• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

କଟକ

ଜବରଦଖଲ ଉଚ୍ଛେଦ ବେଳେ ଗଣ୍ଡଗୋଳ, ୨୦ ଆହତ

June 13, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଜୁନ୍ ୧୩(ଓଡ଼ିଶା ଡ଼ଟ୍ କମ୍) କଟକ ସିଡ଼ିଏ ଅନ୍ତର୍ଗତ ପେଟାନାଳ ଅଞ୍ଚଳରେ ଜବରଦଖଲ ଉଚ୍ଛେଦର ଦ୍ୱିତୀୟ ଦିନରେ ବୁଧବାର ପୋଲିସ ଓ ବସ୍ତି ବାସିନ୍ଦା ମୁହାଁମୁହିଁ ହେବାରୁ ୨୦ ଜଣ ଆହତ ହୋଇଛନ୍ତି ।

ପ୍ରଶାସନ ପକ୍ଷରୁ ପୋଲିସ ଫୋର୍ସ ସହାୟତାରେ ସକାଳୁ ଉଚ୍ଛେଦ କାର୍ଯ୍ୟ କରାଯିବା ବେଳେ ନୂଆସାହି ବସ୍ତି ନିକଟରେ ଶତାଧିକ ମହିଳା ଓ ପୁରୁଷ ଏହାର ପ୍ରତିବାଦ କରି ବୁଲ୍ଡୋଜର ନିକଟରେ ଶୋଇପଡ଼ିଥିଲେ ।

ଫଳରେ ପରିସ୍ଥିତି ଜଟିଳ ହୋଇପଡ଼ିଥିଲା । ପୋଲିସ ଜନସାଧାରଣଙ୍କୁ ଘଉଡ଼ାଇବା ପାଇଁ ଉଦ୍ୟମ କରି ବିଫଳ ହେବା ପରେ ସେମାନଙ୍କୁ ଗୋଡ଼ାଇ ଗୋଡ଼ାଇ ପିଟିଥିଲା ।

ଅନ୍ୟପକ୍ଷରେ ଜବରଖଲକାରୀଙ୍କ ପକ୍ଷରୁ ଢ଼େଲା ପଥର ମାଡ଼ କରାଯାଇଥିଲା । ତେବେ ପୋଲିସର
କାର୍ଯ୍ୟାନୁଷ୍ଠାନ ପରେ ଜନସାଧାରଣ ଘଟଣାସ୍ଥଳରୁ ପଳାଇଥିଲେ । ଜନସାଧାରଣଙ୍କ ଢ଼େଲା ମାଡ଼ରେ ଦୁଇ ପୋଲିସ ଆହତ ହୋଇଥିବା ବେଳେ ପୋଲିସ ମାଡ଼ରେ ୨୦ ଜଣ ଲୋକ ଆହତ ହୋଇଛନ୍ତି ।

ଆହତମାନଙ୍କୁ ଚିକିତ୍ସା ପାଇଁ କଟକ ବଡ଼ଡ଼ାକ୍ତରଖାନାକୁ ପଠାଯାଇଛି । ପରିସ୍ଥିତି ନିୟନ୍ତ୍ରଣାଧିନ ହେବା ପରେ ଉଚ୍ଛେଦ କାର୍ଯ୍ୟ ପରେ ପୁଣି ଆରମ୍ଭ ହୋଇଥିଲା । ଘଟଣାସ୍ଥଳରେ ଦଶ ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଛି ।

ଆସନ୍ତା ସୋମବାରଠାରୁ ପୁଣି ପେଟାନାଳ ଅଞ୍ଚଳରୁ ଉଚ୍ଛେଦ କାର୍ଯ୍ୟ ଆରମ୍ଭ ହେବ ବୋଲି ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ଜବରଦଖଲ

