ଅଗ୍ନିକାଣ୍ଡ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସୋନପୁର, ମଇ ୨୮(ଓଡ଼ିଶା ଡ଼ଟ୍ କମ୍) ସୋନୁପର ଜିଲ୍ଲା ବୀରମହାରାଜପୁର ଅନ୍ତର୍ଗତ ଗୋବିନ୍ଦପୁର ଗାଁରେ ସୋମବାର ଭୟାବହ ଅଗ୍ନିକାଣ୍ଡରେ ୨୦୦ ପରିବାରର ୪୫୦ ବଖରା ଘର ପୋଡ଼ି ଭସ୍ମୀଭୂତ ହୋଇଯାଇଛି ।

ଅପରାହ୍ନରେ ଉକ୍ତ ଗ୍ରାମର ମନ ସାହୁଙ୍କ ପାଉଁଶ ଗଦା ଭିତରୁ ନିଆଁ ଲାଗି ପାଖରେ ଥିବା ପାଳଗଦାରେ ଲଗିଯାଇଥିଲା ଏବଂ ଚାହୁଁ ଚାହୁଁ ସାରା ଗାଁକୁ ଏହା ବ୍ୟାପୀଯାଇଥିଲା ।

ଅଗ୍ନିକାଣ୍ଡରେ ମାଟିଘର ସମେତ ଅନେକ ପକ୍କାଘର ମଧ୍ୟ ଫାଟିଯାଇଛି । ଖବର ପାଇଦୁଇଟି ଦମକଳ ଗାଡି ପହଂଚି ନିଅାଁକୁ ଲିଭାଇବାକୁ ଚେଷ୍ଟା କରିଥିଲା କିନ୍ତୁ ସମ୍ଭବ ନହେବାରୁ ସୋନପୁର, ଉଲୁଣ୍ଡା ଏବଂ ବୌଦ୍ଧରୁ ଦମକଳ ଗାଡି ଆସି ଦୀର୍ଘ ସମୟ ପରେ ନିଅାଁକୁ ଆୟତ୍ତ କରିଥିଲେ ।

ଗ୍ରାମର ସମସ୍ତ ଅଗ୍ନି ବିପନ୍ନ ପରିବାର ସବୁକିଛି ହରାଇ ଖୋଲା ଆକାଶ ତଳେ ପଡି ରହିଛନ୍ତି । ଖବର ପାଇ ବୀରମହାରାଜପୁର ତହସିଲଦାର, ଉପଜିଲ୍ଲାପାଳ, ବିଡିଓ, ବ୍ଲକ ଅଧ୍ୟକ୍ଷ ଗାଁକୁ ଯାଇ ବିପନ୍ନପରିବାରଙ୍କୁ ଭେଟି ପଲିଥିନ ଓ ରନ୍ଧା ଖା୍ଦ୍ୟର ବ୍ୟବସ୍ଥା କରିଛନ୍ତି ।

ତେବେ ଅଗ୍ନିକାଣ୍ଡର ପ୍ରକୃତ କାରଣ ଜଣାପଡିନାହିଁ । କ୍ଷୟକ୍ଷତିର ଆକଳନ ପରେ ବିପନ୍ନ ପରିବାରଙ୍କୁ ପ୍ରଶାସନ ପକ୍ଷରୁ ସହାୟତା ଯୋଗାଇ ଦିଆଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର,ଅପ୍ରେଲ ୧୪(ଓଡ଼ିଶା ଡ଼ଟ୍ କମ୍) ସମ୍ବଲପୁର ଜିଲ୍ଲା ହୀରାକୁ ସ୍ଥିତ ଏଫ୍ସିଆଇ
ଗେ।ଦାମରେ ଶନିବାର ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ଚାଉଳ ନଷ୍ଟ ହୋଇଥିବା ପୋଲିସ କହିଛି ।

