• Skip to primary navigation
  • Skip to main content
  • Skip to primary sidebar
  • ଯୋଗାଯୋଗ
  • ଆମ ସମ୍ପର୍କରେ
  • କପି ରାଇଟ
  • ଓଡିଆ ଶିକ୍ଷା
  • କ୍ୟାରିୟର
  • ବିଜ୍ଞାପନ ନିୟମ
  • ଲେଖକଙ୍କ ପାଇଁ
  • ଓଡିଶା ଡଟ୍ କମ ଘୋଷଣାନାମା
  • ଓଡିଆ ୱେବସାଇଟ
  • ଆମ ବିଜ୍ଞାପନଦାତା

Odisha.com

Connecting Odias

  • ପ୍ରବାସୀ ଓଡିଆ
    • ମନୋରଞ୍ଜନ
    • ଶିକ୍ଷା
    • ଖେଳ
    • ସାହିତ୍ୟ
  • ସାକ୍ଷାତକାର
  • ଅର୍ଥ-ବ୍ୟବସାୟ
  • ରାଜନୀତି
  • ଆମ ସମ୍ପର୍କରେ
    • ବିଜ୍ଞାପନ ନିୟମ
      • ଆମ ବିଜ୍ଞାପନଦାତା
      • ଲେଖକଙ୍କ ପାଇଁ
      • ଚିଠିପତ୍ର
      • ଯୋଗାଯୋଗ
  • ଆମ ରୋସେଇ ଘରୁ

କଳିଙ୍ଗନଗର

‘ଡେଙ୍ଗୁ’ରୋକିବା ପାଇଁ କଳିଙ୍ଗନଗରରେ ଟାଟା ଷ୍ଟିଲର ଅଭିଯାନ

July 18, 2015 by ନିଉଜ ଡେସ୍କ Leave a Comment

ଓଡିଶା ଡଟ କମ ସଂବାଦ ଦାତା

କଳିଙ୍ଗ ନଗର, ଯାଜପୁର ଜୁଲାଇ ୧୮ (ଓଡିଶା ଡଟ କମ) ନିଜ କର୍ମଚାରୀମାନଙ୍କୁ ଉନ୍ନତ ସ୍ୱାସ୍ଥ୍ୟସେବା ଓ ସୁରକ୍ଷିତ ଏବଂ ସ୍ୱଚ୍ଛ ପରିବେଶ ଯୋଗାଇ ଦେବା ପାଇଁ ପ୍ରତିଶ୍ରୁତିବଦ୍ଧ ଟାଟା ଷ୍ଟିଲ ପକ୍ଷରୁ ଏହାର କଳିଙ୍ଗନଗର ଇସ୍ପାତ ପ୍ରକଳ୍ପରେ ଡେଙ୍ଗୁ ରୋଗର ନିରାକରଣ ପାଇଁ ଏକ ଅଭିଯାନ ଆରମ୍ଭ କରିଛି ।

ଏହି ପରିପ୍ରେକ୍ଷୀରେ ବର୍ଷା ଋତୁ ଆରମ୍ଭରୁ ଡେଙ୍ଗୁ ରୋକିବା ଲାଗି ଗତ କିଛି ମାସ ମଧ୍ୟରେ ଟାଟା ଷ୍ଟିଲ କଳିଙ୍ଗନଗର ପ୍ରକଳ୍ପ ବୃତ୍ତିଗତ ସ୍ୱାସ୍ଥ୍ୟସେବା ବିଭାଗ ଓ ଜାମସେଦପୁର ୟୁଟିଲିଟି ସର୍ଭିସେସ୍ କମ୍ପାନୀ (ଜୁସ୍କୋ)ର ଜନ ସ୍ୱାସ୍ଥ୍ୟ ଦଳ ପକ୍ଷରୁ ମଳିତ ଭାବେ ବିଭିନ୍ନ ପଦକ୍ଷେପମାନ ନିଆଯାଇଛି ।

କାରଖାନା ପରିସର ମଧ୍ୟରେ ୩୪ଟି ପ୍ରଶିକ୍ଷଣ ଶିବିରର ଆୟୋଜନ କରାଯାଇଛି । ଏହାବ୍ୟତୀତ କାରଖାନା ପରିସରରେ ସମ୍ଭାବିତ ଡେଙ୍ଗୁ ପ୍ରଜନନ ସ୍ଥଳୀ ଚିହ୍ନଟ କରିବା ପରେ ଲାର୍ଭିସାଇଡାଲ ସ୍ପ୍ରେ ମାଧ୍ୟମରେ ମଶାଙ୍କ ଲାର୍ଭାକୁ ନଷ୍ଟ କରାଯାଉଛି ।

ଚଳିତ ବର୍ଷ ମେ ମାସଠାରୁ କାରଖାନା ଅଞ୍ଚଳ ଓ ଶ୍ରମିକ କଲୋନୀରେ ଡେଙ୍ଗୁ ନାଶକ ଦଳକୁ ଏହି ସ୍ପ୍ରେ କାର୍ଯ୍ୟରେ ନିୟୋଜିତ କରାଯାଇଛି । କମ୍ପାନୀ ପକ୍ଷରୁ କାରଖାନାରେ କାର୍ଯ୍ୟରତ ସମସ୍ତ କର୍ମଚାରୀ ଓ ଲାଇନ୍ ମ୍ୟାନେଜରମାନଙ୍କୁ ମଶା ନିରୋଧକ ମଲମ (ଓଡୋମସ୍) ଯୋଗାଇ ଦିଆଯାଉଛି ।

ସତର୍କତାପୂର୍ବକ କାରଖାନାର ବିଭିନ୍ନ ବିଭାଗରେ ସଚେତନତା ଶିବିରର ମଧ୍ୟ ଆୟୋଜନ କରାଯାଉଛି ।

ଡେଙ୍ଗୁ ରୋଗର ‘ପ୍ରତିଷେଧକ ବ୍ୟବସ୍ଥା’ ବିଷୟରେ ସଚେତନ କରିବା ପାଇଁ କାରଖାନା ଭିତରେ କର୍ମଚାରୀଙ୍କୁ ଓଡ଼ିଆ ଓ ହିନ୍ଦୀରେ ପ୍ରସ୍ତୁତ ପ୍ରଚାରପତ୍ର ବଣ୍ଟାଯିବା ସହିତ କାରଖାନା ପରିସରରେ ଡେଙ୍ଗୁ ସଚେତନତା ବ୍ୟାନର ଲଗାଯାଇଛି ।

