ଆଇନଜୀବୀ

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ସେପ୍ଟେମ୍ବର ୧୭(ଓଡ଼ିଶା ଡ଼ଟ୍ କମ୍)- ଗତ ୧୬ ଓ ୧୭ଦୁଇଦିନ ଧରି ଅଧିବକ୍ତା ପରିଷଦର ଜାତୀୟ କାର୍ଯ୍ୟକାରିଣି ସ୍ଥାନିୟ ୟୁବିଏସ୍ଏସ୍ ସଭାଗୃହରେ ଅନୁଷ୍ଠିତ ହୋଇଯାଇଛି । ଏଥିରେ ୨୨ଟି ରାଜ୍ୟରୁ ପ୍ରତିନିଧିମାନେ ଅଂଶ୍ରଗହଣକରିଥିଲେ ବୋଲି ପରିଷଦର ଭୁବନେଶ୍ୱର ସଂପାଦକ ଆଇନଜୀବି ଶ୍ରୀମନ୍ତ କୁମାର ସାମନ୍ତରାୟ ପ୍ରକାଶ କରିଛନ୍ତି ।

ପରିଷଦର ରାଷ୍ଟ୍ରୀୟ ସଭାପତି ଅବସରପ୍ରାପ୍ତ ବିଚାରପତି ଜଷ୍ଟିସ ପର୍ବତ ରାଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଶତାଧିକ ଆଇନଜୀବୀ ଅଂଶଗ୍ରହଣ କରିଥିଲେ ।

ଏଥିରେ ସଂଗଠନର ବ୍ୟବସ୍ଥା, ଆଗାମୀ ଯୋଜନା ଏବଂ ରାଷ୍ଟ୍ରର ସାଂପ୍ରତିକ ପରିସ୍ଥିତିରେ ଅଧିବକ୍ତା ପରିଷଦର ଭୂମିକା ଏବଂ କାର୍ଯ୍ୟ ସଂପାଦକରେ ଗଠନ ମୂଳକ ଆଲୋଚନା କରାଯାଇଥିଲା ।

ପରିଷଦର ରାଷ୍ଟ୍ରୀୟ ଅଧିବେଶନ ଆଗାମୀ ୨୦୧୨ ଡିସେମ୍ବର ମାସ ୨୬,୨୭ ଓ ୨୮ ତାରିଖରେ ଓଡିଶାର ଭୁବନେଶ୍ୱର ଠାରେ ଅନୁଷ୍ଠିତ ହେବ ବୋଲି ଘୋଷଣା କରାଯାଇଥିଲା । ଏଥିରେ ସମଗ୍ର ଭାରତ ବର୍ଷରୁ ଏକ ହଜାର ପାଞ୍ଚ ଶହ ଆଇନଜୀବୀ ଯୋଗଦେବେ ବୋଲି ଏଠାରେ ସ୍ଥିର କରାଯାଇଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ସମ୍ବଲପୁର, ମଇ ୮(ଓଡ଼ିଶା ଡ଼ଟ୍ କମ୍) ପଶ୍ଚିମ ଓଡ଼ିଶା ଆଇନଜିବୀ କେନ୍ଦ୍ରୀୟ କ୍ରିୟାନୁଷ୍ଠାନ କମିଟି ପକ୍ଷରୁ ମଙ୍ଗଳବାର ଦିଆଯାଇଥିବା ବନ୍ଦ ଡ଼ାକରା ଯୋଗୁଁ ଦଶଟି ଜିଲ୍ଲାରେ ସାଧାରଣ ଜୀବନଯାତ୍ରା ପ୍ରଭାବିତ ହୋଇଛି ।

ସମ୍ବଲପୁର ଜିଲ୍ଲାପାଳ ଓ ଓକିଲ ସଂଘର ବିବାଦ ଘଟଣାର ବିଚାର ବିଭାଗୀୟ ତଦନ୍ତ ତଥା ଜିଲ୍ଲାପାଳଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରି ଏହି ବନ୍ଦ ଡ଼ାକରା ଦିଆଯାଇଛି ।

ବନ୍ଦକୁ ସମର୍ଥନ ଜଣାଇ ଆଜିଦିନକ ପାଇଁ ହାଇକୋର୍ଟ ଓକିଲମାନେ ମଧ୍ୟ କାର୍ଯ୍ୟ ବନ୍ଦ କରିଛନ୍ତି । ସମ୍ବଲପୁର ସହରରେ ସରକାରୀ ଓ ବେସରକାରୀ କାର୍ଯ୍ୟନୁଷ୍ଠାନ, ସ୍କୁଲ କଲେଜ, ବ୍ୟବସାୟିକ ପ୍ରତିଷ୍ଠାନ ଓ ଯାନବାହାନ ଚଳାଚଳ ବନ୍ଦ ରହିଛି ।

