କନ୍ଧମାଳ ଜିଲ୍ଲା

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଫୁଲବାଣୀ, ଜାନୁୟାରୀ ୧୭(ଓଡ଼ିଶା ଡ଼ଟ୍ କମ୍) ଶୀତ ଯୋଗୁଁ ନିଅାଁ ଜାଳି ଶୋଇଥିବା ବେଳେ କନ୍ଧମାଳ ଜିଲ୍ଲାରେ ମଙ୍ଗଳବାର ଶ୍ୱାସରୁଦ୍ଧ ହୋଇ ଜଣେ ବ୍ୟକ୍ତିଙ୍କ ମୃତ୍ୟୁ ହେବା ସହ ଅନ୍ୟ ପାଂଚ ଜଣ ଅସୁସ୍ଥ ହୋଇଛନ୍ତି ।

ବାଲିଗୁଡ଼ା ସହରରେ ଗୋଟିଏ ପରିବାରର ଛଅ ଜଣ ନିଅାଁ ଜାଳି ଶୋଇଥିବା ବେଳେ ଏଭଳି ଘଟଣା ଘଟିଛି । ଏହି ପରିବାରର ପଡ଼ୋଶୀ ଲୋକ ଭୋର ସକାଳୁ ନିଅାଁ ଗନ୍ଧ ଜାଣି ଘରର କବାଟ ଭାଙ୍ଗି ଭିତରକୁ ଯାଇଥିଲେ ।

ଭିତରେ ଥିବା ସମସ୍ତଙ୍କୁ ଅସୁସ୍ଥ ଅବସ୍ଥାରେ ଉଦ୍ଧାର କରାଯାଇ ଡ଼ାକ୍ତରଖାନାରେ ଭର୍ତି କରାଯାଇଥିଲା ଏବଂ ୭୦ ବର୍ଷ ବୟସ୍କ ଅରକ୍ଷିତ ପାତ୍ରଙ୍କୁ ଡ଼ାକ୍ତର ମୃତ ଘୋଷଣା କରିଥିଲେ ବୋଲି ପୋଲିସ କହିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୫(ଓଡ଼ିଶା ଡ଼ଟ୍ କମ୍) ଗୁରୁବାର ସକାଳେ କନ୍ଧମାଳ ଜିଲ୍ଲାରେ ହୋଇଥିବା ବିସ୍ଫୋରଣ ଘଟଣାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିନ୍ଦା କରିବା ସହ ଏଥିରେ ମୃତ୍ୟୁବରଣ କରିଥିବା ପୋଲିସ କର୍ମଚାରୀଙ୍କ ପରିବାରଙ୍କ ପାଇଁ ସହାୟତା ରାଶି ଘୋଷଣା କରିଛନ୍ତି ।

ରାଜ୍ୟ ସରକାରଙ୍କ ପକ୍ଷରୁ ମୃତକଙ୍କ ପରିବାରକୁ ଆଠ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୂଳକ ସହାୟତା ବୀମା ସହାୟତା ଦଶ ଲକ୍ଷ ଟଙ୍କା ଲେଖାଏଁ ଦେବାକୁ ଘୋଷଣା କରାଯାଇଛି ।

ଏହାବ୍ୟତୀତ ମୃତ ବ୍ୟକ୍ତିଙ୍କ ପରିବାରର ଜଣକୁ ସରକାରୀ ଚାକିରୀ ଏବଂ ସ୍ୱତନ୍ତ୍ର ପରିବାର ପେନ୍ସନ୍ଯୋ ଯୋଗାଇ ଦେବା ସହ ଆହତ ପୋଲିସ କର୍ମଚାରୀଙ୍କ ସମସ୍ତ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ଘୋଷଣା କରାଯାଇଛି ।

ଆହତ କନେଷ୍ଟବଲ ନାହା ପ୍ରଧାନ, ଲାନ୍ସ ନାୟକ ବସନ୍ତ ବେହେରା ଓ ଗୃହରକ୍ଷୀ ପାଣ୍ଡବଙ୍କ ମୁଖ୍ୟମନ୍ତ୍ରୀ ଆଶୁ ଆରୋଗ୍ୟ କାମନା କରିଛନ୍ତି ।

