ଆଇପିଏସ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର,ଅଗଷ୍ଟ ୨୩ (ଓଡ଼ିଶା ଡ଼ଟ୍ କମ୍)-ଆଜି ଆଇପିଏସ୍ ଓ ଓପିଏସ୍ ଅଫିସରସ୍ତରରେ ଅଦଳବଦଳ କରାଯାଇ ବାଲେଶ୍ୱର ନୂଆ ଏସ୍.ପି ଭାବେ ଅମ୍ରିତା ଦାସ,ବୌଦ୍ଧର ନୂଆ ଏସ୍.ପି ଭାବେ ଭବାନୀଶଙ୍କର ମିଶ୍ର ଓ ଢେଙ୍କାନାଳର ନୂଆ ଏସି.ପି ଭାବେ ମନୋରଂଜନ ମହାନ୍ତିଙ୍କୁ ନିଯୁକ୍ତି ଦିଆଯାଇଛି ।

ବରିଷ୍ଠ ଆଇପିଏସ୍ ଅଫିସର ଜୟଦୀପ ନାୟକଙ୍କୁ ଅନୁସୂଚିତ ଜାତି ଓ ଜନଜାତି ସୁରକ୍ଷା ସେଲର ଆଇଜି ଭାବେ ଅବସ୍ଥାପିତ କରା ଯାଇଥିବା ବେଳେ ଦିପ୍ତେଶ ପଟ୍ଟନାୟକଙ୍କୁ ଡିଆଇଜି କମ୍ପ୍ୟୁଟର ଭାବେ ଅବସ୍ଥାପିତ କରାଯାଇଛି ।

ଦୟାଲ ଗଙ୍ଗୱାରଙ୍କୁ ଏସଏପିର ଡିଆଇଜି ଭାବେ ନିଯୁକ୍ତି ପ୍ରଦାନ କରାଯାଇଥିବା ବେଳେ ରାଜେଶ କୁମାରଙ୍କୁ ଏସ୍.ପି.ସିକ୍ୟୁରିଟି, ଏସ.କେ ବେତତ ସିଂହଙ୍କୁ ଦକ୍ଷିଣ-ପଶ୍ଚିମାଂଚଳ ଡିଆଇଜି, ପ୍ରଫୁଲ ପାତ୍ରଙ୍କୁ ଏସ.ପି ସ୍ପେଶାଲବ୍ରାଞ୍ଚ ଓ ସଂଜୟ କୌଶଳଙ୍କୁ ଏସ୍.ପି ଭିଜିଲାନ୍ସ ଭାବେ ନିଯୁକ୍ତି ମିଳିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୨୧(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଶନିବାର ବରିଷ୍ଠ ଆଇପିଏସ୍ ସ୍ତରରେ ପୁଣି ଏକ ଛୋଟଧରଣର ଅଦଳ ବଦଳ କରିଛନ୍ତି ।

ପ୍ରକାଶିତ ବିଜ୍ଞପ୍ତି ଅନୁସାରେ କ୍ରାଇମବ୍ରାଞ୍ଚ ଆଇଜି ପ୍ରଣବିନ୍ଦୁ ଆଚାର୍ଯ୍ୟଙ୍କୁ ଗୃହରକ୍ଷୀ ଓ ଅଗ୍ନିଶମ ଆଇଜି ଭାବେ ବଦଳି କରାଯାଇଥିବା ବେଳେ ବିଜୁ ପଟ୍ଟନାୟକ ପୋଲିସ ଏକାଡେମୀ ନିର୍ଦ୍ଦେଶକ ୱାଇ.ବି ଖୁରାନିଆଙ୍କୁ କ୍ରାଇମବ୍ରାଞ୍ଚ ଆଇଜି ଭାବେ ନିଯୁକ୍ତ କରାଯାଇଛି ।

