କାର୍ତିକ ପୂର୍ଣ୍ଣିମା

ଓଡିଶା ଡଟ୍ କମ୍ ସମ୍ବାଦଦାତା

ଭୁବନେଶ୍ୱର,ନଭେମ୍ବର ୨୮(ଓଡିଶା ଡଟ୍ କମ୍)-କାର୍ତିକ ପୂର୍ଣ୍ଣିମା ଧର୍ମମାସର ଶେଷ ଦିନ । ଏହି ପରିପ୍ରେକ୍ଷୀରେ ଓଡିଶାର ବିଭିନ୍ନ ପୁଷ୍କରିଣୀରେ ଶ୍ରଦ୍ଧାଳୁମାନେ ଡଙ୍ଗା ଭସାଇବା ସହ ବିଭିନ୍ନ ଦେବାଦେବୀଙ୍କୁ ମନ୍ଦିରରେ ଦର୍ଶନ କରି ପୂଜାର୍ଚ୍ଚନା କରିଛନ୍ତି । ପୁରୀ ସମୁଦ୍ରରେ ବୁଡ ପକାଇଛନ୍ତି ଲକ୍ଷାଧିକ ଭକ୍ତ ।

ଭୁବନେଶ୍ୱରରେ ହଜାର ହଜାର ଭକ୍ତମାନେ ବୁଧବାର ଦିନ ପ୍ରତ୍ୟୁଷରୁ ବିନ୍ଦୁସାଗର, ଗୌରୀକୁଣ୍ଡ, ଗଙ୍ଗାଯମୁନା, ପାପାନାଶିନୀ, ମୁକ୍ତେଶ୍ୱର ଆଦି ପୁଷ୍କରିଣୀ ସହ ଦୟା ଓ ଗଙ୍ଗୁଆରେ ଡଙ୍ଗା ଭସାଇ ବୁଡ ପକାଇଥିଲେ । ଲିଙ୍ଗରାଜ ସମେତ ଅନେକ ମନ୍ଦିରରେ ରାତ୍ରି ସାଢେ ତିନିଟାରୁ ଖୋଲିଥିଲା ।

ଶ୍ରଦ୍ଧାଳୁମାନେ ବିଭିନ୍ନ ଦେବାଦେବୀ ମନ୍ଦିର ଯଥା ଲିଙ୍ଗରାଜ ମନ୍ଦିର, କେଦାରଗୌରୀ, ବାସୁଦେବ, କପିଳନାଥ ଆଦି ମନ୍ଦିର ଦର୍ଶନ କରିଥିଲେ । ଏହି ଅବସରରେ ଭୁବନେଶ୍ୱର ସାଂସ୍କୃତିକ ପରିଷଦ,ସ୍ନେହୀ ସମାଜ ଆଦି ୫ଟି ଅନୁଷ୍ଠାନ ପକ୍ଷରୁ ବୋଇତ ବନ୍ଧାଣ ଉତ୍ସବ ଅନୁଷ୍ଠିତ ହୋଇଯାଇଛି ।

ସେହିପରି ଶେଷ ସୋମବାର ଓ ବଡ଼ଓଷା ଯୋଗୁଁ ଧବଳେଶ୍ୱର ଜନଗହଳି ହୋଇଥିଲା । ପ୍ରଭୁ ଧବଳେଶ୍ୱରଙ୍କ ବଡ଼ସିଂହାର ବେଶ ଦେଖିବା ପାଇଁ ପ୍ରାୟ ଲକ୍ଷଲକ୍ଷ ଭକ୍ତଙ୍କ ସମାଗମ ହୋଇଥିଲା । ଭିଡ ଏଭଳି ହୋଇଛି ଯେ ଶ୍ରଦ୍ଧାଳୁମାନେ ଝୁଲାପୋଲଠାରୁ ଦୁଇ କିଲୋମିଟର ପର୍ଯ୍ୟନ୍ତ ଲମ୍ବାଧାଡିରେ ଛିଡ଼ାହୋଇଥିଲେ ।

