ଆଇଏଏସ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର ,ସେପ୍ଟେମ୍ବର ୫ (ଓଡ଼ିଶା ଡ଼ଟ୍ କମ୍)- ମଙ୍ଗଳବାର ରାଜ୍ୟ ସରକାର ଆଇଏଏସ୍ ସ୍ତରରେ ଏକ ଛୋଟ ଅଳବଳ କରିଛନ୍ତି ।

ଜନଗଣନା ର୍ନିେଶକ ବିଷ୍ନୁପଦ ସେଠୀଙ୍କୁ ସମବାୟ ବିଭାଗର ସଚିବ ଭାବେ ଅତିରିକ୍ତ ଦାୟିତ୍ୱ ଦିଆଯାଇଥିବା ବେଳେ ଇପିକଲ୍ର ସିଏମଡି ସିଜେ ବେନୁଗୋପାଳକୁ ସାଧାରଣ ଉଦ୍ୟୋଗ ବିଭାଗର ପ୍ରମୁଖ ସଚିବ ଭାବେ ଅବସ୍ଥାପିତ କରାଯାଇଛି ।

ଠିକ୍ ସେହିପରି ବାଣିଜ୍ୟ ଓ ପରିବହନ ବିଭାଗର ସଚିବ ମାଥି ଭାଥାନନଂକୁ ଇପିକଲର ଅତିରିକ୍ତ ଦାୟିତ୍ଵ ଦିଆଯାଇଛି । ଏହା ସାଧାରଣ ପ୍ରଶାସନ ବିଭାଗ ପକ୍ଷରୁ ବିଞପ୍ତି ଜାରି କରାଯାଇଛିା

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୩୦( ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର କେତେକ ବରିଷ୍ଠ ଆଇଏଏସ୍ ଅଫିସରଙ୍କ ବିଭାଗରେ ଅଦଳବଦଳ କରିଛନ୍ତି ।

ରବିବାର ପ୍ରକାଶିତ ବିଜ୍ଞପ୍ତି ଅନୁସାରେ ପଞ୍ଚାୟତିରାଜ ସଚିବ ପ୍ରଦୀପ କୁମାର ଜେନାଙ୍କୁ ଶକ୍ତି ବିଭାଗ ସହ ସୂଚନା ଓ ଲୋକସଂପର୍କ ବିଭାଗ ଦାୟିତ୍ୱ ଦିଆଯାଇଥିବା ବେଳେ ଖଣି ଓ ଇସ୍ପାତ ବିଭାଗ ସଚିବ ଦେଓରଂଜନ କୁମାର ସିଂଙ୍କୁ ଗ୍ରୀଡକୋ ଓ ଓପିଟିସିଏଲର ସିଏମ୍ଡି ଦାୟିତ୍ୱ ଦିଆଯାଇଛି ।

ସେହିପରି ବିଦ୍ୟାଳୟ ଓ ଗଣଶିକ୍ଷା ସଚିବ ରାଜେଶ ବର୍ମାଙ୍କୁ ଖଣି ଓ ଇସ୍ପାତ୍ ବିଭାଗକୁ ବଦଳି କରାଯାଇଥିବା ବେଳେ ଉଚ୍ଚ ଶିକ୍ଷା ବିଭାଗର ସଚିବ ଅପରାଜିତା ଷଡଙ୍ଗୀଙ୍କୁ ପଞ୍ଚାୟତିରାଜ ବିଭାଗ ସଚିବ ଏବଂ ଚକବନ୍ଦୀ କମିଶନର ଅତିରିକ୍ତ ଦାୟିତ୍ୱ ଦିଆଯାଇଛି ।

