• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଅପରାଧ

ଅଙ୍ଗନୱାଡ଼ି ସହାୟକ ନିଯୁକ୍ତିରେ ଅନିୟମିତତା ଅଭିଯୋଗ

November 25, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୨୫(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ଅଙ୍ଗନୱାଡ଼ି ସହାୟକ ନିଯୁକ୍ତିରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି ।

ନୂଆଗାଁ ବ୍ଲକ ଅର୍ନ୍ତଗତ ରୋହିଆ ଗ୍ରାମରେ ସହାୟକ ନିଯୁକ୍ତି ନେଇ ହୋଇଥିବା ଅନିୟମିତତା ବିରୋଧରେ ଏହି ପଦ ପାଇଁ ଆଶାୟୀ ଥିବା ଜଣେ ମହିଳା ଶିଶୁ ବିକାଶ ପ୍ରକଳ୍ପ ନିର୍ଦ୍ଦେଶକଙ୍କ କାର୍ଯ୍ୟାଳୟ ଠାରେ ଗୁରୁବାର ଠାରୁ ଆମରଣ ଅନଶନରେ ବସିଛନ୍ତି ।

ଉକ୍ତ ଅଙ୍ଗନୱାଡ଼ି କେନ୍ଦ୍ରରେ ଖାଲିଥିବା ସହାୟକ ପଦବୀ ପୂରଣ ପାଇଁ ଜଣେ ମହିଳାଙ୍କୁ ନିଯୁକ୍ତି ଦେବା ପାଇଁ ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ କୁହାଯାଇଥିଲା ।

ଗ୍ରାମବାସୀଙ୍କ ସହାୟତାରେ ମହିଳାସଭା ଏବଂ ପଲ୍ଲୀସଭା ଜରିଆରେ ଏହି ପଦବୀ ପାଇଁ ଚୟନ ହେବା ନିୟମ ରହିଛି ।

ତେବେ ପ୍ରକଳ୍ପ ନିର୍ଦ୍ଦେଶିକା ମହିଳା ସଭାର ଆୟୋଜନ କରି ଗ୍ରାମାବସୀମାନେ ସମର୍ଥନ କରୁଥିବା ମାନସୀ ଦାସ ନାମକ ମହିଳାଙ୍କୁ ସହାୟକ ଭାବେ ଚୟନ କରିଥିବା ବେଳେ ଶାସକ ଦଳର ନେତାମାନେ ଅନ୍ୟ ଜଣେ ମହିଳା ବିନୋଦିନୀ ମହାନ୍ତିଙ୍କୁ ନିଯୁକ୍ତ କରିବାକୁ ଦାବି କରିଥିଲେ ।

ଫଳରେ ଏହି ଚୟନ ବୈଠକକୁ ବାତିଲ କରାଯାଇ ଗତ ସପ୍ତାହରେ ପୋଲିସ ଉପସ୍ଥିତିରେ ପୁଣି ପଲ୍ଲୀ ସଭାର ଆୟୋଜନ କରାଯାଇଥିଲା ଏବଂ ଏଥିରେ ପୁଣି ମାନସୀ ଦାସଙ୍କୁ ଚୟନ କରାଯାଇଥିଲା ।

ଏଥିରେ ଶାସକ ଦଳର ସମର୍ଥକମାନେ ସହମତ ନହେବା ସହ ବିଶୃଂଖଳା କରିବାରୁ ଆୟୋଜିତ ବୈଠକକୁ ପୁଣି ବାତିଲ କରିଦିଆଯାଇଥିଲା । ପରେ ଗ୍ରାମାସୀଙ୍କ ସହ ଯୋଗାଯୋଗ ନକରି ପ୍ରକଳ୍ପ ନିର୍ଦ୍ଦେଶିକା କମିଟି ଗଠନ କରି ମହାନ୍ତିଙ୍କୁ ଏହି ପଦବୀ ପାଇଁ ଚୟନ କରିଥିଲେ ।

ଏହି ଘଟଣାର ତଦନ୍ତ ପାଇଁ ଦାସଙ୍କ ପକ୍ଷରୁ ଜିଲ୍ଲାପାଳଙ୍କୁ ଦାବି ପତ୍ର ଦିଆଯାଇଛି । ତେବେ ଘଟଣା ସଂପର୍କରେ କିଛି କହିବାକୁ ପ୍ରକଳ୍ପ ନିର୍ଦ୍ଦେଶିକା ମନା କରିଦେଇଛନ୍ତି ।