ଅତିରିକ୍ତ ପୋଲିସ ମହାନିର୍ଦ୍ଦେଶକ ତ୍ୟାଗରାଜନଙ୍କୁ ବିଜୁ ପଟ୍ଟନାୟକ ପୋଲିସ ଏକାଡେମୀର ନିର୍ଦ୍ଦେଶକ, ଗୃହରକ୍ଷୀ ଓ ଅଗ୍ନିଶମ ସେବା ଆଇଜି ଏମ୍. ଅକ୍ଷୟଙ୍କୁ କ୍ରାଇମ୍ ରେକର୍ଡ ବ୍ୟୁରୋ ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି ।

ସ୍ୱତନ୍ତ୍ର ଆରକ୍ଷୀ ବାହିନୀର ଡ଼ିଆଇଜି ଅସିତ ପାଣିଗ୍ରାହୀଙ୍କୁ ପୋଲିସ ଆଧୁନିକୀକରଣ ଡିଆଇଜି, କମିଶନରେଟ ପୋଲିସ ଏସିପି ରିତୁ ଆରୋରାଙ୍କୁ ବିଜୁ ପଟ୍ଟନାୟକ ପୋଲିସ ଏକାଡେମୀ ଡିଆଇଜି ଭାବେ ବଦଳି କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୧୩(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଶୁକ୍ରବାର ବରିଷ୍ଠ ଆଇପିଏସ୍ ଅଫିସର ସ୍ତରରେ ବ୍ୟାପକ ଅଦଳବଦଳ କରିଥିବା ବେଳେ ଏଥିରେ ୧୪ଟି ଜିଲ୍ଲାର ଏସ୍ପିଙ୍କ ସମେତ ମୋଟ୍ ୩୨ ଜଣଙ୍କ ବଦଳି କରାଯାଇଛି ।

ଅତିରିକ୍ତ ଡ଼ିଜି ପର୍ସନେଲ ଅଭୟଙ୍କୁ ଗୁଇନ୍ଦା ନିର୍ଦ୍ଦେଶକ, ଫରେନ୍ସିକ୍ ଲାବୋରେଟାରୀ ଅତିରିକ୍ତ ଡ଼ିଜି ଏସ୍.ଏସ୍ ହାଁସଦାଙ୍କୁ ଅତିରିକ୍ତ ଡ଼ିଜି ଜେଲ୍, କ୍ରାଇମ ରେକର୍ଡ଼ ବ୍ୟୁରୋ ନିର୍ଦ୍ଦେଶକ ଏମ୍.ଅକ୍ଷୟଙ୍କୁ ଅଗ୍ନିଶମ ସେବା ଓ ହୋମଗାର୍ଡ଼ ଆଇଜି, ଜେଲ୍ ଆଇଜି ପ୍ରାଣବିନ୍ଦୁ ଆଚାର୍ଯ୍ୟଙ୍କୁ ଆଇଜି କ୍ରାଇମ୍ ଭାବେ ଅବସ୍ଥାପିତ କରାଯାଇଛି ।

ଆଇଜି ରେଳବାଇ ଏସ୍.ଏମ୍.ନରବାଣେଙ୍କୁ ଫରେନ୍ସିକ୍ ଲାବୋରେଟାରୀ ଓ କ୍ରାଇମ ରେକର୍ଡ଼ ବ୍ୟୁରୋର ନିର୍ଦ୍ଦେଶକ, ଅଗ୍ନିସେବା ଆଇଜି ମହେନ୍ଦ୍ର ପ୍ରତାପଙ୍କୁ ଆଇଜି ରେଳବାଇ, ଆଇଜି ପର୍ସନେଲ ଜୟଦୀପ ନାୟକଙ୍କୁ ଆଇଜି ସ୍ୱତନ୍ତ୍ର ପୋଲିସ ସଶସ୍ତ୍ର ବାହିନୀ, ଆଇଜି କ୍ରାଇମ ସୁଶାନ୍ତ ନାଥଙ୍କୁ ଆଇଜି ପ୍ରୋଭିଜନିଂ, ଆଇଜି ସମ୍ବଲପୁର ଆର୍ପି.କୋଚେଙ୍କୁ ପୂର୍ବାଞ୍ଚଳ ଆଇଜି ଭାବେ ବଦଳି କରାଯାଇଛି ।