ପ୍ରଭୁଙ୍କ ବଡଓଷାରେ ବଡସିଂହାର ବେଶ କରାଯାଇଅଛି । ରାତି ୨ଟାରୁ ମନ୍ଦିର ଖୋଲାଯାଇ ପ୍ରଭୁଙ୍କ ନୀତି ଯଥା ସଙ୍କୁଡିଭୋଗ, ଆଳତି, ଖେଚୁଡ଼ିଭୋଗ ପ୍ରଭୃତି ସମାପନ ପରେ ମନ୍ଦିର ପହଡ ପଡ଼ିଥିଲା । ଭୋର ୩ଟାରୁ ମନ୍ଦିର ଖୋଲାଯାଇ ପ୍ରଭୁଙ୍କ ବଡସିଂହାର ବେଶ ଦର୍ଶନ ନିମନ୍ତେ ଶ୍ରଦ୍ଧାଳୁମାନଙ୍କ ପାଇଁ ମନ୍ଦିର ଖୋଲାଯାଇଥିଲା ।

ଶ୍ରଦ୍ଧାଳୁମାନେ ପ୍ରଭୁଙ୍କ ବଡ଼ସିଂହାର ବେଶ ଦେଖିବା ପାଇଁ ଝୁଲାପୋଲ ପାର୍ଶ୍ଵ ଲିଙ୍ଗାପଦା ଏବଂ ପାଇକରାପୁର ପାଶ୍ୱର୍ରୁ ତାପଣ୍ଡା ପୋଲ ପର୍ଯ୍ୟନ୍ତ ଶ୍ରଦ୍ଧାଳୁଙ୍କ ଲମ୍ବା ଧାଡ଼ି ଲାଗିଥିବା ବେଳେ ଏହି ସଂଖ୍ୟା ଆହୁରି ବଢିବାରେ ଯାଇଥିଲା ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ : ଅମରନାଥ ପରିଡ଼ା

ଜଗତସିଂଂପୁର, ନଭେମ୍ବର ୯(ଓଡ଼ିଶା ଡ଼ଟ୍ କମ୍) କାର୍ତିକ ପୂର୍ଣ୍ଣିମା ଅବସରରେ ଡ଼ଙ୍ଗା ଭସାଣୀର ପରମ୍ପରା ରହିଥିବା ବେଳେ ସୋଲ ତିଆରି ଡ଼ଙ୍ଗାର ମୂଲ୍ୟ ବୃଦ୍ଧି ଯୋଗୁଁ ଭକ୍ତମାନେ ନିରାଶ ହୋଇଥିବା ବେଳେ ଏହାକୁ ତିଆରି କରି ଗୁଜୁରାଣ ମେଂଟାଉଥିବା ପରିବାରରେ ସଙ୍କଟ ଖୋେଇଛି ।

ଜଗତସିଂହପୁର ଜିଲ୍ଲାର ଗ୍ରମାଂଚଳରେ ସୋଲର ଅଭାବ ଯୋଗୁଁ ଏହି କାର୍ଯ୍ୟକରି ନିଜର ପରିବାର ଚଳାଉଥିବା ହଜାର ହଜାର ବ୍ୟବସାୟୀ ଦୁର୍ଦ୍ଦିନ ସମ୍ମୁଖିନ ହେଉଛନ୍ତି ।

ପୂର୍ବରୁ ସୋଲ ବହୁ ପରିମାଣରେ ମିଳୁଥିବା ବେଳେ ବର୍ତମାନ ଏହା ଆବଶ୍ୟକ ପରିମାଣରେ ଉପଲବ୍ଧ ହେଉନାହିଁ ।

କୁଜଙ୍ଗ, ଏରସମା, ଜଗତସିଂହପୁର, ବିରିଡ଼ି, ରଘୁନାଥପୁର, ତିର୍ତୋଲ, ବାଲିକୁା ଏବଂ ନୂଆଗାଁ ଆଦି ପ୍ରାୟ ୧୨୦୮ ଗ୍ରାମର ଲୋକମାନେ ବିଭିନ୍ନ ପ୍ରକାର ଡ଼ଙ୍ଗା ତିଆରି କରି ଜୀବୀକା ନିର୍ବାହ କରିଥାନ୍ତି ।