ସହାୟିକା ନିଯୁକ୍ତିରେ ବ୍ୟାପକ ଅନିୟମିତତା ହେଉଥିବା ଅଭିଯୋଗ ଆସିଛି ଏବଂ ବିଭାଗ ଦୁଇ ତିନିଦିନ ମଧ୍ୟରେ ଏହାଉପରେ ତଦନ୍ତ କରିବ ବୋଲି ଜିଲ୍ଲା ସମାଜ କଲ୍ୟାଣ ଅଧିକାରୀ କୁମୁଦିନୀ ସାହୁ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅଙ୍ଗନୱାଡ଼ି, ଅପରାଧ, ଶିଶୁ ବିକାଶ

ମାଲବାହୀ ଓ ଯାତ୍ରୀବାହୀ ଟ୍ରେନ୍ ମଧ୍ୟରେ ଧକ୍କା, ୧ଆହତ

November 23, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଝାରସୁଗୁଡ଼ା, ନଭେମ୍ବର ୨୩(ଓଡ଼ିଶା ଡ଼ଟ୍ କମ୍) ଝାରସୁଗୁଡ଼ା ଜିଲ୍ଲାରେ ବୁଧବାର ଯାତ୍ରୀବାହୀ ଓ ମାଲବାହୀ ଟ୍ରେନ୍ ମଧ୍ୟରେ ଧକ୍କା ହେବାରୁ ଜଣେ ବ୍ୟକ୍ତି ଆହତ ହୋଇଥିବା ପୋଲିସ କହିଛି ।

ଯାତ୍ରୀବାହୀ କୋରାପୁଟ ହାୱଡ଼ା ସମଲେଶ୍ୱରୀ ଏକ୍ସପ୍ରେସ ଏବଂ ମାଲବାହୀ ଟ୍ରେନ ଉଭୟ ଝାରସୁଗୁଡ଼ା ଷ୍ଟେସନରେ ଥିବା ବେଳେ ଏହି ଦୁର୍ଘଟଣା ହୋଇଥିବା ଜଣେ ଅଧିକାରୀ କହିଛନ୍ତି ।

ମାଲବାହୀ ଟ୍ରେନ ଷ୍ଟେସନରୁ ଯିବା ପାଇଁ ସଂକେତ ଦିଆଯାଇଥିବା ବେଳେ ଯାତ୍ରୀବାହୀ ଟ୍ରେନ୍ ଡ଼୍ରାଇଭର ଟ୍ରେନ୍ କୁ ଆଗକୁ ବଢାଇଥିଲେ । ଫଳରେ ଗୋଟିଏ ଟ୍ରେନ୍ ଅନ୍ୟ ଟ୍ରେନ୍ ସହ ଘଷି ହୋଇଥିଲା ।

ତେବେ ବିକାଶ ନାୟକ ନାମକ ଜଣେ ଯୁବକ ଯାତ୍ରୀବାହୀ ଟ୍ରେନ୍ କୁ ଡ଼େଇଁ ପଡ଼ିବାରୁ ତାଙ୍କର ଗୋଡ଼ରେ ଆଘାତ ଲାଗିଛି । ଆହତ ଯୁବକଙ୍କୁ ଡ଼ାକ୍ତରଖାନାରେ ଭର୍ତି କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଟ୍ରେନ୍, ସମଲେଶ୍ୱରୀ ଏକ୍ସପ୍ରେସ

ଅପହୃତ ଛାତ୍ର ଖୋର୍ଦ୍ଧାରୁ ଉଦ୍ଧାର, ଦମ୍ପତି ଗିରଫ

November 22, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ନଭେମ୍ବର ୨୩(ଓଡ଼ିଶା ଡ଼ଟ୍ କମ୍) କଟକରେ ଟ୍ୟୁସନରୁ ଫେରୁଥିବା ବେଳେ ଅପହରଣ ହୋଇଥିବା ପଞ୍ଚମ ଶ୍ରେଣୀ ଛାତ୍ରଙ୍କୁ ପୋଲିସ ଖୋର୍ଦ୍ଧାରୁ ଉଦ୍ଧାର କରିଛି ।

ନିମସାହି ଅଞ୍ଚଳର ଦଶ ବର୍ଷ ବୟସ୍କ ଅବଦୁଲ ରେହେମାନଙ୍କୁ ପୋଲିସ ଶରଧାପୁର ଅଞ୍ଚଳରୁ  ମଙ୍ଗଳବାର ସଂଧ୍ୟାରେ ଉଦ୍ଧାର କରିଥିବା ଜଣେ ଅଧିକାରୀ ବୁଧବାର କହିଛନ୍ତି ।

ଅପହରଣ କରିଥିବା ଦମ୍ପତି ବାଦଲ ଓରଫ ଜୁଲ ଫିକର ଅଲ୍ଲୀ ଏବଂ ତାଙ୍କ ପତ୍ନୀଙ୍କୁ ଗିରଫ କରିଥିବା ବେଳେ ସେମାନଙ୍କ ଘର ରାଜକନିକା ଅନ୍ତର୍ଗତ ଓଳାଭର ଅଞ୍ଚଳରେ ବୋଲି ପୋଲିସ କହିଛି ।

