କୋରାପୁଟ

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ବନ୍ଧୁଗାଁ, ଜାନୁୟାରୀ ୨୬(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାରେ ଗୁରୁବାର ସୁରକ୍ଷାକର୍ମୀଙ୍କ ସହିତ ଗୁଳିବିନିମୟରେ ଜଣେ ମହିଳା ମାଓବାଦୀ ସହଦୁଇଜଣଙ୍କ ମୃତ୍ୟୁ ହୋଇଥିବା ପୋଲିସ କହିଛି ।

ଗୁଇନ୍ଦା ସୂଚନା ଅନୁଯାୟୀ ଡ଼ିଭିଏଫ ଯବାନମାନେ ମାଓ ପ୍ରବଣ ବନ୍ଧୁଗାଁ ଅଂଚଳକୁ କୁମ୍ବିଂ ଅପରେଶନରେ ଯାଇଥିବା ବେଳେ ମାଓବାଦୀଙ୍କ ସହ ସେମାନଙ୍କର ଗୁଳିବିନିମୟ ହୋଇଥିଲା ।

ଫଳରେ ଗୁଳିବିନିମୟରେଦୁଇଜଣ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ସେମାନଙ୍କ ମୃତଦେହ  ଉଦ୍ଧାର କରାଯାଇଥିବା ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।

ଘଟଣାସ୍ଥଳରୁଦୁଇଟି ବନ୍ଧୁକ ଏବଂ କିଟ୍ ବ୍ୟାଗ ଜବତ କରାଯାଇଥିବା ବେଳେ ମୃତକଙ୍କ ମଧ୍ୟରୁ ଜଣେ ସିପିଆଇ ମାଓବାଦୀ ସଂଗଠନର ଝଞ୍ଜାବତୀ ଡ଼ିଭିଜନର କମାଣ୍ଡର ଏବଂ ଅନ୍ୟ ମହିଳା ମାଓବାଦୀର ପରିଚୟ ମିଳିନଥିବା ସେ କହିଛନ୍ତି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

ନାରାୟଣପାଟଣା, ଡ଼ିସେମ୍ବର ୨(ଓଡ଼ିଶା ଡ଼ଟ୍ କମ୍) ମାଓବାଦୀମାନେ ଶୁକ୍ରବାର ଠାରୁ ପିଏଲ୍ଜିଏ ସପ୍ତାହ ପାଳନ କରୁଥିବା ବେଳେ ପ୍ରଥମଦିନରେ ସେମାନେ କୋରାପୁଟ ଜିଲ୍ଲାରେ ମୋବାଇଲ ଟାୱାର ପୋଡ଼ି ଦେଇଛନ୍ତି ।

ବୈପାରୀଗୁଡ଼ା ଦୋରାଗୁଡ଼ା ପଂଚାୟତର ମାଠପଡ଼ା ଠାରେ ଥିବା ବିଏସ୍ଏନ୍ଏଲ୍ ମୋବାଇଲ୍ ଟାୱାର ଓ ଦଣ୍ଡାବାଡି ପଂଚାୟତର କାଳିଆଅଟ୍ଟାଳ ଠାରେ ଥିବା ଏୟାରଟେଲ୍ ମୋବାଇଲ୍ ଟାୱାରର ବିଟିଏସ୍ ମେସିନ୍କୁ ପୋଡ଼ି ଦେଇଛନ୍ତି ।

ସେମାନେ ବିଭିନ୍ନ ସ୍ଥାନରେ ପୋଷ୍ଟର ଲଗାଇ ପିଏଲ୍ଜିଏ ସପ୍ତାହ ପାଳନ ପାଇଁ ଆହ୍ୱାନ ଦେଇଥିବା ବେଳେ ବିଭିନ୍ନ ସ୍ଥାନରେ ଗଛ ପକାଇ ରାସ୍ତା ଅବରୋଧ କରିଛନ୍ତି । ଫଳରେ ଜୟପୁର, ମାଲକାନିରି, ଫୁଲବାଣୀ ଆଦି ସ୍ଥାନକୁ ସରକାରୀ ବସ୍ ଚଳାଚଳ ବନ୍ଦ ରହିଛି ।

