କୁମ୍ବିଂ ଅପରେଶନ

ଓଡ଼ିଶା ଡ଼ଟ୍ କମ୍ : ଆଶିଷ ସେନାପତି

ଯାଜପୁର, ଅଗଷ୍ଟ ୭(ଓଡ଼ିଶା ଡ଼ଟ୍ କମ୍) ଯାଜପୁର ଓ କେନ୍ଦୁଝର ଜିଲ୍ଲା ସୀମାନ୍ତ ଅଞ୍ଚଳରୁ ମଙ୍ଗଳବାର ପୋଲିସ ଏକ ମାଓବାଦୀ କ୍ୟାମ୍ପକୁ ଧ୍ୱଂସ କରିବା ସହ ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରିଥିବା ପୋଲିସ କହିଛି ।

ଅରଡ଼ାପାଳ ଜଙ୍ଗଲ ଅଞ୍ଚଳରେ ଏହି ମାଓ କ୍ୟାମ୍ପକୁ ଠାବ କରାଯାଇଥିବା ବେଳେ ଜବତ ସାମଗ୍ରୀ ମଧରେ ଏକ ଶହଟି ଡ଼ିଟୋନେଟର, ସାତଟି ବୁଷ୍ଟର, ୧୪୬ଟି ଜୀବନ୍ତ ଗୁଳି, ସାତଟି ପିସ୍ତଲ, ତିନୋଟି ରାଇଫଲ ଏବଂ ମାଓବାଦୀ ପ୍ରଚାର ପତ୍ର ରହିଥିବା କଳିଙ୍ଗନଗର ଥାନା ଅଧିକାରୀ କିଶୋର ଚନ୍ଦ୍ର ମୁଣ୍ଡା କହିଛନ୍ତି ।

ସିଆର୍ପିଏଫ୍ ଏବଂ ଏସ୍ଓଜି ଯବାନ ଏହି କୁମ୍ବିଂ ଅପରେଶନରେ ସାମିଲ ହୋଇଥିବା ବେଳେ ମାଓବାଦୀମାନେ ଯବାନ ଆସିବା ଜାଣିପାରି ସେଠାରୁ ଖସି ପଳାଇବାରେ ସକ୍ଷମ ହୋଇଛନ୍ତି ।

ବାଲିପୁର ଗ୍ରାମର ଗିରଫ ମାଓବାଦୀ ରବି ମୁର୍ମୁର ସୂଚନା ଅନୁଯାୟୀ ସୁରକ୍ଷାକର୍ମୀମାନେ ଏହି ଅଂଚଳରେ କୁମ୍ବି ଅପରେଶନ ଚଳାଇଥିଲେ । ମାଓବାଦୀମାନେ ଜଙ୍ଗଲରେ ଥିବା କ୍ୟାମ୍ପରେ ମାଟିତଳେ ଅସ୍ତ୍ରଶସ୍ତ୍ର ଓ ଅନ୍ୟାନ୍ୟ ସାମଗ୍ରୀ ଲୁଚାଇ ରଖିଥିଲେ ବୋଲି ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନାରାୟଣପାଟଣା, ଜୁନ୍ ୧୨(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲା ନାରାୟଣପାଟଣା ଅଞ୍ଚଳରେ ମାଓବାଦୀମାନେ ପୋଲିସ ଇନ୍ଫର୍ମର ସନ୍ଦେହରେ ଜଣେ ଆଦିବାସୀ ଯୁବକଙ୍କୁ ହତ୍ୟା କରିଥିବା ପୋଲିସ ମଙ୍ଗଳବାର କହିଛି ।

ଓଡ଼ିଆପେଣ୍ଠ ଗ୍ରାମରେ ସୋମବାର ବିଳମ୍ବିତ ରାତିରେ ସେମାନେ ୩୦ ବର୍ଷ ବୟସ୍କ ଶୁଭ୍ର ହୁଇକା ନାମକଦିନ ମଜୁରୀଆଙ୍କୁ ହତ୍ୟା କରିଥିବା ଜଣେ ଅଧିକାରୀ କହିଛନ୍ତି ।

ଘଟଣାସ୍ଥଳରୁ ମାଓବାଦୀଙ୍କ ହାତ ଲେଖା ଚିଠି ଉଦ୍ଧାର କରାଯାଇଥିବା ବେଳେ ହୁଇକା ପୋଲିସ ଇନ୍ଫର୍ମର ଭାବେ କାର୍ଯ୍ୟ କରୁଥିବାରୁ ତାଙ୍କୁ ହତ୍ୟା କରାଯାଇଥିବା ଏଥିରେ ଉଲ୍ଲେଖ କରାଯାଇଛି ବୋଲି ସେ କହିଛନ୍ତି ।