ଉଭୟ ସ୍ୱାମୀ ସ୍ତ୍ରୀ ଅବଦୁଲଙ୍କୁ ଅପହରଣ କରି ଶରଧାପୁର ସ୍ଥିତ ତାଙ୍କ ଶ୍ୱଶୂର ଘରେ ରଖିଥିଲେ । ସେଠାରେ ତାଙ୍କୁ ମୁଣ୍ଡ ଜାମିନ ରଖି ୧୨ ଲକ୍ଷ ଟଙ୍କା ମାଗିଥିଲେ । ପରେ କଟକ ପୋଲିସ ଫୋନ୍ନ ମ୍ବରକୁ ଟ୍ରାକ୍ କରି ଖୋର୍ଦ୍ଧା ପୋଲିସ ସହ ଯୋଗାଯୋଗ କରିଥିଲା ।

ରବିବାର ସଂଧ୍ୟାରେ ଜଣେ ପଡ଼ୋଶୀ ଯୁବକ ରେହେମାନଙ୍କୁ ଟ୍ୟୁସନ ସ୍ଥାନରେ ଛାଡ଼ିବା ଓ ଟ୍ୟୁସନ ପରେ ଆଣିବାକୁ ଯାଇ ଆଉ ଫେରିନଥିବାରୁ ସଂପୃକ୍ତ ଛାତ୍ରଙ୍କୁ ଅପହରଣ କରିନିଆଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଥିଲେ । ଅବଦୁଲ ଡ଼ିପିଏସ୍ କଳିଙ୍ଗ ବିଦ୍ୟାଳୟର ଛାତ୍ର ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଅପହରଣ, କଟକ, ପୁରୀ

ପାରାଦ୍ଵୀପ: ଗିରଫ ବାଂଲାଦେଶୀ ଅସ୍ତ୍ରଶସ୍ତ୍ର ଚାଲାଣରେ ସଂପୃକ୍ତ

November 22, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ପାରାଦ୍ଵୀପ, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) ଭାରତୀୟ ଜଳପଥରେ ବେଆଇନ ଭାବେ ଯାତାୟାତ କରିବା ଅଭିଯୋଗରେ ନିକଟରେ ଗିରଫ ହୋଇଥିବା ବାଂଲାଦେଶୀ ନାବିକଙ୍କ ମଧ୍ୟରୁ ଦୁଇଜଣ ଅସ୍ତ୍ରଶସ୍ତ୍ର ଚାଲାଣରେ ସଂପୃକ୍ତ ଥିବା ପୋଲିସ କହିଛି ।

ରାଜ୍ୟ ତଥା ଜାତୀୟ ସୁରକ୍ଷା ସଂସ୍ଥା, ସାମୁଦ୍ରିକ ପୋଲିସ, ତଟରକ୍ଷୀ ବାହୀନୀ ସହାୟତାରେ ସଂପୃକ୍ତ ବ୍ୟକ୍ତିଙ୍କ ସଂପର୍କରେ ପୋଲିସ ତଥ୍ୟ ସଂଗ୍ରହ କରିଛି ।

ଗତ ଅକ୍ଟୋବର ୨୩ ତାରିଖରେ ବଙ୍ଗୋପସାଗରରେ ବେଆଇନ ଭାବେ ମାଛ ଧରୁଥିବା ବେଳେ ତଟରକ୍ଷୀ ସୁରକ୍ଷା ବାହୀନୀ ୧୬ ଜଣ ବାଂଲାଦେଶୀଙ୍କୁ ଗିରଫ କରିଥିଲା ।

ତଟରକ୍ଷୀବାହୀନୀ ସେମାନଙ୍କ ଠାରୁ ଏଫ୍ ବି ମହାଲକ୍ଷ୍ମୀ ନାମକ ଯନ୍ତ୍ରଚାଳିତ ଡ଼ଙ୍ଗା ଜବତ କରିବା ସହ ପାରାଦ୍ଵୀପ ସାମୁଦ୍ରିକ ପୋଲିସକୁ ହସ୍ତାନ୍ତର କରିଥିଲେ ଏବଂ ପୋଲିସ ସେମାନଙ୍କୁ ଗିରଫ କରି କୋର୍ଟ ଚାଲାଣ କରିଥିଲା ।