ବାଣିଜ୍ୟ ଓ ପରିବହନ ସଚିବ ଗଗନ ଧଳଙ୍କୁ ଉଚ୍ଚ ଶିକ୍ଷା ସଚିବ ସହ ଭୂ-ସଂସ୍କାର କମିଶନର ଅତିରିକ୍ତ ଦାୟିତ୍ୱ ଦିଆଯାଉଥିବା ବେଳେ ପଞ୍ଚାୟତିରାଜ ବିଭାଗ ସ୍ୱତନ୍ତ୍ର ସଚିବ ଉଷା ପାଢୀଙ୍କୁ ବିଦ୍ୟାଳୟ ଓ ଗଣଶିକ୍ଷା ବିଭାଗ ସଚିବ ସହ ବୟନ ଶିଳ୍ପ ଓ ହସ୍ତତନ୍ତ ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି ।

ଶକ୍ତି ସଚିବ ଜି.ମାଥିଭାଥନଙ୍କୁ ବାଣିଜ୍ୟ ଓ ପରିବହନ ତଥା ସଂସଦୀୟ ବ୍ୟାପାର ସଚିବ ଭାବେ ବଦଳି କରାଯାଇଥିବା ବେଳେ ତାଙ୍କୁଓଏସ୍ଆରଟିସିର ଅଧ୍ୟକ୍ଷ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି ।

ଗ୍ରୀଡକୋ ଓ ଓପିଟିସିଏଲ୍ ସିଏମଡି ହେମନ୍ତ ଶର୍ମାଙ୍କୁ ନିଯୁକ୍ତି ମିଶନ ଓ ବୈଷୟିକ ଶିକ୍ଷାର ନିର୍ଦ୍ଦେଶକ, ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ
ସଚିବ ଆଇ.ଶ୍ରୀନିବାସନଙ୍କୁ କ୍ରୀଡା ଓ ଯୁବ ସେବା ବ୍ୟାପାର ବିଭାଗର ଅତିରିକ୍ତ ଦାୟିତ୍ୱ, ଖଣି ନିଗମର ସିଏମ୍ଡି ଶାସ୍ୱତ ମିଶ୍ରଙ୍କୁ ଓମ୍ଫେଡ
ନିର୍ଦ୍ଦେଶକ ଏବଂ ପଂଚାୟତିରାଜ ବିଭାଗ ସ୍ୱତନ୍ତ୍ର ପ୍ରକଳ୍ପ ନିର୍ଦ୍ଦେଶକ ଚିତ୍ରା ଅରୁଗମ୍ଙ୍କୁ ତୃପ୍ତି ଓ ଏନ୍ଆରଏଲ୍ଏମ୍ ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି ।

ସେହିପରି ଶନିବାର ପ୍ରକାଶିତ ଆଇଏଏସ୍ ଓ ବରିଷ୍ଠ ଓଏଏସ୍ ଅଧିକାରୀଙ୍କ ବଦଳି ତାଲିକାରେ କେତେକ ପରିବର୍ତନ କରାଯାଇ ମାଲକାନଗିରି ଜିଲ୍ଲାପାଳ ଭାବେ ବଦଳି ହୋଇଥିବା ବିଷ୍ଣୁ ପ୍ରସାଦ ସାହୁଙ୍କୁ ପୂର୍ବଭଳି ଗୃହବିଭାଗ ଅତିରିକ୍ତ ସଚିବ, ସୋନପୁର ଜିଲ୍ଲାପାଳ ଗଗନବିହାରୀ ସ୍ୱାଇଁଙ୍କୁ ହସ୍ତତନ୍ତ ଓ ବୟନଶିଳ୍ପ ବିଭାଗର ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି ।