ଏହି ଘଟଣା ପରେ ସଂପୃକ୍ତ ଅଂଚଳରେ କୁମ୍ବିଂ ଅପରେଶନ ଜାରି ରହିଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ମାଲକାନଗିରି, ଫେବୃୟାରୀ ୭(ଓଡ଼ିଶା ଡ଼ଟ୍ କମ୍) ମାଲକାନଗିରି ଜିଲ୍ଲାରେ ମଙ୍ଗଳବାର ଯବାନମାନେ କୁମ୍ବିଂ ଅପରେଶନରେ ଯାଇଥିବା ବେଳେ ବିପୁଳ ପରିମାଣର ବିସ୍ଫୋରକ ଜବତ କରିଥିବା ପୋଲିସ କହିଛି ।

ବିଏସ୍ଏଫ୍ ଯବାନମାନେ ଟେକ୍ଗୁଡ଼ା ଜଙ୍ଗଲରୁ ୧୨ଟି ଡ଼ିଟୋନେଟର, ସାତଟି ଜିଲୋଟିନ ଏବଂ ତାର ଜବତ କରିଛନ୍ତି ।

ସେହିପରି କାଳିମେଳା ଥାନା ଅନ୍ତର୍ଗତ ସିଂହାବରହମ୍ ଠାରୁ ପାଂଚଟି ଟିଫିନ୍ ବୋମା ଉଦ୍ଧାର
କରାଯାଇଥିବା ଜଣେ ଅଧିକାରୀ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାୟଗଡ଼ା, ଜାନୁୟାରୀ ୨୧(ଓଡ଼ିଶା ଡ଼ଟ୍ କମ୍) ରାୟଗଡ଼ା ଜିଲ୍ଲାରେ ପୋଲିସ ଗୁଳିରେ ଶନିବାର ଜଣେ ମାଓବାଦୀର ମୃତ୍ୟୁ ହୋଇଥିବା ଜଣେ ଅଧିକାରୀ କହିଛନ୍ତି ।

ଚନ୍ଦ୍ରପୁର ଥାନା ମୁଖିଗୁଡ଼ା ଜଙ୍ଗଲରେ ମାଓବାଦୀଙ୍କ କ୍ୟାମ୍ପ ଚାଲିଥିବା ଖବର ପାଇଁ ଡ଼ିଭିଏଫ୍ ବାହିନୀ କୁମ୍ବିଂ ଅପରେଶନରେ ଯାଇଥିଲେ ।

ସୁରକ୍ଷା ବାହିନୀ ଆସୁଥିବା ଖବର ପାଇ ମାଓବାଦୀମାନେ ସେଠାରୁ ଖସି ପଳାଉଥିବା ବେଳେ ଗୁଳିମାଡ଼ରେ ବାଶଧାରା ଡ଼ିଭିଜନର ସୁବାସ ଓରଫ୍ ସତୀଶ ପ୍ରାଣ ହରାଇଥିବା ସେ କହିଛନ୍ତି ।

ଘଟଣାସ୍ଥଳରୁ ଏକେ-୪୭, ଦେଶୀ ବନ୍ଧୁକ, ଗୁଳି, ଏସ୍ଏଲ୍ଆର୍ ବନ୍ଧୁକ ଜବତ କରିଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ଭୁବନେଶ୍ୱର, ଜାନୁୟାରୀ ୫(ଓଡ଼ିଶା ଡ଼ଟ୍ କମ୍) କନ୍ଧମାଳ ଜିଲ୍ଲାରେ ଗୁରୁବାର ସକାଳେ ମାଓବାଦୀଙ୍କ ବିସ୍ଫୋରଣ ପରେ ସଂପୃକ୍ତ ଅଞ୍ଚଳରେ ପୋଲିସ ପକ୍ଷରୁ କୁମ୍ବିଂ ଅପରେଶନ ଜୋରଦାର କରାଯାଇଥିବା ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମୀକ୍ଷା ବୈଠକରେ କୁହାଯାଇଛି ।

ମାଓ ପ୍ରଭାବିତ ଅଞ୍ଚଳରେ କୁମ୍ବିଂ ଓ ସର୍ଚ୍ଚ ଅପରେଶନ ସମୟରେ ଷ୍ଟାଣ୍ଡାର୍ଡ଼ ଅପରେଶନ ପ୍ରସିଜୋର କଡ଼ାକଡ଼ି ଭାବରେ ପାଳନ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି ।