ଜବରଦଖଲ ଉଚ୍ଛେଦ ବେଳେ ଉତ୍ତେଜନା, ଶତାଧିକ ଗିରଫ

June 12, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଜୁନ୍ ୧୨(ଓଡ଼ିଶା ଡ଼ଟ୍ କମ୍) କଟକ ସହରରେ ମଙ୍ଗଳବାର ଜବରଦଖଲ ଉଚ୍ଛେଦକୁ ନେଇ ଉତ୍ତେଜନା ପ୍ରକାଶ ପାଇଥିବା ବେଳେ ପୋଲିସ ଶତାଧିକ ଆନ୍ଦୋଳନକାରୀଙ୍କୁ ଗିରଫ କରିଛି ।

ସିଡ଼ିଏ ନିକଟସ୍ଥ ନୂଆଁସାହି ବସ୍ତି ଅଞ୍ଚଳରେ ଜିଲ୍ଲା ପ୍ରଶାସନ ଉଚ୍ଛେଦ ଆରମ୍ଭ କରିବା ବେଳେ ସ୍ଥାନୀୟ ଲୋକମାନେ ଏହାକୁ ବିରୋଧ କରିଥିଲେ । ଫଳରେ ଉତ୍ତେଜନା ଦେଖାଦେଇଥିଲା ।

ଏହାକୁ ବିରୋଧ କରି ଲୋକମାନେ ଟାୟାର ଜାଳି ରାସ୍ତା ଅବରୋଧ କରିଛନ୍ତି । ଘଟଣାସ୍ଥଳରେ ବ୍ୟାପକ ପୋଲିସ ମୁତୟନ କରାଯାଇଛି । ପ୍ରଶାସନ ପୋଲିସ ସହାୟତାରେ ଉଚ୍ଛେଦ କାର୍ଯ୍ୟ ଆରମ୍ଭ କରିଛି ।

ଏକ ରାସ୍ତା ନିର୍ମାଣ ନିମନ୍ତେ ୪୦ ବର୍ଷ ପୁରୁଣା ଏହି ବସ୍ତି ଉଚ୍ଛେଦ ପାଇଁ ପୂର୍ବରୁ ବାରଙ୍ଗ ତହସିଲଦାର ନୋଟିସ୍ ଜାରି କରିଥିଲେ । ତେବେ ଦୀର୍ଘଦିନ ଧରି ଏଠାରେ ରହିଆସୁଥିବାରୁ ପ୍ରଶାସନର ଏଭଳି ଉଚ୍ଛେଦ ବେଆଇନ ବୋଲି ବସ୍ତିବାସିନ୍ଦା କହିଛନ୍ତି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ଜବରଦଖଲ

କୂଅ ସଫା ବେଳେ ଶ୍ୱାସରୁଦ୍ଧ ହୋଇ ଦୁଇ ମୃତ

June 9, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଜୁନ୍ ୯(ଓଡ଼ିଶା ଡ଼ଟ୍ କମ୍) କଟକ ସଦର ଥାନା ଅନ୍ତର୍ଗତ କାଜିପାଟଣା ଗ୍ରାମରେ ଶନିବାର କୁଅ ସଫା କରିବାକୁ ଯାଇଥିବା ବେଳେ ଶ୍ୱାସରୁଦ୍ଧ ହୋଇ ଦୁଇ ଜଣଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ପୂର୍ବାହ୍ନରେ ଉକ୍ତ ଗ୍ରାମର ସେକ୍ ହବିବ୍ ମିର୍ଜା ତାଙ୍କ କୁଅ ସଫା କରୁଥିବା ବେଳେ ହଠାତ୍ ଅଣନିଃଶ୍ୱାସୀ ହୋଇ ଚିତ୍କାର କରିଥିଲେ । ଏହି ସମୟରେ ତାଙ୍କର ସାନଭାଇ ତାଙ୍କୁ ଉଦ୍ଧାର କରିବାକୁ କୂଅ ଭିତରକୁ ଯାଇଥିଲେ ସେ ମଧ୍ୟ ଅଣନିଶ୍ୱାସୀ ହୋଇପଡ଼ିଥିଲେ ।