ମାଓବାଦୀ ନେତା କିଶନଜୀଙ୍କ ହତ୍ୟାକାଣ୍ଡକୁ ବିରୋଧ କରି ଆସନ୍ତା ୪ ଓ ୫ତାରିଖରେ ମାଓବାଦୀଙ୍କ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି |

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କୋରାପୁଟ,ନଭେମ୍ବର ୧୫(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାରେ ପୋଲିସ କନଷ୍ଟେବଳ ନିଯୁକ୍ତି ପାଇଁ ମଙ୍ଗଳବାର ଦୌଡ଼ ପରୀକ୍ଷା ଚାଲିଥିବା ବେଳେ ଜଣେ ପ୍ରାର୍ଥୀଙ୍କ ମୃତ୍ୟୁ ହୋଇଛି ।

ସ୍ଥାନୀୟ ୩ୟ ବାଟାଲିୟନ୍ରେ ଏହି ପରୀକ୍ଷା ଚାଲିଥିବା ବେଳେ ଆଜି ନୀଳ କୁମାର ରାୟ ନାମକ ଯୁବକ ୫ କିମି ଦୌଡ଼ିବା ପରେ ଅସୁସ୍ଥ ହୋଇପଡ଼ିଥିଲେ ।

ସେଠାରେ ଥିବା ଡ଼ାକ୍ତର ତୁରନ୍ତ ତାଙ୍କର ପ୍ରାଥମିକ ଚିକିତ୍ସା କରିଥିଲେ ଏବଂ ପରେ କୋରାପୁଟ ମୁଖ୍ୟ ଡ଼ାକ୍ତରଖାନାକୁ ନେଇଥିଲେ । ତେବେ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ସଂପୃକ୍ତ ଯୁବକ ଜଣ ଜଗତସିଂହପୁର ଜିଲ୍ଲାର ବୋଲି ଜଣାପଡ଼ିଛି ।

ଗତ ୧୧ ତାରିଖରୁ ଆରମ୍ଭ ହୋଇଥିବା ଏହି ଚୟନ ପରୀକ୍ଷାର ଆଜି ଶେଷଦିନ । ମୋଟ୍ ୩୮୭ଟି ପବୀ ପାଇଁ ଚୟନ ପରୀକ୍ଷା ଚାଲିଥିଲା ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।।ତାଦାତା

ଜୟପୁର,ମଇ ୧୦(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାର ଏକ ସ୍ଥାନରେ ଡ଼ଙ୍ଗା ବୁଡ଼ି ଯାଇ ନିଖୋଜ ହୋଇଯାଇଥିବା ଆଠ ଜଣଙ୍କ ମଧ୍ୟରୁ ଛଅ ଜଣଙ୍କ ମୃତ ଦେହ ଉଦ୍ଧାର କରାଯାଇଥିବା ପୋଲିସ ମଙ୍ଗଳବାର କହିଛି ।

ପୂର୍ବରୁ ଜଣଙ୍କର ମୃତ ଦେହ ଉଦ୍ଧାର କରାଯାଇଥିବା ବେଳେ ଓଡ଼୍ରାଫ ଦଳ ସୋମବାର ପାଞ୍ଚ ଜଣଙ୍କ ମୃତ ଦେହ ଉଦ୍ଧାର କରିଛନ୍ତି । ଅନ୍ୟ ଦୁଇ ଜଣ ବର୍ତ୍ତମାନ ମଧ୍ୟ ନିଖୋଜ ଅଛନ୍ତି ।

ରବିବାର ମଧ୍ୟାହ୍ନରେ ଲମତାପୁଟ୍ ଅର୍ନ୍ତଗତ କୋଲାବ ଜଳଭଣ୍ଡାରରେ ୧୨ ଜଣ ଲୋକଙ୍କୁ ନେଇ ଏକ ଡ଼ଙ୍ଗା ଝାଲାଞ୍ଜର ଗ୍ରାମକୁ ଯାଉଥିବା ବେଳେ ଏହା ଭାରସାମ୍ୟ ହରାଇ ବୁଡ଼ିଯାଇଥିଲା ।

