• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

ଇଚ୍ଛାଧୀନ କୋଟା

ଇଚ୍ଛାଧୀନ କୋଟା ଦୁର୍ନୀତିରେ ୨୧୫ ଜଣକୁ ନୋଟିସ

June 11, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ଵର,୧୧ ଜୁନ(ଓଡିଶା ଡଟ୍ କମ୍): ଇଚ୍ଛାଧୀନ କୋଟାରେ କଟକ ଓ ଭୁବନେଶ୍ଵରରେ ଏକାଧିକ ଜମି ଓ ଘର ପାଇଥିବା ୨୧୫ ଜଣଙ୍କୁ କର୍ତ୍ତୁପକ୍ଷ କାରଣ ଦର୍ଶାଅ ନୋଟିସ ଜାରି କରିଥିବା ଗୁରୁବାର କହିଛନ୍ତି ।

ଭୁବନେଶ୍ଵର ଉନ୍ନୟନ କତ୍ତୃପକ୍ଷ ( ବିଡିଏ ) ୮୦ ଜଣଙ୍କୁ ଏହି ନୋଟିସ ଜାରିକରିଥିବା ବେଳେ କଟକ ଉନ୍ନୟନ କତ୍ତୃପକ୍ଷ ୧୩୫ ଜଣଙ୍କୁ କାହିଁକି ସେମାନଙ୍କୁ ଦିଆଯାଇଥିବା ଜମି ଓ ଘର ବାତିଲ କରା ନ ଯିବ ସେ ସମ୍ପର୍କରେ ଜବାବ ଦାଖଲ କରିବାକୁ ନିର୍ଦ୍ଦେଶ ଦେଇଛି ।

ଚଳିତ ମାସ ଶେଷ ସୁଦ୍ଧା ଏହି ୨୧୫ଜଣଙ୍କୁ ମିଶାଇ ଇଚ୍ଛାଧୀନ କୋଟାରେ ଦ୍ଵେତ ସହରରେ ଜମି, ଘର, ଓ ଫ୍ଲାଟ ଆଦି ନେଇଥିବା ୯୩୪ ଜଣଙ୍କୁ କାରଣ ଦର୍ଶାଅ ନୋଟିସ ଜାରି କରାଯିବ ବୋଲି କତ୍ତୃପକ୍ଷ କହିଛନ୍ତି ।

ଏହି ନୋଟିସ ଜାରି କରାଯାଇଥିବା ବ୍ୟକ୍ତିବିଶେଷ ୩୦ ଦିନ ମଧ୍ୟରେ, ସେ କାହିଁକି ଜମି ବା ଘର ବା ଫ୍ଲାଟ ନେଇଥିଲେ, ସେଥିରେ ସେମାନେ କ’ଣ କରୁଛନ୍ତି ଆଦି ଲିଖିତ ଆକାରରେ ସମ୍ପୃକ୍ତ ସଂସ୍ଥା ମାନଙ୍କୁ ଜଣାଇବେ ।

ପ୍ରତିଟି ଜବାବ ବ୍ୟକ୍ତିଗତ ଭାବେ ବିଚାର କରି ସେମାନଙ୍କୁ ଦିଆଯାଇଥିବା ଜମି, ଘର, ଓ ଫ୍ଲାଟ ଆଦିକୁ ବାତିଲ କରାଯିବ କି ନାହିଁ ସେ ସମ୍ପର୍କରେ କତ୍ତୃପକ୍ଷ ନିଷ୍ପତ୍ତି ନେବେ ।

ମିଳିଥିବା ସୂଚନାଅନୁସାରେ, ଏକାଧିକ ଘର, ଜମି, ଓ ଫ୍ଲାଟ ନେବା ମାମଲାରେ ଦୁର୍ନୀତି ନିବାରଣ ବିଭାଗ ବିଡ଼ିଏ ଠାରୁ ୩୧୨ଟି ଫାଇଲ ଓ ହାଉସିଂବୋର୍ଡ ଠାରୁ ୩୨ଟି ଫାଇଲ ଯାଞ୍ଚ ପାଇଁ ନେଇଛି ।

