କଟକ ବାଲିଯାତ୍ରାରେ ବିଦେଶୀ ପର୍ଯ୍ୟଟକ
Connecting Odias
by ଓଡିଶା ଡଟ କମ
by ଓଡିଶା ଡଟ କମ
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କଟକ, ନଭେମ୍ବର ୭(ଓଡ଼ିଶା ଡ଼ଟ୍ କମ୍) ଐତିହାସିକ ବାଲିଯାତ୍ରା ପାଇଁ ବ୍ୟାପକ ପ୍ରସ୍ତୁତି ଚାଲିଥିବା ବେଳେ ଚଳିତ ବର୍ଷ ଏଥିପାଇଁ ଚାରି କୋଟି ଟଙ୍କାର ବୀମା କରାଯାଇଛି ।
ଆସନ୍ତା ୧୦ ରୁ ୧୬ ତାରିଖ ପର୍ଯ୍ୟନ୍ତ କଟକ ବାଲିଯାତ୍ରା ପଡ଼ିଆରେ ହେବାକୁ ଥିବା ଏହି ଯାତ୍ରା ପାଇଁ ପ୍ରଶାସନ ପକ୍ଷରୁ ସମସ୍ତ କାର୍ଯ୍ୟ ଚୂଡ଼ାନ୍ତ ପର୍ଯ୍ୟାୟରେ ପହଞ୍ôଚଥିବା ଜଣେ ଅଧିକାରୀ କହିଛନ୍ତି ।
ପରିମଳ , ପାନୀୟ ଜଳ, ସ୍ୱାସ୍ଥ୍ୟ ତଥା ଆଇନ ଶୃଙ୍ଖଳା ପାଇଁ ବ୍ୟାପକ ବନ୍ଦୋବସ୍ତ କରାଯାଇଛି । ମୋଟ୍ ୩୮ ଏକର ଜମିରେ ଆୟୋଜିତ ଏହି ଯାତ୍ରାରେ ଚଳିତ ବର୍ଷ ୧୩୨୮ଷ୍ଟଲ ହେବ ।
ଜିଲ୍ଲା ପ୍ରଶାସନ ଓ ଓର୍ମାସର ମିଳିତ ସହଯୋଗରେ ଗାନ୍ଧୀ ଶିଳ୍ପବଜାରରେ ଏକ ବଡ଼ ଷ୍ଟଲ ଖୋଯାଇଛି । ଏହା ଯାତ୍ରାରେ ଲୋକଙ୍କ ମୁଖ୍ୟ ଆକର୍ଷଣ ହେବ ବୋଲି ସେ କହିଛନ୍ତି ।
ଓଡ଼ିଶା ସମେତ ୨୫ଟି ରାଜ୍ୟର ହସ୍ତଶିଳ୍ପ, ଟେରାକୋଟା, ଶାଢି, କାଠଶିଳ୍ପ, ବୟନଶିଳ୍ପ ସହିତ ଅନ୍ୟାନ୍ୟ ସାମଗ୍ରୀ ବିକ୍ରି ହେବ । ଏହାସହିତ ଆଦିବାସୀ ଅଳଙ୍କାର ତଥା ସାମଗ୍ରୀ ମଧ୍ୟ ଏହି ଷ୍ଟଲ ଗୁଡ଼ିକରେ ଖେିବାକୁ ମିଳିବ ।
ଏହି ସାତଦିନ ମଧ୍ୟରେ ଦେଶର ବିଭିନ୍ନ ପ୍ରାନ୍ତରୁ ପ୍ରାୟ ୬୮ଟି ଳ ଅଂଶଗ୍ରହଣ କରି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିବେ । ଯାତ୍ରାରୁ ସମୁଦାୟ ୬୦ ଲକ୍ଷ ଟଙ୍କାର ରାଜସ୍ୱ ଆଦାୟ ହେବ ବୋଲି ଜିଲ୍ଲା ପ୍ରଶାସନ ଆଶା ପ୍ରକାଶ କରିଛି । ଯାତ୍ରାରେ ପଲିଥିନକୁ ସଂପୂର୍ଣ୍ଣ ବନ୍ଦ କରିବା ପାଇଁ ଷ୍ଟଲ ଗୁଡ଼ିକ ଠାରୁ ଲେଖା ନିଆଯାଇଛି ।
