• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଅପରାଧ

ଅପରାଧ ଓ ଦଣ୍ଡ

May 19, 2017 by ଓଡିଶା ଡଟ କମ Leave a Comment

ଏ ମାସରେ ଗଣଧର୍ଷଣ ମାମଲା ଉପରେ ତିନୋଟି ରାୟ ପ୍ରକାଶ ପାଇଥିଲା । କେତେକ ଏକାଠି ଦିଆଯାଇଥିବା ବେଳେ, ଆଉ କିଛି ପୃଥକ୍ ଭାବେ ଦିଆଯାଇଥିଲା । କିନ୍ତୁ ରାୟଗୁଡ଼ିକ କୌଣସି ସ୍ଥିର ମାନଦଣ୍ଡ ଉପରେ ଆଧାରିତ ନଥିଲା । କେଉଁ ମାମଲାଗୁଡ଼ିକୁ ନ୍ୟାୟାଳୟ ବିରଳମାନଙ୍କ ଭିତରେ ବିରଳତମ କହୁଛନ୍ତି, ଯେଉଁଥିପାଇଁ ମୃତ୍ୟୁଦଣ୍ଡ ଦିଆଯିବ ସେ ସମ୍ପର୍କରେ ସ୍ପଷ୍ଟ ନଥିଲେ ।

ତିନୋଟି ମାମଲା ଭିତରୁ ସବୁଠାରୁ ପୁରୁଣା ମାମଲା ହେଉଛି ଗୁଜୁରାଟର ରାଧିକାପୁର ଗାଁ’ର ବିଲ୍କିସ୍ ବାନୁଙ୍କର । ମାର୍ଚ୍ଚ ୩, ୨୦୦୨ ଦିନ ସେତେବେଳେ ଗର୍ଭବତୀ ଥିବା ୧୯ବର୍ଷୀୟ ବିଲ୍କିସ୍ ବାନୁଙ୍କୁ ସେହି ଗାଁ’ର ହିନ୍ଦୁମାନଙ୍କ ଗୁଣ୍ଡାବାହିନୀ ଗଣଧର୍ଷଣ କରିଥିଲେ ଏବଂ ତାଙ୍କୁ ମରିଗଲେ ଭାବି ଛାଡ଼ି ଚାଲିଯାଇଥିଲେ । ତାଙ୍କର ଶିଶୁକନ୍ୟାଙ୍କୁ ତାଙ୍କରି ଆଖିଆଗରେ ହତ୍ୟା କରିଥିଲେ ।

ତାଙ୍କ ପରିବାରର ଅନ୍ୟ ୧୪ଜଣଙ୍କୁ ମଧ୍ୟ ହତ୍ୟା କରାଯାଇଥିଲା । ଏଭଳି ଏକ ଭୟଙ୍କର ଘଟଣା ପରେ, ଯେତେବେଳେ ସେ ଚେତା ଫେରି ପାଇଲେ, ବିଲ୍କିସ୍ କଷ୍ଟେମଷ୍ଟେ ଥାନାରେ ପହଞ୍ôଚ ନିଜର ଅଭିଯୋଗ ଦାଖଲ କରିଥିଲେ । କାର୍ଯ୍ୟରତ ପୋଲିସ କର୍ମଚାରୀ ତାଙ୍କର ଏଫ୍.ଆଇ.ଆର୍ ବା ଅଭିଯୋଗ ପତ୍ରକୁ ପଞ୍ଜିକୃତ କଲେ ନାହିଁ ।

ଏଫ୍.ଆଇ.ଆର୍ ଦର୍ଜ କରିବା ପାଇଁ ୧୫ଦିନ କାଳ ତାଙ୍କୁ ସଂଘର୍ଷ କରିବାକୁ ପଡ଼ିଲା । ତଥାପି ବି ପୋଲିସ ଜାଣିଶୁଣି ବିଲ୍କିସଙ୍କୁ ଧର୍ଷଣ କରିଥିବା ଏବଂ ତାଙ୍କ ପରିବାରଙ୍କୁ ହତ୍ୟା କରିଥିବା ଲୋକମାନଙ୍କ ନାଁଗୁଡ଼ିକୁ ଅଣଦେଖ କରିଥିଲେ । ଆଶ୍ଚର୍ଯ୍ୟ ଲାଗିଲାନି, ଯେତେବେଳେ ମାଜିଷ୍ଟ୍ରେଟ୍ ମାମଲାଟିକୁ ନାକଚ କରିଦେଲେ ।

ଯାହାକୁ ସେ ‘ନ୍ୟାୟ’ କୁହନ୍ତି, ତାକୁ ପାଇବା ପାଇଁ ଏହି ଉଲ୍ଲେଖନୀୟଭାବେ ସାହସୀ ମହିଳାଙ୍କୁ ୧୫ବର୍ଷ ଲାଗିଗଲା । ମେ ମାସ ୪ତାରିଖ ଦିନ, ବମ୍ବେର ଉଚ୍ଚ ନ୍ୟାୟାଳୟ ୨୦୦୮ ମସିହାରେ ସ୍ୱତନ୍ତ୍ର ଅଦାଲତ ଯେଉଁ ୧୧ଜଣଙ୍କୁ ଆଜୀବନ କାରାଦଣ୍ଡ ଓ ଜଣେ ପୋଲିସ କର୍ମଚାରୀଙ୍କୁ,
ଏଫ୍.ଆଇ.ଆର. ଗ୍ରହଣ ନକରିଥିବା ଯୋଗୁଁ ଦୋଷୀ ସାବ୍ୟସ୍ତ କରିଥିଲେ, ତାକୁ କାଏମ ରଖିଲେ ।

ଉଚ୍ଚତମ ନ୍ୟାୟାଳୟଙ୍କ ନିର୍ଦ୍ଦେଶ ମୁତାବକ ଏହି ସ୍ୱତନ୍ତ୍ର ଅଦାଲତ ଗୁଜୁରାଟ ସୀମା ବାହାରକୁ ଆସି ଶୁଣାଣୀ କରିଥିଲେ । କିନ୍ତୁ ଗୁରୁତ୍ୱପୂର୍ଣ୍ଣ କଥାଟି ହେଲା ଯେ, ବିଚାର ପ୍ରକ୍ରିୟାରେ ପ୍ରତିବନ୍ଧକ ସୃଷ୍ଟି କରିବା ଏବଂ ପ୍ରମାଣ ନଷ୍ଟ କରିବା ଅଭିଯୋଗରୁ ମୁକ୍ତ କରାଯାଇଥିବା ୨ଜଣ ଡାକ୍ତର ଓ ୫ଜଣ ପୋଲିସ କର୍ମଚାରୀଙ୍କୁ ଦୋଷମୁକ୍ତ କରିବା କଥାଟିକୁ ଅଗ୍ରାହ୍ୟ କରିଦେଇଥିଲେ ।

ନ୍ୟାୟିକ ପ୍ରକ୍ରିୟାରେ ବିଭ୍ରାଟ ସୃଷ୍ଟି କରିବାରେ ରାଷ୍ଟ୍ରର ସମ୍ପୃକ୍ତିକୁ ସ୍ୱୀକାର କରିବା ଏକ ନିହାତି ବିରଳ ଘଟଣା । କିନ୍ତୁ ଗଣଧର୍ଷଣ ଓ ହତ୍ୟା ଅଭିଯୁକ୍ତମାନଙ୍କୁ ମୃତ୍ୟୁଦଣ୍ଡ ଦେବା ପାଇଁ କରାଯାଇଥିବା ଆବେଦନକୁ ଗୁରୁତ୍ୱ ନଦେବା ଦଣ୍ଡବିଧାନ ପ୍ରକ୍ରିୟାରେ ରହିଥିବା ଅସଙ୍ଗତିକୁ ସୂଚିତ କରୁଛି ।

