ଓଡ଼ିଶା ଡ଼ଟ୍ କମ୍ ସମ୍ବାଦଦାତା
ଭୁବନେଶ୍ୱର,ଜାନୁୟାରୀ ୩(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲାରେ ହୋଇଥିବା ମାଓବାଦୀ ଏନ୍କାଉଣ୍ଟର ଘଟଣାରେ ସୋମବାର ରାଜ୍ୟ ମାନବାଧିକାର କମିଶନ ରିପୋର୍ଟ ତଲବ କରିଛନ୍ତି ।
ଆସନ୍ତା ଦୁଇ ସପ୍ତାହ ମଧ୍ୟରେ ରିପୋର୍ଟ ଦେବାକୁ କମିଶନ ଜିଲ୍ଲା ଏସ୍ପିଙ୍କୁ ନିର୍ଦ୍ଦେଶ ଦେଇଛନ୍ତି ।
ଏହା ଏକ ମିଥ୍ୟା ଏନ୍କାଉଣ୍ଟର ଓ ପୋଲିସ ଜାଣିଶୁଣି ସେମାନଙ୍କୁ ହତ୍ୟା କରିଥିବା ଅଭିଯୋଗ ହେବା ପରେ କମିଶନ ପକ୍ଷରୁ ଏ ସଂପର୍କରେ ରିପୋର୍ଟ ମଗାଯାଇଛି ।
ଗତ ମଙ୍ଗଳବାର ପାଇକମାଳ ସ୍ଥିତ ଏକ ଜଙ୍ଗଲରେ ପୋଲିସ ଗୁଳିରେ ଦୁଇ ଜଣଙ୍କ ମୃତ୍ୟୁ ହୋଇଥିଲା । ପୋଲିସ ଏମାନେ ମାଓବାଦୀ ବୋଲି ଦାବି କରୁଥିବା ବେଳେ ସେମାନେ ମାଓବାଦୀ ନୁହନ୍ତି ବୋଲି ତାଙ୍କ ପରିବାର ପକ୍ଷରୁ କୁହାଯାଇଛି ।
ଓଡିଶା ଡଟ୍ କମ୍