ଶନିବାର ଛୁଟି ଯୋଗୁଁ ଗେ।ଦାମ ବନ୍ଦ ଥିଲା । ସକାଳେ ଗେ।ଦାମରେ ନିଆଁ ଲାଗିଥିବା ଦେଖି ସେଠାରେ ନିୟୋଜିତ ସୁରକ୍ଷାକର୍ମୀ ପୋଲିସକୁ ଖବର ଦେଇଥିଲେ । ବିଦ୍ୟୁତ ସର୍ଟସର୍କିଟ୍ ଯୋଗୁଁ ଅଗ୍ନିକାଣ୍ଡ ଘଟିଥିବା ପୋଲିସ ସନ୍ଦେହ କରୁଛି ।

ଗେ।ଦାମର ତିନି ଶହ ବସ୍ତା ଚାଉଳ ଓ ଗହମ ପୋଡ଼ି ଯାଇଥିବା ଅନୁମାନ କରାଯାଉଥିବା ବେଳେ କ୍ଷୟକ୍ଷତି ସଂପର୍କରେ ଏଫ୍ସିଆଇ କର୍ତୃପକ୍ଷ କୌଣସି ତଥ୍ୟ ପ୍ରଦାନ କରିନଥିବା ପୋଲିସ କହିଛି ।

ତେବେ ଖବର ପାଇ ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ଦୀର୍ଘ ସମୟ ପରେ ନିଆଁକୁ ଆୟତ୍ତ କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ମାର୍ଚ୍ଚ ୧(ଓଡ଼ିଶା ଡ଼ଟ୍ କମ୍) ଭଦ୍ରକ ପୁରୁଣା ବଜାର ଅଧିନସ୍ଥ ଚନ୍ଦନବଜାର ଠାରେ ଗୁରୁବାର ଏକ ବ୍ୟବସାୟୀକ ପ୍ରତିଷ୍ଠାନରେ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ସଂପତି ପୋଡ଼ି ପାଉଶ ହୋଇଯାଇଛି ।

ଅଂଚଳର ରାବିୟା ସୁଲତାନା ନାମ୍ନୀ ଜନୈକା ମହିଳାଙ୍କର ପ୍ରତିଷ୍ଠିତ ଟେଣ୍ଟରେ କେହିନଥିବା ବେଳେ ଅଗ୍ନିକାଣ୍ଡ ଘଟିଥିଲା । ବିଦ୍ୟୁତ ସର୍ଟସର୍କିଟ ଯୋଗୁଁ ଅଗ୍ନିକାଣ୍ଡ ହୋଇଥିବା ସନ୍ଦେହ କରାଯାଉଛି ।

ଟେଣ୍ଟ ହାଉସଟି ବନ୍ଦ ଥିବା ସମୟରେ ନିଆଁ ଲାଗିଥିବାରୁ ସେଠାରେ ଥିବା ପ୍ରାୟ ୫ଲକ୍ଷରୁ ଉର୍ଦ୍ଧ୍ଵ ମୂଲ୍ୟର ସାମଗ୍ରୀ ପୋଡ଼ି ଯାଇଛି । ପାଖରେ ଥିବା ଅନ୍ୟ ଚାରୋଟି ଦୋକାନରେ ମଧ୍ୟ ନିଅାଁ ଲାଗିଯାଇ ନଷ୍ଟ ହୋଇଯାଇଛି । ଖବର ପାଇ ଅଗ୍ନିଶମ ବାହିନୀର ଦୁଇଟି ଦମକଳ ଆସି ନିଆଁ ଲିଭାଇଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଫେବୃୟାରୀ ୨୫(ଓଡ଼ିଶା ଡ଼ଟ୍ କମ୍) ଭଦ୍ରକ ଜାନୁଗଞ୍ଜ ଅଂଚଳରେ ଶନିବାର ଭୟାବହ ଅଗ୍ନିକାଣ୍ଡରେ ଗୋଟିଏ ପରିବାର ସର୍ବସ୍ୱାନ୍ତ ହୋଇଯାଇଛନ୍ତି ।