ବମ୍ବେ ଉଚ୍ଚ ନ୍ୟାୟାଳୟର ରାୟ ଆସିବାର ଦିନକ ପରେ, ଉଚ୍ଚତମ ନ୍ୟାୟାଳୟ, ଦିଲ୍ଲୀ ଉଚ୍ଚ ନ୍ୟାୟାଳୟ ଏବଂ ନିମ୍ନ ଅଦାଲତ ଦ୍ୱାରା ୪ଜଣ ଅଭିଯୁକ୍ତଙ୍କୁ ପ୍ରଦାନ କରାଯାଇଥିବା ମୃତ୍ୟୁଦଣ୍ଡକୁ କାଏମ ରଖିଥିଲେ । ଅଭିଯୁକ୍ତମାନେ ୨୦୧୨ ମସିହା ଡିସେମ୍ବର ମାସରେ ଜ୍ୟୋତି ସିଂହ ନାମକ ଜଣେ ମହିଳାଙ୍କୁ ଅତି ନୃଶଂସ ଭାବେ ଧର୍ଷଣକରି ହତ୍ୟା କରିଦେଇଥିଲେ ।

ମାମଲାଟିର ବିଚାର ୪ବର୍ଷ ଚାଲିଲା ଯାହାକି ଏକ ଅପେକ୍ଷାକୃତ ସଂକ୍ଷିପ୍ତ ସମୟ । ଏହାର ଏକ କାରଣ ହେଉଛି ଯେ ଯେଉଁ ୧୩ଦିନ ଜ୍ୟୋତି ସିଂ ଜୀବନ ସହ ସଂଘର୍ଷ କରୁଥିଲେ, ତାହାର ତୀବ୍ର ପ୍ରତିକ୍ରିୟା ଚାପ ସୃଷ୍ଟି କରିଥିଲା ।

ଏହି ଘଟଣା ପରେ ନ୍ୟାୟମୂର୍ତ୍ତି ବର୍ମାଙ୍କ ଅଧ୍ୟକ୍ଷତାରେ ଏକ ସ୍ୱତନ୍ତ୍ର କମିଟି ଗଠନ କରାଯାଇଥିଲା ଯେ ଅହର୍ନିଶି କାମ କରି ଧର୍ଷଣ ସମ୍ପର୍କିତ କାନୁନ୍ରେ ପରିବର୍ତ୍ତନ ଆଣିବା ପାଇଁ ସୁପାରିଶ କରିଥିଲେ । ଜନଗଣଙ୍କର ‘ଚାପ’ର ଶକ୍ତି କେତେ ଏଥିରୁ ଜଣାପଡ଼ୁଥିଲା ।

ତଥାପି ଆମେ ଏଠି ସତର୍କ କରାଇଦେବା ଯେ, ଯେଉଁ ସହାନୁଭୂତି ନାରୀଙ୍କ ନିରାପତ୍ତା ପାଇଁ ଆମେ ଦେଖୁଛେ ଏବଂ ସେମାନଙ୍କ ଉପରେ ହିଂସ୍ର ଆକ୍ରମଣକୁ ନେଇ ଯେଉଁ ଅସନ୍ତୋଷ ଦେଖାଯାଉଛି ତାହା ସର୍ବତ୍ର ଦେଖିବାକୁ ମିଳି ନଥାଏ । ଗୋଟିଏ ଭୁଷୁଡ଼ି ଯାଇଥିବା ଅପରାଧିକ ନ୍ୟାୟିକ ବ୍ୟବସ୍ଥା ଯୋଗୁଁ ଦୈନନ୍ଦିନ ଜୀବନରେ ଯୌନ ଶୋଷଣର ଶିକାର ହେଉଥିବା ବିଲ୍କିସ୍ଙ୍କ ଭଳି ଅନେକ ଗରିବ ମହିଳାଙ୍କୁ ନ୍ୟାୟ ମିଳିନଥାଏ ।

କିନ୍ତୁ ସେମାନଙ୍କ ମାମଲାଗୁଡ଼ିକରେ ଏତେ ଜନ ପ୍ରତିକ୍ରିୟା ଦେଖିବାକୁ ମିଳିନଥାଏ ବା ଆଇନରେ ପରିବର୍ତ୍ତନ ଆଣିବା ପାଇଁ ଦାବୀ ହେଇ ନଥାଏ । ଯଦିଓ ନ୍ୟାୟମୂର୍ତ୍ତି ବର୍ମାଙ୍କ କମିଟି ଧର୍ଷଣ ପାଇଁ ମୃତ୍ୟୁଦଣ୍ଡ ବିରୋଧରେ ଦୃଢ଼ ଯୁକ୍ତି ରଖିଥିଲେ, ତେବେ ସରକାର ଜନଗହଳିରେ ଶୁଣାଯାଉଥିବା ଦାବୀଗୁଡ଼ିକୁ ମାନିନେଇ ଅପରାଧିକ (ସଂଶୋଧନ) ଆଇନ, ୨୦୧୩ରେ ମୃତ୍ୟୁଦଣ୍ଡ ବ୍ୟବସ୍ଥାଟିକୁ ଯୋଡ଼ି ଦେଲେ ।

ଜ୍ୟୋତି ସିଂହ ମାମଲାରେ ନିମ୍ନ ଅଦାଲତ, ଉଚ୍ଚ ନ୍ୟାୟାଳୟ ଏବଂ ସର୍ବୋଚ୍ଚ ନ୍ୟାୟାଳୟ ଏହି ଅପରାଧକୁ ‘ବିରଳଙ୍କ ଭିତରେ ବିରଳତମ’ ଶ୍ରେଣୀଭୁକ୍ତ କରି ମୃତ୍ୟୁଦଣ୍ଡ ଦେବା କଥାଟିକୁ ଯୁକ୍ତିସିଦ୍ଧ କରାଇଥିଲେ ।

ଏଭଳି ଏକ ଯୁକ୍ତିକୁ ପୁନାର ଏକ ନିମ୍ନ ଅଦାଲତ ମେ ୯ ତାରିଖ ଦିନ ଗ୍ରହଣ କରିଥିଲେ, ୨୮ବର୍ଷୀୟ ଇଞ୍ଜିନିୟର ନୟନା ପୂଜାରୀଙ୍କ ଧର୍ଷଣ ଏବଂ ହତ୍ୟା ମାମଲାର ରାୟ ଶୁଣାଇବାବେଳେ । ନୟନା ନିଜ କାର୍ଯ୍ୟସ୍ଥଳୀରୁ ଫେରିବା ରାସ୍ତାରୁ ତାଙ୍କୁ ଉଠାଇ ନିଆଗଲା, ୪ଜଣ ପୁରୁଷ ତାଙ୍କୁ ଧର୍ଷଣ କଲେ, ଗଳାଚିପି ହତ୍ୟା କଲେ ଏବଂ ଶବଟିକୁ ଯେମିତି ଚିହ୍ନି ହେବନାହିଁ ସେଭଳି ବିକୃତ କରି ଦେଇଥିଲେ ।

ଏହି ଘଟଣାଟିକୁ ମଧ୍ୟ ବିରଳଙ୍କ ଭିତରେ ବିରଳତମ କହି ମୃତ୍ୟୁଦଣ୍ଡାଦେଶକୁ ଯୁକ୍ତିଯୁକ୍ତ କୁହାଯାଇଥିଲା । ଉଭୟ କ୍ଷେତ୍ରରେ ହତ୍ୟାର ଅଭିଯୋଗକୁ ହିଁ ମୃତ୍ୟୁଦଣ୍ଡାଦେଶ ପାଇଁ ବ୍ୟବହାର କରାଯାଇଥିଲା; ଯେହେତୁ ଏସବୁ ମମଲାଗୁଡ଼ିକ କ୍ଷେତ୍ରରେ ୨୦୧୩ରେ ଧର୍ଷଣ ଆଇନରେ ହେଇଥିବା ସଂଶୋଧନଟି ପ୍ରୟୋଗ କରାଯିବାର ସୁଯୋଗ ନଥିଲା ।