ଗତକାଲି ବିସ୍ଫୋରଣ ହୋଇଥିବା ସ୍ଥାନକୁ ଛଅ ଜଣ ପୋଲିସ କର୍ମଚାରୀ ଏକ ଟାଟା ସୁମୋ ଗାଡ଼ିରେ ଯାଉଥିବା ବେଳେ କୋଟଗଡ଼ ଥାନା ଅର୍ନ୍ତଗତ ଶ୍ରୀରାମପୁର ଗାଁ ଜଙ୍ଗଲ ରାସ୍ତାରେ ବିସ୍ଫୋରଣ ହୋଇଥିଲା ଏବଂ ଏଥିରେ କନେଷ୍ଟବଲ ସୁନାଶିର ମହାନ୍ତି, ଉମାଜାନି ଓ ସଂଗ୍ରାମ ଲେଙ୍କା ପ୍ରାଣ ହରାଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ସୀମାଞ୍ଚଳ ପଟ୍ଟନାୟକ

ଫୁଲବାଣୀ, ନଭେମ୍ବର ୨୬(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଲ୍ଲା ବ୍ରାହ୍ମଣି ଗାଁରେ ଜଣେ ଯୁବ ଠିକାଦାରଙ୍କୁ କେତେକ ଦୁର୍ବୃତ୍ତ ଗୁଳିକରି ହତ୍ୟା କରିଥିବା ପୋଲିସ ଶୁକ୍ରବାର କହିଛି ସଂପୃକ୍ତ ଠିକାଦାର ମନୋଜ ସାହୁଙ୍କୁ ଗୁରୁବାର ରାତିରେ ଦୁର୍ବୃତ୍ତମାନେ ହତ୍ୟା କରିଛନ୍ତି । ସେ କିଛି ଦିନ ଫୁଲବାଣୀ ଓ ପରେ ବ୍ରହ୍ମପୁରରେ ନିଜ ପରିବାର ସହ ରହୁଥିଲେ ।

ସାହୁ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଜଣେ ସଦସ୍ୟ ଥିଲେ ଓ ପୂର୍ବରୁ ମାଓବାଦୀମାନେ ତାଙ୍କୁ ହତ୍ୟା ଧମକ ଦେଇଥିଲେ । ଗୁରୁବାର ଦାରିଙ୍ଗିବାଡ଼ି ଠାରେ ଏକ ଖ୍ରୀଷ୍ଟିୟ ସଭା ଅନୁଷ୍ଠିତ ହୋଇଥିଲା ଓ ଏଥିରେ ସ୍ଥାନୀୟ ସାଂସଦ ଅତିଥି ଭାବେ ଯୋଗ ଦେଇଥିଲେ ।

ଏହାର ୧୨ ଘଣ୍ଟା ନପୁରୁଣୁ ଏଭଳି ହତ୍ୟାକାଣ୍ଡକୁ ଆର୍ଏସ୍ଏସ୍ ପକ୍ଷରୁ ନିନ୍ଦା କରାଯାଇଛି । ତେବେ ଏହି ହତ୍ୟାକାଣ୍ଡ ଦୁର୍ବୃତ୍ତମାନେ ଘଟାଇଥିବା ଜିଲ୍ଲା ପୋଲିସ ମୁଖ୍ୟ ଏସ୍.ପ୍ରବୀଣ କୁମାର କହିଛନ୍ତି । ସାହୁଙ୍କ ପ୍ରତି ମାଓବାଦୀଙ୍କ ଧମକ ଥିବା ଘଟଣାକୁ କୁମାର ସ୍ୱୀକାର କରିଥିଲେ ମଧ୍ୟ ସବୁ ଦିଗରୁ ତଦନ୍ତ ଚାଲିଛି ବୋଲି ସେ କହିଛନ୍ତି ।

ଓଡିଶା ଡଟ୍ କମ୍