• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଅସ୍ତ୍ରୋପଚାର

ଅସ୍ତ୍ରୋପ୍ରଚାରର ଛଅ ମାସ ପରେ ମହିଳାଙ୍କ ପେଟରୁ କଇଁଚି ଉଦ୍ଧାର

May 14, 2015 by News Bureau Leave a Comment

ଓଡିଶା ଡଟ କମ: ଅମରନାଥ ପରିଡା

ଜଗତସିଂହପୁର, ମଇ ୧୪ (ଓଡିଶା ଡ଼ଟ୍ କମ୍), ଅସ୍ତ୍ରୋପଚାରର ଛଅ ମାସ ପରେ ଯନ୍ତ୍ରଣା ହେବାରୁ ଜଗତସିଂହପୁର ଜିଲ୍ଲାର ଏକ ଡାକ୍ତର ଖାନାରେ ଚିକିତ୍ସା ପାଇଁ ଭର୍ତ୍ତିହୋଇଥିବା ଜଣେ ମହିଳାଙ୍କ ପେଟରୁ ଗୋଟିଏ କଇଁଚି ବାହାରିଥିବା, ସମ୍ପୃକ୍ତ ମହିଳାଙ୍କ ସ୍ଵାମୀ ଗୁରୁବାର କହିଛନ୍ତି ।

Minava with Niranjan
ଅସ୍ତ୍ରୋପଚାର ପରେ ସ୍ଵାମୀଙ୍କ ସହ ମିନର୍ଭା

ତିର୍ତ୍ତୋଲ ପୋଲିସ ଷ୍ଟେସନ ଅନ୍ତର୍ଗତ ବିନୋଲ ଗ୍ରାମର ୪୫ ବର୍ଷୀୟା ମିନର୍ଭା ମହାନ୍ତିଙ୍କ ଟ୍ୟୁମର ଓ ଆପ୍ପେଣ୍ଡିସାଇଟସ୍ ଅସ୍ତ୍ରୋପ୍ରଚାର ଗତ ବର୍ଷ ନଭେମ୍ବର ସାତ ତାରିଖରେ ଜଗତସିଂହପୁର ସହରର ଏକ ଘରୋଇ ଡ଼ାକ୍ତରଖାନାରେ ହୋଇଥିଲା ।

ମିନର୍ଭାଙ୍କ ସ୍ଵାମୀ ନିରଞ୍ଜନ ମହାନ୍ତିଙ୍କ କହିବ ଅନୁଯାୟୀ ଅସ୍ତ୍ରୋପ୍ରଚାରର କିଛି ଦିନ ପରେ ତାଙ୍କ ସ୍ତ୍ରୀ ପେଟରେ ଯନ୍ତ୍ରଣା ଅନୁଭବ କରିଥିଲେ ଓ ଡାକ୍ଟରଙ୍କ ପରାମର୍ଶ ଲୋଡିଥିଲେ । ଏହାକୁ ଏକ ଛୋଟମୋଟ ପେଟ ରୋଗ କହି ଡାକ୍ଟର ତାଙ୍କୁ ଔଷଧ ଦେଇଥିଲେ ।

ତେବେ ଯନ୍ତ୍ରଣା ନ କମିବାରୁ ଅସ୍ତ୍ରୋପଚାର କରିଥିବା ଡାକ୍ଟରଙ୍କ ସୁପାରିସ କ୍ରମେ ସେ କଟକର ଏକ ଘରୋଇ ଡ଼ାକ୍ତରଖାନାରେ ସୋମବାର ଦିନ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ଏକସରେ ସମୟରେ ତାଙ୍କ ପେଟରେ ଏକ ଛୋଟ କଇଁଚି ରହିଥିବା ଜଣା ପଡିଥିଲା । ଏକ ଘଣ୍ଟାର ଅସ୍ତ୍ରୋପଚାର ପରେ ମହିଳାଙ୍କ ପେଟରୁ ୬ -୭ ଇଞ୍ଚର ଏହି କଇଁଚି ବାହାର କରାଯାଇଥିଲା ।