ତଥାପି ବିଲ୍କିସ ବାନୋ ମାମଲାରେ, ଏକ ଭୟଙ୍କର ଧର୍ଷଣ ଓ ହତ୍ୟା ଘଟଣାର ଶିକାର ଓ ସାକ୍ଷୀ ହୋଇଥିବା ସତ୍ତେ୍ୱ, ଅଦାଲତ ଭିନ୍ନ ଏକ ଯୁକ୍ତି ରଖିଥିଲେ ଯେ, ଯଦିଓ ଏହା ଏକ ବିରଳ ଗଣହତ୍ୟା ଯେଉଁଥିରେ ଘୃଣ୍ୟ ଶତ୍ରୁତା ଓ ଆକ୍ରୋଶ ଥିଲା, ତେବେ ଅଭିଯୁକ୍ତମାନେ ‘ମୁସଲମାନମାନଙ୍କ ବିରୁଦ୍ଧରେ ପ୍ରତିଶୋଧ’ ନେବା ପାଇଁ କ୍ରୋଧ ଜର୍ଜରିତ ଥିବା ଗୋଟିଏ ବିଶୃଙ୍ଖଳିତ ଜନଗୋଷ୍ଠୀର ଥିଲେ ।

ଆମେ ତା’ହେଲେ ଏଭଳି ଅର୍ଥ କରିପାରିବା କି ଯେ, ସାମ୍ପ୍ରଦାୟିକ ଦ୍ୱେଷକୁ ନେଇ ଥିବା ପରିସ୍ଥିତିରେ ଧର୍ଷଣ ଓ ହତ୍ୟା ଏକ ନ୍ୟୁନସ୍ତରର ଅପରାଧ; ଅଦାଲତ ଆହୁରି ଯୁକ୍ତି ରଖିଥିଲେ ଯେ ଏହି ଅଭିଯୁକ୍ତମାନଙ୍କର ପୂର୍ବରୁ ଅପରାଧର ଇତିହାସ କିଛି ନଥିଲା । ସେମାନଙ୍କ ପାଇଁ ମୃତ୍ୟୁଦଣ୍ଡ ଯୁକ୍ତିଯୁକ୍ତ ନୁହେଁ । କିନ୍ତୁ ଜ୍ୟୋତି ସିଂ ମାମଲାରେ ସେହି ଯୁକ୍ତିଟି ୪ଜଣ ଅପରାଧୀଙ୍କ କ୍ଷେତ୍ରରେ ପ୍ରୟୋଗ କରାଯାଇ ନଥିଲା ।

ତେବେ, ତା’ହେଲେ ମୃତ୍ୟୁଦଣ୍ଡ ଦେବାପାଇଁ କେଉଁ ପ୍ରକାର ନ୍ୟାୟର ମାପକାଠି ନିର୍ଦ୍ଧାରଣ କରାଯାଇପାରିବ, ସ୍ପଷ୍ଟ ହେବା ଉଚିତ ।

ଗତବର୍ଷ ଜାତୀୟ ଆଇନ ବିଶ୍ୱବିଦ୍ୟାଳୟ ମୃତ୍ୟୁଦଣ୍ଡର ଅଭିଯୁକ୍ତ ତାଲିକାରେ ଥିବା ଲୋକମାନଙ୍କର ସାକ୍ଷାତକାରକୁ ନେଇ ଏକ ସ୍ୱତନ୍ତ୍ର ଗବେଷଣା ପ୍ରକଳ୍ପର ରିପୋର୍ଯକୁ ଉନ୍ମୋଚନ କରିଥିଲେ । ସେମାନେ ଦେଖିଥିଲେ ଯେ ମୃତ୍ୟୁଦଣ୍ଡ ପାଇଥିବା ଦୋଷୀମାନଙ୍କ ଏକ ବଡ଼ ଭାଗ
ଅର୍ଥାତ ଶତକଡ଼ା ୮୦ଭାଗ ଲୋକ ଗରିବ ଶ୍ରେଣୀର, ପଛୁଆ ଜାତିର ଅବା ସଂଖ୍ୟାଲଘୁ ସମ୍ପ୍ରଦାୟର ଥିଲେ ।

ସ୍ପଷ୍ଟ ଜଣାପଡ଼ୁଛି ଯେ ଏହି ଦଣ୍ଡିତ ବ୍ୟକ୍ତିମାନଙ୍କର ନ୍ୟାୟ ପ୍ରକ୍ରିୟାରେ ଭାଗ ନେବାପାଇଁ ସାମର୍ଥ୍ୟ ନାହିଁ । କେତେଜଣ ଦୋଷୀ ସାବ୍ୟସ୍ତ ଲୋକ ନିଜ ଓକିଲଙ୍କ ନାଁ ମଧ୍ୟ ଜାଣନ୍ତି ନାହିଁ । ରିପୋର୍ଟଟିର ଲୋକାର୍ପଣ କଲାବେଳେ ନ୍ୟାୟମୂର୍ତ୍ତି ମଦନ ବି ଲୋକୁର କହିଥିଲେ, ମୁଁ ଜାଣିନି ମୃତ୍ୟୁଦଣ୍ଡ ବିଧାନକୁ ନେଇ ଆମ ନ୍ୟାୟଶାସ୍ତ୍ରର କିଛି ଦର୍ଶନ ଅଛି କି ନାହିଁ ଯେ ଏଭଳି ଏକ ଦଣ୍ଡବିଧାନ, ଅପରାଧ କରିବା ପାଇଁ ନିରୁତ୍ସାହିତ କରିବ ବା କିଛି ସଂସ୍କାର ଆଣିବ ବା କିଛି ପ୍ରତିକାର କରିବ ।’ ସେ ଠିକ୍ କହିଛନ୍ତି ।

ଏକ ସଭ୍ୟ ସମାଜରେ ମୃତ୍ୟୁଦଣ୍ଡ ଉଠାଇଦେବା ପାଇଁ ଆମେ ଯୁକ୍ତି ରଖିବାବେଳେ ଏକଥା ମଧ୍ୟ କହିବୁ ଯେ ଯେତେଦିନ ଯାଏଁ ଏହି ଦଣ୍ଡକୁ ସମ୍ପୂର୍ଣ୍ଣ ଭାବେ ଉଠେଇ ନ ଦିଆଯାଇଛି, ଏହାର ପ୍ରୟୋଗ କଲାବେଳେ ସଙ୍ଗତ ଥିବା ମାନଦଣ୍ଡ ବ୍ୟବହାର କରାଯାଉ ।

Crime and Punishment EPW May 13, 2017 Vol LII No 19

ଓଡିଶା ଡଟ କମ
ଓଡିଶା ଡଟ କମ

Filed Under: ସମଦୃଷ୍ଟି Tagged With: ଅପରାଧ, ଗଣଧର୍ଷଣ, ଦଣ୍ଡ

ବଳାତ୍କାର ଆଦି ମାମଲାର ବିଚାର ପାଇଁ ସ୍ପେଶାଲ୍ କୋର୍ଟ ଉଦଘାଟିତ

February 5, 2013 by ଓଡିଶା ଡଟ କମ Leave a Comment

ଓଡିଶା ଡଟ୍କମ୍ ସମ୍ବାଦଦାତା

ଭୁବନେଶ୍ୱର,ଫେବୃଆରି ୫(ଓଡିଶା ଡଟ୍ କମ୍ )-ମହିଳାଙ୍କ ବିରୋଧରେ ସଙ୍ଗଠିତ ହେଉଥିବା ଅପରାଧଜନିତ ମାମଲାର ବିଚାର ପାଇଁ ରାଜ୍ୟର ପ୍ରଥମ ସ୍ୱତନ୍ତ୍ର ଟ୍ରାକ କୋର୍ଟ ସୋମବାର ଦିନ କଟକସ୍ଥିତ ସିଭିଲକୋର୍ଟ ପରିସରରେ ଉଦଘାଟିତ ହୋଇଯାଇଛି ।