ଏମାନଙ୍କ ମଧ୍ୟରୁ ୫ ଜଣ ପହଁରି କୂଳରେ ପହଞ୍ଚି ଥିଲେ ଓ ଅନ୍ୟ ୮ଜଣ ନିଖୋଜ ହୋଇଯାଇଥିଲେ । ମୃତକଙ୍କ ପରିବାରକୁ ରେଡ଼କ୍ରସ୍ ପକ୍ଷରୁ ପାଞ୍ଚ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କରାଯାଇଛି ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ଜୟପୁର,ମଇ ୯(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାର ଏକ ସ୍ଥାନରେ ଡ଼ଙ୍ଗା ବୁଡ଼ି ଯାଇ ନିଖୋଜ ହୋଇଯାଇଥିବା ଆଠ ଜଣଙ୍କ ମଧ୍ୟରୁ ପାଞ୍ଚ ଜଣଙ୍କ ମୃତ ଦେହ ଉଦ୍ଧାର କରାଯାଇଥିବା ପୋଲିସ ସୋମବାର କହିଛି ।

ଗତକାଲି ଜଣଙ୍କର ମୃତ ଦେହ ଉଦ୍ଧାର କରାଯାଇଥିବା ବେଳେ ଓଡ଼୍ରାଫ ଦଳ ଆଜି ଚାରି ଜଣଙ୍କ ମୃତ ଦେହ ଉଦ୍ଧାର କରିଛନ୍ତି । ଅନ୍ୟ ତିନି ଜଣ ବର୍ତ୍ତମାନ ମଧ୍ୟ ନିଖୋଜ ଅଛନ୍ତି । ବର୍ତ୍ତମାନ ମଧ୍ୟ ଉଦ୍ଧାର କାର୍ଯ୍ୟ ଜାରି ରହିଥିବା ଜଣେ ଅଧିକାରୀ କହିଛନ୍ତି ।

ରବିବାର ମଧ୍ୟାହ୍ନରେ ଲମତାପୁଟ୍ ଅର୍ନ୍ତଗତ କୋଲାବ ନଦୀରେ ୧୩ ଜଣ ଲୋକଙ୍କୁ ନେଇ ଏକ ଡ଼ଙ୍ଗା ଝାଲାଞ୍ଜର ଗ୍ରାମକୁ ଯାଉଥିବା ବେଳେ ଏହା ଭାରସାମ୍ୟ ହରାଇ ବୁଡ଼ିଯାଇଥିଲା ।

ଏମାନଙ୍କ ମଧ୍ୟରୁ ୫ ଜଣ ପହଁରି କୂଳରେ ପହଞ୍ଚିଥିଲେ ଓ ଅନ୍ୟ ୮ଜଣ ନିଖୋଜ ହୋଇଯାଇଥିଲେ । ମୃତକଙ୍କ ମଧ୍ୟରେ ନାବାଳିକାର ଅନ୍ୟମାନେ ମହିଳା ଥିବା ବୋଲି ପୋଲିସ କହିଛି ।

ଓଡିଶା ଡଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କୋରାପୁଟ,ଅପ୍ରେଲ ୨୭(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲା ପୋଲିସ ନିକଟରେ ବୁଧବାର ଜଣେ ମହିଳା ମାଓବାଦୀ ଆତ୍ମସମର୍ପଣ କରିଥିବା ଜଣେ ଅଧିକାରୀ କହିଛନ୍ତି ।

ପୋଲିସଦ୍ୱାରା ଗିରଫ ହୋଇଥିବା ମାଓନେତା ଘାସିର ପତ୍ନୀ ପୁଷ୍ପା ଆତ୍ମସମର୍ପଣ କରିଥିବା ବେଳେ ସେ ଦାମନଯୋଡ଼ି, ଆର୍.ଉୟଗିରି ଆକ୍ରମଣ,କାଲିମେଳା ଗୁଳିକାଣ୍ଡରେ ସଂପୃକ୍ତ ଥିବା ସେ କହିଛନ୍ତି ।