ଓକିଲ ସଂଘର କର୍ମକର୍ତାମାନେ ଜିଲ୍ଲାପାଳ ଏବଂ ଆର୍ଡ଼ିସିଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି । ଜିଲ୍ଲାର ବିଭିନ୍ନ ସଂଗଠନ ଏହି ବନ୍ଦ ଡ଼ାକରାକୁ ସମର୍ଥନ ଜଣାଇଛନ୍ତି ।

ସେହିପରି ସୁନ୍ଦରଗଡ଼, ବଲାଙ୍ଗୀର, ଦେବଗଡ଼, କେନ୍ଦୁଝର, ଝାରସୁଗୁଡ଼ା, ବରଗଡ଼ ଜିଲ୍ଲାରେ ଓକିଲମାନେ ବନ୍ଦକୁ ସମର୍ଥନ ଜଣାଇ କାର୍ଯ୍ୟବନ୍ଦ କରିଥିବା ବେଳେ ଜିଲ୍ଲା ଗୁଡ଼ିକରେ ଦୋକାନ ବଜାର, ଯାନବାହାନ ଚଳାଚଳ ବନ୍ଦ ରହିଛି ।

ଗତ ୨୩ ତାରିଖ ଜନସାଧାରଣଙ୍କ ସ୍ୱାର୍ଥକୁ ଦୃଷ୍ଟିରେ ରଖି ୱେସ୍କୋର ବିଦ୍ୟୁତ କାଟ୍ ପ୍ରତିବାଦରେ ଶାନ୍ତିପୂର୍ଣ୍ଣ ପ୍ରତିବାଦ କରିବାକୁ ଓକିଲମାନେ ଏକ ବସରେ ବୁର୍ଲା ଯିବାକୁ ବାହାରୁ ଥିବା ବେଳେ ଜିଲ୍ଲାପାଳ ସେଠାରେ ପହଞ୍ଚି ଓକିଲଙ୍କୁ ଆକ୍ଷେପ କରି ବିଭିନ୍ନ ପ୍ରକାର ଅଶାଳୀନ ଭାଷା ପ୍ରୟୋଗ କରି ଗାଳିଗୁଲଜ କରିଥିବା ଓକିଲ ସଂଘ ପକ୍ଷରୁ ଅଭିଯୋଗ କରାଯାଇଥିଲା ।

ଏହି ଘଟଣାକୁ ନେଇ ଉଭୟ ପକ୍ଷରୁ ଏତାଲା ଦିଆଯାଇଥିବା ବେଳେ ଜିଲ୍ଲାପାଳ ଓ ଉପନିବନ୍ଧକଙ୍କ ଏତଲା ଭିତ୍ତିରେ ୧୮ ଜଣ ଓକିଲଙ୍କୁ ଗିରଫ କରାଯାଇଥିଲା । ତେବେ ସରକାର ଏହି ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଛନ୍ତି ।

ତେବେ ଓକିଲଙ୍କ ପକ୍ଷରୁ ଦିଆଯାଇଥିବା ଏତଲା ଭିତ୍ତିରେ ଜିଲ୍ଲାପାଳଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିବାରୁ ଏହା ବିରୋଧରେ ପଶ୍ଚିମ ଓଡ଼ିଶାର ବିଭିନ୍ନ ଓକିଲ ସଂଘ ୧ ତାରିଖରୁ ୭ ତାରିଖ ପର୍ଯ୍ୟନ୍ତ ନିଜ ନିଜ ଅଞ୍ଚଳରେ ଆନ୍ଦୋଳନ କରିଥିଲେ ।

ଓଡ଼ିଶା ଡ଼ଟ୍ କମ୍

 

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

ଯାଜପୁର, ଜାନୁୟାରୀ ୧୪(ଓଡ଼ିଶା ଡ଼ଟ୍ କମ୍) ଯାଜପୁର ଜିଲ୍ଲାର ଏକ ହାଇସ୍କୁଲରେ ଜଣେ ଶିକ୍ଷକ ଦୈନିକ ୨୫ ଟଙ୍କା ଦରମାରେ ଦୀର୍ଘ ୩୦ ବର୍ଷ ହେଲା ଛାତ୍ରଛାତ୍ରୀଙ୍କୁ ସଙ୍ଗୀତ ଶିଖାଇ ଆସୁଛନ୍ତି ।

ରସୁଲପୁର ବ୍ଲକ ଅନ୍ତର୍ଗତ ମୁଗପାଳ ସ୍ଥିତ ସରକାରୀ ଅନୁଦାନ ପ୍ରାପ୍ତ ହାଇସ୍କୁଲର ଶିକ୍ଷକ ପ୍ରମୋଦ କୁମାର ଦ।ସ ୫୪, ଆସନ୍ତା ୨୦୧୨ରେ ଅବସର ଗ୍ରହଣ କରିବାକୁ ଥିବା ବେଳେ ବର୍ତ୍ତମାନ ପର୍ଯ୍ୟନ୍ତ ନିୟମିତ ଦରମା ପାଇ ନାହାନ୍ତି ।