ସନ୍ତସନ୍ତିଆ ତଥା ନିମ୍ନ ଅଂଚଳରୁ ଲୋକମାନେ ଏହାକୁ ବିନା ମୂଲ୍ୟରେ ସଂଗ୍ରହ କରିଥାନ୍ତି । ପରେ ଘରର ମହିଳାମାନେ ଏହାକୁ ସୁନ୍ଦର ଭାବରେ ବିଭିନ୍ନ ପ୍ରକାରର ଡ଼ଙ୍ଗା ତିଆରି କରି ସ୍ଥାନୀୟ ବଜାରରେ ବିକ୍ରି କରିଥାନ୍ତି । ଏହାକୁ ସେମାନେ ବିକ୍ରି କରିଥାନ୍ତି କିମ୍ବା ଚାଉଳ ବଦଳରେ ଦେଇଥାନ୍ତି ।

ସ୍ଥାନୀୟ ଠିକ।ଦ।ରମାନେ ରାସ୍ତା ତିଆରି ପାଇଁ ସନ୍ତସନ୍ତିଆ ସ୍ଥାନ ଏବଂ ବୁଦା ଗୁଡ଼ିକ ନଷ୍ଟ କରିଦେଉଥିବାରୁ ବର୍ତମାନ ୱାଇଲ୍ଡ ଥର୍ମକୁଲ ମିଳୁନଥିବା ଲୋକମାନେ ଅଭିଯୋଗ କରିଛନ୍ତି ।

ବିଭିନ୍ନ ପ୍ରକାର ରାସାୟନିକ ସାରର ପ୍ରୟୋଗ ଯୋଗୁଁ ଏଗୁଡ଼ିକ ନଷ୍ଟ ହୋଇ ଯାଉଥିବାରୁ ଆଉ ମିଳୁ ନାହିଁ ବୋଲି ପ୍ଲାନ୍ଟ ପ୍ରୋଟେକ୍ସନ ଅଫିସର ବିଜୟ କୁମାର ପ୍ରଧାନ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ନଭେମ୍ବର ୮(ଓଡ଼ିଶା ଡ଼ଟ୍ କମ୍) କାର୍ତିକ ପୂର୍ଣ୍ଣିମା, ପଂଚୁକ ତଥା ଛାଡ଼ଖାଇ ପାଇଁ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ପୁରୀ ଏବଂ ବ୍ରହ୍ମପୁର ମଧ୍ୟରେ ସ୍ୱତନ୍ତ୍ର ଟ୍ରେନ୍ ଚଳାଚଳ ପାଇଁ ପୂର୍ବତଟ ରେଳବାଇ ପକ୍ଷରୁ ମଙ୍ଗଳବାର କୁହାଯାଇଛି ।

ବ୍ରହ୍ମପୁର-ପୁରୀ ସ୍ୱତନ୍ତ୍ର ଟ୍ରେନ୍ ବ୍ରହ୍ମପୁରରୁ ୯ ତାରିଖଦିନ ୧ଟାରେ ବାହାରି ସେହିଦିନ ୭.୩୦ରେ ପୁରୀରେ ପହଂଚିବ । ଫେରିବା ବେଳେ ଟ୍ରେନ୍ଟି ପୁରୀରୁ ୧୦ ତାରିଖ କାର୍ତିକ ପୂର୍ଣ୍ଣିମାଦିନ ୧୧ଟାରେ ବାହାରି ୧୧ ତାରିଖ ଭୋର ୫ଟାରେ ବ୍ରହ୍ମପୁରରେ ପହଂଚିବ ।

ସେହିପରି ଅନ୍ୟ ଏକ ଯାତ୍ରୀବାହୀ ଟ୍ରେନ୍ ୧୧ ତାରିଖ ଛାଡ଼ଖାଇଦିନ ୯ଟାରେ ପୁରୀରୁ ବାହାରି ସେହିିଦିନ ୨ଟା ୩୦ରେ ବ୍ରହ୍ମପୁରରେ ପହଂଚିବ । ଏହି ଯାତ୍ରୀବାହୀ ଟ୍ରେନ ଗୁଡ଼ିକ ପୁରୀ-ବ୍ରହ୍ମପୁର ମଧ୍ୟରେ ସମସ୍ତ ଷ୍ଟେସନରେ ରହିବ ।

ଓଡ଼ିଶା ଡ଼ଟ୍ କମ୍