ଘାସି ଗିରଫ ହେବାପରେ ଅସୁସ୍ଥତା ଯୋଗୁଁ ସେ ଆତ୍ମସମର୍ପଣ କରିଥିବା ଏକ ସାମ୍ବାଦିକ ସମିଳନୀରେ କ୍ଷିଣ ପଶ୍ଚିମାଞ୍ଚଳ ଡିଆଇଜି ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି ।

ସେ ୨୦୦୫ରେ ମାଓବାଦୀ ସଂଗଠନରେ ସାମିଲ ହୋଇ ଓଡ଼ିଶା ମିଲିସିଆ ଗ୍ରୁପ ଏବଂ ଓଡ଼ିଶା-ଆନ୍ଧ୍ର ଜନନାଟ୍ୟ ମଣ୍ଡଳୀର ମୁଖ୍ୟ ଦାୟିତ୍ୱରେ ଥିଲା ବୋଲି ସେ କହିଛନ୍ତି । ତାକୁ ଧରାଇ ଦେବାକୁ ଆନ୍ଧ୍ର ସରକାର ଦୁଇ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କୋରାପୁଟ,ଅପ୍ରେଲ ୨୧(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲାର ଏକ ସ୍ଥାନରୁ ପୋଲିସ ଗୁରୁବାର ବିପୁଳ ପରିମାଣର ବିସ୍ଫୋରକ ସାମଗ୍ରୀ ଉଦ୍ଧାର କରିଥିବା ଜଣେ ଅଧିକାରୀ କହିଛନ୍ତି ।

ଦେଓମାଳି ଠାରୁ ତିନି କିଲୋମିଟର ଦୂରରେ ଏକ ଝରଣା ନିକଟରୁ ଦୁଇଟି ସ୍ଥାନରେ ବିଛାଯାଇଥିବା ଲ୍ୟାଣ୍ଡମାଇନ୍ ଓ ବିସ୍ଫୋରକ ସାମଗ୍ରୀ ଉଦ୍ଧାର କରାଯାଇଥିବା ଦକ୍ଷିଣପଶ୍ଚିମାଞ୍ଚଳ ଡିଆଇଜି ସୌମେନ୍ଦ୍ର ପ୍ରିୟଦର୍ଶୀ ସାମ୍ବାଦିକ ସମିଳନୀରେ କହିଛନ୍ତି ।

ଦେଓମାଳି ପର୍ବତରେ ମାଓବାଦୀ, ଚାଷୀମୂଲିଆ ଆଦିବାସୀ ସଂଘର ଏକ ବିରାଟ ସଭା ଅନୁଷ୍ଠିତ ହୋଇଥିବା ବେଳେ ସଭାସ୍ଥଳକୁ ପୋଲସକୁ ଯିବାକୁ ନଦେବା ପାଇଁ ଲ୍ୟାଣ୍ଡମାଇନ ବିଛାଯାଇଥିବା ସେ କହିଛନ୍ତି ।

ସେଠାରୁ ଡିଟୋନେଟର, ୧୮୦ଟି ଜିଲୋଟିନ୍ ଷ୍ଟିକ୍, ୩୦ ମିଟର ତାର ଏବଂ ୫୦ କିଗ୍ରାରୁ ଉଦ୍ଧ୍ୱର୍ ବିସ୍ଫୋରକ ଉଦ୍ଧାର କରାଯାଇଛି । ଏସ୍ପିଙ୍କ ନେତୃତ୍ୱରେ ଏକ ପୋଲିସ୍ ଟିମ୍ ଦେଓମାଳି ରାସ୍ତାରେ ଅନୁସଂଧାନ ପାଇଁ ଯାଇଥିବା ବେଳେ ଦୁଇଟି ସ୍ଥାନରୁ ଲ୍ୟାଣ୍ଡମାଇନ୍ ଓ ବିସ୍ଫୋରକ ସାମଗ୍ରୀ ପାଇଥିଲେ ।