ବାଲିଯାତ୍ରା ସଂପର୍କରେ ଜାଣିବା ପାଇଁ ପ୍ରଶାସନ ପକ୍ଷରୁ ୱେସାଇଟ୍ ଖୋଲାଯିବ ଏବଂ ମନୋରଂଜନ କାର୍ଯ୍ୟକ୍ରମ ସହିତ ଷ୍ଟଲ ଗୁଡ଼ିକର ସଂପୂର୍ଣ୍ଣ ତଥ୍ୟ ଏଥିରେ ପ୍ରକାଶ ପାଇବ ବୋଲି ପ୍ରଶାସନ ପକ୍ଷରୁ କୁହାଯାଇଛି ।
ଓଡ଼ିଶା ଡ଼ଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କଟକ,ଜାନୁୟାରୀ ୨୩(ଓଡ଼ିଶା ଡ଼ଟ୍ କମ୍) ଜଣେ କର୍ତ୍ତବ୍ୟରତ ପୋଲିସ ଅଧିକାରୀଙ୍କୁ ମାଡ଼ ମାରିବା ଅଭିଯୋଗରେ ଶାସକ ବିଜେଡ଼ି ଦଳର ସାଂସଦ ଭର୍ତ୍ତୃହରି ମହତାବଙ୍କ ବିରୋଧରେ ରବିବାର ମାମଲା ରୁଜୁ ହୋଇଛି ।
ସୁବାଷ ବୋଷ ଜୟନ୍ତୀ ଅବସରରେ କଟକ ସ୍ଥିତ ନେତାଜୀ ସଂଗ୍ରହାଳୟ ଭିତରକୁ ଲୋକଙ୍କ ପ୍ରବେଶ ଉପରେ କଟକଣା ଥିବାରୁ ସାଂସଦଙ୍କ ସମର୍ଥକଙ୍କୁ ଭିତରକୁ ନଛାଡ଼ିବାରୁ ମହତାବ ତାଙ୍କୁ ମାଡ଼ ମାରିଥିବା ଏସ୍ଆଇ ଅମିତାଭ ମହାପାତ୍ର ସ୍ଥାନୀୟ ରଘାବଜାର ଥାନାରେ ଏତଲା ଦାଏର କରିଛନ୍ତି ।
ନେତାଜୀଙ୍କ ୧୧୪ତମ ଜୟନ୍ତୀ ଅବସରରେ ସଂଗ୍ରହାଳୟରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେବାକୁ ଯାଇଥିବା ବେଳେ ଏହାର କିଛି ସମୟ ପରେ ଏହି ଘଟଣା ଘଟିଛି ।
“ଏକ ଛୋଟ ରାସ୍ତାରେ ମୁଖ୍ୟମନ୍ତ୍ରୀ ସଂଗ୍ରହାଳୟ ଭିତରକୁ ପ୍ରବେଶ କରିଥିଲେ । ମହତାବ ତାଙ୍କ ସମର୍ଥକଙ୍କ ସହ ସେଠାରେ ପହଞ୍ଚି ଭିତରକୁ ଯିବାକୁ ଚାହିଁଥିଲେ” ରଘାବଜାର ଥାନା ଅଧିକାରୀ ଏସ୍.କେ. ଦାଶ କହିଛନ୍ତି ।
ସେହି ସମାନ ରାସ୍ତାରେ ମହତାବଙ୍କୁ ଭିତରକୁ ଯିବାକୁ ଦିଆଯାଇଥିଲା । କିନ୍ତୁ ସୁରକ୍ଷା ଦୃଷ୍ଟିରୁ ତାଙ୍କ ସମର୍ଥକଙ୍କୁ ଭିତରକୁ ଯିବାକୁ ଦିଆଯାଇନଥିଲା । ଏଥିରେ ଊତ୍ୟତ୍କ ହୋଇ ସାଂସଦ ସଂପୃକ୍ତ ଅଧିକାରୀଙ୍କୁ ଦୁର୍ବ୍ୟବହାର କରିଥିଲେ । ମହତାବଙ୍କ ବିରୋଧରେ ଆମେ ଏକ ମାମଲା ରୁଜୁ କରିଛୁ, ସେ କହିଛନ୍ତି ।
“ଏ ସଂପର୍କରେ ଅଭିଯୋଗ ପାଇଛୁ ଏବଂ ମାମଲା ରୁଜୁ ହୋଇଥିବା ବେଳେ ତଦନ୍ତ ଜାରି ରହିଛ” ଡ଼ିସିପି ଅମିତେନ୍ଦ୍ର ନାଥ ସିହ୍ନା ଓଡ଼ିଶା ଡ଼ଟ୍ କମ୍ କୁ କହିଛନ୍ତି । ଘଟଣା ସଂପର୍କରେ ଭର୍ତ୍ତୃହରି ମହତାବଙ୍କ ପ୍ରତିକ୍ରିୟା ମିଳିପାରି ନାହିଁ ।