ଦୀର୍ଘ ସମୟଧରି ଉଭୟେ କୂଅରୁ ବାହାରକୁ ନଆସିବାକୁ ଲୋକମାନେ ଦମକଳ ବାହିନୀ ଓ ଓଡ଼୍ରାଫ ଟିମ୍ କୁ ଖବର ଦେଇଥିଲେ । ଓଡ଼୍ରାଫ୍ ଟିମ୍ ସେଠାରେ ପହଞ୍ଚି ଉଭୟଙ୍କ ଶବ ଉଦ୍ଧାର କରିଥିଲା ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ଶ୍ୱାସରୁଦ୍ଧ

ଔଷଧ ମଦ ମୃତ୍ୟୁ: ସତ୍ୟପାଠ ଦାଖଲ ନିର୍ଦ୍ଦେଶ

May 27, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ମଇ ୨୭(ଓଡ଼ିଶା ଡ଼ଟ୍ କମ୍) କଟକ ଓ ଖୋର୍ଦ୍ଧା ଜିଲ୍ଲାରେ ହୋଇଥିବା ଔଷଧ ଓ ମଦ ମୃତ୍ୟୁ ଘଟଣାରେ ସତ୍ୟପାଠ ଦାଖଲ କରିବାକୁ ରବିବାର ତଦନ୍ତ କମିଶନ ନିର୍ଦ୍ଦେଶ ଦେଇଛନ୍ତି ।

କମିଶନ ଅଧ୍ୟକ୍ଷ ଜଷ୍ଟିସ ନାଇଡ଼ୁ ଏହାର ଶୁଣାଣି କରି ଘଟଣା ଉପରେ କଣ ପଦକ୍ଷେପ ନିଆଯାଇଛି ସେସଂର୍ପକରେ ସତ୍ୟପାଠ ଦାଖଲ କରିବାକୁ ସ୍ୱାସ୍ଥ୍ୟ ସଚିବ ଓ ଅବକାରୀ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି ।

ଏହାସହ ଜୁନ୍ ଆଠ ତାରିଖ ସୁଦ୍ଧା ସାକ୍ଷୀ ମାନଙ୍କ ତାଲିକା ଦାଖଲ କରିବାକୁ କହିଛନ୍ତି । ୩ ତାରିଖରେ କମିଶନ ଭୁବନେଶ୍ୱର ସ୍ଥିତ ସଂପୃକ୍ତ ଔଷଧ କାରଖାନା ପରିଦର୍ଶନରେ ଯିବାର କାର୍ଯ୍ୟକ୍ରମ ରହିଛି ।

ଉଭୟ ଜିଲ୍ଲାରେ ଗତ ଫେବୃୟାରୀ ମାସରେ ବିଷାକ୍ତ ଔଷଧ ମଦ ସେବନ କରି ୪୦ ଜଣଙ୍କର ମୃତ୍ୟୁ ହୋଇଥିବା ବେଳେ ଅନେକ ଅସୁସ୍ଥ ହୋଇଥିଲେ । ଏହା ପରେ ସରକାର ଘଟଣାର ତଦନ୍ତ ପାଇଁ ଜଷ୍ଟିସ୍ ନାଇଡ଼ୁ କମିଶନଙ୍କୁ ନିଯୁକ୍ତ କରିଥିଲେ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: ଔଷଧ ମଦ ମୃତ୍ୟୁ, କଟକ, କମିଶନ

କଟକ: ଦୁର୍ଘଟଣାରେ ପଶ୍ଚିମବଙ୍ଗର ପାଞ୍ଚ ମୃତ

May 21, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ମଇ ୨୧(ଓଡ଼ିଶା ଡ଼ଟ୍ କମ୍) କଟକ ଜିଲ୍ଲା ଟାଙ୍ଗି ନିକଟରେ ସୋମବାର ସକାଳୁ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ପଡ଼ୋଶୀ ପଶ୍ଚିମବଙ୍ଗ ରାଜ୍ୟର ପାଞ୍ଚଜଣଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ଜଣେ ରୋଗୀଙ୍କୁ କଟକ ସ୍ଥିତ ଏକ ଘରୋଇ ନର୍ସିଂହୋମ୍ ରେ  ଚିକିତ୍ସା କରାଇବା ପାଇଁ ସାତ ଜଣ ଲୋକ ଏକ ଭ୍ୟାନରେ ମେିନିପୁରରୁ ଆସୁଥିବା ବେଳେ ଟାଙ୍ଗିବଜାର ନିକଟରେ ଗାଡ଼ିଟି ବସ୍ ସହ ଧକ୍କା ହୋଇଥିଲା ।