ଏହାସହିତ ଡେଙ୍ଗୁ ପ୍ରତିଷେଧକ ବ୍ୟବସ୍ଥାକୁ ନିରୀକ୍ଷଣ କରିବା ପାଇଁ କାରଖାନାର ପ୍ରତ୍ୟେକ ଜୋନ୍ ଓ ସବ୍-ଜୋନ୍ରେ ସ୍ୱତନ୍ତ୍ର ଟିମ୍ ଗଠନ କରାଯାଇଛି ।

ଓଡିଶା ଡଟ କମ

ନିଉଜ ଡେସ୍କ
ନିଉଜ ଡେସ୍କ

Filed Under: ଅର୍ଥ-ବ୍ୟବସାୟ, ସ୍ୱାସ୍ଥ୍ୟ Tagged With: କଳିଙ୍ଗନଗର, ଟାଟା ଷ୍ଟିଲ, ଡେଙ୍ଗୁ

ଟାଟା ଷ୍ଟିଲ କଳିଙ୍ଗନଗର ପ୍ରକଳ୍ପରେ ସୁରକ୍ଷା ଅଭିଯାନର ଶୁଭାରମ୍ଭ

March 28, 2015 by ଓଡିଶା ଡଟ କମ Leave a Comment

ଭୁବନେଶ୍ୱର, ମାର୍ଚ୍ଚ ୨୮ (ଓଡିଶା ଡଟ କମ ) ସୁରକ୍ଷାକୁ ଅଗ୍ରାଧିକାର ଦେଉଥିବା ବୃହତ୍ ଇସ୍ପାତ କମ୍ପାନୀ ଟାଟା ଷ୍ଟିଲ ପକ୍ଷରୁ ଶନିବାର କଳିଙ୍ଗନଗର ପ୍ରକଳ୍ପରେ ‘ମୁଁ ……… ଶୂନ୍ୟ ପାଇଁ ପ୍ରତିଶ୍ରୁତିବଦ୍ଧ’ ନାମକ ସୁରକ୍ଷା ଅଭିଯାନର ଶୁଭାରମ୍ଭ କରାଯାଇଛି ।

I am commited to zeroକଳିଙ୍ଗନଗର ପ୍ରକଳ୍ପ ସାଧାରଣ କାର୍ଯ୍ୟାଳୟ ପରିସରରେ ଆୟୋଜିତ ଏକ ବିଶେଷ କାର୍ଯ୍ୟକ୍ରମରେ ସୁରକ୍ଷା ବିଭାଗର ଭାଇସ ପ୍ରେସିଡେଣ୍ଟ ଜେଫ୍ରି ଏ ଫରଗାଙ୍ଗ୍ ଏହି ଅଭିଯାନର ଶୁଭାରମ୍ଭ କରିଛନ୍ତି । ଏହି ଅବସରରେ ଟାଟା ଷ୍ଟିଲ କର୍ପୋରେଟ୍ ସୁରକ୍ଷା ବିଭାଗର ମୁଖ୍ୟ ଶ୍ୟାମ ସୁନ୍ଦର, ସିଏସ୍ଆଇ ବିଭାଗର ମୁଖ୍ୟ ଡି ଏନ୍ ଝା, ଓ କଳିଙ୍ଗନଗର ପ୍ରକଳ୍ପ ଲୌହ ନିର୍ମାଣ ପ୍ରକଳ୍ପ, ସୁରକ୍ଷା ଓ ଗୁଣବତ୍ତା ବିଭାଗର ମୁଖ୍ୟ ଅଜିତ ଡି କୋଠାରୀ ପ୍ରମୁଖ ଉପସ୍ଥିତ ଥିଲେ ।

ଏହି ଅବସରରେ ଶୂନ୍ୟ ଦୁର୍ଘଟଣା ହାସଲ କରିବା ପାଇଁ ୬ଟି ସୁରକ୍ଷା ରଣନୀତିର ଅୟମାରମ୍ଭ କରାଯାଇଥିଲା । ଏହି ରଣନୀତି ଗୁଡିକ ସୁରକ୍ଷା ନେତୃତ୍ୱ ବିକାଶ, ସାଂଗଠନିକ ସୁରକ୍ଷା ଦକ୍ଷତା ଓ ସାମର୍ଥ୍ୟର ବିକାଶ, ଠିକାଦାରଙ୍କ ସୁରକ୍ଷା ତଥା ଆପଦ ପରିଚାଳନା, ସଡ଼କ ଓ ରେଳ ସୁରକ୍ଷା ପରିଚାଳନା, ସମନ୍ୱିତ ଜରୁରୀକାଳୀନ ପଦକ୍ଷେପ, ଭିତ୍ତିଭୂମି ସମନ୍ୱୟ ପରିଚାଳନା ଓ ବୃତ୍ତିଗତ ସ୍ୱାସ୍ଥ୍ୟ ଏବଂ ଶିଳ୍ପଜନିତ ସ୍ୱାସ୍ଥ୍ୟ ରକ୍ଷା ହାସଲ କରିବା ପାଇଁ ଉଦିଷ୍ଟ ।