ସେହିପରି ପୋଲିସ ମୁଖ୍ୟାଳୟ ଡ଼ିଆଇଜି ସଂଜୀବ ପଣ୍ଡାଙ୍କୁ ଡ଼ିଆଇଜି ପର୍ସନେଲ, ଅତିରିକ୍ତ ପୋଲିସ କମିଶନର ରୀତୁ ଆରୋରାଙ୍କୁ ଡ଼ିଆଇଜି ଆଧୁନିକୀକରଣ, ଉତ୍ତରାଞ୍ଚଳ ଡ଼ିଆଇଜି ସନ୍ତୋଷ ବାଲାଙ୍କୁ ଅତରିକ୍ତ ପୋଲିସ କମିଶନର, ଡ଼ିଆଇଜି ପର୍ସନେଲ ପିଏସ୍ ରଣପିସେଙ୍କୁ ତାଳଚେର ରେଞ୍ଜ ଡ଼ିଆଇଜି, ବାଲେଶ୍ୱର ଡ଼ିଆଇଜି ସଂଜୟ କୁମାରଙ୍କୁ ସମ୍ବଲପୁର ଡ଼ିଆଇଜି ଭାବେ ନିଯୁକ୍ତ କରାଯାଇଛି ।

କମାଣ୍ଡେଣ୍ଟ ସେକେଣ୍ଡ ଆଇଆର୍ ବାଟାଲିୟନ ୟାଲ ଗଙ୍ଗୱାରଙ୍କୁ ଢେଙ୍କାନାଳ ଓଏସ୍ଏପି ବାଟାଲିୟନ୍ କମାଣ୍ଡେଣ୍ଟ, ପ୍ରତୀକ ମହାନ୍ତି ଏସ୍ପି ବ୍ରହ୍ମପୁର, ମୟୁରଭଞ୍ଜ ଏସ୍ପି ସୂର୍ଯ୍ୟ ଥଙ୍କପାନ୍ ଏସ୍ପି ଭିଜିଲାନ୍ସ, କେନ୍ଦ୍ରାପଡ଼ା ଏସ୍ପି ନରସିଂହ ଭୋଳ ଏସ୍ପି ଏସ୍ପି ଅନୁଗୁଳ, ଢେଙ୍କାନାଳ ଏସ୍ପି ଏସ୍. ଗଜଭିୟେ ଓଏସ୍ଏପି ପଞ୍ଚମ ବାଟାଲିୟନ୍ କମାଣ୍ଡେଣ୍ଟ,
ବରଗଡ଼ ଏସ୍ପି କବିତା ଜାଲାନ ଏସ୍ପି ମୟୁରଭଞ୍ଜ ।

ଏସ୍ପି ବ୍ରହ୍ମପୁର ଏସ୍.ଅହମ୍ମଦଙ୍କୁ ଏସ୍ପି କଳାହାଣ୍ଡି, କେନ୍ଦୁଝର ଏସ୍ପି ଆଶିଷ ସିଂ ଏସ୍ପି ଗଞ୍ଜାମ, ଅନୁଗୁଳ ଏସ୍ପି ସତ୍ୟବ୍ରତ ଭୋଇ ଏସ୍ପି ଜଗତସିଂହପୁର, ରାୟଗଡ଼ା ଏସ୍ପି ଅନୂପ କ୍ରିଷ୍ଣା ବରଗଡ଼ ଏସ୍ପି, ମାଲକାନଗିରି ଏସ୍ପି ଅନିରୁଦ୍ଧ ସିଂ କେନ୍ଦୁଝର ଏସ୍ପି, ଗଞ୍ଜାମ ଏସ୍ପି ରାଜେଶ ପଣ୍ଡିତଙ୍କୁ ରାୟଗଡ଼ା ଏସ୍ପି, କଳାହାଣ୍ଡି ଏସ୍ପି ସୁଧା ସିଂଙ୍କୁ ଭିଜିଲାନ୍ସ ଏସ୍ପି ।