ଫଳରେ ଘଟଣାସ୍ଥଳରେ ଭ୍ୟାନ୍ ରେ ଥିବା ରୋଗୀଙ୍କ ସହ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ଡ଼ାକ୍ତରଖାନାରେ ଅନ୍ୟ ଦୁଇ ଜଣଙ୍କ ମୃତ୍ୟୁ ହୋଇଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ଦୁର୍ଘଟଣା

କଟକ: ଛାତ ଭୁଶୁଡ଼ି ତିନି ଗୁରୁତର

May 5, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ମଇ ୬(ଓଡ଼ିଶା ଡ଼ଟ୍ କମ୍) କଟକ ସିଡିଏ ଅଞ୍ଚଳରେ ଏକ ନିର୍ମାଣାଧୀନ ପୋର୍ଟିକୋ ଛାତଭୁଶୁଡ଼ି ପଡ଼ିବାରୁ ତିନି ଜଣ ଶ୍ରମିକ ଗୁରୁତର ଆହତ ହୋଇଥିବା ପୋଲିସ ରବିବାର କହିଛି ।

ଆହତ ମାନଙ୍କୁ ବଡ଼ ମେଡ଼ିକାଲରେ ଭର୍ତି କରାଯାଇଥିବା ବେଳେ ସେମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ରହିଛି ।

ଶନିବାର ରାତିରେ ଜୁଡ଼ିସିଆଲ ଏକାଡ଼େମୀ କୋଠାର ପୋର୍ଟିକୋ ନିର୍ମାଣ ଚାଲିଥିବା ବେଳେ ଛାତ ହଠାତ୍ ଭୁଶୁଡ଼ି ପଡ଼ିଥିଲା । ଏହି ସମୟରେ ଛାତ ଉପରେ ଦୁଇଜଣ ତଳେ ଅନ୍ୟ ଜଣେ ଶ୍ରମିକ କାର୍ଯ୍ୟ କରୁଥିଲେ ।

ଫଳରେ ତିନି ଜଣ ଶ୍ରମିକ ଛାତ ତଳେ ଚାପି ହୋଇଯାଇଥିଲେ । ଖବର ପାଇ ସ୍ଥାନୀୟ ପୋଲିସ ଓ ଅଗ୍ନିଶମ ଅଧିକାରୀ ସେଠାରେ ପହଞ୍ଚି ଶ୍ରମିକଙ୍କୁ ଉଦ୍ଧାର କରିଥିଲେ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ପୋର୍ଟିକୋ

ବାରବାଟୀରେ ଆଇପିଏଲ୍ ମ୍ୟାଚ୍ ପାଇଁ ବ୍ୟାପକ ସୁରକ୍ଷା

April 21, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅପ୍ରେଲ ୨୧(ଓଡ଼ିଶା ଡ଼ଟ୍ କମ୍) ରବିବାର କଟକ ବାରବାଟୀ ଷ୍ଟାଡ଼ିୟମରେ ହେବାକୁ ଥିବା ଆଇପିଏଲ୍ କ୍ରିକେଟ୍ ମ୍ୟାଚ ପାଇଁ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି ।

ମ୍ୟାଚ ପାଇଁ ୩୫ ପ୍ଲାଟୁନ୍ ଫୋର୍ସ ମୁତୟନ କରାଯିବା ସହ ସନ୍ଧାନୀ କୁକୁର, ବିସ୍ଫୋରଣ ନିରୋଧି ସ୍କ୍ୱାର୍ଡ଼, ଓଡ଼୍ରାଫ୍ ଟିମ୍ ଓ କୁଇକ ରିଆକ୍ସନ୍ ଟିମ୍କୁ ନିୟୋଜିତ କରାଯାଇଛି ।

