୪ ଜୁଲାଇରେ ମୁକ୍ତି ଲାଭ କରିଥିବା ‘ଫିଲ ଦି ପାସନ’ ଶୀର୍ଷକ ଏହି ମ୍ୟୁଜିକ ଭିଡିଓ କୁ ଇଉଟ୍ୟୁବରେ ୧୧୭,୩୦୦ ଲୋକ ଦେଖିଥିବା ବେଳେ ଏହାକୁ ୧୨୦୦ ଦର୍ଶକ ଲାଇକ କରିଛନ୍ତି ।

ଟାଇମସ ଅଫ ଇଣ୍ଡିଆ, ରେନଲ୍ଟ, ସମେତ ଦେଶର ନାମୀ ଦାମୀ କେତେକ ସଂସ୍ଥା ପାଇଁ ଡକୁମେଣ୍ଟାରି ଫିଲ୍ମ, ବିଜ୍ଞାପନ ଓ ସାମାଜିକ ବିଷୟ ବସ୍ତୁ ଉପରେ ଚଳଚିତ୍ର ତିଆରି କରିବା ସହ ଅନେକ କ୍ଷୁଦ୍ର ଚଳଚିତ୍ର ନିର୍ମାଣ କରି ଦେଶ ବିଦେଶରେ ବିଭିନ୍ନ ପୁରସ୍କାର ଓ ସମ୍ମାନ ଲାଭ କରିଥିବା ବିଶ୍ଵନାଥ ଓ ତାଙ୍କ ଧର୍ମପତ୍ନୀ ଅର୍ଚନା ରଥଙ୍କ ଦ୍ଵାରା ପ୍ରତିଷ୍ଠିତ ବିଏନ ଆର ଫିଲ୍ମ୍ସ ଏବେ ଚେନାଇ, ଭୁବନେଶ୍ଵର, ହାଇଦ୍ରାବାଦ, ମୁମ୍ବାଇ, କୋଲକାତା, ବାଙ୍ଗାଲୁରୁ, ପୁଣେ ଓ କୋଚି ରେ କାମ କରୁଛି ।

‘ଫିଲ ଦି ପାସନ’ ରେ ରଥ ଯୁବଗୋଷ୍ଠୀଙ୍କ ଭିତରେ ଥିବା ବିଭିନ୍ନ ପ୍ରତିବନ୍ଧକ ଭିତରେ ଆଶା ଓ ଲକ୍ଷ ହାସଲର ଇଚ୍ଛାକୁ  ପ୍ରଦର୍ଶିତ କରିଛନ୍ତି ।

ଓଡିଶା ଡଟ କମ

ଓଡିଶା ଡଟ କମ :ପ୍ରଫୁଲ୍ଲ ଦାସ

ଭୁବନେଶ୍ଵର, ସେପ୍ଟେମ୍ବର ୨୧ (ଓଡିଶା ଡଟ କମ) ଓଡିଆ ସିନେ ଜଗତର ପ୍ରଖ୍ୟାତ ଗୀତିକାର ନିଜାମ୍‌ ଙ୍କ ଭୁବନେଶ୍ଵରର ଏକ ଘରୋଇ ହସ୍‌ପିଟାଲରେ ୬୨ ବର୍ଷ ବୟସରେ ସୋମବାର ପରଲୋକ ହୋଇଯାଇଛି ।

କିଛି ବର୍ଷତଳେ ହାଇଦ୍ରାବାଦଠାରେ ଏକ ଘରୋଇ ହସ୍‌ପିଟାଲ୍‌ରେ ତାଙ୍କର କିଡନୀ ପ୍ରତିରୋପଣ କରାଯାଇଥିଲା । ଏଥିପାଇଁ ତାଙ୍କର ଧର୍ମପତ୍ନୀ ଏକ କିଡନୀ ଦାନ କରିଥିଲେ । ହେଲେ ଗତ କିଛି ଦିନ ଧରି ସେ ଅସୁସ୍ଥ ରହିଥିଲେ ।