ଯାଞ୍ଚ ସମୟରେ ପୋଲିସ ଗିରଫ ବ୍ୟକ୍ତିଙ୍କ ମଧ୍ୟରୁ ଦୁଇ ଜଣଙ୍କ ଠାରୁ ଉଭୟ ଭାରତ ଏବଂ ବାଂଲାଦେଶର ପାସପୋର୍ଟ ଜବତ କରିଥିଲା । ଏମାନେ ସେମାନଙ୍କର ନାଁ ବଦଳାଇଦୁଇଟି ଦେଶର ପାସପୋର୍ଟ ହାସଲ କରିଥିବା ପୋଲିସ କହିଛି ।

ଏହି ବ୍ୟକ୍ତି ଦ୍ଵୟ ଭାରତୀୟ ଉପକୂଳରେ ରହି ଦେଶର ସୁରକ୍ଷା ସଂପର୍କୀତ ତଥ୍ୟ ଏବଂ ଭାରତୀୟ
ସମୁଦ୍ରରେ କିପରି ଯାତାୟାତ କରି ହେବ ସେ ସଂପର୍କରେ ସୂଚନା ଦେଉଥିଲେ ।

“ସେମାନେ ଭାରତୀୟ ହୋଇଥିବାରୁ ଭାରତର ପାସପୋର୍ଟ ରଖିଥିବା ଗିରଫ ବ୍ୟକ୍ତି ଦ୍ଵୟ କହିଛନ୍ତି” ପାରାଦ୍ଵୀପ ଏସ୍ଡ଼ିପିଓ ଶାନ୍ତନୁ ଦାସ କହିଛନ୍ତି । ତେବେ ଘଟଣାର ସତ୍ୟାସତ୍ୟ ଜାଣିବା ପାଇଁ ଯୁଗ୍ମ ତଦନ୍ତ ଚାଲିଛି, ସେ କହିଛନ୍ତି ।

ଏହି ବାଂଲାଦେଶୀମାନେ ଜଳ ପଥରେ ଅସ୍ତ୍ରଶସ୍ତ୍ର ତଥା ମାଦକ ଦ୍ରବ୍ୟ କାରବାର କରୁଥିବାରୁ ପୋଲିସ ଠିକ୍ ଭାବେ ତଦନ୍ତ ଆରମ୍ଭ କରିଛି, ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ନାବିକ, ବାଂଲାଦେଶୀ

କଟକ: ପଞ୍ଚମ ଶ୍ରେଣୀ ଛାତ୍ରଙ୍କୁ ଅପହରଣ ଅଭିଯୋଗ

November 21, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ,ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) କଟକ ସହରର ଜଣେ ସ୍କୁଲ ଛାତ୍ରଙ୍କୁ ଟ୍ୟୁସନ୍ ରୁ ଫେରୁଥିବା ବେଳେ ଅପହରଣ କରି ନିଆଯାଇଥିବା ଅଭିଯୋଗ ହୋଇଛି ।

ନିମସାହି ଅଞ୍ଚଳର ଦଶ ବର୍ଷ ବୟସ୍କ ଅବଦୁଲ ରେହେମାନ୍ ରବିବାର ସଂଧ୍ୟାରେ ଟ୍ୟୁସନ ଯାଇ ଆଉ ଘରକୁ ଫେରିନଥିବାରୁ ତାଙ୍କ ପରିବାର ପକ୍ଷରୁ ସୋମାବର ପୁରୀଘାଟ ଥାନାରେ ଏତଲା ଦିଆଯାଇଛି ।

ଜଣେ ପଡ଼ୋଶୀ ଯୁବକ ତାଙ୍କୁ ଟ୍ୟୁସନ୍ ସ୍ଥାନରେ ଛାଡ଼ିବା ଓ ଟ୍ୟୁସନ୍ ପରେ ଆଣିବାକୁ ଯାଇ ଆଉ ନଫେରିବାରୁ ସଂପୃକ୍ତ ଛାତ୍ରଙ୍କୁ ଅପହରଣ କରିନିଆଯାଇଥିବା ତାଙ୍କ ପରିବାର ଲୋକେ ଅଭିଯୋଗ କରିଥିବା ପୋଲିସ କହିଛି ।

ଅବଦୁଲ ଡ଼ିପିଏସ୍ କଳିଙ୍ଗ ବିଦ୍ୟାଳୟର ପଞ୍ଚମ ଶ୍ରେଣୀର ଛାତ୍ର । କୌଣସି ମନ୍ଦ ଉଦ୍ଦେଶ୍ୟ ରଖି ବାଦଲକୁ ଅପହରଣ କରିନିଆଯାଇଥିବା ପୋଲିସ ସନ୍ଦେହ କରୁଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଅପହରଣ, ଛାତ୍ର

