• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଇଂଜିନିୟରିଂ ଛାତ୍ର

ଗାଡି ଚୋରି ମାମଲାରେ ଦୁଇ ଇଂଜିନିୟରିଂ ଛାତ୍ର ଗିରଫ

June 15, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ୱର, ଜୁନ ୧୫ (ଓଡିଶା ଡଟ କମ) ଗୋଟିଏ ସ୍କର୍ପିଓ ଗାଡିର ଡ୍ରାଇଭରକୁ ଗଛରେ ବାନ୍ଧି ଉକ୍ତ ଗାଡିକୁ ଜବରଦସ୍ତି ଛଡାଇ ନେଇଥିବା ଅଭିଯୋଗରେ ଦୁଇଜଣ ଇଂଜିନିୟରିଂ ଛାତ୍ର ଓ ଜଣେ ଏମବିଏ ଛାତ୍ରଙ୍କ ସମେତ ପାଞ୍ଚଜଣଙ୍କୁ ଭୁବନେଶ୍ଵରରେ ଗିରଫ କରିଥିବା ପୁଲିସ ସୋମବାର କହିଛି ।

ଶେଷ ବର୍ଷ ଇଂଜିନିୟରିଂର ୨୦-୨୨ ବର୍ଷ ବୟସ୍କ ଏହି ଦୁଇ ଛାତ୍ର ନିଜର ଅନ୍ୟ ତିନି ଜଣ ସହଯୋଗୀଙ୍କ ସହ ପୁରୀରେ ଗୋଟିଏ ସ୍କର୍ପିଓ ଗାଡି ଗତ ସପ୍ତାହରେ ଭଡା କରି ଭୁବନେଶ୍ଵରର ଚନ୍ଦକା ଅଞ୍ଚଳକୁ ଆସିଥିଲେ।

ସେଠାରେ ଡ୍ରାଇଭରକୁ ମାଡ ମାରିବା ସହ ଗୋଟିଏ ଗଛରେ ବାନ୍ଧିବା ପରେ ଗାଡି ନେଇ ଫେରାର ହୋଇ ଯାଇଥିଲେ । ଗିରଫ ସମସ୍ତ ପାଞ୍ଚଜଣ ଓଡିଶାର ।

ଡ୍ରାଇଭର ଜଣକ ସୌଭାଗ୍ୟକ୍ରମେ ଖସିଆସି ପୁଲିସ ରେ ଖବର ଦେଇଥିଲେ । ଅନୁସନ୍ଧାନ କରି ପୁଲିସ ସମ୍ପୃକ୍ତ ପାଞ୍ଚ ଜଣକୁ ଗିରଫ କରିଥିବା, ଡେପୁଟି କମିଶନର ସତ୍ୟବ୍ରତ ଭୋଇ ଓଡିଶା ଡଟକମକୁ କହିଛନ୍ତି । 

ଗିରଫ ଅଭିଯୁକ୍ତ କେତେକ ଅନ୍ୟ ଗାଡି ଚୋରୀ ମାମଲା ତଥା ରାଜଧାନୀରେ ସୁନା ଚେନ ଲୁଟି ଘଟଣାରେ ସମ୍ପୃକ୍ତ ଥିବା ସନ୍ଦେହ କରି ପୁଲିସ ଅଧିକ ଅନୁସନ୍ଧାନ ଚଳାଇଥିବା ସେ କହିଛନ୍ତି ।

ଓଡିଶା ଡଟ କମ

News Bureau
News Bureau

Filed Under: ଅପରାଧ Tagged With: ଇଂଜିନିୟରିଂ ଛାତ୍ର, ଗାଡି ଚୋରି, ସୁନା ଚେନ ଲୁଟ

ବ୍ରାଉନ ସୁଗାର କାରବାର,ଚାରି ଇଞ୍ଜିନିୟରିଂ ଛାତ୍ର ଗିରଫ

July 4, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବାଲେଶ୍ୱର, ଜୁଲାଇ ୪(ଓଡ଼ିଶା ଡ଼ଟ୍ କମ୍) ବ୍ରାଉନ ସୁଗାର କାରବାର ଅଭିଯୋଗରେ ବୁଧବାର ବାଲେଶ୍ୱରରୁ ଅବକାରୀ ଏବଂ ରେଳବାଇ ପୋଲିସ ଚାରି ଜଣ ଇଞ୍ଜିନିୟରିଂ ଛାତ୍ରଙ୍କ ସମେତ ପାଞ୍ଚ ଜଣଙ୍କୁ ଗିରଫ କରିଥିବା ଜଣେ ଅଧିକାରୀ କହିଛନ୍ତି ।

ବାଲେଶ୍ୱର ରେଳଷ୍ଟେସନରୁ ଗିରଫ ହୋଇଥିବା ଏହି ଅଭିଯୁକ୍ତମାନେ ହେଲେ ଖୋର୍ଦ୍ଧାର ସିଦ୍ଧାର୍ଥ ବଳିଆର ସିଂ, ନବରଙ୍ଗପୁରର ଅମରେନ୍ଦ୍ର ସମରାଜ, ଜଳେଶ୍ୱରର ବିଶ୍ୱଜିତ ସିଂ, ରୁପ୍ସାର କୃଷ୍ଣଚନ୍ଦ୍ର ରାଉତ ଏବଂ କମର୍ଦ୍ଧାର ଗୋପୀ କିଷନ ଜେନା ।

କୌଣସି ସୂତ୍ରରୁ ଖବର ପାଇ ଅବକାରୀ ଓ ରେଳବାଇ ପୋଲିସ ଦୁଇ ନମ୍ବର ପ୍ଲାଟଫର୍ମରେ ଚଢାଉ କରି ଅଭିଯୁକ୍ତମାନେ ଭୁବନେଶ୍ୱର ଯିବା ପାଇଁ ଟ୍ରେନ୍ କୁ ଅପେକ୍ଷା କରିଥିବା ବେଳେ ସେମାନଙ୍କୁ ଗିରଫ କରିଛି ।