ଅସ୍ତ୍ରୋପଚାର ପରେ ମିନର୍ଭା ସୁସ୍ଥ ରହିଛନ୍ତି । ଛଅ ମାସତଳେ ଅସ୍ତ୍ରୋପଚାର ସମୟରେ ଡାକ୍ଟରମାନେ ସାବଧାନତା ଅବଲମ୍ବନ କରିଥିଲେ ତାଙ୍କ ପତ୍ନୀଙ୍କୁ ଏତେ କଷ୍ଟ ସହିବାକୁ ପଡି ନ ଥାନ୍ତା ବୋଲି ମହାନ୍ତି ଓଡିଶା ଡଟ କମ କୁ କହିଛନ୍ତି । ସେ ସମ୍ପୃକ୍ତ ଡାକ୍ଟରଙ୍କ ଠାରୁ ଦୁଇଲକ୍ଷ ଟଙ୍କା କ୍ଷତି ପୂରଣ ଦାବି କରିବା ସହ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ହେବା ଉଚିତ ବୋଲି କହିଛନ୍ତି ।

ଜିଲ୍ଲା ମୁଖ୍ୟ ଚିକିତ୍ସାଧିକାରୀ ବିନୋଦ ବିହାରୀ ମହାନ୍ତି ଛଅ ମାସ ତଳେ ଅସ୍ତ୍ରୋପ୍ରଚାର କରିଥିବା ସମ୍ପୃକ୍ତ ଦୁଇ ଜଣ ଡାକ୍ତରଙ୍କ ମଧ୍ୟରୁ ଜଣେ ସ୍ଥାନୀୟ ଚିକିତ୍ସାଧିକାରୀ ହୋଇଥିବା ବେଳେ, ଅନ୍ୟ ଜଣେ ଜଣେ ବାହାରର ବୋଲି କହିଛନ୍ତି। ପୀଡିତା ଲିଖିତ ଅଭିଯୋଗ କଲେ ଆମେ ତାର ତଦନ୍ତ କରିବୁ ବୋଲି ସେ କହିଛନ୍ତି ।

ଓଡିଶା ଡଟ କମ

News Bureau
News Bureau

Filed Under: ସ୍ୱାସ୍ଥ୍ୟ Tagged With: ଅସ୍ତ୍ରୋପଚାର, କଇଁଚି, ଚିକିତ୍ସାଧିକାରୀ, ଜଗତସିଂହପୁର, ଡାକ୍ଟର

ପରେ ତିନି ପ୍ରସୂତିଙ୍କ ମୃତ୍ୟୁ, ଯାଞ୍ଚ ଆଦେଶ

April 11, 2015 by ନିଉଜ ଡେସ୍କ Leave a Comment

ବୁର୍ଲା, ଏପ୍ରିଲ ୧୧ (ଓଡିଶା ଡଟ କମ) ଅସ୍ତ୍ରୋପଚାରର କେଇ ଘଣ୍ଟାପରେ ବୁର୍ଲା ମେଡିକାଲ କଲେଜ ହାସପାତାଳ ରେ ତିନିଜଣ ପ୍ରସୂତିଙ୍କ ମୃତ୍ୟୁକୁ ନେଇ ଉତ୍ତେଜନା ପ୍ରକାଶ ପାଇଛି ।

ସରକାର ଏହାର ଯାଞ୍ଚ ଆଦେଶ ଦେଇଥିବା ବେଳେ, ହାସପାତାଲର ପ୍ରସୂତି ବିଭାଗର ଜଣେ ବରିଷ୍ଠ ଡାକ୍ତର ସରକାରଙ୍କ ଦ୍ଵାରା ଯୋଗାଇ ଦିଆଯାଇଥିବା ଔଷଧର ରିଆକସନ ଯୋଗୁ ଏହି ମୃତ୍ୟୁ ଘଟି ଥାଇପାରେ ବୋଲି କହିଛନ୍ତି।

ପ୍ରାପ୍ତ ସୂଚନା ଅନୁସାରେ ହାସପାତାଲରେ ନଅ ଜଣ ପ୍ରସୂତି ମହିଳାଙ୍କ ଅସ୍ତ୍ରୋପଚାର ଶୁକ୍ରବାର ସନ୍ଧ୍ୟାରେ କରାଯାଇଥିଲା । ଅସ୍ତ୍ରୋପଚାରର କେଇଘଣ୍ଟା ପରେ ସେମାନଙ୍କ ମଧ୍ୟରୁ ତିନି ଜଣ ପ୍ରବଳ ବାନ୍ତି କରିଥିଲେ । ଅସ୍ତ୍ରୋପଚାର ର ପ୍ରାୟ ପାଞ୍ଚ ଘଣ୍ଟା ମଧ୍ୟରେ ସେହି ତିନି ପ୍ରସୂତିଙ୍କ ମୃତ୍ୟୁ ଘଟିଥିଲା ।