ନିଜାମ ୧୯୭୭ ମସିହାରେ ଅନୁତାପ ସିନେମାରୁ ଗୀତିକାରଭାବେ ନିଜର କ୍ୟାରିଅର ଆରମ୍ଭ କରିଥିଲେ । ଶେଷଥର ପାଇଁ ଗୀତିକାର ଭାବେ ସେ ପିଲାଟା ବିଗିଡି ଗଲା ସିନେମାରେ କାମ କରିଥିଲେ । ତାଙ୍କ କ୍ୟାରିଅରରେ ସେ ବହୁ କାଳଜୟୀ ଗୀତ ରଚନା କରିଛନ୍ତି ।

ହଜାରେରୁ ଅଧିକ ଗୀତ ଲେଖିଥିବା  ନିଜାମ ପ୍ରତିଟି ଗୀତରେ ନିଜର ସ୍ଵତନ୍ତ୍ରତା ପ୍ରଦର୍ଶନ କରିଛନ୍ତି ।କୌଣସି କାରଣରୁ ମୁକ୍ତିଲାଭ କରିପାରିନଥିବା ସମର ସଲିମ୍‌ ସାଇମାନ୍‌ ସିନେମାର ମୁଁ ଯେ ଏକ ପାଗଳ ଭଅଁର ହେଉ କି ହୃଦୟର ଏଇ ଶୂନ୍ୟତାକୁ..ଗୀତ ହେଉ ତାଙ୍କ ଗୀତ ଯେ ବର୍ଷ ବର୍ଷ ଧରି ଶ୍ରୋତାଙ୍କୁ ବିଭୋର କରୁଥିବ ଏଥିରେ ସନ୍ଦେହ ନାହିଁ।

ସେହିପରି ଫୁଲ ଚନ୍ଦନ, ମାନିନୀ ସିନେମାରେ ମଧ୍ୟ ନିଜାମଙ୍କ ଗୀତ ଚୀରକାଳ ଅପାସୋରା ହୋଇ ରହିଥିବ ।

ନିଜାମ୍‌ଙ୍କ ଗୀତ ବିଭିନ୍ନ ପୀଢ଼ିର କଣ୍ଠଶିଳ୍ପୀ ଗାଇଛନ୍ତି , ସମସ୍ତଙ୍କ ସହ ସେ ବେଶ୍‌ ଖାପ୍‌ ଖୁଆଇ ଗୀତ ଲେଖିଛନ୍ତି । କିଛି ସିନେମା ପାଇଁ ସଂଳାପ ମଧ୍ୟ ଲେଖିଛନ୍ତି ହେଲେ ସବୁଦିନ ପାଇଁ ନୀରବି ଯାଇଛି ନିଜାମ୍‌ଙ୍କ ଜାଦୁକରୀ କଲମ ।

ନିଜାମ୍‌ଙ୍କ ଶେଷ ଦର୍ଶନ ପାଇଁ ହସ୍‌ପିଟାଲ୍‌ରେ ଲାଗିଥିଲା ଭିଡ଼ । ତାଙ୍କ ମରଶରୀର ପରିବାର ଲୋକେ କଟକସ୍ଥିତ ତାଙ୍କ ବାସ ଭବନକୁ ନେଇଥିଲେ । କଳା ଜଗତର ବହୁ ବିଶିଷ୍ଟ ବ୍ୟକ୍ତି ନିଜାମଙ୍କ ଶେଷ ଦର୍ଶନ କରିଥିଲେ । ଅପରାହ୍‌ଣରେ ଦର୍‌ଘା ବଜାର ଶ୍ମଶାନରେ ତାଙ୍କ ଅନ୍ତିମ ସଂସ୍କାର କରାଯାଇଛି ।

ନିଜାମଙ୍କ ଦେହାନ୍ତରେ ସିନେମା ଓ ସଙ୍ଗୀତ ଜଗତର ବହୁ ବିଶିଷ୍ଟ ବ୍ୟକ୍ତି ଶୋକ ବ୍ୟକ୍ତ କରିଛନ୍ତି । ନିଜାମଙ୍କୁ ଭଲ ପାଉଥିବା ଲୋକେ ତାଙ୍କର ଶେଷ ଦର୍ଶନ କରିଛନ୍ତି ।

ନିଜାମଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଶ୍ରୀ ଜୁଏଲ ଓରାମ ଗଭୀର ଶୋକପ୍ରକଟ କରି  ଓଡ଼ିଆ ସଂଗୀତ ଜଗତରେ ଏକ ଶୂନ୍ୟସ୍ଥାନ ସୃଷ୍ଟି ହେଲା ବୋଲି କହିଛନ୍ତି । ଶ୍ରୀ ଓରାମ ସ୍ୱର୍ଗତ ଆତ୍ମାର ସଦଗତି କାମନା କରିବା ସହ ତାଙ୍କର ଶୋକସନ୍ତପ୍ତ ପରିବାରବର୍ଗଙ୍କ ପ୍ରତି ଗଭୀର ସମବେଦନା ଜଣାଇଛନ୍ତି ।

ନିଜାମଙ୍କ ରଚିତ ସଂଗୀତ

ଓଡିଶା ଡଟ କମ

 

 

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ସେପ୍ଟେମ୍ବର ୭ (ଓଡିଶା ଡଟ କମ) ଓଡିଶାର ଅନନ୍ୟା ଶ୍ରୀତମ ନନ୍ଦ ସୋନି ଚ୍ୟାନେଲରେ ପ୍ରସାରିତ ସଙ୍ଗୀତଭିତ୍ତିକ ରିୟଲିଟି ଶୋ ଦ୍ଵାରା ରବିବାର ଇଣ୍ଡିଆନ୍‍ ଆଇଡଲ ଜୁନିୟର ଘୋଷିତ ହେବା ପରେ ସମଗ୍ର ରାଜ୍ୟରେ ଖୁସିର ଲହର ଖେଳିଯିବା ସହ ତାଙ୍କ ପାଖକୁ ଶୁଭେଛାର ସୁଅ ଛୁଟିଛି ।

ଭୁବନେଶ୍ଵର ପୋଖରୀପୁଟ ଡିଏଭି ସ୍କୁଲରେ ନବମ ପଢୁଥିବା ୧୪ବର୍ଷୀୟା ଅନନ୍ୟାଙ୍କୁ କାର୍ଯ୍ୟକ୍ରମ ଆୟୋଜକ ବିଜୟୀ ଟ୍ରଫି ସହିତ ଦେଇଛନ୍ତି ମୋଟ ୨୫ ଲକ୍ଷ ଟଙ୍କାର ପୁରସ୍କାର ।

ଏହି ସଫଳତା ପରେ ବହୁ ଅନ୍ୟ ପ୍ରଯୋଜକ ସେମାନଙ୍କ ଚଳଚ୍ଚିତ୍ର ଓ ଆଲବମରେ ତାଙ୍କୁ ପ୍ରଚ୍ଛଦପଟ ଗାୟିକାର ସୁଯୋଗ ଦେବେ ବୋଲି ଜଣାଇଛନ୍ତି । ସର୍ବ ଭାରତୀୟ ସ୍ତରରେ ଆୟୋଜିତ ରିଏଲିଟି ଶୋ’ ରେ ଚମ୍ପିୟାନ ହେବାରେ ସେ ହେଉଛନ୍ତି ପ୍ରଥମ ଓଡିଆ ଝିଅ ।

ପୋଖରୀପୁଟରେ ରହୁଥିବା ପୁରୀ ଜିଲ୍ଲାର ବ୍ରାହ୍ମଗାଡିଆ ଗ୍ରାମର ପ୍ରସନ୍ନ କୁମାର ନନ୍ଦ ଓ ପ୍ରଶାନ୍ତି ମିଶ୍ରଙ୍କ ଝିଅ ଅନନ୍ୟା ପୂର୍ବରୁ ତିନିଥର ଏହି ପ୍ରତିଯୋଗିତାରେ ଅଂଶ ଗ୍ରହଣ କରିଥିଲେ ମଧ୍ୟ ସଫଳତା ପାଇପାରି ନ ଥିଲେ । ତେବେ ଏଥିରେ ନିରାଶ ନ ହୋଇ ସେ ନିଜର ଉଦ୍ୟମ ଜାରି ରଖିଥିଲେ ।