ଫରଗାଙ୍ଗ୍ କହିଥିଲେ ଯେ ସୁରକ୍ଷା ସଂସ୍କୃତି ସୃଷ୍ଟି କରିବା ପାଇଁ ଆମ ଅଭ୍ୟାସରେ ଏହାକୁ ସାମିଲ କରିବା ଆବଶ୍ୟକ । କଳିଙ୍ଗନଗର ପ୍ରକଳ୍ପରେ କର୍ମଚାରୀ ଓ ଠିକାଦାରଙ୍କ ପାଇଁ ସୁରକ୍ଷିତ କାର୍ଯ୍ୟ ପରିବେଶ ନିଶ୍ଚିତ କରିବା ଜୁରୁରୀ ବୋଲି କଳିଙ୍ଗନଗର ପ୍ରକଳ୍ପ ସିଏସ୍ଆଇ ବିଭାଗର ମୁଖ୍ୟ ଡି ଏନ୍ ଝା କହିଥିଲେ । ଏହି ଅବସରରେ ‘ମୁୁଁ ଶୂନ୍ୟ ପ୍ରତି ପ୍ରତିଶ୍ରୁତିବଦ୍ଧ’ ଷ୍ଟିକ୍ର ମଧ୍ୟ ଉନ୍ମୋଚନ କରାଯାଇଥିଲା ।

ଉନ୍ନତମାନର ଇସ୍ପାତ ନିର୍ମାଣ ସହ ସୁରକ୍ଷା କ୍ଷେତ୍ରରେ ଉକôର୍ଷ ହାସଲ ପାଇଁ ଟାଟା ଷ୍ଟିଲ ଅଙ୍ଗୀକାରବଦ୍ଧ । ଏହି ଅଭିଯାନ ମଧ୍ୟ ସମାନ ସଫଳତା ହାସଲ କରିବାକୁ ଲକ୍ଷ୍ୟ ରଖିଛି ।

ଏହାପୂର୍ବରୁ କମ୍ପାନୀ ପକ୍ଷରୁ କାର୍ଯ୍ୟକ୍ଷେତ୍ରରେ ଠିକାଦାର ଓ କର୍ମଚାରୀଙ୍କୁ ଶୂନ୍ୟ କ୍ଷତି ନିଶ୍ଚିତ କରିବା ପାଇଁ ଖୋଜନ୍ତୁ, ମାନନ୍ତୁ ଓ ଠିକ୍ କରନ୍ତୁ ନାମକ ଅଭିଯାନର ଶୁଭାରମ୍ଭ କରାଯାଇଥିଲା ।

ଟାଟା ଷ୍ଟିଲ ନିଜ କାର୍ଯ୍ୟକ୍ଷେତ୍ରରେ ସ୍ୱାସ୍ଥ୍ୟ ଓ ସୁରକ୍ଷାରେ ଉତ୍କୃଷ୍ଟ ପ୍ରଦର୍ଶନ କରିବାରେ ସଫଳତା ହାସଲ କରିଛି । ନିଜ କର୍ମଚାରୀ ଓ ଠିକାଦାରଙ୍କ ମଧ୍ୟରେ ସୁରକ୍ଷା ସଂସ୍କୃତିର ସ୍ଥାପନା ପାଇଁ କମ୍ପାନୀ ପକ୍ଷରୁ ଡୁପଣ୍ଟ ଭଳି କାର୍ଯ୍ୟକର୍ମମାନ କରାଯାଉଛି । କର୍ପୋରେଟ୍ ସୁରକ୍ଷା ଓ ସ୍ୱାସ୍ଥ୍ୟ ବିଭାଗର ମହାପ୍ରବନ୍ଧକ ଚନ୍ଦ୍ର ସରନ୍ ଏହି କାର୍ଯ୍ୟକ୍ରମର ପରିଚାଳନା କରିଥିଲେ ।

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଅର୍ଥ-ବ୍ୟବସାୟ, ମୁଖ୍ୟ ଖବର Tagged With: କଳିଙ୍ଗନଗର, ଟାଟାଷ୍ଟିଲ

ବିଶାଳ ମହିଳା ମରଭୂମି ସଫାରୀରେ କଳିଙ୍ଗନଗର ବାଳିକାଙ୍କ ଯୋଗଦାନ

March 25, 2015 by ଓଡିଶା ଡଟ କମ Leave a Comment

ଭୁବନେଶ୍ୱର, ମାର୍ଚ୍ଚ ୨୪ (ଓଡିଶା ଡଟ କମ) ଟାଟା ଷ୍ଟିଲ ଆଡଭେଞ୍ଚର ଫାଉଣ୍ଡେସନ୍ ଓ ସୀମା ସୁରକ୍ଷା ବାହିନୀ (ବିଏସ୍ଏଫ୍) ପକ୍ଷରୁ ଚୟନ ହୋଇଥିବା ୨୭ ଜଣିଆ ମହିଳା ଟିମ୍ ସମସ୍ତ ପ୍ରତିବନ୍ଧକର ମୁକାବିଲା କରି ‘ବିଶାଳ ମହିଳା ମରଭୂମି ସଫାରୀ ୨୦୧୫’ ଯାତ୍ରା ସଫଳତାର ସହ ସମାପ୍ତ କରିଛନ୍ତି ।

DSC_9654ସୀମା ସୁରକ୍ଷା ବାହିନୀ ପକ୍ଷରୁ ୧୩ଜଣ ଓ ଟାଟା ଷ୍ଟିଲ ଆଡଭେଞ୍ଚର ଫାଉଣ୍ଡେସନ୍ ପକ୍ଷରୁ ଚୟନ ହୋଇଥିବା ୧୪ ଜଣଙ୍କ ମଧ୍ୟରେ ଯାଜପୁର ଜିଲ୍ଲା କଳିଙ୍ଗନଗର ଅଞ୍ଚଳର ରାମଠେଙ୍ଗା ଗ୍ରାମର ରାଣୀ ଜାମୁଡା ଓ ତ୍ରୀଜଙ୍ଗା ଗ୍ରାମର ସୁମିତ୍ରା କେରାଇ ସାମିଲ ଥିଲେ ।