ଉଦଘାଟନୀ ଉତ୍ସବରେ ଓଡ଼ିଶା ଉଚ୍ଚନ୍ୟାୟାଳୟର ବିଚାରପତି ମଦନମୋହନ ଦାସ, ବିଚାରପତି ଇନ୍ଦ୍ରଜିତ ମହାନ୍ତି, ବିଚାରପତି କୁମାରୀ ସଞ୍ଜୁ ପଣ୍ଡା, ବିଚାରପତି ବିଜୟକୁମାର ନାୟକ, ବିଚାରପତି ସଞ୍ଜୟକୁମାର ମିଶ୍ର, ବିଚାରପତି ବୀରକିଶୋର ମିଶ୍ର ଓ ବିଚାରପତି ରଘୁବୀର ଦାଶ ଯୋଗ ଦେଇଥିଲେ ।

ଏହି ସ୍ୱତନ୍ତ୍ର ଟ୍ରାକ ଅଦାଲତରେ ମହିଳାଙ୍କ ବିରୋଧରେ ହେଉଥିବା ବିଭିନ୍ନ ଅପରାଧ ତଥା ଅପହରଣ, ବଳାତ୍କାର, ଗଣ ବଳାତ୍କାର ଜନିତ ହତ୍ୟା ଆଦି ମାମଲାର ତ୍ୱରିତ ଫଇସଲା କରାଯିବ ।

ମହଳିାଙ୍କ ବିରୋଧରେ ହେଉଥିବା ଅପରାଧଜନିତ ମୋକଦ୍ଧମା ହ୍ରାସ କରିବା ସକାଶେ ନିକଟରେ ଫୁଲକୋର୍ଟରେ ପ୍ରସ୍ତାବ ଗ୍ରହଣ କରାଯାଇ ତୁରନ୍ତ ରାଜ୍ୟର ୩୦ଟି ଜିଲାରେ ‘ସ୍ୱତନ୍ତ୍ର ଟ୍ରାକ କୋର୍ଟ’ର୍ ଖୋଲିବାକୁ ନିଷ୍ପତି ଗ୍ରହଣ କରାଯାଇଥିଲା ।

ବିଶେଷକରି ଭାରତୀୟ ପିଙ୍ଗଳ କୋର୍ଡର ଦଫା ୩୬୬, ୩୭୬, ୩୫୪, ୫୦୯, ୪୯୩ ଓ ୪୯୮(କ) ଧାରାକୁ ନେଇ ପୀଡ଼ିତାଙ୍କୁ ତ୍ୱରିତ ନ୍ୟାୟ ପ୍ରଦାନ କରାଯିବ ।

ବର୍ତମାନ ସାରା ରାଜ୍ୟରେ ୨୫ ହଜାରରୁ ଊର୍ଦ୍ଧ୍ଵ ଏହି ଧରଣର ମୋକଦ୍ଧମା ବିଚାର ପାଇଁ ପଡିରହିଥିବାବେଳେ ସେଥିମଧ୍ୟରୁ ୩ ହଜାର ୬୭୯ଟି ବଳାତ୍କାର ମାମଲା ବିଚାରାଧୀନ ରହିଛି । ବିଚାରପାଇଁ ପଡ଼ିିରହିଥିବା ବଳାତ୍କାର ମାମଲା ମଧ୍ୟରୁ ୧୫୬୬ଟି ମାମଲା ତଦନ୍ତ ସ୍ତରରେ ରହିଛି ବୋଲି ଏକ ଆକଳନରୁ ଜଣାପଡିଛି ।

କଟକ ଜିଲା ଓ ଦୌରା ଜଜ ଶତ୍ରୁଘ୍ନ ପୂଜାହାରୀଙ୍କ ପ୍ରତାକ୍ଷ ତତ୍ୱାବଧାନ ଓ ଅନ୍ୟ ବିଚାର ବିଭାଗୀୟ ଅଧିକାରୀଙ୍କ ସହାୟତାରେ ଏହି ଉଦଘାଟନୀ ଉତ୍ସବ ଅନୁଷ୍ଠିତ ହୋଇଥିଲା ।

ଓଡିଶା ଡଟ୍କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଓଡିଶା ଖବର Tagged With: ଅପରାଧ, ଓଡ଼ିଶା ଉଚ୍ଚନ୍ୟାୟାଳୟ, କଟକ

ଦ୍ୱେତନଗରୀରେ ହତ୍ୟା ଓ ଡକାୟତି ମାମଲା ହ୍ରାସ: ପୋଲିସ

January 14, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବ।।ାତା

ଭୁବନେଶ୍ୱର, ଜାନୁୟାରୀ ୧୪(ଓଡ଼ିଶା ଡ଼ଟ୍ କମ୍)ଦ୍ୱେତନଗରୀରେ ୨୦୧୦ ତୁଳନାରେ ୨୦୧୧ରେ ଅପରାଧ ନିୟନ୍ତ୍ରଣ କରାଯାଇଛି ଏବଂ ହତ୍ୟା ଓ ଡକାୟତି ଭଳି ମାମଲା ହ୍ରାସ ପାଇଛି ବୋଲି କମିଶନରେଟ ପୋଲିସ ପକ୍ଷରୁ କୁହାଯାଇଛି ।

ଦୁର୍ଘଟଣା ବଢ଼ିଥିଲେ ମଧ୍ୟ ମୃତ୍ୟୁ ସଂଖ୍ୟା କମିଛି ଏବଂ ଅପରାଧ ହ୍ରାସ କରିବା ପାଇଁ ଅତ୍ୟାଧୁନିକ ପ୍ରଣାଳୀର ସାହାଯ୍ୟ ନିଆଯିବ ବୋଲି ଶୁକ୍ରବାର ଅପରାଧ ସମୀକ୍ଷା ସାମ୍ବାିକ ସମ୍ମିଳନୀରେ କମିଶନର ବିଜୟ କୁମାର ଶର୍ମା କହିଛନ୍ତି ।

୨୦୧୦ ତୁଳନାରେ କୋଟପା ନିୟମକୁ ପୋଲିସ ଗୁରୁତ୍ୱ ଦେଇଛି । ପ୍ରାୟ ୧୨ଲକ୍ଷ ଟଙ୍କା କୋଟପା ବାବଦ ଜରିମାନା ଆଦାୟ କରାଯାଇଛି । ୨୦୧୦ରେ ୨ କୋଟି ୮୮ ଲକ୍ଷ ଟଙ୍କା ଏମ୍ଭି ନିୟମରେ ଜରିମାନା ଆଦାୟ କରାଯାଇଛି ।

ସେହିପରି ୨୦୧୧ରେ ୩ କୋଟିରୁ ଉଦ୍ଧ୍ୱର୍ ଟଙ୍କା ରାଜସ୍ୱ ଆଦାୟ ହୋଇଛି । ସାଇବର କ୍ରାଇମ୍ ନିୟନ୍ତ୍ରଣ ପାଇଁ ସ୍ୱତନ୍ତ୍ର ୟୁନିଟ ଆବଶ୍ୟକ ଏବଂ ଜମିଜମା ଓ ଠକାମି ଘଟଣାର ତଦନ୍ତ ପାଇଁ ସ୍ୱତନ୍ତ୍ର ଟିମ୍ ଆବଶ୍ୟକ ଥିଲେ ମଧ୍ୟ କର୍ମଚାରୀଙ୍କ ଅଭାବ ଏଥିରେ ପ୍ରତିବନ୍ଧକ ସାଜିଛି ବୋଲି ସେ କହିଛନ୍ତି ।