୩୦ ବର୍ଷ ଧରି ମାସକୁ ୭୫୦ ଟଙ୍କା ଦରମା ପାଇ ଗ୍ରାମାଞ୍ଚଳର ଜଣେ ଶିକ୍ଷକ ନିଜ ପରିବାର ଚଳାଇବା ଅସମ୍ଭବ ବୋଲି ପ୍ରମୋଦ କହିଛନ୍ତି ।

“ସ୍କୁଲ ପରିଚାଳନା କମିଟି ସଦସ୍ୟ ମାନେ ୧୯୮୦ରେ ସଙ୍ଗୀତ ଶିକ୍ଷକ ଭାବେ ମୋତେ ସ୍କୁଲରେ ନିଯୁକ୍ତି ଦେଇଥିଲେ ଓ
ତିନି ବର୍ଷ ମଧ୍ୟରେ କର୍ତ୍ତୃପକ୍ଷଙ୍କ ଦ୍ଵାରା ଏହି ପଦବୀ ମଞ୍ଜୁରୀ ପାଇବ ବୋଲି କହିଥିଲେ” ସେ କହିଛନ୍ତି ।

“ତେବେ କର୍ତ୍ତୃପକ୍ଷ ବର୍ତ୍ତମାନ ପର୍ଯ୍ୟନ୍ତ ଏହି ପଦବୀ ମଞ୍ଜୁର କରିନଥିବାରୁ ନ୍ୟାୟ ପାଇଁ ବିଭିନ୍ନ ସ୍ଥାନକୁ ଦୌଡ଼ୁଛି । ପୂର୍ବରୁ ମାସକୁ ୫୦୦ ଟଙ୍କା ଦରମା ପାଉଥିଲି ଓ ୨୦୦୦ ମସିହାରୁ ମାସକୁ ୭୫୦ ଟଙ୍କା ଦରମା ପାଉଛି” ସେ କହିଛନ୍ତି ।

ବିଭାଗୀୟ କର୍ତ୍ତୃପକ୍ଷ ଶିକ୍ଷକ ମାନଙ୍କ ପ୍ରତି ବୈମାତୃକ ମନୋଭାବ ପୋଷଣ କରୁଥିବା ବେଳେ ଛାତ୍ରଛାତ୍ରୀଙ୍କୁ ସଙ୍ଗୀତ ଶିକ୍ଷା ବୋ ପାଇଁ ମୁଁ କଠିନ ପରିଶ୍ରମ କରିଆସିଛି ।

ଦରମା ପାଇବା ପାଇଁ ପ୍ରମୋଦ ଅଦାଲତର ଦ୍ଵାରସ୍ଥ ହୋଇ ଆଇନ ସହ ଲଢେଇ କରୁଛନ୍ତି । ବର୍ତ୍ତମାନ ପୂରା ଦରମା
ପାଇବା ତାଙ୍କ ପକ୍ଷେ କଷ୍ଟକର ବ୍ୟାପାର ବୋଲି ଜିଲ୍ଲା ଶିକ୍ଷକ ସଂଘର ସଭାପତି ରବି ସତପଥୀ କହିଛନ୍ତି ।

ଅର୍ଥ ଅଭାବରୁ ଚାରି ଜଣ ପୁଅଝିଅଙ୍କୁ ପାଠପଢାଇ ପାରିଲି ନାହିଁ । ତେଣୁ ଦୁଇ ବର୍ଷ ତଳେ ଝିଅର ବାହାଘର ପାଇଁ ଦୁଇ ଏକର ଜମି ବିକ୍ରି କରିଥିଲି, ପ୍ରମୋଦ କହିଛନ୍ତି |

କଟକ କନ୍ଧର୍ବ କଲେଜରୁ ସଙ୍ଗୀତରେ ସ୍ନାତକ ପାସ୍ କରିବା ପରେ ମୁଁ ଓଡ଼ିଶୀ ସଙ୍ଗୀତରେ ମଧ୍ୟ ସ୍ନାତକ ଡ଼ିଗ୍ରୀ ହାସଲ କରିଥିଲି । ୧୯୯୭ରେ ଏନ୍ସିଇଆର୍ଟି ସଙ୍ଗୀତ ଶିକ୍ଷକ ତାଲିମ ପାଇଁ ଆସାମ ଓ ବିହାର ପଠାଇଥିଲେ , ସେ କହିଛନ୍ତି ।

ସଙ୍ଗୀତ ଶିକ୍ଷାରେ ୧୪ ବର୍ଷର ଅଭିଜ୍ଞତା ଥିବା ତଥା ହାଇସ୍କୁଲରେ କାର୍ଯ୍ୟ କରୁଥିବାରୁ ଶିକ୍ଷା କୋଡ଼ ଅନୁସାରେ ଅନ୍ୟ ଶିକ୍ଷକଙ୍କ ଭଳି ଦରମା ପାଇବାକୁ ସେ ଯୋଗ୍ୟ, କେନ୍ଦ୍ରାପଡ଼ାର ଆଇନଜୀବୀ ଉମେଶ ସିଂହ କହିଛନ୍ତି ।

ଓଡିଶା ଡଟ୍ କମ୍