ବାଣ ବିସ୍ଫୋରଣ ମୃତ୍ୟୁ ସଂଖ୍ୟା ୨କୁ ବୃଦ୍ଧି

November 19, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

କଟକ, ନଭେମ୍ବର ୧୯(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲା କୁଜଙ୍ଗ ବଜାର ନିକଟରେ ହୋଇଥିବା ବାଣ ବିସ୍ଫୋରଣରେ ମୃତ୍ୟୁ ସଂଖ୍ୟା ଦୁଇକୁ ବୃଦ୍ଧି ପାଇଛି ।

ଗୁରୁତର ଆହତ ଅବସ୍ଥାରେ କଟକ ଶ୍ରୀରାମଚନ୍ଦ୍ର ଭଞ୍ଜ ମେଡ଼ିକାଲ କଲେଜ ହସ୍ପିଟାଲରେ ଚିକିତ୍ସିତ ହେଉଥିବା ଫକୀର ପାତ୍ରଙ୍କ ଶନିବାର ସକାଳେ ମୃତ୍ୟୁ ହୋଇଛି । ଗତକାଲି ବିସ୍ଫୋରଣରେ ଆହତ ଦଶ ବର୍ଷର ବାଳକର ମୃତ୍ୟୁ ହୋଇଥିଲା ।

ବିସ୍ଫୋରଣ ଯୋଗୁଁ ଫକୀରଙ୍କ ଶରୀରର ନବେ ପ୍ରତିଶତ ପୋଡ଼ି ଯାଇଥିଲା ଏବଂ ତାଙ୍କୁ ପ୍ଲାଷ୍ଟିକ ସର୍ଜରି ବିଭାଗରେ ଚିକିତ୍ସା କରାଯାଉଥିଲା ।

ଚିକିତ୍ସାଧିନ ଅନ୍ୟ ଚାରି ଜଣଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ବର୍ତମାନ ମଧ୍ୟ ଗୁରୁତର ଥିବା ଡ଼ାକ୍ତରଖାନା ପକ୍ଷରୁ କୁହାଯାଇଛି । ବୁଧବାର ବିଜୁ ଶ୍ରମିକ ସଂଗଠନ ପକ୍ଷରୁ ଆୟୋଜିତ ଏକ ସମାବେଶରେ ଯୋଗବୋ ପାଇଁ ଶୋଭାଯାତ୍ରାରେ ଯାଉଥିବା ବେଳେ ବାଣବିସ୍ଫୋରଣ ଘଟି ଛଅ ଜଣ ଗୁରୁତର ଆହତ ହୋଇଥିଲେ ।

ଆହତଙ୍କ ଚିକିସôା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ତିନି ଲକ୍ଷ ଟଙ୍କା ମଂଜୁର କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ବାଣ ବିସ୍ଫୋରଣ, ଶ୍ରମିକ

ମଧ୍ୟାହ୍ନ ଭୋଜନରେ ଅନିୟମିତତା ଯୋଗୁଁ କାର୍ଯ୍ୟାନୁଷ୍ଠାନ

November 18, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୧୯(ଓଡ଼ିଶା ଡ଼ଟ୍ କମ୍) ସ୍କୁଲ ଗୁଡ଼ିକରେ ମଧ୍ୟାହ୍ନ ଭୋଜନ କାର୍ଯ୍ୟ ସୁଚାରୁ ରୂପେ ତୁଲାଇ ନପାରିବା ତଥା କର୍ତବ୍ୟରେ ଅବହେଳା ଯୋଗୁଁ ଦଶ ଜଣ ଶିକ୍ଷକ ଶିକ୍ଷୟିତ୍ରୀଙ୍କ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ଏମାନଙ୍କ ମଧ୍ୟରୁ ଦୁଇ ଜଣଙ୍କୁ ଚାକିରିରୁ ନିଲମ୍ବିତ କରାଯାଇଥିବା ବେଳେ ସାତ ଜଣଙ୍କ ଦରମା ବନ୍ଦ ଏବଂ
ଜଣେ ଶିକ୍ଷକଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଥିବା ଶନିବାର ସ୍କୁଲ ଓ ଗଣଶିକ୍ଷା ବିଭାଗର ଜଣେ ଅଧିକାରୀ କହିଛନ୍ତି ।

ମୟୁରଭଞ୍ଜ ଜିଲ୍ଲା ସଦରକଣା ୟୁଜିଏମ୍ଇ ସ୍କୁଲ ପ୍ରଧାନ ଶିକ୍ଷକ ଜ୍ୟୋତିର୍ମୟ ମହନ୍ତ ଏବଂ କଟକ ବଡ଼ସାମନ୍ତପୁର ହାଇସ୍କୁଲ ପ୍ରଧାନ ଶିକ୍ଷୟିତ୍ରୀ ନମିତା ସେନଙ୍କର ଅକ୍ଟୋବର ମାସର ଦରମା ବନ୍ଦ କରାଯାଇଛି ।