ଭୁବନେଶ୍ୱରରେ ୨୦୧୦ରେ ୪୪୧୭ ମାମଲା ରୁଜୁ ହୋଇଥିବା ବେଳେ ୨୦୧୧ରେ ୪୩୫୦ ମାମଲା ହୋଇଛି । କଟକରେ ୨୦୧୦ରେ ୨୪୦୦ ମାମଲା ହୋଇଥିବା ବେଳେ ୨୦୧୧ରେ ୨୪୧୫ ମାମଲା ହୋଇଛି ।

୨୦୧୦ରେ ୩୬ଟି ଡ଼କାୟତି ହୋଇଥିବା ବେଳେ ୯୪.୨ ପ୍ରତିଶତ ପୋଲିସ ସଫଳ ହୋଇଛି ଏବଂ ୨୦୧୧ରେ ୬୧ ହତ୍ୟା ଘଟଣା ଘଟିଥିବା ବେଳେ ୮୮.୫ ପ୍ରତିଶତ ଓ ଡକାୟତି ୩୦ଟି ହୋଇଥିବା ବେଳେ ଶତପ୍ରତିଶତ ସଫଳତା ହାସଲ କରିଛି ।

ଦୁର୍ଘଟଣାରେ ମୃତ୍ୟୁ ବରଣ କରିଥିବା ଲୋକଙ୍କ ମଧ୍ୟରୁ ଅଧିକାଂଶ ବସ୍ ଓ ଟ୍ରକ୍ ଦ୍ୱାରାଘଟିଥିବା କୁହାଯାଇଛି । ଅନ୍ୟ ପକ୍ଷରେ ୫ନମ୍ବର ଜାତୀୟ ରାଜପଥରେ ଦୂର୍ଘଟଣା ଘଟି ୨୦୧୦ ତୁଳନାରେ ୨୦୧୧ରେ ମୃତ୍ୟୁ ସଂଖ୍ୟ ବୃଦ୍ଧି ପାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଦୁର୍ଘଟଣା

ଜଗତସିଂହପୁର: ବନ୍ଧୁକ ସହ ଦୁର୍ଦ୍ଧାନ୍ତ ଅପରାଧୀ ଗିରଫ

December 30, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଡ଼ିସେମ୍ବର ୩୦(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ଜଣେ ବିଜେଡ଼ି ନେତାଙ୍କ ଉପରକୁ ହୋଇଥିବା ବୋମାମାଡ଼ ଘଟଣାରେ ସଂପୃକ୍ତ ଦୁର୍ଦ୍ଧାନ୍ତ ଅପରାଧିକୁ ବନ୍ଧୁକ ସହ ପୋଲିସ ଶୁକ୍ରବାର ଗିରଫ କରିଛି ।

ଠିକାକାମକୁ ନେଇ ଅଭିଯୁକ୍ତ ରଞ୍ଜନ ମହାନ୍ତି ନୂଆଗାଁ ବ୍ଲକ ବିଜେଡ଼ି ସଭାପତି ଭଗବାନ ଦାସଙ୍କ ଉପରେ ବୋମାମାଡ଼ କରିଥିଲା ବୋଲି ଜିଲ୍ଲା ପୋଲିସ ମୁଖ୍ୟ ଏସ୍ ବେତ ସିଂହ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।

ପୂର୍ବରୁ ପୋଲିସ ଏହି ଘଟଣାରେ ଅନ୍ୟ ଚାରିଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ମୁଖ୍ୟ ଅଭିଯୁକ୍ତ ମହାନ୍ତି ଫେରାର୍ ହୋଇଥିଲା, ସେ କହିଛନ୍ତି ।

ନୂଆଗାଁ ପୋଲିସର ଏକ ଦଳ ଚଢାଉ କରି ତାକୁ ଗିରଫ କରିବା ସହ ବନ୍ଧୁକ, ଖଣ୍ଡା, ୩୦ଟି ମୋବାଇଲ ସିମ୍, ଛଅଟି ଏଟିଏମ୍ କାର୍ଡ଼ ଓ ନକଲି ପରିଚୟପତ୍ର ଜବତ କରିଛି ।

ମହାନ୍ତି ନାଁରେ ତିନୋଟି ଅପରାଧିକ ମାମଲା ରହିଥିବା ସିଂହ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର

ହତ୍ୟା ଅଭିଯୁକ୍ତଙ୍କୁ ୭ବର୍ଷ ସଶ୍ରମ କାରାଦଣ୍ଡ

December 22, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ସ୍ନିଗ୍ଧା ରାୟ

ଭଦ୍ରକ, ଡ଼ିସେମ୍ବର ୨୨(ଓଡ଼ିଶା ଡ଼ଟ୍ କମ୍) ଭଦ୍ରକ ଜିଲ୍ଲାରେ ଏକ ହତ୍ୟା ମାମଲାର ବିଚାର କରି ସ୍ଥାନୀୟ ଆଲତ ଗୁରୁବାର ଦୁଇ ଜଣ ଅଭିଯୁକ୍ତଙ୍କୁ ସାତ ବର୍ଷ ଲେଖାଏଁ ସଶ୍ରମ କାରାଦଣ୍ଡରେ ଦଣ୍ଡିତ କରିଛନ୍ତି ।

ଫାଷ୍ଟଟ୍ରାକ କୋର୍ଟ ଦ୍ୱିତୀୟ ବିଚାରପତି ପ୍ରଦ୍ୟୁମ୍ନ କୁମାର ନାୟକ ଗତ ୨୦୦୯ ମସିହାରେ ତିହିଡ଼ି ଥାନା ଅଞ୍ଚଳରେ ଜମିଜମା ଗଣ୍ଡଗୋଳକୁ ନେଇ ଘଟିଥିବା ହତ୍ୟାକାଣ୍ଡରେ ଅଭିଯୁକ୍ତଙ୍କୁ ଏହି ଦଣ୍ଡାଦେଶ କରିଥିବା ଜଣେ ଆଇନଜୀବୀ କହିଛନ୍ତି ।

ବାଲିଚତୁରୀ ଗ୍ରାମର ଭାସ୍କର ମଳିକ ଓ ତାଙ୍କ ପୁତ୍ର ନିତ୍ୟାନନ୍ଦ ମଲିକଙ୍କ ପରିବାର ସହ ସେହି ଗ୍ରାମର ମନମୋହନ ମଲିକ ଓ ଧନେଶ୍ୱର ମଲିକ ଦୁଇ ଭାଇଙ୍କର ଦୀର୍ଘଦିନରୁ ଜମିଜମା ଗଣ୍ଡଗୋଳକୁ ନେଇ
ବିବାଦ ଲାଗି ରହିଥିଲା ।

ତେବେ ଗତ ୨୦୦୯ ମେ’ ୧୮ତାରିଖରେ ସେହି ଜମି ବିବାଦକୁ ନେଇ ଉଭୟ ପରିବାରଙ୍କ ମଧ୍ୟରେ ପ୍ରଥମେ ବଚ୍ଚସା ଓ ପରେ ସଙ୍ଘର୍ଷ ହାଇଥିଲା ।

ଫଳରେ ମନମୋହନ ଓ ଧନେଶ୍ୱରଙ୍କ ଆକ୍ରମଣରେ ଭାସ୍କର ଓ ନିତ୍ୟାନନ୍ଦ ଗୁରୁତର ଆହତ ହୋଇ କଟକ ଡ଼ାକ୍ତରଖାନାରେ ଭର୍ତି ହୋଇଥିଲେ ଏବଂ ଚିକିତ୍ସାଧିନ ଅବସ୍ଥାରେ ସେମାନଙ୍କର ମୃତ୍ୟୁ ହୋଇଥିଲା ।