ଗଜପତି ଏସ୍ପି ସାର୍ଥକ ଷଡ଼ଙ୍ଗୀଙ୍କୁ କେନ୍ଦ୍ରାପଡ଼ା ଏସ୍ପି, ଏସ୍ ଡ଼ିପିଓ ବଡ଼ବିଲ ସି.ଏସ୍.ମୀନାଙ୍କୁ ଗଜପତି ଏସ୍ପି, ଏସ୍ ଡ଼ିପିଓ ମାଲକାନଗିରି ଅଖିଳେଶ୍ୱର ସିଂଙ୍କୁ ମାଲକାନଗିରି ଏସ୍ପି, ଏସ୍ଡ଼ିପିଓ ବାଲିଗୁଡ଼ା ବ୍ରଜେଶ ରାରଙ୍କୁ ଏସ୍ପି ନବରଙ୍ଗପୁର ଏବଂ ନବରଙ୍ଗପୁର ଏସ୍ ପି ନୀତି ଶେଖରଙ୍କୁ ସୋନପୁର ଏସ୍ପି ଭାବେ ଅବସ୍ଥାପିତ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁଲାଇ ୩(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ମଙ୍ଗଳବାର ବରିଷ୍ଠ ଆଇପିଏସ୍ ଅଧିକାରୀ ପ୍ରକାଶ ମିଶ୍ରଙ୍କୁ ପୋଲିସ ମହାନିର୍ଦ୍ଦେଶକ ଭାବେ ନିଯୁକ୍ତି ଦେଇଛନ୍ତି ।

ପୋଲିସ ମହାନିର୍ଦ୍ଦେଶକ ଥିବା ମନମୋହନ ପ୍ରହରାଜଙ୍କ ସ୍ଥାନରେ ତାଙ୍କୁ ଏହି ନିଯୁକ୍ତି ମିଳିଛି । ପ୍ରହରାଜଙ୍କୁ ଅଗ୍ନିଶମ ଓ ଗୃହରକ୍ଷୀ କମାଣ୍ଡେଣ୍ଟ ଭାବେ ଅବସ୍ଥାପିତ କରାଯାଇଛି ।

୧୯୭୭ ବ୍ୟାଚ୍ ଆଇପିଏସ୍ ଅଫିସର ମିଶ୍ର ୨୦୧୦ରୁ କେନ୍ଦ୍ରକୁ ଡେପୁଟେସନ୍ ରେ ଯାଇ ନୂଆଦିଲ୍ଲୀର ଜାତୀୟ ବିପର୍ଯ୍ୟୟ ପରିଚାଳନା ବାହିନୀ(ଏନ୍ଡ଼ିଆର୍ଏଫ୍)ର ମହାନିର୍ଦ୍ଦେଶକ ଭାବେ କାର୍ଯ୍ୟ କରୁଛନ୍ତି । ଆସନ୍ତା ତିନି ଚାରିଦିନ ମଧ୍ୟରେ ସେ କାର୍ଯ୍ୟରେ ଯୋଗ ଦେବେ ବୋଲି ସରକାରଙ୍କ ପକ୍ଷରୁ କୁହାଯାଇଛି ।

୧୯୫୬ ଫେବୃୟାରୀ ୨୯ରେ ପୁରୀରେ ଜନ୍ମଗ୍ରହଣ କରିଥିବା ମିଶ୍ର ରାଜ୍ୟର ବିଭିନ୍ନ ଜିଲ୍ଲାରେ ଏସ୍ପି, ଡିଆଇଜି ଓ ଗୃହ ବିଭାଗର ସ୍ୱତନ୍ତ୍ର ସଚିବ ଭାବେ ଦାୟିତ୍ୱ ନିର୍ବାହ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜୁନ୍ ୨(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଶନିବାର ଆଇପିଏସ୍ ସ୍ତରରେ ଏକ ଛୋଟ ଧରଣର ଅଦଳବଦଳ କରିଥିବା ବେଳେ ୧୯୮୬ ବ୍ୟାଚ୍ର ଅଭୟଙ୍କୁ ଅତିରିକ୍ତ ଡିଜି ପର୍ସନେଲ ଭାବେ ଅବସ୍ଥାପିତ କରାଯାଇଛି ।