ତିନି ଶହ ପୋଲିସ ଅଫିସରଙ୍କୁ ସୁରକ୍ଷା ତଦାରଖ ପାଇଁ ନିୟୋଜିତ କରାଯାଇଥିବା ବେଳେ ଷ୍ଟାଡ଼ିୟମ ଭିତରକୁ ଦର୍ଶକ ଖାଦ୍ୟ ସାମଗ୍ରୀ ଓ ପାଣି ପାଉଚ ଆଣିବା ଉପରେ କଟକଣା ଜାରି କରାଯାଇଛି ।

ଷ୍ଟାଡ଼ିୟମ ଭିତରେ ଓ ବାହାର ସହ ଖେଳାଳୀମାନେ ଅଭ୍ୟାସ ପାଇଁ ଭୁବନେଶ୍ୱରରୁ କଟକ ଆସି ଅଭ୍ୟାସ ଶେଷ କରି ଭୁବନେଶ୍ୱର ଫେରିବା ପର୍ଯ୍ୟନ୍ତ ସମସ୍ତ ପ୍ରକାର ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ବୋଲି ଜଷର ବରିଷ୍ଠ ପୋଲିସ ଅଧିକାରୀ କହିଛନ୍ତି ।

ମ୍ୟାଚ ଆରମ୍ଭର ଚାରି ଘଂଟା ପୂର୍ବରୁ ସହରରେ ଟ୍ରାଫିକ୍ କଟକଣା ଜାରି କରାଯିବ । ବାରବାଟୀରେ ଅପ୍ରେଲ ୨୨ ଏବଂ ମଇ ୨ରେଦୁଇଟି ମ୍ୟାଚ ଅନୁଷ୍ଠିତ ହେବ ।

ଡେକାନ୍ ଚାର୍ଜର୍ସ ଓ କୋଲ୍କାତା ନାଇଟ୍ ରାଇଡ଼ର୍ସ ଦଳ ଶୁକ୍ରବାର ଭୁବନେଶ୍ୱରରେ ପହଂଚିଛନ୍ତି । ଉଭୟ ଦଳ ଆଜି ବାରବାଟୀରେ ଅଭ୍ୟାସ କରିବେ । ରବିବାର ରାତି ଆଠଟାରେ ମ୍ୟାଚ ଅନୁଷ୍ଠିତ ହେବ ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, ବାରବାଟୀ ଷ୍ଟାଡିୟମ

କାନ୍ଥପଡ଼ି ଦୁଇ ଜଣଙ୍କ ମୃତ୍ୟୁ, ତିନି ଆହତ

April 12, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅପ୍ରେଲ ୧୨(ଓଡ଼ିଶା ଡ଼ଟ୍ କମ୍) କଟକ ସହରରେ ଗୁରୁବାର ଏକ ଘରକାମ ଚାଲିଥିବା ବେଳେ କାନ୍ଥପଡ଼ି ଦୁଇ ଜଣଙ୍କ ମୃତ୍ୟୁ ହେବା ସହ ଅନ୍ୟ ତିନିଜଣ ଆହତ ହୋଇଥିବା ପୋଲିସ କହିଛି ।

କେତେକ ଶ୍ରମିକ ସିଡ଼ିଏ ସ୍ଥିତ ଏକ କୋଠାର ଅଣ୍ଡର ଗ୍ରାଉଣ୍ଡ ରୁମ୍ ପାଇଁ କାମ କରୁଥିବା ବେଳେ ହଠାତ୍ କାନ୍ଥ ପଡ଼ିଯାଇଥିଲା । ଫଳରେ ସନ୍ତୋଷ ମୁଣ୍ଡା ଓ ମଧୁସୂନ ମୁଣ୍ଡା ନାମକ ଦୁଇ ଜଣ ଶ୍ରମିକ କାନ୍ଥ ତଳେ ଚାପି ହୋଇଯାଇଥିଲେ ।

ଘଟଣାସ୍ଥଳରେ ସେମାନେ ପ୍ରାଣ ହରାଇଥିବା ବେଳେ ଅନ୍ୟ ତିନି ଜଣ ଗୁରୁତର ଆହତ ହୋଇଥିଲେ । ସେମାନଙ୍କୁ ଚିକିତ୍ସା ପାଇଁ ବଡ଼ ଡ଼ାକ୍ତରଖାନାରେ ଭର୍ତି କରାଯାଇଛି ।