ହସ୍ତତନ୍ତ ଓ ବୟନ ଶିଳ୍ପ ନିଦେ୍ର୍ଧଶକ ବିକାଶ ମହାପାତ୍ରଙ୍କୁ ଯୋଜନା ଓ ସମନ୍ୱୟ ବିଭାଗର ଅତିରିକ୍ତ ଶାସନ ସଚିବ, ଏମ୍ ମୁଥୁକୁମାରଙ୍କୁ ମାଲକାନଗିରି ଜିଲ୍ଲାପାଳ ଭାବେ ଅବସ୍ଥାପିତ କରାଯାଇଥିବା ବେଳେ ଜି.ପୁନମ ତାପସ କୁମାରଙ୍କୁ ନୂଆପଡ଼ା ଜିଲ୍ଲାପାଳ ଭାବେ ବଦଳି କରାଯାଇଛିି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୪(ଓଡ଼ିଶା ଡ଼ଟ୍ କମ୍) ଲୋକସେବା ଆୟୋଗ ଦ୍ୱାରାପରିଚାଳିତ ୨୦୧୧ ସିଭିଲ ସର୍ଭିସ ପରୀକ୍ଷାରେ କଳାହାଣ୍ଡି ଜିଲ୍ଳା କେସିଙ୍ଗାର ଅନୁପମ ଶାହା ୩୫ ନମ୍ବର ସ୍ଥାନ ହାସଲ କରି ଓଡ଼ିଶା ଟପ୍ପର ହୋଇଛନ୍ତି ।

କେସିଙ୍ଗା ସହରର ୨୬ ବର୍ଷ ବୟସ୍କ ଅନୁପମ ପିଲାବେଳୁ ମେଧାବୀଛାତ୍ର ଥିଲେ । ସେ କେସିଙ୍ଗା ବିଦ୍ୟାପୀଠ ସ୍କୁଲରୁ ମ୍ୟାଟ୍ରିକ ପରୀକ୍ଷାରେ ୯୦ ପ୍ରତିଶତ ମାର୍କ ରଖି ପାସ୍ କରିଥିଲେ ।

ପରେ ଭୁବନେଶ୍ୱର ସ୍ଥିତ ବିଜେବି କଲେଜରୁ ବିଜ୍ଞାନରେ ୯୧ ପ୍ରତିଶତ ମାର୍କ ରଖି ପାସ କରିବା ପରେ ୨୦୦୭ରେ ରାଉରକେଲା ଏନ୍ଆଇଟିରୁ ବିଟେକ୍ ରେ କୃତକାର୍ଯ୍ୟ ହୋଇଥିଲେ ।

ଅନୁପମ ତୃତୀୟ ଥର ଆଇଏଏସ୍ ପାଇଁ ଚେଷ୍ଟା କରି ଏହି ସଫଳତା ପାଇଛନ୍ତି । ଏହା ପୂର୍ବରୁ ସେ ଟିସିଏଲ୍ ରେ କାର୍ଯ୍ୟ କରିଥିଲେ । ଅନୁପମଙ୍କ ବାପା ହେମସାଗର ଶାହା ଜଣେ ଡାକ୍ତର ଓ ମାତା ଯାଜ୍ଞସେନୀ ଜଣେ ଶିକ୍ଷୟିତ୍ରୀ ।

ପରିଶ୍ରମ ବଳରେ ସବୁ କିଛି ହାସଲ କରିହେବ ବୋଲି ସେ କହିବା ସହ ଏହି ସଫଳତା ପାଇଁ ପିତାଙ୍କୁ ଶ୍ରେୟ ଦେଇଛନ୍ତି । ଏହି ସଫଳତାରେ ତାଙ୍କ ଅଞ୍ଚଳରେ ଖୁସିର ଲହରୀ ଖେଳିଯାଇଛି ।

ସେହିପରି ଭୁବନେଶ୍ୱରର ଲକ୍ଷ୍ମୀନାରାୟଣ ମିଶ୍ର ସର୍ବଭାରତୀୟ ସ୍ତରରେ ୫୬ ସ୍ଥାନ ଅଧିକାର କରିଛନ୍ତି । ୟୁନିଟ ୧ ହାଇସ୍କୁଲରୁ ମ୍ୟାଟ୍ରିକ୍ ପାସ୍ କରିବା ପରେ ସେ ବିଜେବି କଲେଜରେ ଅଧ୍ୟୟନ କରିଥିଲେ ।