ଏହି ଦଳ ଗୁଜରାଟ ଭୁଜରୁ ରାଜସ୍ଥାନ ଦେଇ ପଞ୍ଜାବର ୱାଘା ସୀମା ପର୍ଯ୍ୟନ୍ତ ୨୩୦୦ କିଲୋମିଟର ଯାତ୍ରା କରିଛନ୍ତି । ମହିଳା ସଶକ୍ତିକରଣ, ଶିକ୍ଷାର ଗୁରୁତ୍ୱ, ସଫେଇ କାର୍ଯ୍ୟକ୍ରମ ବିଷୟରେ ଲୋକମାନଙ୍କୁ ସଚେତନ କରିବା ସହିତ ସୀମାରେ ଥିବା ସୈନ୍ୟମାନଙ୍କ ଉତ୍ସାହ ବଢାଇବା ଏହି ଟିମ୍ ର ମୁଖ୍ୟ ଲକ୍ଷ୍ୟ ଥିଲା ।

ଏହି ଦଳ ଫେବୃଆରୀ ୨୫ତାରିଖରେ ଗୁଜରାଟର ଭୁଜରୁ ଯାତ୍ରା ଆରମ୍ଭ କରିବା ସହିତ ମରଭୂମିରେ ନିଜ ଯାତ୍ରା ସମୟରେ ଗ୍ରାମବାସୀଙ୍କ ସହିତ ବିଭିନ୍ନ ବିଷୟରେ ଆଲୋଚନା କରିଥିଲେ । ଏହି ମହିଳା ଦଳ ଶିକ୍ଷାର ଗୁରୁତ୍ୱ ଓ ନୂତନ ପ୍ରଯୁକ୍ତିର ପ୍ରୟୋଗ ତାଙ୍କ ଜୀବନଧାରଣମାନରେ କିପରି ପରିବର୍ତ୍ତନ ଆଣିପାରିବ ସେ ସମ୍ପର୍କରେ ଗ୍ରାମବାସୀଙ୍କ ସହିତ ଆଲୋଚନା କରିଥିଲେ ।

୨୩୦୦ କିଲୋମିଟର ଯାତ୍ରା ସମୟରେ ଏହି ମହିଳା ଦଳ ବିଭିନ୍ନ ସମସ୍ୟାର ସମ୍ମୁଖୀନ ହେବା ସହିତ ସୀମାରେ ନିୟୋଜିତ ସୌନିକମାନଙ୍କ ଉତ୍ସାହ ବଢାଇଥିଲେ । ବିଏସ୍ଏଫ୍ର ସ୍ୱର୍ଣ୍ଣ ଜୟନ୍ତୀ ପାଳନ ଅବସରରେ ଏହି ଯାତ୍ରାର ଆୟୋଜନ କରାଯାଇଥିଲା । ଉଭୟ ରାଣୀ ଓ ସୁମିତ୍ରା ଏହି ସଫାରୀରେ ଯୋଗ ଦେବାର ସୁଯୋଗ ପାଇଥିବାରୁ ଟାଟା ଷ୍ଟିଲକୁ ଧନ୍ୟବାଦ ଅର୍ପଣ କରିବା ସହ ଏହି ଯାତ୍ରା ପୂର୍ଣ୍ଣମାତ୍ରାରେ ଉପଭୋଗ କରିଥିବା କହିଛନ୍ତି ।

ଏହି ଯାତ୍ରାର ସଫଳ ସମାପନ ପରେ ଟାଟା ଷ୍ଟିଲ ଆଡଭେଞ୍ଚର ଫାଉଣ୍ଡେସନ୍ର ମୁଖ୍ୟ ବଚ୍ଛେନ୍ଦ୍ରୀ ପାଲ କହିଥିଲେ ଯେ, ଗ୍ରେଟ୍ ଇଣ୍ଡିଆନ୍ ଡେଜର୍ଟ ସଫାରୀ ଅନ୍ତର୍ଗତ ଓଟ ଉପରେ ୨୩୦୦ କିଲୋମିଟର ଯାତ୍ରା କରିବା ଅମା ପାଇଁ ଏକ ବଡ଼ ସଫଳତା । ଏହାସହିତ ଏହି ଯାତ୍ରା ସମୟରେ ଦଳକୁ ଅନେକ କଠିନ୍ ପରିସ୍ଥତିର ସମ୍ମୁଖୀନ ହେବାକୁ ପଡିଥିଲା ବୋଲି ସେ ସୂଚନା ଦେଇଥିଲେ ।

ଏହି ଯାତ୍ରା ପାଇଁ ଆବଶ୍ୟକ ପ୍ରଶିକ୍ଷଣ ଓ ସୁବିଧା ସୁଯୋଗ ଯୋଗାଇ ଦେଇଥିବାରୁ ସେ ବିଏସ୍ଏଫ୍କୁ ବିଶେଷ ଭାବେ ଧନ୍ୟବାଦ ଜଣାଇଥିଲେ । ମାର୍ଚ୍ଚ ୨୨ରେ ସମାପ୍ତ ଏହି ଯାତ୍ରା ୫୦ ବର୍ଷ ଧରି ଦୃଢତାର ସହ କାର୍ଯ୍ୟ କରୁଥିବା ବିଏସ୍ଏଫ୍ ପାଇଁ ଉପଯୁକ୍ତ ଉପହାର ।

ପାଲଙ୍କ ବ୍ୟତୀତ ଏହି ଯାତ୍ରା ପାଇଁ ଟାଟା ଷ୍ଟିଲ ପକ୍ଷରୁ ଝାଡ଼ଖଣ୍ଡ ଜାମସେଦପୁରର ପ୍ରେମଲତା ଅଗ୍ରୱାଲ, ଖରସୁଅାଁର ଦିପ୍ତିରାଣୀ ସରଦାର, ତୁମୁଙ୍ଗର ସୁଖମତି ମହାତୋ, କାନ୍ଦ୍ରାର ସୁଶୀଲା କୁମାରୀ, ଜାମସେଦପୁରର ରାଜଶ୍ରୀ ସିଂହଲ, ଜାମସେଦପୁର ଟାଟା ଷ୍ଟିଲ କର୍ମଚାରୀ ସତିଲ ଏକା, ଶୋଭାରାଣୀ ହାନ୍ସଦା, ଗୁଜରାଟ ଭଦୋଦ୍ରାରୁ କ୍ରୀଷ୍ଣା ରାଣା, ଉତ୍ତରାଖଣ୍ଡର ଡେରାଡୁନ୍ରୁ ଆମ୍ଲା ରାୱତ୍, ସନ୍ଧ୍ୟା ଭଦ୍ରି, ଓ ଝାଡଖଣ୍ଡର ହଜାରିବାଗ୍ରୁ ନଭିତା ରାଣାଙ୍କୁ ଚୟନ କରାଯାଇଥିଲା ।