ସେହିପରି ଗଞ୍ଜାମ ଜିଲ୍ଲା ବଡ଼ଖରିଡ଼ା ବୀର ଜଗନ୍ନାଥପୁର ପ୍ରାଥମିକ ସ୍କୁଲ ପ୍ରଧାନ ଶିକ୍ଷୟତ୍ରୀ ଶାନ୍ତିଲତା ପାତ୍ର, କନକା ପ୍ରାଥମିକ ସ୍କୁଲ ପ୍ରଧାନ ଶିକ୍ଷକ କେ.ଭାସ୍କର ପାତ୍ର, ବଲାଙ୍ଗୀର ଜିଲ୍ଲା ଟିଟିଲାଗଡ଼ କପିଳ ଭଟ୍ଟ ୟୁପି ସ୍କୁଲ ପ୍ରଧାନ ଶିକ୍ଷକ ମହାଦେବ ମିଶ୍ର ଓ ଶିକ୍ଷକ ହର ମାଝୀଙ୍କର ସେପ୍ଟେମ୍ବର ମାସର ଦରମା ପରବର୍ତୀ ଆଦେଶ ପର୍ଯ୍ୟନ୍ତ ବନ୍ଦ କରାଯାଇଛି ।

କେନ୍ଦ୍ରାପଡ଼ା ଜିଲ୍ଲା କୋରଣ୍ଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଉମେଶ ଚନ୍ଦ୍ର ନାୟକଙ୍କ ନଭେମ୍ବର ମାସରୁ ଦରମା ପରବର୍ତୀ ଆଦେଶ ପର୍ଯ୍ୟନ୍ତ ବନ୍ଦ କରାଯାଇଛି ।

ଏହାବ୍ୟତୀତ ଯାଜପୁର ଜିଲ୍ଲା ବରୀ ବ୍ଲକ କୃପାସିନ୍ଧୁ ବିଦ୍ୟାଭବନ ପ୍ରଧାନ ଶିକ୍ଷକ ବିଷ୍ଣୁଚରଣ ସାମଲ ଓ ବାଲେଶ୍ୱର ଜିଲ୍ଲା ଇଞ୍ଚୁଡ଼ି ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଭାଗିରଥି ମହାନ୍ତିଙ୍କୁ ଚାକିରିରୁ ନିଲମ୍ବିତ କରାଯାଇଛି ।

ସେହିପରି କର୍ତବ୍ୟରେ ଅବହେଳା ଯୋଗୁଁ ଜଗତସିଂହପୁର ଜିଲ୍ଲା ପଞ୍ଚପଲ୍ଲୀ ବଳରାମପୁର ଉପ୍ରା ସ୍କୁଲ ପ୍ରଧାନ ଶିକ୍ଷକ ପ୍ରଶାନ୍ତ କୁମାର ଜେନାଙ୍କୁ କାରଣ ଦର୍ଶାଅ ନୋଟିସ ଜାରି କରାଯାଇଥିବା ସେ କହିଛନ୍ତି ।

ପୂର୍ବରୁ ମହିଳା ଓ ଶିଶୁ ବିକାଶ ବିଭାଗ ଅଧିନରେ ଥିବା ମଧ୍ୟାହ୍ନ ଭୋଜନ ଯୋଜନା, ଡ଼ାଲି ଦୁର୍ନୀତି ଅଭିଯୋଗ ପରେ ଗତ ଅଗଷ୍ଟ ମାସରୁ ସ୍କୁଲ ଓ ଗଣଶିକ୍ଷା ବିଭାଗକୁ ଏହାର ଦାୟିତ୍ୱ ଦିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ମଧ୍ୟାହ୍ନ ଭୋଜନ, ସ୍କୁଲ

ଭିଜିଲାନ୍ସ ଦ୍ୱାରା ଧରାପଡ଼ିଥିବା ବିଜେଡ଼ି ନେତା ଦଳରୁ ବହିସ୍କୃତ

November 18, 2011 by ଓଡିଶା ଡଟ କମ

ଭୁବନେଶ୍ୱର, ନଭେମ୍ବର ୧୮(ଓଡ଼ିଶା ଡ଼ଟ୍ କମ୍) ଭିଜିଲାନ୍ସ ଚଢାଉ ଭୟ ଦେଖାଇ ଲାଞ୍ଚ ନେବା ବେଳେ ଧରାପଡ଼ିଥିବା ଜଣେ ବିଜେଡ଼ି ନେତାଙ୍କୁ ଶୁକ୍ରବାର ଦଳରୁ ବହିସ୍କାର କରାଯାଇଛି ।

ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ବିଜେଡ଼ି ସଭାପତି ତଥା କଟକ କେନ୍ଦ୍ର ସମବାୟ ବ୍ୟାଙ୍କର ଅନ୍ୟତମ ନିର୍ଦ୍ଦେଶକ ଅଶ୍ୱିନୀ ଦାସଙ୍କୁ ଦଳର ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବହିସ୍କାର କରିଛନ୍ତି ।

କଟକ ସ୍ଥିତ ସେସୁ କାର୍ଯ୍ୟାଳୟର ଯନ୍ତ୍ରୀ ପ୍ରଶାନ୍ତ କୁମାର ପଟ୍ଟନାୟକଙ୍କୁ ଭିଜିଲାନ୍ସ ଚଢାଉ ଭୟ ଦେଖାଇ ତାଙ୍କ ଠାରୁ ଲାଞ୍ଚ ନେବା ସମୟରେ ଗୁରୁବାର ଭିଜିଲାନ୍ସ ଅଧିକାରୀମାନେ ତାଙ୍କୁ ଧରିଥିଲେ ।

ସୂଚନାଯୋଗ୍ୟ ଯେ, ଅଶ୍ୱିନୀ ଗତ ୧୪ ତାରିଖରେ ପ୍ରଶାନ୍ତଙ୍କୁ ଫୋନ୍ କରି ତାଙ୍କ ଘରେ ଭିଜିଲାନ୍ସ ଚଢାଉ କରାଯିବ ଏବଂ ଏସଂକ୍ରାନ୍ତିୟ ଫାଇଲ ମୁଖ୍ୟମନ୍ତ୍ରୀଙ୍କ ପାଖରେ ଅଛି ବୋଲି କହିଥିଲେ । ଯଦି ଟଙ୍କା ଦିଅନ୍ତି ତେବେ ତାହା ବନ୍ଦ ହୋଇଯିବ ବୋଲି ସେ କହିଥିବା ସଂପୃକ୍ତ ଯନ୍ତ୍ରୀ ଅଭିଯୋଗ କରିଛନ୍ତି ।

ଭିଜିଲାନ୍ସ ଚଢାଉ ଧମକରେ ଡ଼ରିଯାଇ ପ୍ରଶାନ୍ତ ସେହିଦିନ ୫୦ ହଜାର ଟଙ୍କା ତାଙ୍କୁ ଦେଇଥିଲେ । କିନ୍ତୁ ଅତିକମ୍ ରେ ତିନି ଲକ୍ଷ ଟଙ୍କା ନେଲେ କୌଣସି କାମ ହେବ ନାହିଁ ବୋଲି ଅଶ୍ୱିନୀ କହିଥିଲେ । ପରେ ସନ୍ଦେହ ହେବାରୁ ପ୍ରଶାନ୍ତ କଟକ ଭିଜିଲାନ୍ସ କାର୍ଯ୍ୟାଳୟକୁ ଏସଂପର୍କରେ ଜଣାଇଥିଲେ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ବିଜେଡ଼ି, ଭିଜିଲାନ୍ସ

ଶ୍ରମିକ ଚାଲାଣ ଅଭିଯୋଗରେ ୨୩ ଦଲାଲ ଗିରଫ

November 18, 2011 by ଓଡିଶା ଡଟ କମ

 

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବଲାଙ୍ଗୀର, ନଭେମ୍ବର ୧୮(ଓଡ଼ିଶା ଡ଼ଟ୍ କମ୍) ବଲାଙ୍ଗୀର ଜିଲ୍ଲାରୁ ବେଆଇନ ଭାବେ ବିଭିନ୍ନ ରାଜ୍ୟକୁ ଶ୍ରମିକ ଚାଲାଣ କରୁଥିବା ୨୩ ଜଣ ଦଲାଲଙ୍କୁ ଗିରଫ କରି କୋର୍ଟ ଚାଲାଣ କରିଥିବା ପୋଲିସ ଶୁକ୍ରବାର କହିଛି ।

କଣ୍ଟାବାଞ୍ଜିର ବିଭିନ୍ନ ହୋଟେଲ ଓ ଲଜରେ ଚଢାଉ କରି ପୋଲିସ ଆନ୍ଧ୍ରପ୍ରଦେଶର ଏହି ଦଲାଲ ମାନଙ୍କ ସହ ଜଣେ ହୋଟେଲ ମାଲିକଙ୍କୁ ମଧ୍ୟ ଗିରଫ କରିଛି ।