ଘଟଣା ସଂପର୍କରେ ସୂଚନା ପାଇ ପୋଲିସ ଓ ଅଗ୍ନିଶମ ବାହୀନୀ ସେଠାରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ । ମୃତ ଶ୍ରମିକଙ୍କ ଘର କେନ୍ଦୁଝର ଜିଲ୍ଲାରେ ବୋଲି ପୋଲିସ କହିଛି ।

ଓଡ଼ିଶା ଡ଼ଟ୍ କମ୍

admin
admin

Filed Under: ମୁଖ୍ୟ ଖବର Tagged With: କଟକ, କେନ୍ଦୁଝର

ବାରବାଟୀରେ ସଚିନ ତେନ୍ଦୁଲକର ଇନ୍ଡୋର ହଲ୍

April 1, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ଅପ୍ରେଲ ୨(ଓଡ଼ିଶାଡ୍ଟ୍ କମ୍) କଟକ ବାରବାଟୀ ଷ୍ଟାଡ଼ିୟମ୍ ପରିସରରେ ବିଶ୍ୱର ଶ୍ରେଷ୍ଠ ବ୍ୟାଟ୍ସମ୍ୟାନ୍ ସଚିନ୍ ତେନ୍ଦୁଲକରଙ୍କ ନାମରେ ନାମିତ ନବନିର୍ମିତ ମିନି ଇନ୍ଡୋର ହଲ୍ ଉ୍ଘାଟିତ ହୋଇଯାଇଛି ।

ମୋଟ୍ ୧୬ କୋଟି ଟଙ୍କା ବ୍ୟୟରେ ନିର୍ମିତ ଏହି ଅତ୍ୟାଧୁନିକ ଶୀତତାପ ନିୟନ୍ତ୍ରିତ ଇନ୍ଡୋର ହଲ୍ ପାଇଁ ବିସିସିଆଇ ୮ କୋଟି ଟଙ୍କା ଓ ଓସିଏ ୮ କୋଟି ଟଙ୍କା ପ୍ରଦାନ କରିଛି । ରବିବାର ଉତ୍କଳ ଦିବସ ଅବସରରେ ଏହା ଉ୍ଘାଟିତ ହୋଇଛି ।

ବର୍ଷାଦିନେ ଖେଳାଳିଙ୍କ ଅଭ୍ୟାସ ବାଧାପ୍ରାପ୍ତ ହେଉଥିବା ବେଳେ ଏହା ନିର୍ମାଣ ହେବା ପରେ ଏବେ ଖେଳାଳିମାନେ ବର୍ଷସାରା ଅଭ୍ୟାସ କରିପାରିବେ ।

ଏହାବ୍ୟତୀତ ବାସ୍କେଟ୍ ବଲ୍, ଭଲିବଲ୍, ବ୍ୟାଡ଼ମିନ୍ଟନ୍, ଟେବୁଲଟେନିସ ଓ ଅନ୍ୟାନ୍ୟ ଇନ୍ଡୋର ଗେମ୍ ଏଠାରେ ଖେଳାଯାଇ ପାରିବ ।

ଚାରି ମହଲା ବିଶିଷ୍ଟ ଏହି ହଲ୍ ସଂପୂର୍ଣ୍ଣ ଶୀତତାପ ନିୟନ୍ତ୍ରିତ ରହିଥିବା ବେଳେ ଭିତରର ଦୈର୍ଘ୍ୟ ୮୫ ଫୁଟ୍ ଓ ଚଉଡ଼ା ୬୫ ଫୁଟ୍ ରହିଛି । ଚଟାଣରୁ ଛାତର ଉଚ୍ଚତା ୪୦ ଫୁଟ୍ ଥିବା ବେଳେ ଛାତର ଉପର ଭାଗରେ ଫାଇବର କାଚ ଲଗାଯାଇଛି ।

