କମ୍ପ୍ୟୁଟର

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ମଇ ୨୯(ଓଡ଼ିଶା ଡ଼ଟ୍ କମ୍) ରାଜ୍ୟରେ ଖଣି ଦୁର୍ନୀତି ଓ ଖଣିଜ ପଦାର୍ଥ ଚୋରାଚାଲାଣ ରୋକିବା ପାଇଁ ଆରମ୍ଭ କରାଯାଇଥିବା ସମନ୍ୱିତ ଖଣିଜ ପଦାର୍ଥ ଓ ଖଣି ପରିଚାଳନା କାର୍ଯ୍ୟକ୍ରମରେ ୬ଟି ବନ୍ଦରକୁ ସାମିଲ୍ କରିବାକୁ ସରକାର ନିଷ୍ପତି ନେଇଛନ୍ତି ।

ଏହି ନିଷ୍ପତି ଆଗାମୀ ଜୁନ୍ ପହିଲାରୁ କାର୍ଯ୍ୟକାରୀ ହେବ । ଏ କ୍ଷେତ୍ରରେ ଅସହଯୋଗ କଲେ ସପୃକ୍ତ ବନ୍ଦର ଦେଇ ଖଣି ଚାଲାଣ ବନ୍ଦ କରାଯିବ ବୋଲି ଖଣି ଓ ଇସ୍ପାତ ବିଭାଗର ଜଣେ ବରିଷ୍ଠ ଅଧିକାରୀ କହିଛନ୍ତି ।

ଏହି କାର୍ଯ୍ୟକ୍ରମରେ ସାମିଲ କରାଯାଇଥିବା ବନ୍ଦର ଗୁଡ଼ିକ ହେଲା ପଶ୍ଚିମବଙ୍ଗର ହଳିଆ, ଓଡ଼ିଶାର ଧାମରା ଏବଂ ପାରାଦ୍ଵିପ ତଥା ଆନ୍ଧ୍ରପ୍ରଦେଶର ବିଶାଖାପାଟଣା, କାକିନାଡା ଏବଂ ଗଙ୍ଗାହରମ୍ ।

ଏହି ବନ୍ଦରଗୁଡ଼ିକ ଦେଇ ଓଡ଼ିଶାରୁ ଖଣିଜ ପଦାର୍ଥ ରପ୍ତାନି କରାଯାଇଥାଏ । ଏଣିକି ବନ୍ଦର କର୍ତୃପକ୍ଷସେମାନଙ୍କ ବାଟ ଦେଇ ଯାଉଥିବା ଟ୍ରକ୍ ଏବଂ ମାଲ୍ ସଂପର୍କରେ ସବିଶେଷ ବିବରଣୀ ତୁରନ୍ତ ଖଣି ନିର୍ଦ୍ଦେଶାଳୟକୁ ପ୍ରଦାନ କରିବେ ।

ଯଦି ସପୃକ୍ତ ଟ୍ରକ୍ ଟି ଖଣି ଅଂଚଳରୁ ବାହାରିବା ସମୟରେ ନେଇଥିବା ମାଲ୍ ତଥ୍ୟ ସହିତ ବନ୍ଦର କର୍ତ୍ତୁପକ୍ଷଙ୍କ ତଥ୍ୟରେ ତାଳମେଳ ନରହିଲେ ସେ ଦିଗରେ ଦୃଢ ପଦକ୍ଷେପ ଗ୍ରହଣ କରାଯିବ ବୋଲି ସେ କହିଛନ୍ତି ।

ନୂତନ ବ୍ୟବସ୍ଥା ଅନୁସାରେ ପ୍ରତ୍ୟେକ ଖଣି ଲିଜ୍ ଅଧିକାରୀଙ୍କୁ ସ୍ୱତନ୍ତ୍ର କମ୍ପ୍ୟୁଟରକୃତ ନମ୍ବର ଦିଆଯାଇଥିବା ବେଳେ ସେଗୁଡ଼ିକ ସଂପର୍କରେ ଉକ୍ତ ବନ୍ଦର କର୍ତୃପକ୍ଷଙ୍କୁ ଅବଗତ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂହପୁର, ଫେବୃୟାରୀ ୮(ଓଡ଼ିଶା ଡ଼ଟ୍ କମ୍) ଅଫିସ କାର୍ଯ୍ୟ କରିବା ପାଇଁ ଆବଶ୍ୟକ କମ୍ପ୍ୟୁଟର ଶିକ୍ଷାରେ ଅବହେଳା କରିଥିବାରୁ ବିଭାଗୀୟ କର୍ତ୍ତୃପକ୍ଷ ନିକଟରେ ଜଗତସିଂହପୁର ଜିଲ୍ଲାର ଜଣେ ଡ଼ାକ କର୍ମଚାରୀଙ୍କୁ ନିଲମ୍ବିତ କରିଛନ୍ତି ।