ଓଡ଼ିଶା ଡ଼ଟ୍ କମ୍

ଓଡ଼ିଶା ଡ଼ଟ୍ କମ୍ ସମ୍ବ।ଦଦାତା

ଭୁବନେଶ୍ୱର, ଅପ୍ରେଲ ୧୬(ଓଡ଼ିଶା ଡ଼ଟ୍ କମ୍) କେନ୍ଦ୍ର ସରକାରଙ୍କ ଅଧିନରେ ପରିଚାଳିତ ନବରତ୍ନ ମାନ୍ୟତାପ୍ରାପ୍ତ ନ୍ୟାସନାଲ ଆଲୁମିନିୟମ କମ୍ପାନୀ(ନାଲ୍କୋ)ର ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ଯୋଗୁଁ କୋରାପୁଟ ଜିଲ୍ଲାର ଅଧିକାଂଶ ରୋଗୀ ଉପକୃତ ହୋଇଛନ୍ତି ।

କମ୍ପାନୀ କର୍ପୋରେଟ୍ ସୋସିଆଲ ରେସ୍ପନ୍ସିବିଲିଟି(ସିଏସ୍ଆର୍) ଯୋଜନାରେ ଗୁରୁତ୍ୱ ପ୍ରଦାନ କରି ଏହାର ପ୍ରକଳ୍ପ ସଂଲଗ୍ନ ଅଞ୍ଚଳରେ ଥିବା ଗ୍ରାମ ଗୁଡ଼ିକରେ ସ୍ୱାସ୍ଥ୍ୟ ସେବା ବ୍ୟବସ୍ଥା କାର୍ଯ୍ୟକାରୀ କରିଛି ।

ବିଶେଷ କରି କୋରାପୁଟ ଜିଲ୍ଲାରେ ଯେଉଁଠାରେ କମ୍ପାନୀର ଖଣି ଓ ବିଶୋଧନ ପ୍ରକଳ୍ପ କାର୍ଯ୍ୟ କରୁଛି ସେହି ଅଞ୍ଚଳରେ ଥିବା ଦୁର୍ଗମ ଅଞ୍ଚଳକୁ କମ୍ପାନୀ ପକ୍ଷରୁ ଭ୍ରାମ୍ୟମାଣ ଚିକିତ୍ସା ସୁବିଧା ଯୋଗାଇ ଦିଆଯାଇଛି ।

ଗତ ଦୁଇ ବର୍ଷ ମଧ୍ୟରେ ନାଲ୍କୋ ପକ୍ଷରୁ ୮୨୦ଟି ଭ୍ରାମ୍ୟମାଣ ସ୍ୱାସ୍ଥ୍ୟ ଶିବିର ।ମନଯୋଡ଼ିର ପାରିପାର୍ଶିକ ୧୬୦ଟି ଗ୍ରାମରେ ଆୟୋଜନ କରାଯାଇଥିବା କମ୍ପାନୀ ପକ୍ଷରୁ ଏକ ବିଜ୍ଞପ୍ତିରେ କୁହାଯାଇଛି ।

କୋରାପୁଟ, ନାରାୟଣପାଟଣା, ଶମନ୍ତପୁର, ସେମିଳିଗୁଡ଼ା ଓ ଲକ୍ଷ୍ମୀପୁର ବ୍ଲକରେ ଭ୍ରାମ୍ୟମାଣ ସ୍ୱାସ୍ଥ୍ୟ କେନ୍ଦ୍ର ଜରିଆରେ ସ୍ୱାସ୍ଥ୍ୟ ସେବା ଯୋଗାଇ ଦିଆଯାଇଛି । ଏହି ଶିବିର ମାଧ୍ୟମରେ ୪୮,୦୦୦ ରୋଗୀଙ୍କ ଚିକିତ୍ସା କରାଯାଇ ମାଗଣାରେ ଔଷଧ ବଣ୍ଟନ କରାଯାଇଛି ।