ସେ ପୂର୍ବରୁ ଅତିରିକ୍ତ ଡିଜି ଆଇନ୍ ଶୃଙ୍ଖଳା ଭାବେ କାର୍ଯ୍ୟ କରୁଥିଲେ । ୧୯୮୬ ବ୍ୟାଚ୍ର ଶ୍ୟାମସୁନ୍ଦର ହାଂସାଙ୍କୁ ରାଜ୍ୟ ଫରେନ୍ସିକ୍ ଲାବୋରେଟୋରୀର ନିର୍ଦ୍ଦେଶକ, ୧୯୮୮ ବ୍ୟାଚ୍ର ଏମ୍. ଅକ୍ଷୟଙ୍କୁ କ୍ରାଇମ ରେକର୍ଡ଼ ବ୍ୟୁରୋର ନିର୍ଦ୍ଦେଶକ ଭାବେ ଅବସ୍ଥାପିତ କରାଯାଇଛି ।

ସେହିପରି ୧୯୯୮ ବ୍ୟାଚର ୟାଲ ଗଙ୍ଗୱାରଙ୍କୁ ଇଣ୍ଡିଆ ରିଜର୍ଭ ବାଟାଲିଅନର କମାଣ୍ଡେନ୍ଟ ଭାବେ ଅବସ୍ଥାପିତ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୩(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଗୁରୁବାର ଆଇପିଏସ୍ ଅଫିସର ସ୍ତରରେ ଅଦଳବଦଳ କରିଥିବା ବେଳେ ୧୯୮୭ ବ୍ୟାଚ୍ ରେ ସୁନୀଲ ରାୟଙ୍କୁ କଟକ-ଭୁବନେଶ୍ୱର ପୋଲିସ କମିଶନର ଭାବେ ଅବସ୍ଥାପିତ କରିଛନ୍ତି ।

ପୋଲିସ କମିଶନର ଥିବା ବିଜୟ ଶର୍ମାଙ୍କୁ କ୍ରାଇମବ୍ରାଞ୍ଚ ଅତିରିକ୍ତ ଡ଼ିଜି, ସୁରେନ୍ଦ୍ର ପନୱରଙ୍କୁ ଭିଜିଲାନ୍ସ ନିର୍ଦ୍ଦେଶକ, ସତ୍ୟଜିତ ମହାନ୍ତିଙ୍କୁ ରାଜ୍ୟ ପୋଲିସ ଗୃହ ନିର୍ମାଣ ନିଗମ ଅଧ୍ୟକ୍ଷ ଏବଂ ଗୋପବନ୍ଧୁ ମଲ୍ଲିକଙ୍କୁ ଏଚ୍ଆର୍ପିସି ଅତିରିକ୍ତ ଡ଼ିଜି ଭାବେ ଅବସ୍ଥାପିତ କରାଯାଇଛି ।

ସେହିପରି ଅଭୟଙ୍କୁ ଅତିରିକ୍ତ ଡ଼ିଜି ଆଇନ ଶୃଙ୍ଖଳା, ଅରୁଣ ରାୟଙ୍କୁ କେନ୍ଦ୍ରାଞ୍ଚଳ ଆଇଜି, ଅରୁଣ ଷଡ଼ଙ୍ଗୀ ଆଇଜି ଅପରେଶନ, ୱାଇ.ବି ଖୁରାନିଆଙ୍କୁ ଆଇଜି ତାଲିମ ଭାବେ ବଦଳି କରାଯାଇଛି ।