ଗ୍ରାମାଞ୍ଚଳ ଲୋକଙ୍କୁ ସଠିକ୍ ସେବା ଯୋଗାଇବା ଲକ୍ଷ୍ୟରେ ଡ଼ାକ ବିଭାଗ ପୋଷ୍ଟ ଅଫିସ ଗୁଡ଼ିକର ଆଧୁନିକୀକରଣ ତଥା କମ୍ପ୍ୟୁଟରୀକରଣ କରି ଏଗୁଡ଼ିକର ପରିଚାଳନା ପାଇଁ ସିଷ୍ଟମ ଆଡ଼ମିନିଷ୍ଟ୍ରେଟର ନିଯୁକ୍ତ କରିଛନ୍ତି ।

ଜିଲ୍ଲାର ଏର୍ସମା ବ୍ଲକ ଅନ୍ତର୍ଗତ ତିରାନ ସ୍ଥିତ ଡ଼ାକଘରେ ଅଧିକାରୀ ମାନେ କମ୍ପ୍ୟୁଟର ଶିକ୍ଷା କରିନଥିବାରୁ ଡ଼ାକସେବା ବାଧାପ୍ରାପ୍ତ ହେଉଥିବା ସ୍ଥାନୀୟ ଲୋକମାନେ ଅଭିଯୋଗ କରିଥିଲେ ।

ଏ ସଂପର୍କରେ ଅଭିଯୋଗ ପାଇବା ପରେ କଟକ ଡ଼ିଭିଜନ ଡ଼ାକ ଅଧିକ୍ଷକ ସୁବାଷ ଚନ୍ଦ୍ର ବାରିକ ଗତ ଡ଼ିସେମ୍ବର ୨୯ରେ ତଦନ୍ତ କରିଥିଲେ । ଡ଼ାକଘର ପୋଷ୍ଟ ମାଷ୍ଟରଙ୍କ କମ୍ପ୍ୟୁଟର ବିଷୟରେ ଜ୍ଞାନ ନଥିବାରୁ କାର୍ଯ୍ୟ ବାଧାପ୍ରାପ୍ତ ହେଉଥିବା ସେ ଜାଣିବାକୁ ପାଇଥିଲେ ।

ଗତ ଅପ୍ରେଲ ୨୦୦୯ରେ କର୍ତ୍ତୃପକ୍ଷ ଏହି କାର୍ଯ୍ୟାଳୟରେ ଦୁଇଜଣ କମ୍ପ୍ୟୁଟର ସିଷ୍ଟମ ଆଡ଼ମିନିଷ୍ଟ୍ରେଟରଙ୍କୁ ନିଯୁକ୍ତି ଦେଇଥିଲେ କିନ୍ତୁ କମ୍ପ୍ୟୁଟର ଖରାପ ଯୋଗୁଁ ବିଭିନ୍ନ କାର୍ଯ୍ୟରେ ବାଧାପ୍ରାପ୍ତ ହୋଇଥିଲା, ନିଲମ୍ବିତ ସବ୍ ପୋଷ୍ଟ ମାଷ୍ଟର ବିଜୟ କୁମାର ତ୍ରିପାଠୀ କହିଛନ୍ତି ।

“ଡ଼ାକ ବିଭାଗ କମ୍ପ୍ୟୁଟର ତାଲିମ ପାଇଁ କୌଣସି ସ୍ଥାନକୁ ପଠାଇନଥିବାରୁ ଏହା ଜାଣିପାରିଲି ନାହିଁ । ବିଭାଗୀୟ କର୍ତ୍ତୃପକ୍ଷ ବେଆଇନ ଭାବେ ମତେ ନିଲମ୍ବନ କରିଛନ୍ତି । ଏ ସଂପର୍କରେ ମୁଁ ଡ଼ାକ ବିଭାଗ ନିର୍ଦ୍ଦେଶକଙ୍କୁ ଜଣାଇଛି” ତ୍ରିପାଠୀ କହିଛନ୍ତି ।