ଶ୍ରମିକ ଚାଲାଣ ପାଇଁ ରାଜ୍ୟ ସରକାରଙ୍କ କୌଣସି ଆବଶ୍ୟକୀୟ କାଗଜ ପତ୍ର ସେମାନଙ୍କ ପାଖରେ ନାହିଁ ଏବଂ ଆନ୍ଧ୍ରପ୍ରଦେଶ ସରକାରଙ୍କର ଏକ କାଗଜ ସେମାନେ ରଖିଛନ୍ତି ଯାହା ବୈଧ ନୁହେଁ ବୋଲି ଜଣେ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ବଲାଙ୍ଗୀର, ଶ୍ରମିକ

ବାଣ ବିସ୍ଫୋରଣରେ ଶିଶୁ ସମେତ ଛଅ ଆହତ

November 16, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ଜଗତସିଂହପୁର ଜିଲ୍ଲାରେ ବୁଧବାର ଏକ ଗାଡ଼ିରେ ଥିବା ବାଣ ବିସ୍ଫୋରଣ ଘଟି ଜଣେ ଶିଶୁଙ୍କ ସମେତ ଛଅ ଜଣ ଆହତ ହୋଇଥିବା ପୋଲିସ କହିଛି ।

ବିଜୁ ଶ୍ରମିକ ସଂଗଠନ ପକ୍ଷରୁ ଆୟୋଜିତ ସମାବେଶରେ ଯୋଗ ଦେବା ପାଇଁ ଲୋକମାନେ କୁଜଙ୍ଗରୁ ପାରାଦ୍ଵୀପ ଏକ ଶୋଭାଯାତ୍ରାରେ ଯାଉଥିବା ସମୟରେ ଗାଡ଼ିରେ ଥିବା ବାଣ ବିସ୍ଫୋରଣ ହୋଇଛି ।

ଏହି ଶୋଭାଯାତ୍ରାରେ ଆୟୋଜକଙ୍କ ସହ ସ୍ଥାନୀୟ ବିଧାୟକ ବିଷ୍ଣୁ ଦାସ, କଟକ ବାରବାଟୀ ବିଧାୟକ ଦେବାଶିଷ ସାମନ୍ତରାୟ ଯାଉଥିଲେ ।

ଗାଡ଼ିରେ ଥିବା ଜଣେ ଶିଶୁ ଓ ଅନ୍ୟ ଛଅ ଜଣ ବିସ୍ଫୋରଣରେ ଆହତ ହୋଇଥିବା ବେଳେ ସେମାନଙ୍କୁ କୁଜଙ୍ଗ ଡ଼ାକ୍ତରଖାନାରେ ଭର୍ତିି କରାଯାଇଥିଲା ଏବଂ ପରେ ଅବସ୍ଥା ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି ।

ଆହତଙ୍କ ମଧ୍ୟରୁ ଛଅ ଜଣଙ୍କ ଶରୀରର ୭୫ ପ୍ରତିଶତ ପୋଡ଼ି ଯାଇଥିବାରୁ ସେମାନଙ୍କ ଅବସ୍ଥା ଗୁରୁତର ରହିଛି ବୋଲି ଜଣେ ଡ଼ାକ୍ତର କହିଛନ୍ତି ।

ଶୋଭାଯାତ୍ରାରେ ଯାଉଥିବା ସମୟରେ ସୁବାଷ ଜେନା ନାମକ ଜଣେ ବ୍ୟକ୍ତି ବାଣ ଫୁଟାଇଥିଲେ ଓ ଏହା ଚଳନ୍ତା ଗାଡ଼ିରେ ଥିବା ବାଣରେ ଲାଗିଯାଇଥିଲା ବୋଲି ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି ।

ଏହି ଘଟଣା ପରେ ସେହି ସ୍ଥାନରୁ ବିଧାୟକ ଦାସ ଓ ସାମନ୍ତରାୟ ପଳାଇ ଆସିଥିଲେ ଏବଂ ଡ଼ାକ୍ତରଖାନାକୁ ମଧ୍ୟ ଯିବାକୁ ମନା କରିଦେଇଥିଲେ । ଏହାକୁ ନେଇ ଲୋକଙ୍କ ମଧ୍ୟ ଉତ୍ତେଜନା ପ୍ରକାଶ ପାଇଥିଲା ।

ଗ୍ରାମବାସୀମାନେ କୁଜଙ୍ଗ ବଜାର ଠାରେ ଟାୟାର ଜାଳି ରାସ୍ତା ଅବରୋଧ କରିବା ସହ ଆହତ ବ୍ୟକ୍ତିଙ୍କୁ କ୍ଷତିପୂରଣ ଦେବାକୁ ଦାବି କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅପରାଧ, ଜଗତସିଂହପୁର, ବାଣ ବିସ୍ଫୋରଣ

  • « Go to Previous Page
  • Go to page 1
  • Go to page 2
  • Go to page 3
  • Go to page 4
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