ଆଇଏଏସ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ଵର, ୩୦ ଜୁନ (ଓଡିଶା ଡଟ୍ କମ୍): ଓଡ଼ିଶା କ୍ୟାଡରର ଚାରିଜଣ ବରିଷ୍ଠ ଆଇଏଏସଙ୍କୁ କେନ୍ଦ୍ରରେ ଅବସ୍ଥାପିତ କରାଯାଇଛି । ଏମାନେ ହେଲେ ୧୯୯୬ ବ୍ୟାଚ୍ ଆଇଏଏସ୍ ଅଧିକାରୀ ଅରବିନ୍ଦ ପାଢ଼ୀ ଓ ତାଙ୍କ ପତ୍ନୀ ଉଷା ପାଢ଼ୀ,୧୯୮୮ ବ୍ୟାଚ୍ ର ପରାଗ ଗୁପ୍ତା ଓ ୨୦୦୩ ବ୍ୟାଚ୍ ର ଏସ୍ ଏସ. ଶାଶ୍ୱତୀ ।

ଓଡ଼ିଶା କ୍ୟାଡରରେ ପର୍ଯ୍ୟଟନ ଓ ସଂସ୍କୃତି ବିଭାଗର ସଚିବ ଭାବେ କାର୍ଯ୍ୟ କରୁଥିବା ଅରବିନ୍ଦ ପାଢ଼ୀଙ୍କୁ କେନ୍ଦ୍ରରେ ସାର ଓ ରସାୟନ ବିଭାଗର ଯୁଗ୍ମ ସଚିବ ଭାବେ ନିଯୁକ୍ତି ପ୍ରଦାନ କରାଯାଇଥିବା ବେଳେ ସ୍କୁଲ ଓ ଗଣଶିକ୍ଷା ସଚିବ ଭାବେ କାର୍ଯ୍ୟରତ ତାଙ୍କ ପତ୍ନୀ ଉଷା ପାଢ଼ୀଙ୍କୁ ବେସାମରିକ ବିମାନ ଚଳାଚଳ ବିଭାଗର ଯୁଗ୍ମ ସଚିବ ଭାବେ ଅବସ୍ଥାପିତ କରାଯାଇଛି ।

ସେହିଭଳି ରାଜ୍ୟପାଳଙ୍କ ପ୍ରମୁଖ ସଚିବ ଭାବେ କାର୍ଯ୍ୟ କରୁଥିବା ପରାଗ ଗୁପ୍ତା କେନ୍ଦ୍ରରେ ଖାଦ୍ୟ ପ୍ରକ୍ରିୟାକରଣ ଯୁଗ୍ମ ସଚିବ ଭାବେ ଅବସ୍ଥାପିତ କରାଯାଇଛି । ସେହିପରି ସମାଜ ମଙ୍ଗଳ ବିଭାଗର ନିର୍ଦେଶକ ଏସ. ଶାଶ୍ୱତୀଙ୍କୁ ମସୁରୀ ସ୍ଥିତ ଭାରତୀୟ ପ୍ରଶାସନିକ ସେବା ପ୍ରଶିକ୍ଷଣ ଏବଂ ତାଲିମ କେନ୍ଦ୍ରର ଯୁଗ୍ମ ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି ।

ଓଡିଶା ଡଟ୍ କମ୍

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର, ମଇ ୨ (ଓଡିଶା ଡଟ କମ) ବରିଷ୍ଠ ଆଇଏଏସ ସ୍ତରରେ ଏକ ବଡ ଧରଣର ଅଦଳବଦଳକୁ ଦୁଇ ସପ୍ତାହ ହୋଇନାହିଁ, ରାଜ୍ୟ ସରକାର ଶନିବାର ପ୍ରଶାସନିକ ସ୍ତରରେ ପୁଣି ଏକ ଅଦଳବଦଳ କରି ବିଷ୍ଣୁ ପ୍ରସାଦ ସାହୁଙ୍କୁ ବୈଷୟିକ ଶିକ୍ଷା ଓ ତାଲିମ ବିଭାଗର ନିର୍ଦ୍ଦେଶକ ଭାବେ ନିଯୁକ୍ତି ଦେଇଥିବା ବେଳେ ଅନିଲ କୁମାର ସାମଲଙ୍କୁ ପର୍ଯ୍ୟଟନ ବିଭାଗର ନିର୍ଦ୍ଦେଶକ ଭାବେ ଉପସ୍ଥାପିତ କରିଛନ୍ତି ।

ସାମଲ ଓଡିଶା ପର୍ଯ୍ୟଟନ ନିଗମର ପରିଚାଳନା ନିର୍ଦ୍ଦେଶକ ଭାବେ ମଧ୍ୟ କାର୍ଯ୍ୟ କରିବେ । ଠିକ ସେହିପରି ମନୋରଞ୍ଜନ ପଟ୍ଟନାୟକଙ୍କୁ ଜେଲ ବିଭାଗର ଅତିରିକ୍ତ ଆଇଜି ଭାବେ ନିଯୁକ୍ତି ମିଳିଥିବା ବେଳେ, ବିଷ୍ଣୁ ପ୍ରସାଦ ପୃଷ୍ଟିଙ୍କୁ ମାର୍କଫେଡ ର ପରିଚାଳନା ନିର୍ଦେଶକ କରାଯାଇଛି ।