ଏହି ଘଟଣାରେ ଭାସ୍କରଙ୍କ ପତ୍ନୀଙ୍କ ଅଭିଯୋଗ ପରେ ମାମଲା ରୁଜୁ ହୋଇଥିଲା ଏବଂଦୁଇଭାଇଙ୍କୁ ପୋଲିସ ଗିରିଫ କରି କୋର୍ଟଚାଲାଣ କରିଥିଲା । ସେହିଦିନ ଠାରୁ ଉଭୟ ଭାଇ ଭଦ୍ରକ ଜେଲ୍ ରେ ବିଚାରାଧିନ ବନ୍ଦୀ ଭାବେ ରହି ଆସୁଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, କାରାଦଣ୍ଡ, ଫାଷ୍ଟଟ୍ରାକ କୋର୍ଟ

୮ ମଟର ସାଇକେଲ ସହ ୧୦ ଜୁଆଡ଼ି ଗିରଫ

December 22, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାୟଗଡ଼ା, ଡ଼ିସେମ୍ବର ୨୨(ଓଡ଼ିଶା ଡ଼ଟ୍ କମ୍) ରାୟଗଡ଼ା ଜିଲ୍ଲାରେ କୁକୁଡ଼ା ଲଢେଇ କରି ଜୁଆ ଖେଳୁଥିବା ଦଶ ଜଣଙ୍କୁ ଗିରଫ କରିଥିବା ପୋଲିସ କହିଛି ।

ଏସ୍ପିଙ୍କ ନିଦେ୍ର୍ଧଶକ୍ରମେ ପୋଲିସର ଏକ ସ୍ୱତନ୍ତ୍ର ଦଳ ଗତ ବୁଧବାର ଗୁଣୁପୁର ଥାନା ଅନ୍ତର୍ଗତ ପାଣ୍ଡୁରିଝୋଲି ଗ୍ରାମରେ ଚଢାଉ କରିଥିଲା ।

ଚଢାଉ ସମୟରେ ଆଠଟି ମଟର ସାଇକେଲ, ୨୦ଟି କୁକୁଡ଼ା, ଅଠଟି ମୋବାଇଲ, ୪୦୧୮ ଟଙ୍କା ଜବତ କରିବାସହ ସେଠାରେ ଥିବା ଦଶ ଜଣଙ୍କୁ ଗିରଫ କରିଥିଲା ।

ଏହି ଗ୍ରାମ ଆନ୍ଧ୍ରପ୍ରଦେଶ ସୀମା ନିକଟରେ ଥିବାରୁ ସେଠାରୁ ଲୋକମାନେ ଆସି କୁକୁଡ଼ା ଲଢେଇ କରି ଲୋକଙ୍କୁ ଶୋଷଣ କରୁଥିବା ଜଣେ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜୁଆଡ଼ି, ରାୟଗଡ଼ା

ପୋସ୍କୋ ସଂଘର୍ଷ ଘଟଣାରେ ଚାରି ଗିରଫ

December 21, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଡ଼ିସେମ୍ବର ୨୧(ଓଡ଼ିଶା ଡ଼ଟ୍ କମ୍) ନିକଟରେ ଜଗତସିଂହପୁର ଜିଲ୍ଲାରେ ପ୍ରସ୍ତାବିତ ପୋସ୍କୋ ପ୍ରକଳ୍ପ ଅଞ୍ଚଳରେ ହୋଇଥିବା ସଂଘର୍ଷ ଘଟଣାରେ ଚାରି ଜଣଙ୍କୁ ଗିରଫ କରିଥିବା ପୋଲିସ ବୁଧବାର କହିଛି ।

ପୋସ୍କୋ ଅଞ୍ଚଳରେ ରାସ୍ତା କାମ କରୁଥିବା ଠିକାଦାର ବାପି ସର୍ଖେଲଙ୍କ ଚାରି ଜଣ ସମର୍ଥକଙ୍କୁ କୁଜଙ୍ଗ ପୋଲିସ ପାରାଦ୍ଵୀପରୁ ଗିରଫ କରିଛି । ଗିରଫ ବ୍ୟକ୍ତିମାନେ ହେଲେ ଲଲିତ ଭୁଜବଳ, ଚନ୍ଦ୍ରଭାନୁ ପଟ୍ଟନାୟକ, ବୁଲା ସ୍ୱାଇଁ ଏବଂ ସନାତନ ମହାନ୍ତି ।

ସଂଘର୍ଷ ଘଟଣାର ମୁଖ୍ୟ ଅଭିଯୁକ୍ତକୁ ଗିରଫ ପାଇଁ ପୋଲିସ ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ଏବଂ ଗିରଫ ଚାରି ଜଣଙ୍କୁ କୋର୍ଟରେ ହାଜର କରାଯାଇଛି ବୋଲି ଜିଲ୍ଲା ପୋଲିସ ମୁଖ୍ୟ ଏସ୍.ବେତ ସିଂହ କହିଛନ୍ତି ।

ସଂଘର୍ଷରେ ମୃତ୍ୟୁବରଣ କରିଥିବା ଦ୍ଵୀଜବରଙ୍କ ଭାଇଙ୍କ ଅଭିଯୋଗ କ୍ରମେ ପୋଲିସ କଂଗ୍ରେସ ନେତା ଜୟନ୍ତ ବିଶ୍ୱାଳଙ୍କୁ ପୂର୍ବରୁ ଗିରଫ କରିଥିଲା ।

“ଏହି ଘଟଣାରେ ସଂପୃକ୍ତ ନଥିବା ଚାରି ଜଣ ନୀରିହ ଯୁବକଙ୍କୁ ପୋଲିସ ଗିରଫ କରିଛି । ଏମାନଙ୍କୁ ଗିରଫ କରି ମୁଖ୍ୟ ଅଭିଯୁକ୍ତକୁ ଖସାଇଦେବାକୁ ପୋଲିସ ଯୋଜନା କରୁଛି” କୁଜଙ୍ଗ-ପାରାଦ୍ଵୀପ ନାଗରିକ ମଞ୍ଚର ନେତା ବାବୁରାମ ଚୌଧୁରୀ ଓ ପିତାମ୍ବର ତରାଇ ଅଭିଯୋଗ କରିଛନ୍ତି ।

ଗତ ୧୪ ତାରିଖରେ ରାସ୍ତା କାମକୁ ନେଇ ପୋସ୍କୋ ବିରୋଧି ଏବଂ ରାସ୍ତା ନିର୍ମାଣ କରୁଥିବା କମ୍ପାନୀ କର୍ମଚାରୀଙ୍କ ମଧ୍ୟରେ ସଂଘର୍ଷ ହୋଇଥିଲା ଓ ଏଥିରେ ଜଣେ ବ୍ୟକ୍ତିଙ୍କ ମୃତ୍ୟୁ ହେବା ସହ ୨୫ ଜଣ ଆହତ ହୋଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର, ପୋସ୍କୋ ସଂଘର୍ଷ

ଅବସରପ୍ରାପ୍ତ ଆଇପିଏସ୍ ଙ୍କୁ ତିନି ବର୍ଷ ଜେଲ ଦଣ୍ଡାଦେଶ

December 17, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଡ଼ିସେମ୍ବର ୧୭(ଓଡ଼ିଶା ଡ଼ଟ୍ କମ୍) ଆୟବର୍ହିଭୂତ ସଂପତି ଠୁଳ ଅଭିଯୋଗରେ ଶନିବାର ସ୍ଥାନୀୟ ଏକ ଅଦାଲତ ଜଣେ ଅବସରପ୍ରାପ୍ତ ଆଇପିଏସ୍ ଅଧିକାରୀଙ୍କୁ ତିନି ବର୍ଷ ଜେଲ ଦଣ୍ଡାଦେଶ କରିଛନ୍ତି ।