ସରକାର ସ୍ୱାସ୍ଥ୍ୟ ବିଭାଗର କେତେକ ବରିଷ୍ଠ ଅଧିକାରୀଙ୍କୁ ଏହାର ଅନୁସନ୍ଧାନ ପାଇଁ ବୁର୍ଲା ପଠାଇ ଥିବାବେଳେ ଏହି ଘଟଣାର ଯାଞ୍ଚ ହେବ ବୋଲି ସ୍ୱାସ୍ଥ୍ୟ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଘୋଷଣା କରିଛନ୍ତି।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ସ୍ୱାସ୍ଥ୍ୟ Tagged With: ଅସ୍ତ୍ରୋପଚାର, ପ୍ରସୂତି ମହିଳା, ବୁର୍ଲା ମେଡିକାଲ

ଅସ୍ତ୍ରୋପଚାର ପରେ ୧୭ଜଣ ଦୃଷ୍ଟିଶକ୍ତି ହରାଇବା ଆଶଂକା

November 22, 2010 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦ ଦାତା

କଳାହାଣ୍ଡି, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) କଳାହାଣ୍ଡି ଜିଲ୍ଲା ଧର୍ମଗଡ଼ରେ ଅନୁଷ୍ଠିତ ଏକ ମାଗଣା ଚକ୍ଷୁ ଚିକିତ୍ସା ଶିବିରରେ ଅସ୍ତ୍ରୋପଚାର କରାଇଥିବା ୧୭ ଜଣ ଦୃଷ୍ଟିଶକ୍ତି ହରାଇବା ଆଶଂକା ପ୍ରକାଶ ପାଇଛି ।

ସମ୍ବଲପୁରର ଏକ ସ୍ୱେଚ୍ଛାସେବୀ ଅନୁଷ୍ଠାନ ଦ୍ଵାରା ଧର୍ମଗଡ଼ ଉପଖଣ୍ଡ ଚିକିତ୍ସାଳୟରେ ଗତ ସେପ୍ଟେମ୍ବର ୯ରୁ ୨୩ ପର୍ଯ୍ୟନ୍ତ ଏହି ମାଗଣା ମୋତିଆବିନ୍ଦୁ ଅସ୍ତ୍ରୋପଚାର ଶିବିରରେ ଅନୁଷ୍ଠିତ ହୋଇଥିଲା ।

ଏଥିରେ ଜିଲ୍ଲାର ବିଭିନ୍ନ ଅଞ୍ଚଳର ପ୍ରାୟ ୧୨୧୦ ରୋଗୀଙ୍କୁ ମାଗଣାରେ ଅସ୍ତ୍ରୋପଚାର କରାଯାଇଥିଲା । ଏହାର କିଛି ଦିନପରେ ୨୬ ଜଣଙ୍କ ଆଖିରୁ ପାଣି ବୋହିବା ସହ ଯନ୍ତ୍ରଣା ହେଉଥିବା ସଂପୃକ୍ତ ରୋଗୀମାନେ ଅଭିଯୋଗ କରିଥିଲେ ।

ଚିକିତ୍ସା ପରେ ଏମାନଙ୍କ ମଧ୍ୟରୁ ଦଶ ଜଣ ଅରୋଗ୍ୟଲାଭ କରିଥିବା ବେଳେ ଅନ୍ୟ ୧୭ ଜଣ ଦୃଷ୍ଟିଶକ୍ତି ହରାଇବା ଆଶଙ୍କା କରାଯାଉଛି ।

କେତେକ ରୋଗୀ ନିଜସ୍ୱ ଖର୍ଚ୍ଚରେ ବିଭିନ୍ନ ଡ଼ାକ୍ତରଖାନାରେ ଚିକିତ୍ସା କରାଇଥିବା ବେଳେ ଅନ୍ୟମାନେ ଅସ୍ତ୍ରୋପଚାର କରାଯାଇଥିବା ଡ଼ାକ୍ତରଖାନାକୁ ଯାଇଥିଲେ ।

ଡ଼ାକ୍ତରଖାନା କର୍ତ୍ତୃପକ୍ଷ ଶିବିରର ଆୟୋଜନ କରିଥିବା ସ୍ୱେଚ୍ଛାସେବୀ ଅନୁଷ୍ଠାନ ସହ ଯୋଗାଯୋଗ କରି ରୋଗୀ ମାନଙ୍କୁ ସମ୍ବଲପୁର ପଠାଇଥିଲେ । ସେଠାରେ ଚିକିତ୍ସା ପରେ ମଧ୍ୟ କୌଣସି ସୁଫଳ ମିଳିନଥିବା ଅଭିଯୋଗ ହୋଇଛି ।