ଭ୍ରାମ୍ୟମାଣ ଚିକିତ୍ସା କେନ୍ଦ୍ର ସହିତ ଯାଉଥିବା ଚିକିତ୍ସକ, ଫାର୍ମାସିଷ୍ଟ ଓ ଅନ୍ୟ କର୍ମଚାରୀମାନେ ପାରିପାର୍ଶିକ ଅଞ୍ଚଳରେ ଥିବା ସମସ୍ତ ଗ୍ରାମକୁ ସପ୍ତାହରେ ଛଅ ଦିନ ଯାଇଥାନ୍ତି ।

ଏହାବ୍ୟତୀତ ଜିଲ୍ଲାର ବିଭିନ୍ନ ଉନ୍ନୟନମୂଳକ କାର୍ଯ୍ୟ ପାଇଁ ଜିଲ୍ଲା ପ୍ରଶାସନ ମାଧ୍ୟମରେ ମଧ୍ୟ ନାଲ୍କୋ ଆର୍ଥିକ ସହାୟତା ଓ ଅନ୍ୟାନ୍ୟ ସୁବିଧା ସୁଯୋଗ ଯୋଗାଇ ଆସୁଛି ।

୨୦୦୮-୦୯ରେ ବିଭିନ୍ନ ଯୋଜନା ମାଧ୍ୟମରେ କମ୍ପାନୀ ୧୪.୩୩ କୋଟି ଟଙ୍କା ଖର୍ଚ୍ଚ କରିଥିବା ବେଳେ ୨୦୦୯-୧୦ରେ ୫.୯ କୋଟି ଟଙ୍କା ପ୍ରାନ କରିଛି ।

ସଂପୃକ୍ତ ଅଞ୍ଚଳରେ ପାରିପାର୍ଶିକ ଉନ୍ନୟନ ଏବଂ ଥଇଥାନ ଯୋଜନା ପାଇଁ ଗଠନ କରାଯାଉଥିବା ପରାମର୍ଶଦାତା କମିଟି କ୍ଷିଣାଞ୍ଚଳ ଆର୍ଡ଼ିସିଙ୍କ ଅଧିନରେ କାର୍ଯ୍ୟ କରୁଛି ।

ଓଡିଶା ଡଟ୍ କମ୍

 

ଓଡ଼ିଶା ଡ଼ଟ୍ କମ୍ ସମ୍ବାଦଦାତା

କୋରାପୁଟ, ଜାନୁୟାରୀ ୧୧(ଓଡ଼ିଶା ଡ଼ଟ୍ କମ୍) କୋରାପୁଟ ଜିଲ୍ଲା ନାରାୟଣପାଟଣାର ଏକ ସ୍ଥାନରେ ମଙ୍ଗଳବାର ମାଓବାଦୀଙ୍କ କ୍ଲେମର ମାଇନ ବିସ୍ଫୋରଣରେ ତିନି ଜଣ ଆହତ ହୋଇଥିବା ପୋଲିସ କହିଛି ।

ଦୁଇ ଜଣ କୃଷି ଅଧିକାରୀ କୃଷକ ସଂପର୍କ ମେଳାରେ ଯୋଗଦେବା ପାଇଁ ଏକ ଜିପ୍ ରେ ଜୟପୁରରୁ ନାରାୟଣପାଟଣା ଯାଉଥିବା ବେଳେ ପାଲାପୁଟ ଠାରେ ମାଓବାଦୀମାନେ ଏହି ବିସ୍ଫୋରଣ ଘଟାଇଛନ୍ତି ।

ଏଥିରେ ଦୁଇ କୃଷି ଅଧିକାରୀ ଓ ଜିପର ଡ଼୍ରାଇଭର ଆହତ ହୋଇଥିବା ବେଳେ ଜିପ୍ ଟି ଆଂଶିକ କ୍ଷତିଗ୍ରସ୍ତ ହୋଇଛି । ଆହତ ମାନଙ୍କୁ ସ୍ଥାନୀୟ ଡ଼ାକ୍ତରଖାନାରେ ଭର୍ତ୍ତି କରାଯାଇଛି ।

ଓଡ଼ିଶା ଡ଼ଟ୍ କମ୍