ଖେଳାଳି ମାନଙ୍କ ଅଭ୍ୟାସକୁ ରେକର୍ଡ଼ିଂ କରିବା ପାଇଁ ହଲ୍ ର ଉଭୟ ପାଶ୍ୱର୍ରେ କ୍ୟାମେରା ଲଗାଯାଇଛି । ଗତ ମାସ ୧୬ରେ ଏସିଆ କପ୍ ରେ ସଚିନ ୧୦୦ ତମ ଆନ୍ତର୍ଜାତିକ ଶତକ ହାସଲ କରିବା ପରେ ତାଙ୍କୁ ସମ୍ମାନ ଜଣାଇ ଏହି ମିନି ଇନ୍ଡୋର ହଲ୍ କୁ ତାଙ୍କ ନାମରେ ନାମିତ କରିବା ପାଇଁ ନିଷ୍ପତି ନିଆଯାଇଥିଲା ।

ଓଡ଼ିଶା ଡ଼ଟ୍ କମ୍

admin
admin

Filed Under: ଓଡିଶା ଖବର, ମୁଖ୍ୟ ଖବର Tagged With: କଟକ, ବାରବାଟୀ, ସଚିନ ତେନ୍ଦୁଲକର

୧୨ ବର୍ଷ ପରେ ଘରକୁ ଫେରିଲେ ନିଖୋଜ ଯୁବକ

March 26, 2012 by admin

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କଟକ, ମାର୍ଚ୍ଚ ୨୭(ଓଡ଼ିଶା ଡ଼ଟ୍ କମ୍) ଦୀର୍ଘ ୧୨ ବର୍ଷ ପରେ କଟକ ଜିଲ୍ଲାର ଜଣେ ଯୁବକ ଘରକୁ ଫେରିଥିବା ବେଳେ ହଜିଲା ପୁଅକୁ ପାଇ ତାଙ୍କ ପରିବାର ଲୋକେ ଆନନ୍ଦରେ ବିମୋହିତ ହୋଇପଡ଼ିଛନ୍ତି ।

ଆଠଗଡ ଥାନା ଭାଗିରଥିପୁର ଗ୍ରାମର ନାରାୟଣ ପ୍ରଧାନଙ୍କ ପୁଅ ବେଣୁଧର ପ୍ରଧାନ ସୋମବାର ଘରକୁ ଫେରି ଆସିବା ପରେ କେବଳ ପରିବାର ଲୋକ ନୁହେଁ ଗାଁରେ ମଧ୍ୟ ଖୁସିର ଲହରୀ ଖେଳି ଯାଇଛି ।

ପାକିସ୍ତାନ ଜେଲରେ ସଜା ଭୋଗିବା ପରେ ବେଣୁଧର ରେଡକ୍ରସ ସହାୟତାରେ ନିଜ ଘର ଲୋକଙ୍କ ପାଖରେ ପହଞ୍ଚିଛନ୍ତି ।

ପୁଅକୁ ଫେରିପାଇ ମା’ ବାସନ୍ତୀ ଖୁସିରେ ଆତ୍ମହରା ହୋଇ ପଡ଼ିଛନ୍ତି । ଉକ୍ତ ଯୁବକଙ୍କୁ ଫେରି ପାଇବେ ବୋଲି ପରିବାର ଲୋକେ ଆଶା କରି ନ ଥିଲେ । ବହୁତ ଖୋଜାଖୋଜି କରିବା ପରେ ଭାଗ୍ୟକୁ ଆଦରିଚୁପ୍ ରହିଥିଲେ ।

ଗତ ଫେବୃଆରୀ ମାସରେ ଗାଁର ଜଣେ ବ୍ୟକ୍ତିଙ୍କ ଠାରୁ ବେଣୁଧର ଅମୃତସରରେ ଥିବା ଜାଣିବାକୁ ପାଇଥିଲେ । ପରେ ପରିବାର ଲୋକଙ୍କୁ ଓଡିଶା ରେଡକ୍ରସ ଶାଖାର ସମ୍ପାଦକଙ୍କ ସହ ଯୋଗାଯୋଗ କରିବାକୁ କୁହାଯାଇଥିଲା ।