ବାର୍ଷିକ ୨୬.୫ ନିୟୁତ୍ ଟନ୍ ଇସ୍ପାତ ଉପôାଦନ କ୍ଷମତା ରଖିଥିବା ତଥା ୧୯୦୭ରେ ଏସିଆର ପ୍ରଥମ ସମନ୍ୱିତ ଇସ୍ପାତ ପ୍ରକଳ୍ପ, ରୂପେ ସ୍ଥାପିତ ଟାଟା ଷ୍ଟିଲ ଗ୍ରୁପ୍ ଆଜି ବିଶ୍ୱର ଅଗ୍ରଣୀ ଇସ୍ପାତ ନିର୍ମାତା ରୂପେ ଖ୍ୟାତି ଅର୍ଜନ କରିଛି । ୨୬ଟି ଦେଶରେ କାର୍ଯ୍ୟକ୍ଷେତ୍ର ତଥା ୫୦ ରୁ ଊଦ୍ଧ୍ୱର୍ ଦେଶର ବ୍ୟବସାୟିକ ଉପସ୍ଥିତି ସହ ଟାଟା ଷ୍ଟିଲ୍ ଭୌଗୋଳିକ ବ୍ୟାପ୍ତି ଦୃଷ୍ଟିରୁ ବିଶ୍ୱର ୨ୟ ବୃହତ୍ତମ ଇସ୍ପାତ ଉପôାଦକ ରୂପେ ପରିଗଣିତ ।

୨୦୧୨ ଆର୍ଥିକ ବର୍ଷରେ ୨୬.୧୩ ବିଲିୟନ୍ ଆମେରିକୀୟ ଡଲାର ପରିମାଣ ଉପôାଦ, ୫ଟି ମହାଦେଶରେ କାର୍ଯ୍ୟରତ ୮୦,୦୦୦ରୁ ଊଦ୍ଧ୍ୱର୍ କର୍ମଚାରୀଙ୍କ ସହ ଟାଟା ଷ୍ଟିଲ୍ ଫରଚୁ୍ୟନ୍ ୫୦୦ କମ୍ପାନୀର ମାନ୍ୟତାପ୍ରାପ୍ତ ।

ଅନନ୍ୟ ମୂଲ୍ୟବୋଧ ଓ କର୍ପୋରେଟ୍ ଦାୟିତ୍ୱବୋଧ ଦ୍ୱାରା ବିଶ୍ୱ ଇସ୍ପାତ ଶିଳ୍ପରେ ଅଗ୍ରଣୀ ନେତୃତ୍ୱ ନେବା କମ୍ପାନୀର ଆଭିମୁଖ୍ୟ ଯାହା ଏହାର କର୍ମଚାରୀଙ୍କ ଉକôର୍ଷ, ଅଭିନବ ଭାବଧାରା ଓ ସାମଗ୍ରିକ ଅଗ୍ରଗତି ଦ୍ୱାରା ହାସଲ କରିବା ଏହାର ଲକ୍ଷ୍ୟଭୁକ୍ତ । ସାମଗ୍ରିକ ଗୁଣାତ୍ମକତା ପରିଚାଳନରେ ଉଲ୍ଲେଖନୀୟ ସଫଳତା ପାଇଁ ଟାଟା ଷ୍ଟିଲ୍ ୨୦୧୨ରେ ମର୍ଯ୍ୟାଦାଜନକ ଡେମିଂ ଉପଯୋଗ ଉକôର୍ଷ ପୁରସ୍କାର ଲାଭ କରିଛି ।

ଜାପାନୀ ବୈଜ୍ଞାନିକ ତଥା ଯନ୍ତ୍ରୀ ମହାସଂଘ ଦ୍ୱାରା ସଂସ୍ଥାପିତ ଡେମିଂ ଗ୍ରାଣ୍ଡ ପୁରସ୍କାର ମଧ୍ୟ ୨୦୧୨ରେ ଟାଟା ଷ୍ଟିଲ ବିଶ୍ୱର ପ୍ରଥମ ସମନ୍ୱିତ ଇସ୍ପାତ କାରଖାନା ରୂପେ ଗ୍ରହଣ କରିଛି ।

ଓଡିଶା ଡଟ କମ

ଓଡିଶା ଡଟ କମ
ଓଡିଶା ଡଟ କମ

Filed Under: ଖେଳ, ମୁଖ୍ୟ ଖବର Tagged With: କଳିଙ୍ଗନଗର, ଗ୍ରେଟ୍ ଇଣ୍ଡିଆନ୍, ଟାଟାଷ୍ଟିଲ

ଆଲୋଚନାପରେ ଆନ୍ଦୋଳନରୁ ଓହରିଲେ ବିସ୍ଥାପିତ ଗ୍ରାମବାସୀ

September 28, 2012 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଦାନଗଦି,ସେପ୍ଟେମ୍ବର ୨୮(ଓଡ଼ିଶା ଡ଼ଟ୍ କମ୍) – ୪୮ଘଣ୍ଟା ଧରି ଟାଟା ପ୍ରକଳ୍ପର ନିର୍ମାଣ କାର୍ଯ୍ୟ ବନ୍ଦ ହୋଇ ଯାଇଥିଲାା କଳିଙ୍ଗନଗର ଶିଳ୍ପାଞ୍ଚଳରେ ନିର୍ମାଣଧୀନ ରହିଥିବା ବୃହତ ଟାଟା ଇସ୍ପାତ ପ୍ରକଳ୍ପ କାରଖାନା ପାଇଁ ବିସ୍ଥାପିତ କେତେକ ଗ୍ରାମବାସୀଙ୍କ ବିରୋଧ ଯୋଗୁଁ ବୁଧବାର ସକାଳୁ କାରଖାନାର ନିର୍ମାଣ କାର୍ଯ୍ୟ ବନ୍ଦ ହୋଇଯାଇଥିଲା ।