ଓଡ଼ିଶା ଡ଼ଟ୍ କମ୍
ଓଡିଶା ଡଟ୍ କମ୍ ସମ୍ବାଦ ଦାତା
କଟକ, ନଭେମ୍ବର ୨୧ (ଓଡିଶା ଡଟ୍ କମ୍) କଟକର ମହାନଦୀ ବାଲିପଠାରେ ରବିବାର ଆରମ୍ଭ ହୋଇଛି ଐତିହାସିକ ବାଲିଯାତ୍ରା ।୨୮ ତାରିଖ ପର୍ଯ୍ୟନ୍ତ ହେବାକୁ ଥିବା ଏହି ପ୍ରସିଦ୍ଧ ବାଲିଯାତ୍ରାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରବିବାର ଉଦ୍ଘାଟନ କରିଛନ୍ତି ।
ଏଥିରେ ଚଳିତ ବର୍ଷ ରାଜ୍ୟ ତଥା ରାଜ୍ୟ ବାହାରର ପ୍ରାୟ ୧୫ ଶହରୁ ଉର୍ଦ୍ଧ୍ଵ ଷ୍ଟଲ ଖୋଲିଛି । ଏଥି ମଧ୍ୟରୁ ଓରମାସ୍ ର ସାଢ଼େ ତିନି ଶହରୁ ଉର୍ଦ୍ଧ୍ଵଷ୍ଟଲ ରହିଛି ଯେଉଁଥିରେ ସବୁ ପ୍ରକାର ହସ୍ତକର୍ମ ସାମଗ୍ରୀ ଉପଲବ୍ଧ ହେବ । ଏହା ବ୍ୟତୀତ ଆଖପାଖ ଅଞ୍ଚଳରେ ପସରା ମେଲିଛନ୍ତି ଶତାଧିକ ଛୋଟବଡ ଦୋକାନ ।
ଲୋକମାନଙ୍କ ମନୋରଞ୍ଜନ ପାଇଁ ପ୍ରତ୍ୟେକ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ଆୟୋଜନ କରାଯାଇଛି ।ଏହି ସମୟରେ କୌଣସି ଅପ୍ରୀତିକର ପରିସ୍ଥିତି ସୃଷ୍ଟି ନହେବା ପାଇଁ ଜିଲ୍ଲା ପ୍ରଶାସନ ଓ କମିଶନରେଟ ପୋଲିସ ଠାରୁ ଆରମ୍ଭ କରି ଅଗ୍ନିଶମ ସେବା ବିଭାଗ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ବାଲିଯାତ୍ରା ପଡ଼ିଆର ସୁରକ୍ଷା ବ୍ୟବସ୍ଥା ପାଇଁ ୪୮ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଅପରାଧୀଙ୍କ ଗତିବିଧି ଜାଣିବା ପାଇଁ କମିଶନରେଟ୍ ପୋଲିସ୍ ପକ୍ଷରୁ ଫୋର୍ସ ମୁତୟନ କରାଯିବା ସହିତ ଦୁଇଟି ୱାଚ ଟାୱାରର ବ୍ୟବସ୍ଥା କରାଯାଇଛି, କ୍ଲୋଜ ସର୍କିଟ କ୍ୟାମେରା ଖଞ୍ଜାଯାଇଛି ।
ଏହାବ୍ୟତୀତ ସାଦା ପୋଷାକରେ ମହିଳା ଓ ପୁରୁଷ ପୋଲିସ କର୍ମଚାରୀଙ୍କୁ ମୁତୟନ କରାଯାଇଛି ।
ଓଡିଶା ଡଟ୍ କମ୍
ଓଡ଼ିଶା ଡ଼ଟ୍ କମ୍ ସମ୍ବାଦଦାତା