କୌଣସି କଥାକୁ ନେଇ ଘରେ ଗାଳି ଦେବାରୁ ବେଣୁଧର ରାଗି ଅନ୍ୟତ୍ର ପଳାଇଥିଲେ । ଏ ନେଇ ସେମାନେ ସ୍ଥାନୀୟ ଥାନାରେ ଅଭିଯୋଗ କରିବା ସହ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ ।

ତେବେ ଗତ ବର୍ଷ କିଛି ପୋଲିସ ଅଧିକାରୀ ଗାଁକୁ ଆସି ବୀରୁ ନାମଜ ଯୁବକଙ୍କ ନିଖୋଜ ଥିବା ସଂପର୍କରେ ପଚରାଉଚରା କରିଥିଲେ । ବୀରୁ ନାମରେ କେହି ନ ଥିବାରୁ ସେମାନେ ତାଙ୍କ ବାପାଙ୍କ ନାମ ନାରାୟଣ କହିବା ପରେ ବେଣୁଧରଙ୍କ ସଂପର୍କରେ ତଥ୍ୟ ନେଇ ଯାଇଥିଲେ ।

ଫେବୃଆରୀ ୨୫ ତାରିଖରେ ଆଠଗଡ ପୋଲିସ ଗାଁକୁ ଆସି ବେଣୁଧର ଆସିଛନ୍ତି କି ନାହିଁ ସେ ନେଇ ପଚାରି ବୁଝିଥିଲେ । କିନ୍ତୁ ସେ କେଉଁଠି ଅଛନ୍ତି କିଛି କହି ନଥିଲେ । ଏନେଇ ସେମାନେ ଉଚ୍ଚ ପୋଲିସ ଅଧିକାରୀଙ୍କୁ ଜଣାଇଥିଲେ ମଧ୍ୟ କିଛି ସୁଫଳ ମିଳି ନଥିଲା ।

ତେବେ ଚଳିତ ମାସରେ ବେଣୁଧର ପାକିସ୍ତାନ ଜେଲରେ ଥିବା ପରିବାର ଲୋକେ ରେଡକ୍ରସ ପକ୍ଷରୁ ଜାଣିବାକୁ ପାଇଥିଲେ । ସେ ଭୁଲବଶତଃ ସେତେବେଳେ ସମଝୌତା ଏକ୍ସପ୍ରେସରେ ପାକିସ୍ତାନ ଚାଲି ଯାଇଥିଲେ ।

ଦଣ୍ଡର ସମୟସୀମା ଶେଷ ହେବା ପରେ ପାକିସ୍ତାନ ପୋଲିସ ଗତ ଫେବୃଆରୀ ୧୬ରେ ୧୧ ଜଣ ଭାରତୀୟଙ୍କୁ ମୁକ୍ତ କରି ଭାରତକୁ ପଠାଇଥିଲେ ଏବଂ ସେମାନଙ୍କ ମଧ୍ୟରେ ବେଣୁଧର ମଧ୍ୟ ଥିଲେ ।

ସେଠାରେ ଯାଞ୍ଚ ସମୟରେ ତାଙ୍କ ପାଖରେ ଭିସା ଓ ପାସପୋର୍ଟ ନ ଥିବାରୁ ତାଙ୍କୁ ସ୍ଥାନୀୟ ପୋଲିସ ଗିରଫ କରିଥିଲା । ଅନୁପ୍ରବେଶ ଅଭିଯୋଗରେ ସେଠାରେ ତାଙ୍କୁ ଜେଲ ଦଣ୍ଡ ଭୋଗିବାକୁ ପଡ଼ିଥିଲା ।

ଓଡ଼ିଶା ଡ଼ଟ୍ କମ୍

admin
admin

Filed Under: ଓଡିଶା ଖବର, ମୁଖ୍ୟ ଖବର Tagged With: ଆଠଗଡ, କଟକ, ପାକିସ୍ତାନ

  • « Go to Previous Page
  • Go to page 1
  • Go to page 2
  • Go to page 3
  • Go to page 4
  • Go to Next Page »

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