“ଏହା ମୋ’ ଜୀବନର ସବୁଠାରୁ ଶ୍ରେଷ୍ଠ ମୁହୂର୍ତ୍ତ । କ’ଣ କହିବି ଭାଷା ପାଉନି ।କୋଟିକୋଟି ଓଡ଼ିଆଙ୍କ ସ୍ନେହ ଓ ସଂଗୀତ ଗୁରୁଙ୍କ ସହ ମୋର ଗୁରୁଜନଙ୍କ ପ୍ରେରଣା ଓ ଆଶୀର୍ବାଦ ଯୋଗୁଁ ଆଜି ମୋତେ ଏହି ସଫଳତା ମିଳିଛି” ପୁରସ୍କୃତ ହେବ ପରେ ଅନନ୍ୟା କହିଛନ୍ତି ।

ଅନନ୍ୟଙ୍କ ସଫଳତା ସମ୍ପର୍କରେ ଖବର ପ୍ରସାରିତ ହେବା ପରେ ରାଜ୍ୟରେ ଖୁସିର ଲହର ଖେଳିଯିବା ସହ ସଙ୍ଗୀତ ପ୍ରେମୀ, ରାଜ୍ୟର ଗଣ୍ୟ ମାନ୍ୟ ବ୍ୟକ୍ତି ଶୁଭେଚ୍ଛା ଜଣାଇ ତାଙ୍କର ଉତ୍ତୋରତ୍ତୋର ଉନ୍ନତି କାମନା କରିଛନ୍ତି ।

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଜୁଏଲ ଓରାମ ଓ ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତାଙ୍କୁ ଶୁଭେଚ୍ଛା ଜଣାଇଛନ୍ତି ।ରାଜ୍ୟବାସୀଙ୍କ ଶୁଭେଚ୍ଛା ଓ ଆଶୀର୍ବାଦ ଯୋଗୁଁ ହିଁ ଏହା ସମ୍ଭବ ହୋଇପାରିଲା ବୋଲି ତାଙ୍କ ଭାଇ ସୁରେଶକୁମାର ନନ୍ଦ ଓ ପିତା ପ୍ରସନ୍ନକୁମାର ନନ୍ଦ କହିଛନ୍ତି । ରାଜ୍ୟର ଅଗଣିତ ସଙ୍ଗୀତ ପ୍ରେମୀଙ୍କ ଅକୁଣ୍ଠ ସମର୍ଥନ ଯୋଗୁଁ ଅନନ୍ୟା ଏହି ସଫଳତା ହାସଲ କଲା ବୋଲି ଭାବବିହ୍ୱଳ ମା କହିଛନ୍ତି ।

ଇଣ୍ଡିଆନ୍‍ ଆଇଡଲ ଜୁନିୟର- ଦ୍ଵିତୀୟର ପ୍ରତିଯୋଗୀତା ପର୍ବ ୩୦ ମଇରେ ଆରମ୍ଭ ହୋଇଥିଲା । ଶନିବାର ଓ ରବିବାର ସୋନି ଟିଭିରେ ପ୍ରସାରିତ ଏହି ପ୍ରତିଯୋଗିତା ପାଞ୍ଚରୁ ପନ୍ଦର ବର୍ଷର ନାବାଳିକା ଓ ନାବାଳିକାଙ୍କ ପାଇଁ ଉଦ୍ଦିଷ୍ଟ । ଏହି ସୋ ପାଇଁ ଆୟୋଜକ କୋଲକାତା, ଦିଲ୍ଲୀ, ଚଣ୍ଡିଗଡ, ମୁମ୍ବାଇ ଓ ଦୁବାଇରେ ଅଡିସନର ଆୟୋଜନ କରି ପ୍ରତିଭା ମାନଙ୍କର ଚୟନ କରିଥିଲେ।

ଦେଶର ବିଭିନ୍ନ ଅଞ୍ଚଳରୁ ଆସିଥିବା ୧୩ ଜଣ ପ୍ରତିଯୋଗୀଙ୍କୁ ନେଇ ମେ ମାସରୁ ଆରମ୍ଭ ହୋଇଥିବା ଏହି ଶୋ ରେ ପ୍ରତି ସପ୍ତାହରେ ପ୍ରଦର୍ଶନକୁ ବିଚାରକୁ ନେଇ ବିଚାରକ ମଣ୍ଡଳୀ ଜଣେ ଜଣେ ପ୍ରତିଯୋଗୀଙ୍କୁ ପ୍ରତିଯୋଗିତାରୁ ବାଦ୍‍ ଦେଉଥିଲେ । ଅନନ୍ୟାଙ୍କ ସମେତ ତିନିଜଣ ଫାଇନାଲକୁ ଉନ୍ନୀତ ହୋଇଥିଲେ ।