ହୋମଗାର୍ଡ଼ ଏବଂ ଅଗ୍ନିଶମ ବିଭାଗରେ କାର୍ଯ୍ୟକରୁଥିବା ବୈଦ୍ୟନାଥ ଜେନାଙ୍କୁ କଟକ ସ୍ୱତନ୍ତ୍ର ଭିଜିଲାନ୍ସ ଅଦାଲତ ବିଚାରପତି ଏବିଏସ୍ ନାଇଡ଼ୁ ଜେନାଙ୍କୁ ଦୋଷୀ ସାବ୍ୟସ୍ତ କରି ଏହି ଦଣ୍ଡାଦେଶ ସହ ଦୁଇ ଲକ୍ଷ ଟଙ୍କା ଜରିମାନା ଆଦେଶ କରିଛନ୍ତି ।

ଜରିମାନା ଅନାଦେୟ ଆଉ ଦୁଇ ମାସ ଦଣ୍ଡ ଭୋଗିବାକୁ ପଡ଼ିବ ବୋଲି ଅଦାଲତ ଦର୍ଶାଇଛନ୍ତି ।

୧୯୯୦ରେ ଜେନାଙ୍କ ବିରୁଦ୍ଧରେ ଆୟ ବର୍ହିଭୂତ ସଂପତି ଠୁଳ ଅଭିଯୋଗ ହୋଇଥିଲା ଏବଂ ପରେ ସେହିବର୍ଷ ଭିଜିଲାନ୍ସ ପକ୍ଷରୁ ତାଙ୍କ ବାସଭବନ ଉପରେ ଚଢାଉ କରାଯାଇଥିଲା ।

ଚଢାଉ ସମୟରେ ଅଧିକାରୀମାନେ ତାଙ୍କ ଠାରୁ ୩ଲକ୍ଷ ୭୮ ହଜାର ଟଙ୍କାର ସଂପତି ଜବତ କରିଥିଲେ । ସେଥିରୁ ୨ଲକ୍ଷ ୬୨ ହଜାର ଟଙ୍କାର ଆୟବର୍ହିଭୂତ ସଂପତି ଥିବା ଭିଜିଲାନ୍ସ ଜାଣିବାକୁ ପାଇଥିଲା ।

ଓଡ଼ିଶା ପୋଲିସ ସେବାର ଅଧିକାରୀ ଜେନା ୧୯୯୫ରେ ଭାରତୀୟ ପୋଲିସ ସେବାକୁ ପଦୋନ୍ନତି
ପାଇ ୨୦୦୦ରେ ଅବସର ଗ୍ରହଣ କରିଥିଲେ । ତେବେ ଅଦାଲତ ଆଜି ତାଙ୍କୁ ଜାମିନ ପ୍ରଦାନ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଆଇପିଏସ୍, ଭିଜିଲାନ୍ସ

ଅନିୟମିତତା ଅଭିଯୋଗରେ ୯ ସରପଞ୍ଚ ନିଲମ୍ବିତ

December 2, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୩(ଓଡ଼ିଶା ଡ଼ଟ୍ କମ୍) ରାଜ୍ୟରେ କାର୍ଯ୍ୟକାରୀ ହେଉଥିବା ବିଭିନ୍ନ ଉନ୍ନୟନ ଯୋଜନାର ସଫଳ ରୂପାୟନରେ ଅବହେଳା ତଥା ଅନିୟମିତତା ଅଭିଯୋଗରେ ସରକାର ନଅ ଜଣ ସରପଞ୍ଚଙ୍କୁ ନିଲମ୍ବନ କରିଛନ୍ତି ।

୨ ଟଙ୍କିଆ ଚାଉଳ ବଣ୍ଟନ ଓ ହିତାଧିକାରୀଙ୍କୁ ମଜୁରି ପ୍ରଦାନରେ ଅନିୟମିତତା,ହିତାଧିକାରୀଙ୍କ ଠାରୁ ଲାଞ୍ଚ ଗ୍ରହଣ ସମୟରେ ଭିଜିଲାନ୍ସ ଦ୍ୱାରାଗିରଫ ହୋଇ ଜେଲ୍ ରେ ରହିବା ଇତ୍ୟାଦି ଅଭିଯୋଗରେ ଏମାନଙ୍କୁ ନିଳମ୍ବିତ କରାଯାଇଥିବା ଜଣେ ବରିଷ୍ଠ ଅଧିକାରୀ କହିଛନ୍ତି ।

ଏମାନେ ହେଲେ କେନ୍ଦ୍ରାପଡ଼ା ଜିଲ୍ଲା ଜୟନଗର ସରପଞ୍ଚ ଅନ୍ନପୂର୍ଣ୍ଣା ରାଉତ, ଗଜପତି ଜିଲ୍ଲା ଆଲ୍ଲଡ଼ା ସରପଞ୍ଚ ପି.ଯୋଗେଶ୍ୱର ରାଓ, ଯାଜପୁର ଜିଲ୍ଲା ଆରଙ୍ଗାବାଦ ସରପଞ୍ଚ ରମେଶ ଚନ୍ଦ୍ର ଭଞ୍ଜ ଓ ସୁନ୍ଦରଗଡ଼ ଜିଲ୍ଲା କିଞ୍ଜରୀକେଲା ସରପଞ୍ଚ ରାମଚନ୍ଦ୍ର ମିଞ୍ଜ୍ ।

ବଲାଙ୍ଗିର ଜିଲ୍ଲା ଆଗଲପୁର ସରପଞ୍ଚ କୃଷ୍ଣଚନ୍ଦ୍ର ମେହେର, ମୟୂରଭଞ୍ଜ ଜିଲ୍ଲା ପଥୁରୀ ସରପଞ୍ଚ ଜୟପାଲ୍ ସିଂହ, ବଲାଙ୍ଗିର ଜିଲ୍ଲା ଜାମୁଗାଁ ସରପଞ୍ଚ କୁଶ ମହାକୁଡ଼ ଓ କାଣ୍ଡେଇ ସରପଞ୍ଚ ଭରତ ମାଝି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅନିୟମିତତା, ଅପରାଧ, ନିଲମ୍ବନ

ଗିରଫ ପରେ ଅଭୟ ଏବେ ଚୌଦ୍ଵାର ଜେଲରେ

November 26, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୨୬(ଓଡ଼ିଶା ଡ଼ଟ୍ କମ୍) ବିଭିନ୍ନ ଅପରାଧରେ ସଂପୃକ୍ତ ଅଭିଯୋଗରେ ଗିରଫ ହୋଇଥିବା ପୋସ୍କୋ ପ୍ରତିରୋଧ ସଂଗ୍ରାମ ସମିତି ସଭାପତି ଅଭୟ ସାହୁଙ୍କୁ ଶନିବାର ଚୌଦ୍ଵାର ଜେଲକୁ ପଠାଇ ଦିଆଯାଇଛି ।

ଶୁକ୍ରବାର ସଂଧ୍ୟାରେ ଅଭୟ ଭୁବନେଶ୍ୱରରୁ ଗୋବିନ୍ଦପୁର ଫେରିବା ବାଟରେ ନୂଆପୋଖରୀ ଅଞ୍ଚଳର ମଣିଜଙ୍ଗା ଏର୍ସମା ରାସ୍ତାରେ କୁଜଙ୍ଗ ପୋଲିସ ତାଙ୍କୁ ଗିରଫ କରିଥିଲା ।

ଅଭୟଙ୍କ ନାମରେ ପ୍ରାୟ ୫୦ରୁ ଅଧିକ ଅପରାଧିକ ମାମଲା ରହିଥିବା ପୋଲିସ କହିଛି । ଶୁକ୍ରବାର ରାତିରେ ତାଙ୍କୁ କୁଜଙ୍ଗ ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟଙ୍କ ନିକଟରେ ହାଜର କରାଯାଇ କୁଜଙ୍ଗ ସବ୍ ଜେଲକୁ ପଠାଇ ଦିଆଯାଇଥିଲା ।