ତେବେ ଅସ୍ତ୍ରୋପଚାର ପରେ ଆଖି କିପରି ସଂକ୍ରମିତ ହେଲା ତାହା ଜଣାପଡ଼ି ନାହିଁ ଓ ଯେଉଁମାନେ ଦୃଷ୍ଟିଶକ୍ତି ହରାଇଛନ୍ତି ସେମାନଙ୍କ ଉପଯୁକ୍ତ ଚିକିତ୍ସା କରାଯିବ ବୋଲି ଉପଖଣ୍ଡ ଡ଼ାକ୍ତରଖାନା କର୍ତ୍ତୃପକ୍ଷ କହିଛନ୍ତି ।

ଓଡିଶା ଡଟ୍ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅସ୍ତ୍ରୋପଚାର, କଳାହାଣ୍ଡି ଜିଲ୍ଲା, ମାଗଣା ଚକ୍ଷୁ ଚିକିତ୍ସା ଶିବିର, ମୁଖ୍ୟ ଖବର

ଏମ୍ସରେ ଜାନକୀଙ୍କ ସଫଳ ଅସ୍ତ୍ରୋପଚାର, ସ୍ୱାସ୍ଥ୍ୟବସ୍ଥା ଭଲ

November 14, 2010 by ଓଡିଶା ଡଟ କମ Leave a Comment

ନୂଆଦିଲ୍ଲୀ, ନଭେମ୍ବର ୧୫(ଓଡ଼ିଶା ଡ଼ଟ୍ କମ୍) ଗାଧୁଆ ଘରେ ଖସିପଡ଼ି ଆହତ ହୋଇଥିବା ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ ତଥା ଆସାମ ରାଜ୍ୟପାଳ ଜାନକୀ ବଲ୍ଲଭ ପଟ୍ଟନାୟକଙ୍କ ସୋମବାର ଏମ୍ସରେ ଅସ୍ତ୍ରୋପଚାର କରାଯାଇଛି ।

ଆଜି ସକାଳୁ ଡ଼ା. ଗୋସ୍ୱାଲ ଓ ଡ଼ା. ମାଲହୋତ୍ରାଙ୍କ ନେତୃତ୍ୱରେ ଅନ୍ୟ ଚାରି ଜଣ ଡ଼ାକ୍ତର ତାଙ୍କ ଜଙ୍ଘ ଅସ୍ତ୍ରୋପଚାର କରିଛନ୍ତି । ଏହାପୂର୍ବରୁ ତାଙ୍କ ରକ୍ତ ଚାପ, ବ୍ଲଡ଼ ସୁଗାର, ହୃଦ ଚାଳନା ଆଦି ପରୀକ୍ଷା କରାଯାଇଥିଲା ।

ବର୍ତ୍ତମାନ ତାଙ୍କୁ ଆଇସିୟୁରେ ରଖାଯାଇଛି । ତିନି ଘଣ୍ଟା ଧରି ଚାଲିଥିବା ଅସ୍ତ୍ରୋପଚାର ସଫଳ ହୋଇଛି ଓ ତାଙ୍କ ସ୍ୱାସ୍ଥ୍ୟବସ୍ଥା ଭଲ ଅଛି” ଜ୍ୱାଇଁ ସୌମ୍ୟରଂଜନ ପଟ୍ଟନାୟକ କହିଛନ୍ତି ।

ଗତ ୮ ତାରିଖରେ ଜାନକୀ ସରକାରୀ ଗସ୍ତରେ ଦିବ୍ରୁଗଡ଼କୁ ଯାଇଥିବା ବେଳେ ସେଠାରେ ଅବସ୍ଥାନ କରୁଥିବା ସର୍କିଟ ହାଉସ ଗାଧୁଆ ଘରେ ଖସି ପଡ଼ିଥିଲେ । ତୁରନ୍ତ ତାଙ୍କୁ ଆସାମ ମେଡ଼ିକାଲ କଲେଜ ହସ୍ପିଟାଲକୁ ନିଆଯାଇଥିଲା ଓ ପରେ ଏମ୍ସକୁ ସ୍ଥାନାନ୍ତର କରାଯାଇଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଅସ୍ତ୍ରୋପଚାର, ଆଇସିୟୁ, ଏମ୍ସ, ଜାନକୀ ବଲ୍ଲଭ ପଟ୍ଟନାୟକ, ମୁଖ୍ୟ ଖବର

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