ଅନ୍ୟ ଦୁଇ ପ୍ରତିଯୋଗୀ ନାହିଦ୍‍ ଆଫ୍ରିନ୍‍ ଓ ନିତ୍ୟଶ୍ରୀ ଭେଙ୍କଟରମଣନ୍‍ଙ୍କୁ ପଛରେ ପକାଇ ଶେଷରେ ଦର୍ଶକଙ୍କ ଏସ୍‌ଏମ୍‌ଏସ୍ ଭୋଟିଂ ଓ ବିଚାରକଙ୍କ ବିଚାରକୁ ନେଇ ବିଜୟୀ ହୋଇଛନ୍ତି ଅନନ୍ୟା । ଫାଇନାଲରେ ‘ଗୋଲିଓଁ କି ରାସଲୀଲା’ର ନାଗାରା ଢୋଲ ବାଜେ..’ ଗାନ କରି ସେ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ ।

ସଂଗୀତ ସହ ପାଠପଢ଼ାରେ ମଧ୍ୟ ଅନନ୍ୟାଙ୍କର ଭଲ ଦକ୍ଷତା ରହିଛି । ଡାକ୍ତର ହେବାସହ ସଂଗୀତ ସାଧନାରେ ମନୋନିବେଶ କରିବା ତାଙ୍କର ଭବିଷ୍ୟତ ଇଚ୍ଛା ।

ଓଡିଶା ଡଟ କମ

କେଦାର ମିଶ୍ର

ମାନସ ହଂସ ମୁଁ ମାନସେ ଯିବି ଉଡ଼ି … ସଂଗୀତରେ ଏହାର ବର୍ଣ୍ଣନାକୁ ନୃତ୍ୟରେ ରୂପାନ୍ତରିତ କରାଯାଇପାରିବ କେମିତି ? ମାନସ ହଂସ ଏକ ବିଶାଳ ଆକାଶ ଆଡ଼କୁ ଉଡ଼ିଯିବା ପାଇଁ ବ୍ୟାକୁଳ  । ସେ ମାନସ ହଂସ ସାଧାରଣରୁ ଅସାଧାରଣର ତଲାସରେ ତା’ର ଉଡାଣ ଆରମ୍ଭ କରିଛି  ।

ଏପରି ଏକ ଜଟିଳ, ମନସ୍ତାତ୍ତ୍ୱିକ ଉତ୍ତରଣକୁ ନୃତ୍ୟରେ ରୂପାନ୍ତରିତ କଲାବେଳେ ଜଣେ ନୃତ୍ୟଶିଳ୍ପୀର ପ୍ରତିଭା ପାଇଁ ସବୁଠୁ ବଡ଼ ଆହ୍ୱାନ ସୃଷ୍ଟି ହୁଏ  । ଓଡ଼ିଶୀ ନୃତ୍ୟର ଗତି ଓ ଭଙ୍ଗୀରେ ଏହାକୁ କେତେ ସହଜରେ ବର୍ଣ୍ଣନା କରିହେବ  ତାହା ହୁଏତ ଚିନ୍ତାର ବିଷୟ  । ତେବେ ଏମିତି ଏକ ଦାର୍ଶନିକ ବିଷୟବସ୍ତୁରେ ଲାଳିତ୍ୟପୂର୍ଣ୍ଣ ଭଙ୍ଗୀରେ ଉପସ୍ଥାପନା କରନ୍ତି ଆମ ସମୟର ଅନ୍ୟତମ ସାର୍ଥକ ଓଡ଼ିଶୀ ଶିଳ୍ପୀ ମୀରା ଦାସ  ।