କଟକ, ନଭେମ୍ବର ୧୬(ଓଡ଼ିଶା ଡ଼ଟ୍ କମ୍) ପୁରୀ ଜିଲ୍ଲାରେ ବେଦାନ୍ତ ବିଶ୍ୱବିଦ୍ୟାଳୟ ପାଇଁ ହୋଇଥିବା ଜମି ଅଧିଗ୍ରହଣ ପ୍ରକ୍ରିୟାକୁ ବେଆଇନ ଦର୍ଶାଇ ଓଡ଼ିଶା ହାଇକୋର୍ଟ ଜମି ମାଲିକଙ୍କୁ ସେମାନଙ୍କ ଜମି ଫେରାଇ ଦେବାକୁ ସରକାରଙ୍କୁ ମଙ୍ଗଳବାର ନିର୍ଦ୍ଦେଶ ଦେଇଛନ୍ତି ।
ଏକ ଜନସ୍ୱାର୍ଥ ମାମଲାର ବିଚାର କରି ମୁଖ୍ୟ ବିଚାରପତି ଭି.ଗୋପାଳ ଗୌଡ଼ ଏବଂ ବିଚାରପତି ବି.ପି.ଦାସଙ୍କୁ ନେଇ ଗଠିତ ଖଣ୍ଡପୀଠ ଏହି ରାୟ ଦେଇଥିବା ଆବେଦନକାରୀଙ୍କ ଓକିଲ ସୁବୀର ପାଲିତ କହିଛନ୍ତି ।
ପ୍ରକଳ୍ପ ପାଇଁ ହୋଇଥିବା ଜମି ଅଧିଗ୍ରହଣ ବେଆଇନ ଏବଂ ଏହା ବୈଧ ନୁହେଁ ବୋଲି ହାଇକୋର୍ଟ ଦର୍ଶାଇବା ସହ ସଂପୃକ୍ତ ଜମିମାଲିକମାନଙ୍କୁ ଜମି ଫେରାଇ ଦେବାକୁ ନିର୍ଦ୍ଦେଶ ଦେଇଥିବା ସେ ଓଡ଼ିଶା ଡ଼ଟ୍ କମ୍ କୁ କହିଛନ୍ତି ।
ପ୍ରବାସୀ ଭାରତୀୟ ଶିଳ୍ପପତି ଅନୀଲ ଅଗ୍ରୱାଲଙ୍କ ଦ୍ୱାରା ପ୍ରତିଷ୍ଠିତ ଅନୀଲ ଅଗ୍ରୱାଲ ଫାଉଣ୍ଡେସନ ପୁରୀ କୋଣାର୍କ ନିକଟରେ ଏକ ବିଶ୍ୱସ୍ତରୀୟ ବିଶ୍ୱବିଦ୍ୟାଳୟ ସ୍ଥାପନ କରିବାକୁ ଯାଉଛି ।
ଏହି ବିଶ୍ୱବିଦ୍ୟାଳୟ ପାଇଁ ଛଅ ହଜାର ଏକରରୁ ଉର୍ଦ୍ଧ୍ଵ ଜମି କମ୍ପାନୀ ଚାହିଁଥିବା ବେଳେ ଏଥିପାଇଁ ୧୫ ହଜାର କୋଟି ଟଙ୍କା ବ୍ୟୟ କରିବାକୁ ଲକ୍ଷ୍ୟ ରଖିଛି । କିନ୍ତୁ କମ୍ପାନୀ ସ୍ଥାନୀୟ ଲୋକଙ୍କ ବିରୋଧର ସମ୍ମୁଖିନ ହୋଇଛି । ଜମି ହରାଇଥିବା କେତେକ ଲୋକ ଏହି ଜମି ଅଧିଗ୍ରହଣକୁ ବେଆଇନ ଦର୍ଶାଇବା ପାଇଁ କୋର୍ଟରେ ଆବେଦନ କରିଥିଲେ ।
“ଜମି ଅଧିଗ୍ରହଣ ବେଆଇନ ହୋଇଥିବାରୁ ଆରମ୍ଭରୁ ଆମେ ଏହାକୁ ବିରୋଧ କରିଆସୁଛୁ । ଏହା ହାଇକୋର୍ଟଙ୍କ ଐତିହାସିକ ରାୟ” ଜଣେ ଆବେଦନକାରୀ ଉମାବଲ୍ଲଭ ରଥ କହିଛନ୍ତି । ଏ ସଂପର୍କରେ ରାଜ୍ୟ ସରକାର କିମ୍ବା କମ୍ପାନୀ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ମତାମତ ମିଳିପାରି ନାହିଁ ।
ଓଡ଼ିଶା ଡ଼ଟ୍ କମ