କଟକ ଉନ୍ନୟନ କର୍ତ୍ତ୍ବପକ୍ଷ, ଭୁବନେଶ୍ଵର ଉନ୍ନୟନ କତ୍ତୃପକ୍ଷ, ଓ ରାଜ୍ୟ ଗୃହ ନିର୍ମାଣ ବୋର୍ଡରୁ ବହୁ ପ୍ରଭାବଶାଳୀ ଲୋକ ଏକାଧିକ ଘର ଓ ଜମି ଓ ଘର ନେଇଥିବା ସିଏଜି ତାର ରିପୋର୍ଟରେ ଦର୍ଶାଇବା ପରେ ସରକାର ୧୯୯୫ ଜାନୁୟାରୀ ପହିଲାରୁ ଇଚ୍ଛାଧୀନ କୋଟାରେ ଆବଣ୍ଟିତ ସବୁ ଘର ଓ ଜମି ବାତିଲ କରିବାକୁ ନିଷ୍ପତ୍ତି ନେଇଥିଲେ ଓ ତାରା ଦତ୍ତଙ୍କ ଅଧ୍ୟକ୍ଷତାରେ ଏହାର ଯାଞ୍ଚ କରିବାକୁ ଏକ ଟାସ୍କ ଫୋର୍ସ ଗଠନ କରିଥିଲେ ।

ଟାସ୍କଫୋର୍ସ ରିପୋର୍ଟ ଆଧାରରେ ସରକାର ଏହି ମାମଲାର ତଦନ୍ତ ଭିଜିଲାନସକୁ ଦେଇଛନ୍ତି ।

ଓଡିଶା ଡଟ୍ କମ୍

News Bureau
News Bureau

Filed Under: ରାଜନୀତି Tagged With: ଇଚ୍ଛାଧୀନ କୋଟା, ଦୁର୍ନୀତି

ଇଚ୍ଛାଧୀନ କୋଟା ଦୁର୍ନୀତିର ତଦନ୍ତ ପାଇଁ ଭିଜିଲାନସକୁ ଆଦେଶ

May 3, 2015 by News Bureau Leave a Comment

ଓଡିଶା ଡଟ କମ ସଂବାଦ ଦାତା

ଭୁବନେଶ୍ୱର, ମଇ ୩ (ଓଡିଶା ଡଟ କମ) ଇଚ୍ଛାଧୀନ କୋଟାରେ କଟକ ଓ ଭୁବନେଶ୍ଵରରେ ଏକାଧିକ ଜମି ଓ ଘର ପାଇଥିବା ବ୍ୟକ୍ତିଙ୍କ ବିରୁଦ୍ଧରେ ତଦନ୍ତ କରିବା ପାଇଁ ସରକାର ରାଜ୍ୟର ଭିଜିଲାନସ କତ୍ତୃପକ୍ଷଙ୍କୁ ନିର୍ଦେଶ ଦେଇଛନ୍ତି ।

ଏହି ପ୍ରସଙ୍ଗରେ ଅନୁସନ୍ଧାନ କରି ବରିଷ୍ଠ ଭାରତୀୟ ପ୍ରଶାସନିକ ସେବା ଅଧିକାରୀ ତାରା ଦତ୍ତଙ୍କ ଅଧ୍ୟକ୍ଷତାରେ ଗଠିତ ଏକ ଟାସ୍କଫୋର୍ସ ସରକାରଙ୍କୁ ରିପୋର୍ଟ ଦେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନିର୍ଦ୍ଦେଶ ଦେଇଛନ୍ତି ।

କଟକ ଉନ୍ନୟନ କର୍ତ୍ତ୍ବପକ୍ଷ, ଭୁବନେଶ୍ଵର ଉନ୍ନୟନ କତ୍ତୃପକ୍ଷ, ଓ ରାଜ୍ୟ ଗୃହ ନିର୍ମାଣ ବୋର୍ଡରୁ ବହୁ ପ୍ରଭାବଶାଳୀ ଲୋକ ଏକାଧିକ ଘର ଓ ଜମି ଓ ଘର ନେଇଥିବା ସିଏଜି ତାର ରିପୋର୍ଟରେ ଦର୍ଶାଇବା ପରେ ସରକାର ୧୯୯୫ ଜାନୁୟାରୀ ପହିଲାରୁ ଇଚ୍ଛାଧୀନ କୋଟାରେ ଆବଣ୍ଟିତ ସବୁ ଘର ଓ ଜମି ବାତିଲ କରିବାକୁ ନିଷ୍ପତ୍ତି ନେଇଥିଲେ ଓ ତାରା ଦତ୍ତଙ୍କ ଅଧ୍ୟକ୍ଷତାରେ ଏହାର ଯାଞ୍ଚ କରିବାକୁ ଏକ ଟାସ୍କ ଫୋର୍ସ ଗଠନ କରିଥିଲେ ।