କବି ବୈକୁଣ୍ଠ ନାଥ ପଟ୍ଟନାୟକଙ୍କ ପ୍ରସିଦ୍ଧ କବିତା ‘ଜୀବନ ସଂଗୀତ’ ଆଧାରରେ ତାଙ୍କର ନୂଆ ନୃତ୍ୟ ସଂଯୋଜନା ଜୀବନ ସଂଗୀତ ଅନେକ ଦୃଷ୍ଟିରୁ ଓଡ଼ିଶୀ ନୃତ୍ୟ କ୍ଷେତ୍ରରେ ଏକ ନୂଆ ଅଧ୍ୟାୟର ସୂତ୍ରପାତ କରିଛି  । ବୈକୁଣ୍ଠନାଥଙ୍କର ଏହି ପ୍ରସିଦ୍ଧ କବିତା ଯାହାକି ପ୍ରତ୍ୟେକ ଓଡ଼ିଆର ପ୍ରାଣରେ ଗୁଞ୍ଜରିତ  ।

ବୈକୁଣ୍ଠନାଥଙ୍କର କନ୍ୟା ତଥା ହିନ୍ଦୁସ୍ତାନୀ ସଂଗୀତର ମହାନାୟିକା ସୁନନ୍ଦା ପଟ୍ଟନାୟକଙ୍କ କଣ୍ଠରେ ‘ଜୀବନ ପାତ୍ର ମୋ ଭରିଛ କେତେ ମତେ ନଦେଲ ବୋଲି କିଛି କହିବି କି ହେ ଆଉ….’ କୁ ଆମେ ଶୁଣିଛୁ ଓ ମୁଗ୍ଧ ହୋଇଛୁ  ।

ଏହି ସଂଗୀତ ଭିତରେ ଗୋଟେ ନୃତ୍ୟର କାହାଣୀ ବୁଣିଛନ୍ତି ମୀରା ଦାସ  । ଦ୍ରୌପଦୀ, ରାଧା ଓ ବୁଦ୍ଧଙ୍କ ଜୀବନ କାହାଣୀ ସହିତ ଜୀବନ ପାତ୍ରକୁ ଯୋଡ଼ା ଯାଇଛି  । ପାଖାପାଖି ଅଧଘଣ୍ଟାର ଏହି ନୃତ୍ୟ ସଂରଚନାରେ ଯେତିକି ନାଟକୀୟତା ରହିଛି, ସେତିକି ଦାର୍ଶନିକତା ମଧ୍ୟ ରହିଛି  । କେବଳ ଘଟଣାର ବର୍ଣ୍ଣନା ନୁହଁ, ବରଂ ଏକ ଦାର୍ଶନିକ ଅବବୋଧର ନୃତ୍ୟରୂପକ ପ୍ରସ୍ତୁତ କରିବା ଲାଗି ମୀରା ଦାସ ଉଦ୍ୟମ କରିଛନ୍ତି ଓ ସଫଳ ମଧ୍ୟ ହୋଇଛନ୍ତି  ।

ଜୀବନର ବିଷାଦ ଓ ଆହ୍ଲାଦ ଭିତରେ ରହିଥିବା ସୂକ୍ଷ୍ମ ବିଭାଜନ ରେଖାକୁ ଅତି ସହଜ ଓ ସାବଲୀଳ ଢଙ୍ଗରେ ତାଙ୍କର ଶିଳ୍ପୀମାନେ ଆଙ୍କିଛନ୍ତି  । ଗୋଟିଏ ଚରିତ୍ରରୁ ଆଉ ଗୋଟିଏ ଚରିତ୍ର ଭିତରେ ଜୀବନକୁ ଭୋଗିବାର ତୃପ୍ତିକୁ ଅତି ସହଜ ଭାବରେ ଉପସ୍ଥାପନ କରାଯାଇପାରିଛି  ।

ସୁନନ୍ଦା ପଟ୍ଟନାୟକଙ୍କର ମୂଳ ସଂଗୀତକୁ ନୂଆ ରୂପରେ ଉପସ୍ଥାପନ କରିଛନ୍ତି ସମକାଳର ବିଶିଷ୍ଟ ବଂଶୀବାଦକ ତଥା ସଂଗୀତ ନିଦେ୍ର୍ଧଶକ ଶ୍ରୀନିବାସ ଶତପଥୀ । ଶ୍ରୀନିବାସଙ୍କ ସଂଗୀତରେ କଳ୍ପନା ରହିଛି  । ନୂଆ କରି ଗୋଟେ ପୁରୁଣା ସ୍ୱରକୁ ଆବିଷ୍କାର କରିବା ଶକ୍ତି ତାଙ୍କ ପାଖରେ ରହିଛି  ।