ସେମାନଙ୍କ ଠାରୁ ୧୧୯ଟି ପ୍ୟାକେଟ୍ ରୁ ଆଠ ଗ୍ରାମ ବ୍ରାଉନ ସୁଗାର ଜବତ କରାଯାଇଥିବା ବେଳେ ଏହାର ମୂଲ୍ୟ ପ୍ରାୟ ୮୦ ହଜାର ଟଙ୍କା ହେବ । ଏହା ସହ ସେମାନଙ୍କ ଠାରୁ ଛଅଟି ମୋବାଇଲ ଫୋନ୍ ଏବଂ ୩୨୦ ଟଙ୍କା ଜବତ ହୋଇଥିବା ସେ କହିଛନ୍ତି ।

ଅମରେନ୍ଦ୍ର, ବିଶ୍ୱଜିତ, ଏବଂ ଗୋପୀ କିଷନ ଭୁବନେଶ୍ୱର ସ୍ଥିତ ତିନୋଟି ଘରୋଇ ଇଂଜିନିୟରିଂ କଲେଜରେ ପାଠ ପଢୁଥିବା ବେଳେ କୃଷ୍ଣଚନ୍ଦ୍ର ଏକ ଘରୋଇ କମ୍ପାନୀରେ କାର୍ଯ୍ୟରତ ବୋଲି ଅବକାରୀ ସବ୍ ଇନ୍ସ୍ପେକ୍ଟର ଅଜୟ କୁମାର ବେହେରା କହିଛନ୍ତି ।

ରାଜଧାନୀରେ କୌଣସି ର୍ୟାକେଟ ପାଇଁ ଏମାନେ କାମ କରୁଛନ୍ତି କି ନାହିଁ ସେ ସଂପର୍କରେ ଜାଣିବା ନିମନ୍ତେ ତଦନ୍ତ ଚାଲିଥିବା ସେ କହିଛନ୍ତି । ଅବକାରୀ ବିଭାଗ ଅଧିକାରୀମାନେ ମଙ୍ଗଳବାର ରବି ସେନ୍ ନାମକ ଜଣେ ବ୍ୟକ୍ତିଙ୍କୁ ଗିରଫ କରିବା ସହ ତା’ଠାରୁ ୨ ଲକ୍ଷ ୫୦ ହଜାର ଟଙ୍କାର ୨୫ ଗ୍ରାମ ବ୍ରାଉନ ସୁଗାର ଜବତ କରିଥିଲେ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଇଂଜିନିୟରିଂ ଛାତ୍ର, ବ୍ରାଉନ ସୁଗାର

ଡ଼କାୟତି ମାମଲାରେ ୫ ଇଞ୍ଜିନିୟରିଂ ଛାତ୍ର ଗିରଫ

March 4, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମାର୍ଚ୍ଚ ୪(ଓଡ଼ିଶା ଡ଼ଟ୍ କମ୍) ଭୁବନେଶ୍ୱର ସ୍ଥିତ ଏକ ବସ୍ଷ୍ଟାଣ୍ଡ ପରିସରରୁ ବସ୍ରୁ ଡ଼କାୟତି କରିଥିବା ଅଭିଯୋଗରେ ପୋଲିସ ରବିବାର ପାଂଚ ଜଣ ଇଂଜିନିୟରିଂ ଛାତ୍ରଙ୍କୁ ଗିରଫ କରିଛି ।

ଗତ ମାସ ୨୬ ତାରିଖ ରାତିରେ ବରମୁଣ୍ଡା ବସ୍ଷ୍ଟାଣ୍ଡରୁ ‘ନୀଳମାଧବ’ ନାମକ ବସ୍ରୁ ସଶସ୍ତ୍ର ଡକାୟତି ହୋଇଥିଲା । ଏହି ଘଟଣାର ତଦନ୍ତ କରି ଖଣ୍ଡଗିରି ଥାନା ପୋଲିସ ଏମାନଙ୍କୁ ଗିରଫ କରିବା ସହ ସେମାନଙ୍କ ଠାରୁ ୩ଟି ମୋବାଇଲ, ଲ୍ୟାପଟପ୍, ୪ଟି ଛୁରୀ ଏବଂ ନଗ ୬ହଜାର ଟଙ୍କା ଜବତ କରିଛି ।

ଗିରଫ ଛାତ୍ରମାନେ ବାରଙ୍ଗ ସ୍ଥିତ ଏକ ଇଂଜିନିୟରିଂ କଲେଜର ବୋଲି ପୋଲିସ କହିଛି । ଘଟଣାଦିନ ଏହି ଛାତ୍ରମାନେଦୁଇଟି ଗାଡ଼ିରେ ଆସି ବନ୍ଧୁକ ଓ ଛୁରା ଖୋଇ କଣ୍ଡକ୍ଟରଙ୍କ ଠାରୁ ଟଙ୍କା ଛଡ଼ାଇ ନେବା ସହ ଅନ୍ୟ ଯାତ୍ରୀଙ୍କଠାରୁ ମୋବାଇଲ୍ ଓ ସୁନା ଅଳଙ୍କାର ଛଡ଼ାଇ ନେଇଥିଲେ ।

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

admin
admin

Filed Under: ମୁଖ୍ୟ ଖବର Tagged With: ଇଂଜିନିୟରିଂ ଛାତ୍ର, ଡ଼କାୟତି, ବସ୍ଷ୍ଟାଣ୍ଡ

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