୨୦୦୫ ମସିହାର ବିସ୍ଥାପନ ଓ ଥଇଥାନ ନୀତି ଅନୁସାରେ ପ୍ରତ୍ୟେକ ପରିବାରର ସାବାଳକ ସଦସ୍ୟଙ୍କୁ ନିଯୁକ୍ତି ପ୍ରକ୍ରିୟାରେ ଅଗ୍ରାଧିକାର ଭିତ୍ତିରେ ସାମିଲ କରିବା ଦାବିରେ ବିଭିନ୍ନ ବିସ୍ଥାପିତ କଲୋନୀର ଯୁବକମାନେ କାରଖାନାର ମୁଖ୍ୟ ଫାଟକ ସମେତ ମେଟେରିଆଲ ଗେଟ ସମ୍ମୁଖରେ ପିକେଟିଂ କରିବା ସହ କାମରେ ଯୋଗଦେବାକୁ ଆସିଥିବା ଲୋକଙ୍କୁ ଫାଟକ ନିକଟରୁ ଫେରାଇ ଦେଇଥିଲେ ।

ଗୁରୁବାର ଅପରାହ୍ଣରେ କଳିଙ୍ଗନଗର ଥାନା ଅଧିକାରୀ କିଶୋରଚନ୍ଦ୍ର ମୁଣ୍ଡଙ୍କ ମଧ୍ୟସ୍ଥତାରେ କାରଖାନା ପରିସରରେ ସମ୍ମିଳନୀ କକ୍ଷରେ ଟାଟାର ବରିଷ୍ଠ ପ୍ରଶାସକ ରାଜେଶ ଚିନ୍ତକ ଏବଂ ଆନ୍ଦୋଳନରତ୨୦ରୁ ଅଧିକ ଯୁବକଙ୍କ ମଧ୍ୟରେ ଆଲୋଚନା ହେବାପରେ ଆନ୍ଦୋଳନରତ ଯୁବକମାନେ କାରଖାନାର ଫାଟକ ବନ୍ଦ ଆନ୍ଦୋଳନରୁ ସାମୟିକ ନିବୃତିର ହିବାକୁ ଘୋଷଣା କରିଥିବା ଜଣାପଡିଛି ।

ଓଡ଼ିଶା ଡ଼ଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ଅର୍ଥ-ବ୍ୟବସାୟ Tagged With: କଳିଙ୍ଗନଗର, ବିସ୍ଥାପିତ ଗ୍ରାମବାସୀ

ଗୁଳିକାଣ୍ଡର ଛଅ ବର୍ଷ ପୂର୍ତି, କଳିଙ୍ଗନଗରରେ ସମାବେଶ

January 2, 2012 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ ସମ୍ବାଦଦାତା

ଯାଜପୁର, ଜାନୁୟାରୀ ୨ (ଓଡିଶା ଡଟ୍ କମ୍) ଯାଜପୁର ଜିଲ୍ଲା କଳିଙ୍ଗନଗର ଶିଳ୍ପାଚଂଳରେ ଘଟିଥିବା ଗୁଳିକାଣ୍ଡର ଛଅ ବର୍ଷ ପୂର୍ତି ଉପଲକ୍ଷେ ସୋମବାର ସେଠାରେ ଆଦିବାସୀଙ୍କ ସମାବେଶ ଅନୁଷ୍ଠିତ ହୋଇଥିବା ବେଳେ ଏହାକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଏଥିରେ ମହିଳା ଓ ଶିଶୁ ମାନେ ସେମାନଙ୍କ ପାରମ୍ପରିକ ଅସ୍ତ୍ରଶସ୍ତ୍ର, ବ୍ୟାନର ପୋଷ୍ଟର ଧରି ଗୁଳିକାଣ୍ଡ
ସ୍ଥଳ ଆମ୍ବଗାଡ଼ିଆର ବୀରଭୂମି ଠାରୁ ର୍ୟାଲିରେ ବାହାରି ସହୀ ସ୍ମୃତି ସ୍ତମ୍ଭ ନିକଟରେ ପହଂଚିଥିଲେ ।

ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଲୋକମାନେ ସରକାର, ଜିଲ୍ଲା ପ୍ରଶାସନ, ପୋଲିସ ବିରୋଧରେ ସ୍ଲୋଗାନ ଦେଇଥିଲେ ।

ବିସ୍ଥାପନ ବିରୋଧୀ ଜନମଞ୍ଚ ପକ୍ଷରୁ ଗୁଳିକାଣ୍ଡରେ ମୃତ୍ୟୁବରଣ କରିଥିବା ବ୍ୟକ୍ତିମାନଙ୍କୁ ଶ୍ରଦ୍ଧାଞ୍ଜଳି
ଜ୍ଞାପନ କରାଯାଇ ଏକ ସ୍ମୃତି ସଭାର ଆୟୋଜନ କରାଯାଇଛି ।

ଏହି ସମୟରେ କୌଣସି ଅପ୍ରୀତିକର ଘଟଣାକୁ ଦୃଷ୍ଟିରେ ରଖି ପାଂଚ ପ୍ଲାଟୁନ ପୋଲିସ୍ ଫୋର୍ସ ମୁତୟନ କରାଯାଇଥିଲା ।

ଟାଟା ପ୍ରକଳ୍ପର ପାଚେରୀ ନିର୍ମାଣକୁ ବିରୋଧ କରି ଆଦିବାସୀମାନେ ୨୦୦୬ ଜାନୁୟାରୀ ୨
ତାରିଖରେ ବିକ୍ଷୋଭ ପ୍ରଦର୍ଶନ କରୁଥିବାବେଳେ ପୋଲିସ୍ ସହିତ ସେମାନଙ୍କର ସଂଘର୍ଷ ହୋଇଥିଲା ଓ
ପୋଲିସ୍ ଗୁଳିରେ ୧୪ ଜଣଙ୍କ ମୃତ୍ୟୁ ହୋଇଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: କଳିଙ୍ଗନଗର