ସେହି ଦୃଷ୍ଟିରୁ ଜୀବନ ସଂଗୀତ ଓଡ଼ିଶୀର ଇତିହାସରେ ଏକ ସାର୍ଥକ ସୃଷ୍ଟି  । ଗତ ଅଗଷ୍ଟ ୨୨ ତାରିଖ ଦିନ ଆନ୍ତର୍ଜାତିକ ସାଂସ୍କୃତିକ ସମ୍ବନ୍ଧ ପରିଷଦ ବା ଆଇସିସିଆର୍‍ର ଆୟୋଜନରେ ଗୁଞ୍ଜନ ଡ୍ୟାନ୍ସ ଏକାଡେମୀ କଟକର ଶିଳ୍ପୀମାନେ ଜୀବନ ସଂଗୀତ ପରିବେଷଣ କରିଥିଲେ  ।

ଖ୍ୟାତନାମା ନୃତ୍ୟଶିଳ୍ପୀ ମୀରା ଦାସଙ୍କ ମୌଳିକ ନୃତ୍ୟ ସଂରଚନାଗୁଡ଼ିକ ଏହି ଅବସରରେ ପରିବେଷଣ କରାଯାଇଥିଲା  ।  ପ୍ରାରମ୍ଭରେ ‘ଜଗନ୍ନାଥ ମଙ୍ଗଳ’, ଯେଉଁଥିରେ ଜଗନ୍ନାଥଙ୍କ ବନ୍ଦନା ଅପେକ୍ଷା ଜଗନ୍ନାଥଙ୍କ ପହଣ୍ଡି ବିଜେକୁ ମଙ୍ଗଳା ଚରଣ ଭାବେ ଉପସ୍ଥାପନ କରାଯାଇଥିଲା  । ସମକାଳର ଓଡ଼ିଶୀ ଶିଳ୍ପୀମାନେ ପାରମ୍ପରିକ ଓଡ଼ିଶୀର ନବ ନିର୍ମାଣ କରୁଛନ୍ତି  । ଏହାର ତତ୍ତ୍ୱ ଓ ଦର୍ଶନକୁ ନିଜସ୍ୱ ବ୍ୟାକରଣରେ ପରିଧି ଭିତରେ ସେମାନେ ନୂଆ କରି ଦେଖିବାର ପ୍ରୟାସ କରୁଛନ୍ତି  ।

ଜୀବନ ସଂଗୀତ ବ୍ୟତୀତ ମେଳ ନୃତ୍ୟକ୍ରମରେ ଦେଶପଲ୍ଲବୀ ଓ ଏକକ ଅଭିନୟରେ ଦ୍ୱିଜ ରାଜଙ୍କ ଲାଜରେ ସରିଗଲି ଆଜ… ପରିବେଷଣ କରାଯାଇଥିଲା  । ଦେଶପଲ୍ଲବୀରେ ମାତ୍ରା, ଛନ୍ଦ ଓ ନୃତ୍ୟର ଜଟିଳତା ରହିଥିବାବେଳେ ଏହାର ପରିବେଷଣ ସମୟରେ ଆଉ ଟିକେ ଅଧିକ ଶୃଙ୍ଖଳାର ଆବଶ୍ୟକତା ରହିଥିଲା  । ଗୁଞ୍ଜନର ନୃତ୍ୟଶିଳ୍ପୀମାନେ ଦେଖିବାକୁ ସୁଠାମ ଓ ସୁନ୍ଦର  ।