ଟାସ୍କଫୋର୍ସ ରିପୋର୍ଟ ଆଧାରରେ ସରକାର ଏହି ମାମଲାର ଭିଜିଲାନସ ତଦନ୍ତ କରିବାକୁ ନିଷ୍ପତ୍ତି ନେଇଥିବା ପ୍ରସ୍ତାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ମୋହର ମାରିଛନ୍ତି । ସାଧାରଣ ପ୍ରଶାସନ ବିଭାଗ ଏ ସମ୍ପର୍କରେ ବିଜ୍ଞାପ୍ତି ପ୍ରକାଶ କରିବାକୁ ନିର୍ଦ୍ଦେଶ ଦିଆଯାଇଛି ।

ଓଡିଶା ଡଟ କମ

News Bureau
News Bureau

Filed Under: ରାଜନୀତି Tagged With: ଇଚ୍ଛାଧୀନ କୋଟା, ଟାସ୍କ ଫୋର୍ସ, ଭିଜିଲାନସ

ଇଚ୍ଛାଧୀନ କୋଟା ବନ୍ଦ ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

December 7, 2011 by ଓଡିଶା ଡଟ କମ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଡ଼ିସେମ୍ବର ୭(ଓଡ଼ିଶା ଡ଼ଟ୍ କମ୍) ଇଚ୍ଛାଧୀନ କୋଟାରେ ଜମି ଓ ଗୃହ ଆବଂଟନ ବନ୍ଦ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବୁଧବାର ସମସ୍ତ ଉନ୍ନୟନ କର୍ତୃପକ୍ଷ ଓ ରାଜ୍ୟ ହାଉସିଂ ବୋର୍ଡ଼କୁ ନିର୍ଦ୍ଦେଶ ଦେଇଛନ୍ତି ।

ଏହି ନିର୍ଦ୍ଦେଶ ତୁରନ୍ତ କାର୍ଯ୍ୟକାରୀ କରିବାକୁ ସେ କହିଛନ୍ତି । ସାଧାରଣ ପ୍ରଶାସନ ବିଭାଗ ଅଧିନରେ ଭୁବନେଶ୍ୱରରେ ଜମି ପାଇଁ କୌଣସି କୋଟା ନାହିଁ । ଇଷ୍ଟେଟ ନିର୍ଦ୍ଦେଶକଙ୍କ ଅଧ୍ୟକ୍ଷତାରେ ୧୯୯୮ରୁ ଗଠିତ କମିଟିର ସୁପାରିସ ଅନୁସାରେ ଜମି ଆବଂଟନ କରାଯାଇଥାଏ ।

ତେବେ ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରିବା ସହ ଅର୍ଥ ବିଭାଗର ପ୍ରମୁଖ
ସଚିବ, ଆଇନ ସଚିବ, ରାଜସ୍ୱ ସଚିବ, ଗୃହ ନଗର ଉନ୍ନୟନ ବିଭାଗ ସଚିବ ଏବଂ ସାଧାରଣ
ପ୍ରଶାସନ ବିଭାଗ ସ୍ୱତନ୍ତ୍ର ସଚିବଙ୍କୁ ଏଥିରେ ସଦସ୍ୟ ରଖିବା ପାଇଁ ସେ ନିର୍ଦ୍ଦେଶ ଦେଇଛନ୍ତି ।

ଏଣିକି ଭୁବନେଶ୍ୱରରେ ଜମି ବା ଗୃହ ଆବଂଟନ ତଥା ଇଡ଼୍କୋ ଜମି ପ୍ରଦାନ ପାଇଁ ପ୍ରସ୍ତାବ ଉପରେ ଏହି କମିଟି ଯାଂଚ କରିବ ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଇଚ୍ଛାଧୀନ କୋଟା, ଜମି

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