କଳିଙ୍ଗନଗରରେ ଆଦିବାସୀଙ୍କ ସମାବେଶ

January 3, 2011 by ଓଡିଶା ଡଟ କମ Leave a Comment

ଓଡିଶା ଡଟ୍ କମ୍ : ଅମୂଲ୍ୟ ପତି

ଯାଜପୁର, ଜାନୁୟାରୀ ୨ (ଓଡିଶା ଡଟ୍ କମ୍) ଯାଜପୁର ଜିଲ୍ଲା କଳିଙ୍ଗନଗର ଶିଳ୍ପାଞ୍ଚଳରେ ଘଟିଥିବା ଗୁଳିକାଣ୍ଡର ପାଞ୍ଚ ବର୍ଷ ପୂର୍ତ୍ତୀ ଉପଲକ୍ଷେ ରବିବାର ସେଠାରେ ଆଦିବାସୀଙ୍କ ସମାବେଶ ଅନୁଷ୍ଠିତ ହୋଇଥିବା ବେଳେ ଏହାକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।

ଏଥିରେ ମହିଳା ଓ ଶିଶୁ ମାନେ ସେମାନଙ୍କ ପାରମ୍ପରିକ ଅସ୍ତ୍ରଶସ୍ତ୍ର, ବ୍ୟାନର ପୋଷ୍ଟର ଧରି ଗୁଳିକାଣ୍ଡ ସ୍ଥଳ ଆମ୍ବଗାଡ଼ିଆର ବୀରଭୂମି ଠାରୁ ସାତ କିମି ବ୍ୟାପୀ ର୍ୟାଲିରେ ବାହାରି ସହୀ ସ୍ମୃତି ସ୍ତମ୍ଭ ନିକଟରେ ପହଂଚିଥିଲେ ।

ରାଜ୍ୟ ତଥା ରାଜ୍ୟ ବାହାରୁ ଆସିଥିବା ଲୋକମାନେ ସରକାର, ଜିଲ୍ଲା ପ୍ରଶାସନ, ପୋଲିସ ଓ ଟାଟା ବିରୋଧରେ ସ୍ଲୋଗାନ ବୋ ସହ ଜମି ଅଧିଗ୍ରହଣକୁ ନିନ୍ଦା କରିଥିଲେ । ଆୟୋଜିତ ର୍ୟାଲିରେ ଝାଡ଼ଖଣ୍ଡ, ବିହାର, ଛତିଶଗଡ଼, ପଶ୍ଚିମବଙ୍ଗ, ଆନ୍ଧ୍ରପ୍ରଶେ ଓ ମଧ୍ୟପ୍ରଶେର ବହୁ ଆଦିବାସୀ ଯୋଗ ଦେଇଥିଲେ ।

ବିସ୍ଥାପନ ବିରୋଧୀ ଜନମଞ୍ଚ ପକ୍ଷରୁ ଗୁଳିକାଣ୍ଡରେ ମୃତ୍ୟୁବରଣ କରିଥିବା ବ୍ୟକ୍ତିମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇ ଏକ ସ୍ମୃତି ସଭାର ଆୟୋଜନ କରାଯାଇଥିଲା ।

“”ଆଦିବାସୀଙ୍କ ସ୍ୱାର୍ଥ ରକ୍ଷା ପାଇଁ ୧୪ ଜଣ ବ୍ୟକ୍ତି ଜୀବନ ହରାଇଛନ୍ତି । ଏଥିପାଇଁ ଆମେ ମଧ୍ୟ ଜୀବନ ଦେବାକୁ ପ୍ରସ୍ତୁତ ଅଛୁ କିନ୍ତୁ କଳିଙ୍ଗନଗରରେ ଟାଟା ପ୍ରକଳ୍ପକୁ ବିରୋଧ ଜାରି ରଖିବୁ” ବିସ୍ଥାପନ ବିରୋଧି ଜନମଞ୍ଚ ସଂପାଦକ ରବୀନ୍ଦ୍ର ଜାରିକା କହିଛନ୍ତି । ଆଦିବାସୀ ଓ ସେମାନଙ୍କ ଜୀବନ ଜୀବୀକା ସହ ସାଲିସ କରି କୌଣସି ଶିଳ୍ପାନୁଷ୍ଠା ହେବା ଉଚିତ୍ ନୁହେଁ, ସେ କହିଛନ୍ତି ।

ଆଦିବାସୀ ନେତା ଶୁକ୍ରୁ ମୁଣ୍ଡା, ପ୍ରଫୁଲ୍ଲ ସାମନ୍ତରା, ମହେନ୍ଦ୍ର ପରିଡ଼ା, ନଟବର ଷଡ଼ଙ୍ଗୀ ଓ ଅନ୍ୟମାନେ ଆୟୋଜିତ ସଭାରେ ଉଦ୍ଧବୋଧନ ଦେଇଥିଲେ ।

ସେହିପରି ଉକ୍ତ ପ୍ରକଳ୍ପର ସପକ୍ଷବଦୀମାନେ ମଧ୍ୟ ଶିଳ୍ପାଞ୍ଚଳର ତ୍ରିଜଙ୍ଗା କଲୋନୀରେ ଏକ ସଭାର ଆୟୋଜନ କରିଥିଲେ । ଏଥିରେ ଶତାଧିକ ଟାଟା ସପକ୍ଷବାଦୀ ଯୋଗ ଦେଇଥିବା ବେଳେ ଆଦିବାସୀ ନେତ୍ରୀ ପ୍ମଶ୍ରୀ ତୁଳସୀ ମୁଣ୍ଡା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ ।

ଏହି ସମୟରେ କୌଣସି ଅପ୍ରୀତିକର ଘଟଣାକୁ ଦୃଷ୍ଟିରେ ରଖି ଛଅ ପ୍ଲାଟୁନ ପୋଲିସ୍ ଫୋର୍ସ ମୁତୟନ କରାଯାଇଛି ।