ସୌମେନ୍ଦ୍ର ପ୍ରିୟଦର୍ଶୀଙ୍କୁ ଡ଼ିଆଇଜି ଅପରେଶନ, ଏସ୍.ବେତ୍ତ ସିଂଙ୍କୁ ଦକ୍ଷିଣ ପଶ୍ଚିମାଞ୍ଚଳ ଡ଼ିଆଇଜି, ସଂଜୀବ ପଣ୍ଡା ଡ଼ିଆଇଜି ମୁଖ୍ୟାଳୟ, ଡ଼ିଏସ୍ କୁଟ୍ଟେଙ୍କୁ ଡ଼ିଆଇଜି ଏସ୍ଆଇଡ଼ି ଭାବେ ଅବସ୍ଥାପିତ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଡ଼ିସେମ୍ବର ୧୭(ଓଡ଼ିଶା ଡ଼ଟ୍ କମ୍) ଆୟବର୍ହିଭୂତ ସଂପତି ଠୁଳ ଅଭିଯୋଗରେ ଶନିବାର ସ୍ଥାନୀୟ ଏକ ଅଦାଲତ ଜଣେ ଅବସରପ୍ରାପ୍ତ ଆଇପିଏସ୍ ଅଧିକାରୀଙ୍କୁ ତିନି ବର୍ଷ ଜେଲ ଦଣ୍ଡାଦେଶ କରିଛନ୍ତି ।

ହୋମଗାର୍ଡ଼ ଏବଂ ଅଗ୍ନିଶମ ବିଭାଗରେ କାର୍ଯ୍ୟକରୁଥିବା ବୈଦ୍ୟନାଥ ଜେନାଙ୍କୁ କଟକ ସ୍ୱତନ୍ତ୍ର ଭିଜିଲାନ୍ସ ଅଦାଲତ ବିଚାରପତି ଏବିଏସ୍ ନାଇଡ଼ୁ ଜେନାଙ୍କୁ ଦୋଷୀ ସାବ୍ୟସ୍ତ କରି ଏହି ଦଣ୍ଡାଦେଶ ସହ ଦୁଇ ଲକ୍ଷ ଟଙ୍କା ଜରିମାନା ଆଦେଶ କରିଛନ୍ତି ।

ଜରିମାନା ଅନାଦେୟ ଆଉ ଦୁଇ ମାସ ଦଣ୍ଡ ଭୋଗିବାକୁ ପଡ଼ିବ ବୋଲି ଅଦାଲତ ଦର୍ଶାଇଛନ୍ତି ।

୧୯୯୦ରେ ଜେନାଙ୍କ ବିରୁଦ୍ଧରେ ଆୟ ବର୍ହିଭୂତ ସଂପତି ଠୁଳ ଅଭିଯୋଗ ହୋଇଥିଲା ଏବଂ ପରେ ସେହିବର୍ଷ ଭିଜିଲାନ୍ସ ପକ୍ଷରୁ ତାଙ୍କ ବାସଭବନ ଉପରେ ଚଢାଉ କରାଯାଇଥିଲା ।

ଚଢାଉ ସମୟରେ ଅଧିକାରୀମାନେ ତାଙ୍କ ଠାରୁ ୩ଲକ୍ଷ ୭୮ ହଜାର ଟଙ୍କାର ସଂପତି ଜବତ କରିଥିଲେ । ସେଥିରୁ ୨ଲକ୍ଷ ୬୨ ହଜାର ଟଙ୍କାର ଆୟବର୍ହିଭୂତ ସଂପତି ଥିବା ଭିଜିଲାନ୍ସ ଜାଣିବାକୁ ପାଇଥିଲା ।