ଏହା ବ୍ୟତୀତ ସରକାର ପାଞ୍ଚ ଜଣ ଭାରତୀୟ ପ୍ରଶାସନିକ ସେବା ଅଧିକାରୀଙ୍କୁ କେନ୍ଦ୍ରକୁ ଡେପୁଟେସନରେ ଯିବା ପାଇଁ ଅନୁମତି ଦେଇଛନ୍ତି। ସେହି ଅଧିକାରୀ ମାନେ ହେଲେ ଅରବିନ୍ଦ ପାଢୀ ଓ ଉଷା ପାଢୀ, ଏସ ଅସ୍ଵାଥି, ପରାଗ ଗୁପ୍ତା ଓ ନିକୁଞ୍ଜ ସୁନ୍ଦର ରାୟ ।

ଓଡିଶା ଡଟ କମ

ଭୁବନେଶ୍ଵର, ଏପ୍ରିଲ ୨୦  (ଓଡିଶା ଡଟ କମ) ନଅ ଜଣ ଜିଲ୍ଲାପାଳଙ୍କ ବଦଳି କରିବାର ଏକ ସପ୍ତାହ ମଧ୍ୟ ହୋଇନାହିଁ , ରାଜ୍ୟ ସରକାର ସୋମବାର ବରିଷ୍ଠ ଆଇଏଏସ ସ୍ତରରେ ଅଦଳବଦଳ କରି କେନ୍ଦ୍ରୀୟ ଡେପୁଟେସନରୁ ଫେରିଆସିଥିବା ୧୯୮୬ ବ୍ୟାଚର ଅଫିସର ଅସିତ ତ୍ରିପାଠୀଙ୍କୁ ଗୃହ ବିଭାଗର ପ୍ରମୁଖ ସଚିବ ଭାବେ ନିଯୁକ୍ତି ଦେଇଛନ୍ତି ।

ସରକାରୀ ସୂତ୍ରରୁ ପ୍ରାପ୍ତ ଖବର ଅନୁସାରେ ତ୍ରିପାଠୀଙ୍କୁ ଶ୍ରମ ଓ ନିଯୁକ୍ତି ତଥା ବୈଷୟିକ ଶିକ୍ଷା ବିଭାଗର ପ୍ରମୁଖ ସଚିବ ଭାବେ ମଧ୍ୟ ଅତିରିକ୍ତ ଦାୟିତ୍ଵ ଦିଆଯାଇଛି ।

ଅତିରିକ୍ତ ମୁଖ୍ୟ ଶାସନ ସଚିବ ପାହ୍ୟାର ଅଫିସର ତାରାଦତ୍ତଙ୍କୁ କେବିକେ ମୁଖ୍ୟ ପ୍ରଶାସକ ନିଯୁକ୍ତି ଦିଆଯାଇଥିବା ବେଳେ ତାଙ୍କୁ ଗୋପବନ୍ଧୁ ଏକାଡେମୀର ମୁଖ୍ୟ ପ୍ରଶାସକ ଭାବେ ଅତିରିକ୍ତ ଦାୟିତ୍ଵ ଦିଆଯାଇଛି ।

ଠିକ ସେହିପରି ୧୯୮୬ ବ୍ୟାଚର ଅଫିସର ଜିଭିଭି ଶର୍ମା ସାଧାରଣ ପ୍ରଶାସନ ବିଭାଗର ନୂଆ ପ୍ରମୁଖ ସଚିବ ନିଯୁକ୍ତି ପାଇଛନ୍ତି । ସେ ସ୍ଵତନ୍ତ୍ର ରିଲିଫ କମିସନର ଭାବେ ମଧ୍ୟ ଅତିରିକ୍ତ ଦାୟିତ୍ଵ ତୁଲାଇବେ ।

ସିଜେ ବେଣୁଗୋପାଳ ବିଜ୍ଞାନ ଓ ବୈଷୟିକ ବିଭାଗର ପ୍ରମୁଖ ଶାସନ ସଚିବ ନିଯୁକ୍ତିପାଇଥିବା ବେଳେ ମୋନା ଶର୍ମା ରାଜସ୍ୱ ଓ ବିପର୍ଯୟ ପ୍ରଶମନ ବିଭାଗର ନୂଆ ପ୍ରମୁଖ ଶାସନ ସଚିବ ହେବେ । ମୋନା ଓଏସଡିଏମଏ ର ପରିଚାଳନା ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ଵ ତୁଲାଇବେ ।

ଡି ଏନ ଗୁପ୍ତା ମୁଖ୍ୟ ନିର୍ବାଚନ ଅଧିକାରୀ ଭାବେ ନିଯୁକ୍ତିପାଇଥିବା ବେଳେ ଜଳସଂପଦ ବିଭାଗର ପ୍ରମୁଖ ସଚିବପ୍ରଦୀପ ଜେନାଙ୍କୁ ସୂଚନା ଓ ପ୍ରଯୁକ୍ତି ବିଦ୍ୟା ବିଭାଗର ଅତିରିକ୍ତ ଦାୟିତ୍ଵ ତୁଲାଇବେ ।

ମନୋଜ ଆହୁଜା ସମବାୟ ବିଭାଗର ପ୍ରମୁଖ ସଚିବ ନିଯୁକ୍ତି ପାଇଥିବା ବେଳେ ସେ ପ୍ରଶାସନିକ ସଂସ୍କାର ମଧ୍ୟ ଅତିରିକ୍ତ ଦାୟିତ୍ଵ ତୁଲାଇବେ। ଚନ୍ଦ୍ର ଶେଖର କୁମାର ପରିବହନ କମିଶନର, ସଞ୍ଜୟ କୁମାର ସିଂ ରାଜସ୍ୱ କମିଶନର (ଦକ୍ଷିଣାଞ୍ଚଳ) ଓ ନୀତିନଚନ୍ଦ୍ରା ବାଣିଜ୍ୟକର କମିଶନର ଭାବେ
ନିଯୁକ୍ତି ପାଇଛନ୍ତି ।

ଓଡିଶା ଡଟ କମ