ଟାଟା ପ୍ରକଳ୍ପକୁ ବିରୋଧ କରି ଆଦିବାସୀମାନେ ୨୦୦୬ ମସିହା ଜାନୁୟାରୀ ୨ ତାରିଖରେ ବିକ୍ଷୋଭ ପ୍ରଦର୍ଶନ କରୁଥିବାବେଳେ ପୋଲିସ୍ ସହିତ ସେମାନଙ୍କର ସଂଘର୍ଷ ହୋଇଥିଲା । ପୋଲିସ୍ ଗୁଳିରେ ୧୪ ଜଣ ଆଦିବାସୀ ମୃତ୍ୟୁବରଣ କରିଥିଲେ ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: ଆଦିବାସୀ, କଳିଙ୍ଗନଗର, ମୁଖ୍ୟ ଖବର, ଯାଜପୁର

କଳିଙ୍ଗନଗର ସମସ୍ୟାର ସମାଧାନ ପାଇଁ ସଚିବ ସ୍ତରୀୟ କମିଟି

November 23, 2010 by ଓଡିଶା ଡଟ କମ Leave a Comment

ଓଡ଼ିଶା ଡ଼ଟ୍ କମ୍ : ବାଉରୀବନ୍ଧୁ ମହାରଣା

ଭୁବନେଶ୍ୱର, ନଭେମ୍ବର ୨୨(ଓଡ଼ିଶା ଡ଼ଟ୍ କମ୍) ଯାଜପୁର ଜିଲ୍ଲା କଳିଙ୍ଗନଗର ସ୍ଥିତ ବିଭିନ୍ନ ଶିଳ୍ପସଂସ୍ଥା ସମ୍ମୁଖିନ ହେଉଥିବା ସମସ୍ୟାର ସମାଧାନ ପାଇଁ ସରକାର ଏକ ତିନି ଜଣିଆ ସଚିବ ସ୍ତରୀୟ କମିଟି ଗଠନ କରିବାକୁ ନିଷ୍ପତ୍ତି ନେଇଛନ୍ତି । ଶିଳ୍ପ ସଚିବଙ୍କ ଅଧ୍ୟକ୍ଷତାରେ ଏହି କମିଟି ଗଠନ କରାଯିବ ।

ଏଥିରେ ଖଣି ଓ ପରିବହନ ସଚିବ ସଦସ୍ୟ ରହିବେ । ଏହି କମିଟି ଏକ ମାସ ମଧ୍ୟରେ ରିପୋର୍ଟ ପ୍ରଦାନ କରିବ ଏବଂ ଏହାକୁ ଭିତ୍ତି କରି ପକ୍ଷେପ ନିଆଯିବ ବୋଲି ସୋମବାର ଏକ ବୈଠକରେ ସ୍ଥିର ହୋଇଛି ।

ଅର୍ଥମନ୍ତ୍ରୀ ପ୍ରଫୁଲ୍ଲ ଘଡ଼ାଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ଶିଳ୍ପମନ୍ତ୍ରୀ ରଘୁନାଥ ମହାନ୍ତି, ମୁଖ୍ୟ ଶାସନ ସଚିବ ଓ କଳିଙ୍ଗନଗର ଶିଳ୍ପ ସଂଘର ପ୍ରତିନିଧିମାନେ ଯୋଗ ଦେଇଥିଲେ ।

ସଂଘର ପ୍ରତିନିଧିମାନେ ମୁଖ୍ୟତଃ ଚାରୋଟି ଦାବୀ ଉପସ୍ଥାପନ କରିଥିଲେ । ଆବଶ୍ୟକ ଅନୁଯାୟୀ କଞ୍ଚାମାଲ ଯୋଗାଣ ସହିତ ବିଭିନ୍ନ ପରିବହନ ସଂସ୍ଥାର ମୂଲ୍ୟ ସମାନ କରାଯିବା, ଖଣି ନିଗମ ମାଧ୍ୟମରେ ଧାର୍ଯ୍ୟମୂଲ୍ୟରେ କଞ୍ଚାମାଲ ଦିଆଯିବା ଆଦି ଉପରେ ଆଲୋଚନା କରାଯାଇଥିଲା ।

ଓଡିଶା ଡଟ୍ କମ୍

ଓଡିଶା ଡଟ କମ
ଓଡିଶା ଡଟ କମ

Filed Under: ମୁଖ୍ୟ ଖବର Tagged With: କଳିଙ୍ଗନଗର, ମୁଖ୍ୟ ଖବର, ଯାଜପୁର ଜିଲ୍ଲା

Primary Sidebar

ଆଖ ପାଖ ଖବର ପାଇଁ ଡାଉନଲୋଡ କରନ୍ତୁ

Odisha Local Logo

Tags

ଅପରାଧ ଆଦିବାସୀ ଓଡିଶା ଓଡ଼ିଶା ଖବର କଂଗ୍ରେସ କଟକ କନ୍ଧମାଳ କେନ୍ଦ୍ର ସରକାର କୋରାପୁଟ ଗଣମାଧ୍ୟମ ଛାତ୍ରଛାତ୍ରୀ ଜଗତସିଂହପୁର ଜିଲ୍ଲାପାଳ ନବ କଳେବର ନାଲକୋ ନିର୍ବାଚନ ପର୍ଯ୍ୟଟକ ପଶ୍ଚିମ ଓଡ଼ିଶା ପିପିଲି ପୁରୀ ପୋଲିସ ପୋସ୍କୋ ଫୁଲବାଣୀ ବରଗଡ଼ ବିଜେପି ବିଜେଡ଼ି ବିଧାନସଭା ବିଧାୟକ ଭଦ୍ରକ ଭୁବନେଶ୍ୱର ମାଓବାଦୀ ମାଲକାନଗିରି ମୁଖ୍ୟ ଖବର ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରାଉରକେଲା ରାଜନୀତି ରାଜ୍ୟ ସରକାର ଶିକ୍ଷା ସମ୍ବଲପୁର ସରକାର ସାକ୍ଷାତକାର ସାମ୍ବାଦିକ ସମ୍ମିଳନୀ ସ୍ୱାସ୍ଥ୍ୟ ହାଇକୋର୍ଟ