ଏଥିରେ ନଗଦ ଦେଢ଼ ଲକ୍ଷ ଟଙ୍କା, ଆସବାବପତ୍ର ସମେତ ପ୍ରାୟ ତିନି ଲକ୍ଷ ଟଙ୍କରୁ ଉର୍ଦ୍ଧ୍ଵ ମୂଲ୍ୟର ସମ୍ପତି ପୋଡ଼ି ପାଉଁଶ ହୋଇଯାଇଥିବା ପୋଲିସ କହିଛି ।

ଉକ୍ତ ଗ୍ରାମରେ ନାରାୟଣ ଚନ୍ଦ୍ର ସାହୁ ଘରେ ନଥିବାବେଳେ ହଠାତ୍ ତାଙ୍କ ଘରେ ନିଆଁ ଲାଗିଯାଇଥିଲା । ପ୍ରାୟ ୧୧ଟା ସମୟରେ ଘଟିଥିବା ଏହି ଅଗ୍ନିକାଣ୍ଡର ପ୍ରକୋପ ଏତେ ତୀବ୍ର ଥିଲାଯେ ନିମିଷକ ମଧ୍ୟରେ ସବୁକିଛି ପୋଡ଼ି ପାଉଁଶ ହୋଇଯାଇଥିଲା ।

ସ୍ଥାନୀୟ ଲୋକଙ୍କ ଠାରୁ ଖବର ପାଇ ଅଗ୍ନିଶମ ବାହିନୀରଦୁଇଟି ଦମକଳ ଘଟଣାସ୍ଥଳରେ ପହଂଚିଲା
ବେଳକୁ ସବୁକିଛି ପୋଡ଼ିଯାଇଥିଲା । ଉକ୍ତ ପରିବାରକୁ ସହାୟତା ପାଇଁ ଦାବୀହୋଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ,ଫେବୃୟାରୀ ୨୫(ଓଡ଼ିଶା ଡ଼ଟ୍ କମ୍) ଢେଙ୍କାନାଳ ଜିଲ୍ଲାରେ ବାଣ ବିସ୍ଫୋରଣରେ ହୋଇଥିବା ଅଗ୍ନିକାଣ୍ଡରେ ଶନିବାର ମୃତ୍ୟୁସଂଖ୍ୟା ଚାରିକୁ ବୃଦ୍ଧି ପାଇଛି ।

ଗୁରୁତର ଅବସ୍ଥାରେ କଟକ ଶ୍ରୀରାମଚନ୍ଦ୍ର ଭଞ୍ଜ ମେଡ଼ିକାଲ କଳେଜ ହସ୍ପିଟାଲରେ ଚିକିତ୍ସିତ ହେଉଥିବା ତିନି ଜଣଙ୍କ ମଧ୍ୟରୁ ଦୁଇ ଜଣଙ୍କ ମୃତ୍ୟୁ ହୋଇଛି । ଅନ୍ୟ ଜଣେ ବ୍ୟକ୍ତି ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।

ଶୁକ୍ରବାର ହିନ୍ଦୋଳ ବ୍ଲକ୍ ଅନ୍ତର୍ଗତ କଂସରା ଗାଁରେ ବାଣ ତଆରି ଚାଲିଥିବା ବେଳେ ହଠାତ୍ କୌଣସି କାରଣରୁ ବାରୁରେ ନିଆଁ ଲାଗିଯାଇ ଆଖପାଖର ପ୍ରାୟ ଦୁଇ ଶହରୁ ଉଦ୍ଧ୍ୱର୍ ଘର ପାଉଁଶ ହୋଇଯାଇଥିଲା ।

ଘଟଣା ସ୍ଥଳରେ ବାଣ ତିଆରି କରୁଥିବା ବ୍ୟକ୍ତି ଓ ତାଙ୍କ ପୁଅଙ୍କ ମୃତ୍ୟୁ ହେବା ସହ ୧୫ ଜଣ ଆହତ
ହୋଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

