ଭୁବନେଶ୍ୱର, ମାର୍ଚ ୩୧ (ଓଡିଶା ଡଟ କମ)- ଓଡ଼ିଶାରେ ରହିଥିବା ୩,୯୮୭ ଜଣ ଅନୁପ୍ରବେଶକାରୀଙ୍କ ମଧ୍ୟରେ ସର୍ବାଧିକ ୨୭୬୧ ଜଣ ରାଜ୍ୟର କେନ୍ଦ୍ରପଡା ଓ ଜଗତସିଂହପୁର ଜିଲାରେ ରହିଛନ୍ତି ଓ ଏମାନେ ସମସ୍ତେ ବାଂଲାଦେଶୀ ।
ବିଜେପି ବିଧାୟକ ଦିଲୀପ କୁମାର ରାୟଙ୍କ ଲିଖିତ ପ୍ରଶ୍ନ ଉପରେ ସୋମବାର ବିଧାନସଭାରେ ତଥ୍ୟ ରଖି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ ରାଜ୍ୟ ସରକାର ଅନୁପ୍ରବେଶକାରୀ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଲାଗି କେନ୍ଦ୍ର ସହ ଯୋଗାଯୋଗ ରଖିଛନ୍ତି ।
ଅନ୍ୟାନ୍ୟ ଜିଲାରେ ଥିବା ବାଂଲାଦେଶୀ ଅନୁପ୍ରବେଶକାରୀଙ୍କ ସଂଖ୍ୟା ହେଲା ମାଲକାନଗିରି-୬୬୫, ଭଦ୍ରକ-୩୧୩, ବାଲେଶ୍ୱର-୧୫୦, ନବରଙ୍ଗପୁର-୧୦୬ ଓ ବରଗଡ଼-୨।
ଓଡିଶା ଡଟ କମ