ସେମାନଙ୍କ ପଦଚାଳନା, ଗତି, ଭଙ୍ଗୀ, ମୁଦ୍ରା ଓ ଚଳନରେ ଲାଳିତ୍ୟ ରହିଛି  । ତେବେ ଏହି ଲାଳିତ୍ୟକୁ ଆଉ ଟିକେ ଶୃଙ୍ଖଳିତ କରିବାର ଆବଶ୍ୟକତା ରହିଛି  । ଆଉ ଟିକେ ମାଜି ହେଲେ ଦେଶପଲ୍ଲବ ଆହୁରି ଅଧିକ ସୁନ୍ଦର ଲାଗିବ  । ଆଶା, ଗୁରୁ ଭାବରେ ମୀରା ଦାସ ଏଥିପାଇଁ ଅଧିକ ଉଦ୍ୟମ କରିବେ  ।

ମୀରାଙ୍କ ଏକକ ଅଭିନୟରେ ଲାଜରେ ସରିଗଲି ଆଜ… ତାଙ୍କର ନୂଆ ସଂରଚନା  । ତାଙ୍କ ସଂରଚନାରେ ଗୁରୁ କେଳୁଚରଣ ମହାପାତ୍ରଙ୍କ ପ୍ରଭାବ ସ୍ପଷ୍ଟ  । ଗୁରୁଙ୍କର ଶିଷ୍ୟା ଭାବରେ ଗୁରୁଙ୍କର ପରମ୍ପରାକୁ ସେ ଅଗ୍ରସର କରାଉଛନ୍ତି  । ତେବେ ଲାଜରେ ସରିଗଲି ଆଜ… କବିତା ଭିତରେ ଏମିତି କିଛି ସୂକ୍ଷ୍ମ ଶୃଙ୍ଗାରୀ ଚେତନା ରହିଛି, ଯାହାକୁ ଅଧିକ ନୃତ୍ତ ମାଧ୍ୟମରେ ଉପସ୍ଥାପନା କରିବା ସମ୍ଭବ ନୁହେଁ  ।

ସଂଚାରୀକୁ ନୃତ୍ତରେ ଓ ସ୍ଥାୟୀ ଭାବକୁ ଅଭିନୟ ମାଧ୍ୟମରେ ଉପସ୍ଥାପନା କରିବା ହୁଏତ ବେଶୀ ପ୍ରଭାବଶାଳୀ ହେବ  । ମୀରାଙ୍କ ଅଭିନୟରେ ସାବଲୀଳତା ରହିଛି  । ସେ ଚରିତ୍ର ସହ ଏକାତ୍ମ ହୋଇପାରନ୍ତି ଓ ତାଙ୍କର ଗତି ଅନେକାଂଶରେ କାବି୍ୟକ  । ତେଣୁ ଅଭିନୟକୁ ଖୁଣିବାର କିଛି ନାହିଁ  । ଏଥିରେ ଅଧିକ କିଛି ଆଶା କରିବା କଥା କେବଳ  ।

ସବୁ ଭଲ ନୃତ୍ୟଶିଳ୍ପୀଙ୍କଠୁ ଦର୍ଶକ ସବୁବେଳେ ଅଧିକ ଆଶା କରେ  । ସେହି ନ୍ୟାୟରେ ଏ କ୍ଷେତ୍ରରେ ମୀରା ଦାସଙ୍କଠୁ ଆମେ ଆହୁରି ଅଧିକ ଆଶା କରୁଛୁ  । ମୋଟାମୋଟି କହିବାକୁ ଗଲେ ‘ଗୁଞ୍ଜନ ସନ୍ଧ୍ୟା’ ଏକ ଚମକ୍ରାର ପରିକଳ୍ପନା  ।

ଆଇସିସିଆର୍‍ର ଆୟୋଜନ ଗୁଡ଼ିକ ଭୁବନେଶ୍ୱରରେ ସେତେ ଆକର୍ଷଣୀୟ ହୁଏ ନାହିଁ  । ଅନେକ ସମୟରେ ଖାଲି ଅଡ଼ିଟୋରିୟମ୍‍ରେ ଶିଳ୍ପୀମାନେ ନିଜ ପରିବେଷଣ କରିବାର ଇତିହାସ ରହିଛି  । ସେହି ଦୃଷ୍ଟିରୁ ଗୁଞ୍ଜନ ସନ୍ଧ୍ୟା ଆଇସିସିଆର୍‍ର ଏକ ସଫଳ ଆୟୋଜନ  ।