ପୋସ୍କୋ ପ୍ରତିରୋଧ ସଂଗ୍ରାମ ସମିତିର ଜଣେ ମହିଳାଙ୍କର ହତ୍ୟା ତଥା ହତ୍ୟା ପରେ ପୋଲିସକୁ ନଜଣାଇ ତାଙ୍କର ଶବସତ୍କାର କରିଥିବା ଅଭିଯୋଗରେ ତାଙ୍କୁ ଗିରଫ କରିଥିବା ପୋଲିସ କହିଛି ।

ଏର୍ସମା ଥାନା ଅର୍ନ୍ତଗତ ତାଳପଡ଼ା ଗ୍ରାମର ୨୪ ବର୍ଷୀୟା ରଶ୍ମିତା ବର୍ଷେ ତଳେ କୁଜଙ୍ଗ ଥାନା ଅର୍ନ୍ତଗତ ଗୋବିନ୍ଦପୁର ଗ୍ରାମର ପୋସ୍କୋ ପ୍ରତିରୋଧ ସମିତିର ସଭ୍ୟ ମଳୟ ବର୍ଦ୍ଧନଙ୍କୁ ବିବାହ କରିଥିଲେ ।

ବାହାଘର ସମୟରେ ଶ୍ୱଶୁରଘର ଲୋକେ ୫୦ହଜାର ଟଙ୍କା ଯୌତୁକ ଦାବି କରିଥିଲେ ଏବଂ ଦାରିଦ୍ର୍ୟ
ଯୋଗୁଁ ତାଙ୍କ ବାପା ଯୌତୁକ ଦେବାକୁ ଅସମର୍ଥ ଥିଲେ ବୋଲି ରଶ୍ମିତାଙ୍କ ପରିବାର ପକ୍ଷରୁ କୁହାଯାଇଛି ।

ପରେ ତାଙ୍କୁ ବାପଘରୁ ଯୌତୁକ ଆଣିବା ପାଇଁ ବହୁ ନିର୍ଯ୍ୟାତନା ଦିଆଯାଉଥିଲା ଓ ଜୀବନରୁ ମାରିଦେବା ପାଇଁ ମଧ୍ୟ ଧମକ ଦିଆଯାଉଥିଲା ବୋଲି ସଂପୃକ୍ତ ମହିଳାଙ୍କ ପରିବାର ପକ୍ଷରୁ ଅଭିଯୋଗ କରାଯାଇଛି ।

ପରେ ରଶ୍ମିତାଙ୍କ ମୃତ୍ୟୁ ହୋଇଯାଇଥିବା ଖବର ସପକ୍ଷବାଦୀମାନେ ତାଙ୍କ ବାପ ଘରକୁ ଜଣାଇଲେ । ବାପଘର ଲୋକେ ଗୋବିନ୍ଦପୁର ଗ୍ରାମରେ ପହଞ୍ଚି ଅଭୟ ସାହୁ ପୋଲିସକୁ ଖବର ନେଇ ରଶ୍ମିତାଙ୍କ ଶବ ସତ୍କାର କରିଦେବା ପାଇଁ ବ୍ୟବସ୍ଥା କରୁଛନ୍ତି ବୋଲି ଜାଣିବାକୁ ପାଇଥିଲେ ।

ତେଣୁ ମୃତା ରଶ୍ମିତାଙ୍କ ବାପା ଉଭୟ ସାହୁ ଓ ଶ୍ୱଶୁରଘର ଲୋକଙ୍କ ନିକଟରେ ଝିଅର ଶବ ତାଙ୍କୁ ହସ୍ତାନ୍ତର କରିଦେବା ପାଇଁ କହିଥିଲେ ।

କିନ୍ତୁ ଅଭୟ ଓ ଅନ୍ୟ ପୋସ୍କୋ ବିପକ୍ଷବାଦୀମାନେ ସେମାନଙ୍କୁ ଗ୍ରାମରେ ନ ପୁରାଇଦେବା ସହ ଯଦି ପୋଲିସକୁ ଖବର ଦିଆଯାଏ ତେବେ ପରିସ୍ଥିତି ଭୟଙ୍କର ହେବ ବୋଲି କହି ଧମକ ଦେବା ସହ ରଶ୍ମିତାଙ୍କ ଶବ ସତ୍କାର କରିଦେଇଥିଲେ ବୋଲି ସେମାନେ ଅଭିଯୋଗ କରିଛନ୍ତି ।

ଏହାପରେ ରଶ୍ମିତାଙ୍କ ବାପା ସୁରେନ୍ଦ୍ର ସ୍ୱାଇଁ ପୋଲିସରେ ଏ ବିଷୟରେ ଜଣାଇ ଉଭୟ ଶ୍ୱଶୁରଘର ଲୋକ ଓ ଅଭୟ ସାହୁଙ୍କ ନାମରେ ଏତଲା ଦେଇଥିଲେ ।

ସେହିପରି ଉକ୍ତ ଗ୍ରାମର ଜଣେ ଦଳିତ ରଞ୍ଜନ ମଲ୍ଲିକଙ୍କୁ ଗ୍ରାମର ପ୍ରବେଶ ଦ୍ଵାରା ନିକଟରେ ଜଗି ରହିବାକୁ ସାହୁ ଓ ଅନ୍ୟ ପୋସ୍କୋ ବିପକ୍ଷବାଦୀ ସଭ୍ୟମାନେ ନିର୍ଦ୍ଦେଶ ଦେଇଥିଲେ ଏବଂ ସେ ମନା କରିବାରୁ ତାଙ୍କୁ ଗେଟ୍ ନିକଟରେ ପ୍ରାୟ ଏକଘଣ୍ଟା କାଳ ଏକଗୋଡ଼ିକିଆ ଠିଆ କରାଇଦେଇଥିଲେ ବୋଲି ଯୁବକ ଜଣକ ଅଭିଯୋଗ କରିଛନ୍ତି ।

ରଞ୍ଜନ ଏ ବିଷୟରେ ଥାନାରେ ସାହୁଙ୍କ ନାମରେ ଏତଲା ଦେଇଥିଲେ । ସେହିପରି ଅନ୍ୟ ଜଣେ ଦଳିତ
ବଂଶୀଧର ବେହେରା ମଧ୍ୟ ସାହୁଙ୍କ ଦ୍ୱାରାମାଡ଼ ଖାଇବା ସହ ବହୁ ଅପମାନିତ ହୋଇଛନ୍ତି ବୋଲି ଥାନାରେ ଏତଲା ଦେଇଥିଲେ ।

ଅଭୟ ୬ ଜଣ ପୋଲିସ ଓ ପୋସ୍କୋ କର୍ମଚାରୀଙ୍କୁ ବନ୍ଧକ ରଖିବା ସହ ରାସ୍ତା ନିର୍ମାଣ ବେଳେ ଠିକା ସଂସ୍ଥାର କର୍ମଚାରୀଙ୍କ ଉପରକୁ ବୋମା ମାଡ଼ କରିଥିଲେ ବୋଲି ପୋଲିସ କହିଛି ।

“ଅଭୟଙ୍କୁ ଗିରଫ କରିବା ପରେ କୋର୍ଟ ଚାଲାଣ କରାଯାଇଥିଲା ଏବଂ ସୁରକ୍ଷା ଦୃଷ୍ଟିରୁ ତାଙ୍କୁ ଚୌଦ୍ଵାର ଜେଲକୁ ପଠାଇ ଦିଆଯାଇଛି” କୁଜଙ୍ଗ ଥାନା ଆଇଆଇସି ଗୁପ୍ତେଶ୍ୱର ଭୋଇ ଓଡ଼ିଶା ଡ଼ଟ୍ କମ୍ କୁ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ପୋସ୍କୋ, ସଂଗ୍ରାମ ସମିତି

  • Go to page 1
  • Go to page 2
  • Go to page 3
  • Go to page 4
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