ସେ ପ୍ରଥମେ ଭାରତୀୟ ବନସେବା(ଆଇଏଫ୍ଏସ୍) ପରୀକ୍ଷାରେ ସଫଳତା ହାସଲ କରିଥିଲେ ମଧ୍ୟ ପରେ ଭାରତୀୟ ରାଜସ୍ୱ ସେବା(ଆଇଆର୍ଏସ୍) ଅଧିକାରୀ ଭାବେ କାର୍ଯ୍ୟ କରିଥିଲେ । ବର୍ତମାନ ସେ ନାଗପୁରରେ ଆୟକର ବିଭାଗରେ ଟ୍ରେନିଂ ଅଫିସରରେ କାର୍ଯ୍ୟ କରୁଛନ୍ତି ।

ଶହେ ଜଣଙ୍କ ମଧ୍ୟରେ ସ୍ଥାନ ପାଇବାକୁ ଆଶା ରଖିଥିଲେ ଏବଂ ୬୫ ର୍ୟାଙ୍କରେ ରହିଥିବାରୁ ବହୁତ ଖୁସି ବୋଲି ସେ କହିଛନ୍ତି । ଓଡ଼ିଶା କ୍ୟାଡରରେ ରହି ଗରିବ ଲୋକଙ୍କ ସେବା କରିବି ବୋଲି ମିଶ୍ର କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନୂଆଦିଲ୍ଲୀ, ମଇ ୪(ଓଡ଼ିଶା ଡ଼ଟ୍ କମ୍) କେନ୍ଦ୍ରୀୟ ଲୋକସେବା ଆୟୋଗ ଦ୍ୱାରାପରିଚାଳିତ ୨୦୧୧ ବର୍ଷର ସିଭିଲ୍ ସର୍ଭିସେସ୍ ପରୀକ୍ଷା ଫଳ ଶୁକ୍ରବାର ପ୍ରକାଶ ପାଇଥିବା ବେଳେ ଏଥିରେ ଓଡ଼ିଶାର ୧୨ ଜଣ କୃତକାର୍ଯ୍ୟ ହୋଇଛନ୍ତି ।

ଏମାନଙ୍କ ମଧ୍ୟରେ ୩୫ ନମ୍ବରରେ ଅନୁପମ ଶାହା, ୪୭ ନମ୍ବରରେ ବେପ୍ରିୟ ବର୍ଦ୍ଧନ, ୫୬ ନମ୍ବରରେ ଲକ୍ଷ୍ମୀନାରାୟଣ ମିଶ୍ର, ୧୧୭ ନମ୍ବରରେ ସୌମ୍ୟା ମିଶ୍ର, ୧୪୪ ନମ୍ବରରେ ସନ୍ତୋଷ କୁମାର ମିଶ୍ର, ୨୪୬ ନମ୍ବରରେ ସୁଧାଂଶୁ ଶେଖର ମିଶ୍ର ।

୨୯୦ ନମ୍ବରରେ ସୁଦୀପ୍ତା ଦାସ, ୩୦୦ ନମ୍ବରରେ ସୌମେନ୍ଦୁ କୁମାର ଦାସ, ୪୯୪ ନମ୍ବରରେ ସଚିନ୍ କୁମାର ମିଶ୍ର, ସମ୍ବିତ ସୌରଭ ନାୟକ, ପ୍ରିୟଙ୍କା ଦାସ ଓ ସୁରେଶ କୁମାର ବେହେରା ।

କୃତକାର୍ଯ୍ୟ ପ୍ରାର୍ଥୀମାନଙ୍କୁ ଆଇଏଏସ୍, ଆଇଏଫ୍ଏସ୍ ଓ ଆଇପିଏସ୍ ତଥା କେନ୍ଦ୍ରୀୟ ସେବା,ଗ୍ରୁପ୍-ଏ, ଗ୍ରୁପ୍-ବି ନିଯୁକ୍ତି ପାଇଁ ତାଲିକାଭୁକ୍ତ କରାଯାଇଛି ।