କେନ୍ଦ୍ରାପଡ଼ା, ଫେବୃୟାରୀ ୨୨(ଓଡ଼ିଶା ଡ଼ଟ୍ କମ୍) କେନ୍ଦ୍ରାପଡ଼ା ଜିଲ୍ଲା ସର ଥାନା ଅନ୍ତର୍ଗତ ଗରାପୁର ଗ୍ରାମରେ ଅଗ୍ନିକାଣ୍ଡରେ ଜଣେ ବିବାହିତା ମହିଳା ଜୀବନ୍ତ ଦଗ୍ଧ ହୋଇଯାଇଥିବା ପୋଲିସ କହିଛି ।

ସୋମବାର ରାତିରେ ହୋଇଥିବା ଏହି ଅଗ୍ନିକାଣ୍ଡରେ ତିନି ବଖରା ଘର ପୋଡ଼ି ପାଉଁଶ ହୋଇଯାଇଛି । ମୃତ ସୁପ୍ରଭା ତ୍ରିପାଠୀ ଉକ୍ତ ଗ୍ରାମର ମନ ପତ୍ରିଙ୍କ ଦ୍ୱିତୀୟ ପତ୍ନୀ ।

ସୁପ୍ରଭାଙ୍କୁ ତାଙ୍କ ସ୍ୱାମୀ ହତ୍ୟା କରିବା ପରେ ଘରେ ନିଅାଁ ଲଗାଇ ଦେଇଥିବା ସୁପ୍ରଭାଙ୍କ ପିତା ଗୌରାଙ୍ଗ ତ୍ରିପାଠୀ ଅଭିଯୋଗ କରିଥିବା ବେଳେ ପୋଲିସ ଘଟଣାର ତଦନ୍ତ କରୁଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ରାଉରକେଲା, ଅପ୍ରେଲ ୧୫(ଓଡ଼ିଶା ଡ଼ଟ୍ କମ୍) ସୁନ୍ଦରଗଡ଼ ଜିଲ୍ଲାର ଏକ ସୂତାକଳରେ ଶୁକ୍ରବାର ଅଗ୍ନିକାଣ୍ଡ ଘଟି ଦୁଇ ଜଣ ଶ୍ରମିକ ଗୁରୁତର ଆହତ ହୋଇଥିବା ପୋଲିସ କହିଛି ।

କିରେଇ ସ୍ଥିତ ଅଶୋକ ସିନ୍ଥେଟିକ୍ ପ୍ରାଇଭେଟ ଲିମିଟେଡ଼୍ର ଦୁଇଟି ବିଭାଗରେ ସକାଳେ ହଠାତ୍ ନିଅାଁ ଲାଗିଯିବାରୁ ଏହାକୁ ଆୟତ୍ତ କରାଯାଇଥିଲା । କିନ୍ତୁ ଏହାର କେତେ ଘଣ୍ଟାପରେ ପୁଣି ନିଅାଁ ଲାଗିଯାଇଥିଲା ।

ଅଗ୍ନିକାଣ୍ଡ ଯୋଗୁଁ ସୂତାକଳର ପ୍ରାୟ ଦୁଇ କୋଟିରୁ ଉଦ୍ଧ୍ୱର୍ ଟଙ୍କାର ସଂପତ୍ତି ନଷ୍ଟ ହୋଇଯାଇଛି । ଆହତ ଶ୍ରମିକଙ୍କୁ ଉଦ୍ଧାର କରାଯାଇ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।

ଅଗ୍ନିକାଣ୍ଡର କାରଣ ଜଣାପଡ଼ିନଥିବା ବେଳେ ସର୍ଟ ସର୍କିଟ ଯୋଗୁଁ ଏପରି ହୋଇଥିବା କମ୍ପାନୀ ପକ୍ଷରୁ କୁହାଯାଇଛି । ପରେ ଜିଲ୍ଲାର ବରିଷ୍ଠ ଅଧିକାରୀମାନେ ସେଠାରେ ପହଞ୍ଚି ପରିସ୍ଥିତିର ଅନୁଧ୍ୟାନ କରିଛନ୍ତି ।

ଓଡିଶା ଡଟ୍ କମ୍