ସେହିପରି ମୃତ ପୋଲିସ କର୍ମଚାରୀଙ୍କ ପରିବାର ବର୍ଗ ଯେପରି ଶୀଘ୍ର ବିଭିନ୍ନ ସହାୟତା ପାଇପାରିବେ ସେଥିପ୍ରତି ସ୍ୱତନ୍ତ୍ର ଧ୍ୟାନ ଦେବାକୁ ସେ ନିର୍ଦ୍ଦେଶ ଦେଇଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ରାୟଗଡ଼ା, ନଭେମ୍ବର ୪(ଓଡ଼ିଶା ଡ଼ଟ୍ କମ୍) ରାୟଗଡ଼ା ଜିଲ୍ଲାର ଏକ ସ୍ଥାନରେ ଶୁକ୍ରବାର ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିବା ପୋଲିସ କହିଛି ।

ସିଆର୍ପିଏଫ୍ ଓ ଏସ୍ଓଜି ଯବାନ କୁମ୍ବିଂ ଅପରେଶନରେ ଯାଇଥିବା ବେଳେ ମୁନିଗୁଡ଼ା ଅନ୍ତର୍ଗତ ପାଣିଗଣ୍ଡା ଜଙ୍ଗଲରେ ମାଓବାଦୀଙ୍କ ସହ ସେମାନଙ୍କର ମୁହାଁମୁହିଁ ହୋଇଥିଲା ।

ଉଭୟଙ୍କ ମଧ୍ୟରେ କିଛି ସମୟ ଧରି ଗୁଳିବିନିମୟ ହୋଇଥିବା ବେଳେ କେହି ମୃତାହତ ହୋଇନଥିବା ଜିଲ୍ଲା
ପୋଲିସ ମୁଖ୍ୟ ଅନୁପକ୍ରିଷ୍ଣା ଓଡ଼ିଶା ଡ଼ଟ୍ କମ୍ କୁ କହିଛନ୍ତି ।

ଓଡ଼ଇଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ : ଶାନ୍ତନୁ ବିଶ୍ୱାଳ

ବରଗଡ଼, ଡ଼ିସେମ୍ବର ୨୯(ଓଡ଼ିଶା ଡ଼ଟ୍ କମ୍) ବରଗଡ଼ ଜିଲ୍ଲା ପାଇକମାଲ ଅନ୍ତର୍ଗତ ଏକ ଜଙ୍ଗଲରେ ପୋଲିସ ଓ ସିଆର୍ପିଏଫ୍ ଯବାନଙ୍କ କୁମ୍ବିଂ ଅପରେଶନ ସମୟରେ ଦୁଇ ଜଣ ମାଓବାଦୀଙ୍କ ମୃତ୍ୟୁ ହୋଇଥିବା ପୋଲିସ ବୁଧବାର କହିଛି ।

ମାଓବାଦୀ ପ୍ରତିହତ ପାଇଁ ବୋଡ଼ାସମ୍ବର ଜଙ୍ଗଲରେ ମଙ୍ଗଳବାର କୁମ୍ବିଂ ଅପରେଶନ ଚାଲିଥିବା ବେଳେ ପୋଲିସ ଗୁଳିରେ ଏମାନେ ମୃତ୍ୟୁବରଣ କରିଛନ୍ତି । ସେମାନଙ୍କ ଠାରୁ କୌଣସି ଅସ୍ତ୍ରଶସ୍ତ୍ର ଉଦ୍ଧାର କରାଯାଇ ନାହିଁ ।

ପାଇକମାଲ ଠାରୁ ୧୫ କିମି ଦୂରରେ ଥିବା ଏହି ଜଙ୍ଗଲରେ ମାଓବାଦୀଙ୍କ କ୍ୟାମ୍ପ ଚାଲିଥିବା ଖବର ପାଇ ପୋଲିସ ଓ ସିଆର୍ପିଏଫ୍ ଯବାନ ଗତ ଦୁଇ ଦିନ ଧରି କୁମ୍ବିଂ ଅପରେଶନ ଚଳାଇଥିଲେ ।

ମୃତ ମାଓବାଦୀଙ୍କ ବୟସ ୨୦ରୁ ୪୦ ବର୍ଷ ମଧ୍ୟରେ ହୋଇଥିବା ବେଳେ ସେମାନେ ଛତିଶଗଡ଼ ଅଞ୍ଚଳର ବୋଲି ପୋଲିସ କହିଛି । ସେମାନଙ୍କ କ୍ୟାମ୍ପରୁ ଚାଉଳ, ଡ଼ାଲି, ଆଳୁ, ପିଆଜ ଆଦି ଆବଶ୍ୟକ ରୋଷେଇ ସାମଗ୍ରୀ ଜବତ କରାଯାଇଛି ।

ଓଡ଼ିଶା ଡ଼ଟ୍ କମ୍