ମୋଟ ୯୧୦ଜଣ କୃତକାର୍ଯ୍ୟ ହୋଇଥିବା ବେଳେ ସେମାନଙ୍କ ମଧ୍ୟରେ ୪୨୦ ଜଣ ସାଧାରଣ ବର୍ଗର ୫୫ଜଣ ଓବିସି. ୧୫୭ ଜଣ ଏସସି ଓ ୭୮ ଜଣ ଏସ୍ଟି ପରୀକ୍ଷାର୍ଥୀ ଅଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ବୁଧବାର ଆଇଏଏସ୍ ଅଫିସର ସ୍ତରରେ ଅଦଳବଦଳ କରିଥିବା ବେଳେ ପଞ୍ଚାୟତିରାଜ ବିଭାଗ ସ୍ୱତନ୍ତ୍ର ପ୍ରକଳ୍ପ ନିର୍ଦ୍ଦେଶକ ଅରବିନ୍ଦ ପାଢୀଙ୍କୁ କେନ୍ଦ୍ରାଞ୍ଚଳ ଆର୍ଡ଼ିସି ଭାବେ ଅବସ୍ଥାପିତ କରିଛନ୍ତି ।

ଏହାସହ ପାଢୀଙ୍କୁ ଅବକାରୀ କମିଶନର ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି । ଖଣି ଓ ଇସ୍ପାତ ସଚିବ ମନୋଜ ଆହୁଜାଙ୍କୁ ବାଣିଜ୍ୟକର କମିଶନର ଭାବେ ବଦଳି କରାଯାଇଥିବା ବେଳେ ତାଙ୍କ ସ୍ଥାନରେ ଡ଼ି.କେ.ସିଂହଙ୍କୁ ଅବସ୍ଥାପିତ କରାଯାଇଛି ।

ସେହିପରି ଶାଶ୍ୱତ ମିଶ୍ରଙ୍କୁ ଓଡ଼ିଶା ଖଣି ନିଗମର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ସହ କ୍ରୀଡ଼ା ବିଭାଗର ସଚିବ ଭାବେ ଏବଂ ପି.କେ.ଜେନା ଙ୍କୁ ସୂଚନା ଓ ଲୋକ ସଂପର୍କ ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି ।

ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ସଚିବ ମଧୂସୂନ ପାଢୀଙ୍କୁ ସୂଚନା ଓ ପ୍ରଯୁକ୍ତି ବିଭାଗର ସଚିବ ଭାବେ ଅତିରିକ୍ତ ଦାୟିତ୍ୱ ଦିଆଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଜାନୁୟାରୀ ୧୩(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଗୁରୁବାର ଆଇଏଏସ୍ ଅଧିକାରୀ ସ୍ତରରେ ଏକ ଛୋଟ ଧରଣର ଅଦଳବଦଳ କରିଛନ୍ତି ।

ସାଧାରଣ ପ୍ରଶାସନ ବିଭାଗ ପକ୍ଷରୁ ପ୍ରକାଶିତ ବିଜ୍ଞପ୍ତି ଅନୁସାରେ ଚନ୍ଦ୍ରଶେଖର କୁମାରଙ୍କୁ ଉଚ୍ଚଶିକ୍ଷା ସଚିବ ଭାବେ ଅବସ୍ଥାପିତ କରାଯାଇଥିବା ବେଳେ ଡ଼ି.ଏନ୍.ଗୁପ୍ତାଙ୍କୁ ବିଜ୍ଞାନ କାରିଗରୀ ବିଭାଗ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିପରି ବିଜୟ ଆରୋରାଙ୍କୁ ପେନ୍ସନ୍ ଅଭିଯୋଗ, ଅମ୍ବିକା ମିଶ୍ରଙ୍କୁ ଉତ୍ତରାଞ୍ଚଳ ରାଜସ୍ୱ କମିଶନର ଓ ପ୍ରଦୀପ ଜେନାଙ୍କୁ ସୂଚନା ପ୍ରଯୁକ୍ତି ବିଭାଗର ଅତିରିକ୍ତ ଦାୟିତ୍ୱ ଦିଆଯାଇଛି ।

ଓଡ଼ିଶା ଡ଼ଟ୍ କମ୍