ଓଡ଼ିଶା ପୋଲିସ ସେବାର ଅଧିକାରୀ ଜେନା ୧୯୯୫ରେ ଭାରତୀୟ ପୋଲିସ ସେବାକୁ ପଦୋନ୍ନତି
ପାଇ ୨୦୦୦ରେ ଅବସର ଗ୍ରହଣ କରିଥିଲେ । ତେବେ ଅଦାଲତ ଆଜି ତାଙ୍କୁ ଜାମିନ ପ୍ରଦାନ କରିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୧୦(ଓଡ଼ିଶା ଡ଼ଟ୍ କମ୍) ରାଜ୍ୟ ସରକାର ଆଇପିଏସ୍ ଅଫିସର ସ୍ତରରେ ଅଦଳବଦଳ କରିଥିବା ବେଳେ ଆଇନଶୃଙ୍ଖଳା ଆଇଜି ଥିବା ଅରୁଣ ଷଡ଼ଙ୍ଗୀଙ୍କୁ ଆଇଜି ପ୍ରଶିକ୍ଷଣ ତଥା ପୋଲିସ ଏକାଡ଼େମୀର ଅଧ୍ୟକ୍ଷ (ଅତିରିକ୍ତ ଦାୟିତ୍ୱ)ଭାବେ ଅବସ୍ଥାପିତ କରିଛନ୍ତି ।

ସେହିପରି କେନ୍ଦ୍ରୀୟ ଡ଼େପୁଟେସନରୁ ଫେରିବା ପରେ ୧୯୮୭ ବ୍ୟାଚ୍ ର ସୁନୀଲ ରାୟଙ୍କୁ ଆଇନଶୃଙ୍ଖଳା ଆଇଜି, ଘରୋଇ ବିଭାଗର ସ୍ୱତନ୍ତ୍ର ସଚିବ ୧୯୯୧ ବ୍ୟାଚ୍ ର ଦେବାଶିଷ ପାଣିଗ୍ରାହୀଙ୍କୁ ମୁଖ୍ୟାଳୟରେ ଆଧୁନିକୀକରଣ ଆଇଜି ଭାବେ ଅବସ୍ଥାପିତ କରାଯାଇଛି ।

ଉତରାଞ୍ଚଳ ରେଞ୍ଜ ଆଇଜି ଥିବା ୧୯୯୨ ବ୍ୟାଚ୍ ର ଲଳିତ ଦାସଙ୍କୁ ରାଜ୍ୟ ଗୃହ ବିଭାଗର ସ୍ୱତନ୍ତ୍ର ସଚିବ ଭାବେ ଅବସ୍ଥାପିତ କରାଯାଇଛି ।

ବାଲିଗୁଡ଼ା ଏସ୍ଡ଼ିପିଓ ଆର୍.ପ୍ରକାଶଙ୍କୁ ବଲାଙ୍ଗୀର ଏସ୍ପି ଓ ମାଲକାନଗିରି ଏଏସ୍ପି ଉମାଶଙ୍କର ଦାସଙ୍କୁ ନୂଆପଡ଼ା ଏସ୍ପି ଭାବେ ବଦଳି କରାଯାଇଛି ।

ସେହିପରି ବରିଷ୍ଠ ଓ.ପିଏସ୍ ପି.ଆର.ମହାନ୍ତିଙ୍କୁ କଟକ ଗ୍ରାମାଞ୍ଚଳ ଏସ୍.ପି ଭାବେ ଅବସ୍ଥାପିତ କରାଯାଇଥିବା ବେଳେ ଅବିନାଶ କୁମାରଙ୍କୁ ଏସ୍ଓଜି କମାଣ୍ଡାଣ୍ଟ, କେଏସ୍ କୱାରଙ୍କୁ ରେଳବାଇ ଏସ୍ପି ରାଉରକେଲା, ସଞ୍ଜୟ କୌଶଲଙ୍କୁ ଛତ୍ରପୁର ୮ମ ବାଟାଲିୟାନ୍ କମାଣ୍ଡାଣ୍ଟ ଭାବେ ଅବସ୍ଥାପିତ କରାଯାଇଛି ।

ଓଡ଼ିଶା ଡ଼ଟ୍ କମ୍