ତ୍ରିପାଠୀଙ୍କୁ ନିଲମ୍ବିତ କରାଯାଇଛି ବୋଲି ଡ଼ାକ ଅଧିକ୍ଷକ କହିଥିବା ବେଳେ ନିଲମ୍ବନର କାରଣ ସଂପର୍କରେ କିଛି କହିନାହାନ୍ତି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ଡ଼ିସେମ୍ବର ୬(ଓଡ଼ିଶା ଡ଼ଟ୍ କମ୍) ଏଣିକି ସରକାରୀ ଅଫିସର-କର୍ମଚାରୀଙ୍କ ଚାକିରୀ କାଳର ସମସ୍ତବିବରଣୀ ହ୍ୟୁମାନ ରିସୋର୍ସ ମ୍ୟାନଜମେଣ୍ଟ ସିଷ୍ଟମ(ଏଚ୍ଆର୍ଏମ୍ଏସ୍) ଜରିଆରେ କମ୍ପ୍ୟୁଟରିକୃତ ହେବ ।

ଡ଼ିଏଫ୍ଆଇଡ଼ି ସହାୟତାରେ ଏହା କାର୍ଯ୍ୟକାରୀ ହୋଇଥିବା ବେଳେ ପରବର୍ତ୍ତୀ ସମୟରେ ରାଜ୍ୟ ଯୋଜନାରେ ତାହାକାର୍ଯ୍ୟକାରୀ ହେଉଛି ବୋଲି ଏହାର ଉ୍ଘାଟନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ।

ଏହି ବ୍ୟବସ୍ଥାରେ ପ୍ରଥମ ପର୍ଯ୍ୟାୟରେ ୩୮ଟି ପ୍ରଶାସନିକ ବିଭାଗ ଓ ୧୦୨ଟି ବିଭାଗୀୟ ମୁଖ୍ୟ ପ୍ତରକୁ ସାମିଲ
କରାଯାଇଛି । ପରେ ରାଜ୍ୟରେ ଥିବା ୨ ହଜାର ୨୦୦ ଡ଼୍ରଇଂ ଏବଂ ଡ଼ିସବର୍ସମେଣ୍ଟ ଅଫିସକୁ ସାମିଲ କରାଯିବ ।

କର୍ମଚାରୀ-ଅଫିସର କାର୍ଯ୍ୟ କ୍ଷେତ୍ରରେ ପ୍ରବେଶ ସମୟ ଠାରୁ ଅବସର ଗ୍ରହଣ କରିବା ପର୍ଯ୍ୟନ୍ତ କମ୍ପ୍ୟୁଟରୀକୃତ ହୋଇ ରହିବା ବିଶେଷ କରି ପୋନ୍ନତି, ବଳି, ଛୁଟି, ଋଣ ଓ ଅଗ୍ରିମ, ଶୃଙ୍ଖଳାଗତ କାର୍ଯ୍ୟାନୁଷ୍ଠାନ, ଭବିଷ୍ୟନିଧି ପାଣ୍ଠି ଏବଂ ଅବସର ତାରିଖ ଇତ୍ୟାଦି ଲିପିବଦ୍ଧ ହୋଇ ରହିବ ।

ବର୍ତ୍ତମାନ ସୁଦ୍ଧା ଏହି ବ୍ୟବସ୍ଥା ୧୪ଟି ଜିଲ୍ଲାର ୩ ଲକ୍ଷ ୩୫ ହଜାର କର୍ମଚାରୀଙ୍କ ବିବରଣୀ ରଖାଯାଇଥିବା ବେଳେ ସଂପୂର୍ଣ୍ଣରାଜ୍ୟର କର୍ମଚାରୀଙ୍କ ବିବରଣୀ ରଖିବା ପାଇଁ ଆଉ ଅଢେଇ ବର୍ଷ ସମୟ ଲାଗିବ ।

ଓଡ଼ିଶା ଡ଼ଟ୍ କମ୍